Nürnberq Tribunalında məhkəmə zalı, arxiv şəkıli

Nürnberq Tribunalının yekunlarına yenidən baxılacaq: Qərb SSRİ-nin rolunu inkar edir

31
(Yenilənib 19:09 03.07.2020)
Rusiya Federasiyası İstintaq Komitəsinin rəhbəri Aleksandr Bastrıkin deyib ki, Qərb faşizm üzərində Qələbədə SSRİ-nin əsas roluna məhəl qoymayaraq, yalnız ABŞ və Böyük Britaniyanın töhfələrindən danışır, Nürnberq Tribunalının yekunlarını təftiş etməyə çalışır.

BAKI, 3 iyul — Sputnik. Qərb rəsmiləri faşizm üzərində Qələbəyə yalnız ABŞ və Britaniyanın verdiyi töhfələrdən danışaraq Nürnberq Tribunalının yekunlarına yenidən baxmağa cəhd edirlər. Sputnik Azərbaycan-ın məlumatına görə, bunu RİA Novosti-yə Rusiya Federasiyası İstintaq Komitəsinin rəhbəri Aleksandr Bastrıkin bildirib.

"Tarixi tamamilə başqa formada təqdim etməyə çoxlu cəhdlər görürük. Məsələn, Qərb ölkələrinin rəsmiləri İkinci Dünya Müharibəsinin nəticələrinə yekun vurarkən, faşizm üzərində Qələbədə SSRİ-nin əsas roluna məhəl qoymayaraq, yalnız ABŞ və Böyük Britaniyanın töhfələrindən danışırlar, Nürnberq Tribunalının yekunlarını təftiş etməyə çalışdıqlarını deyirlər", - deyə o bildirib.

Aleksandr Bastrıkinin sözlərinə görə, bütün hərbi cinayətkarlar Nürnberq Tribunalı tərəfindən qınanılmayıb, bəziləri gizləniblər. Bütün günahkarları - həm sağ olanları, həm də ölənləri müəyyənləşdirmək lazımdır.

"Qarşımızda bir neçə vəzifə var. Nürnberqdə və müharibədən sonrakı digər proseslərdə beynəlxalq hərbi tribunal tərəfindən heç də bütün cinayətkarlar pislənilməyib: qəddar cinayətlərin törədilməsində təqsirli olan bir çox nasistlər, təəssüf ki, ədalət mühakiməsindən gizlənməyə və cəzadan qaçmağa müvəffəq olublar", - deyə Bastrıkin bildirib.

O, cəzanın labüdlüyü prinsipini həyata keçirməklə bütün günahkarların müəyyənləşdirilməsinin davam etdirilməsinin zəruriliyini qeyd edib.

"Sağ qalıb-qalmamalarından asılı olmayaraq, biz bu adları çəkməli və bu şəxslərin nə etdiklərini göstərməliyik", - deyə İK başçısı əlavə edib.

O, bəyan edib ki, Rusiya Federasiyası istintaq Komitəsinin nasistlərin cinayətlərinin araşdırması milli və beynəlxalq hüquq normalarına əsaslanır.

"Rusiya istintaqı milli qanunvericilik və beynəlxalq hüquq normalarına əsaslanır", - deyə Bastrıkin müharibə illərində baş vermiş cinayətlərin günahkarlarının hansı qanunlarla cavab verməli olduqları barədə suala cavabında bildirib.

O xatırladıb ki, milli qanunvericilik sahəsində nasist işğalçılarının və onların əlaltılarının cinayətlərinə görə cinayət məsuliyyəti 1943-cü ildə SSRİ Ali Soveti Rəyasət Heyətinin "Sovet vətəndaşlarının və qızıl ordu əsirlərinin öldürülməsində və işgəncələrə məruz qalmasında təqsirli bilinən alman-faşist qəsbkarlarına, casuslara, vətənə xəyanət edən sovet vətəndaşlarına və onların əlaltılarına qarşı cəza tədbirləri haqqında" fərmanı ilə müəyyən edilib.

"Cinayətin təşkilatçıları və icraçıları ilə bağlı fərman alternativsiz olaraq ən yüksək cəza tədbirini - asılma yolu ilə ölüm cəzasını nəzərdə tuturdu. Rusiyanın Cinayət Məcəlləsində soyqırım cinayətinə görə əsas cəzanın yumşaq növlərini nəzərdə tutan məsuliyyət norması əksini tapıb. Burada cinayət qanununun geriyə qüvvəsinin tətbiqinə yol verilir", - deyə Bastrıkin bildirib.

O qeyd edib ki, Rusiya Federasiyası Cinayət Məcəlləsinin 357-ci maddəsinə əsasən nasizm cinayətləri faktlarını aşkar etməyə davam edəcək.

"İstintaq Komitəsi irqi üstünlük, nasizm ideyalarına əsaslanan cinayət əməlləri faktlarını aşkar etməyə və onlara, o cümlədən Rusiya Federasiyası Cinayət Məcəlləsinin 357-ci maddəsinə əsasən lazımi hüquqi qiymət verməyə fəal şəkildə davam edəcək, ", - deyə İK rəhbəri bildirib.

Bastrıkin xatırladıb ki, Nürnberq Beynəlxalq Hərbi Tribunalının Nizamnaməsinə əsasən, müharibəyə qədər və yaxud müharibə vaxtı mülki əhalinin qətlə yetirilməsi və işgəncələrə məruz qalması insanlığa qarşı cinayət hesab olunur. Konvensiyanın 1-ci maddəsinə əsasən 26 noyabr 1968-ci il tarixindən etibarən hərbi və insanlıq əleyhinə cinayətlərə qarşı iddia müddəti tətbiq olunmur.

Mövcud arxiv məlumatlarına görə, RSFSR ərazisində işğal dövründə 2 milyondan çox dinc əhali qəsdən məhv edilib. Bütün faktlar araşdırılmayıb, bütün şəxslər müəyyənləşdirilməyib və məhkəməyə cəlb edilməyib. Axtarış dəstələrinin apardığı qazıntılar və arxivlərin üzərindən məxfiliyin qaldırılması sayəsində Novqorod vilayətində, Krasnodar diyarında, Rostov vilayətində dinc əhalinin kütləvi şəkildə qətlə yetirilməsi ilə bağlı faciəli hadisələrin təfərrüatları məlum oldu. Ötən il İK 30 mindən çox sovet vətəndaşının məhv edilməsi barədə cinayət işi qaldırıb.

31
Koronavirus xəstəsi, arxiv şəkli

Ermənistanda koronavirusa yoluxanların sayı 165 mini keçdi

11
(Yenilənib 12:50 20.01.2021)
Dünyada koronavirus infeksiyasına indiyədək yoluxanların sayı 96,1 milyonu keçib, 2,05 milyondan çox adam isə virus səbəbi ilə ölüb.

BAKI, 20 yanvar — Sputnik. Ermənistanda koronavirusa yoluxanların sayı 165221-ə çatıb. Sputnik Ermənistan xəbər verir ki, bu barədə Ermənistanın Xəstəliklərə Nəzarət və Profilaktika üzrə Milli Mərkəzinin yaydığı məlumatda bildirilib.

Məlumatda qeyd olunub ki, bir gündə bu virusa yoluxanların sayı daha 309 nəfər artıb.

Ermənistanda son gündə daha 9 nəfər ölüb. Ümumilikdə bu virusdan ölənlərin sayı 3016-ya çatıb. Xəstəlikdən sağalanların sayı 153857 nəfər olub. Hazırda bu ölkədə 7607 nəfər xəstəxanada müalicə alır.

Xatırladaq ki, koronavirus infeksiyası ötən ilin dekabrında Çinin Uhan şəhərində yayılmağa başlayıb. Hazırda virus dünyanın əksər regionları və ölkələrində yayılıb. Dünyada koronavirus infeksiyasına indiyədək yoluxanların sayı 96,1 milyonu keçib, 2,05 milyondan çox adam isə virus səbəbi ilə ölüb.

Ümumdünya Səhiyyə Təşkilatı (ÜST) fevralın 11-də infeksiyanın törətdiyi xəstəliyin adını COVID-19 qoyub, martın 11-də isə koronavirusu pandemiya elan edib.

11
Teqlər:
Ermənistan, Koronavirus, epidemiya, COVID-19
Əfqanıstanda ABŞ hərbçiləri, arxiv şəkli

"Rusiyaya qalib gəlməyin yolunu tapmışıq": Pentaqon nəyə cəhd göstərir?

23
(Yenilənib 09:59 20.01.2021)
"Secure World Foundation"-ın kosmik təhlükəsizlik məsələləri üzrə eksperti Brayan Uiden xatırladır ki, uzun uçuşlarda nüvə enerjisi olmadan keçinmək mümkün deyil. Gələcəkdə yerdən kənar ilk koloniyalar üçün də reaktorlara ehtiyac olacaq.

 

BAKI, 19 yanvar — Sputnik, Andrey Kots. Amerikalılar nüvə enerjisinin hərbi istiqamətini inkişaf etdirmək qərarına gəliblər. Hələlik hakimiyyətdə olan ABŞ Prezidenti Donald Tramp hərbi qüvvələr və kosmik tədqiqatlar üçün kompakt nüvə reaktorlarının hazırlanması barədə fərman imzalayıb. Beləliklə, ABŞ son yarım əsrdə ilk dəfə olaraq atom enerjisindən təkcə Hərbi Dəniz Donanmasında istifadə etməyəcək. Bəs Vaşinqtonu bu addımı atmağa nə vadar edir: Sualın cavabı RİA Novosti-nin növbəti materialında.

Rezerv mənbə

ABŞ Silahlı Qüvvələrinin sualtı qayıqlar və təyyarə gəmiləri artıq nüvə reaktorları ilə təchiz edilib. Bunun sayəsində Amerika donanmasının ən nəhəng vımpelləri, demək olar ki, məhdudiyyətsiz dənizlərdə qala bilir.

Digər ölkələrin hərbi dəniz donanmaları da nüvə enerjisindən istifadə edir. Məsələn, Fransanın nüvə mühərrikli təyyarə gəmisi "Şarl de Qoll" və Rusiyaya məxsus ağır raket kreyseri "Pyotr Velikiy". Bununla belə, ABŞ-ın nüvə mühərrikli gəmiləri daha çoxdur. Amerikalılar bu yolda əldə etdikləri ilə kifayətlənmək fikrində deyillər.

Prezident Trampın göstərişi ilə Müdafiə Nazirliyi ölkədəki bir hərbi obyektdə kiçik nüvə reaktorlarını nümayiş etdirmək üçün plan hazırlayacaq və onu reallaşdıracaq, həmçinin aşağı güclü mobil reaktoru sınaqdan keçirəcək. Bu cür enerji mənbələri Günəş enerjisindən istifadənin qeyri-mümkün olduğu yerlərdə və müdafiə sahəsində dərin kosmik tədqiqatlar üçün əvəzolunmazdır", – deyə Ağ Evin mətbuat xidməti məlumat verib.

Kiçik nüvə reaktorunun nəyə lazım olduğu açıqlanmır. "Defensenews.com" portalının ekspertləri belə hesab edirlər ki, söhbət ordu bazalarının ehtiyat enerji təchizatından gedir. Əgər hərbi obyektdə elektrik olmasa, reaktor mühüm əhəmiyyətli cihazları enerji ilə təmin edəcək. Fərmana əsasən, ilk prototipin sınaqlarına altı ay ərzində başlanmalıdır. Mütəxəssislərin fikrincə, sınaqlar ABŞ-ın ən böyük poliqonlarından biri olan Nevadadakı hərbi meydançada sınaqdan keçiriləcək.

Kosmosun fəthi

"Secure World Foundation"-ın kosmik təhlükəsizlik məsələləri üzrə eksperti Brayan Uiden xatırladır ki, uzun uçuşlarda nüvə enerjisi olmadan keçinmək mümkün deyil. O cümlədən, Aya, Marsa və başqa planetlərə uçuşlarda da. Gələcəkdə Yerdən kənar ilk koloniyalar üçün də reaktorlara ehtiyac olacaq. Bəzi mütəxəssislər yeni texnologiyaların orbital silah platformalarında istifadə edilə biləcəyinə də inanır. Prinsipcə, bu ssenari kosmosun potensial döyüş meydanı olduğunu düşünən ABŞ Kosmik Qüvvələrinin kifayət qədər aqressiv doktrinasına uyğun gəlir.

"Məncə, bu amerikalılara, ilk növbədə, kosmik məqsədlər üçün lazımdır," - deyə "Orsenal Oteçestva" jurnalının baş redaktoru Viktor Muroxovski RİA Novosoti-yə müsahibəsində bildirib. "Atom reaktoru" söz birləşməsi müxtəlif mənalarda işlənə bilər. Birincisi, bu uranın parçalanması ilə müşayiət olunan zəncirvari reaksiyaya əsaslanan cihazdır. Rusiyada "Burevestnik" və "Poseydon" üçün artıq oxşar qurğular yaradılıb. İkincisi, peyklərdə, radio mayaklarında və hava stansiyalarında istifadə olunan izotopik nüvə enerji mənbələridir. Onlar daha az effektli olsalar da, güclü radiasiya yaymırlar", Mütəxəssis 1950-60-cı illərdə həm ABŞ-da, həm də SSRİ-də təyyarələr üçün kompakt nüvə reaktoru hazırlamağa cəhd göstərildiyini xatırladır. Bununla birlikdə, həmin layihələrdən imtina edildi - hətta ən böyük təyyarə belə heyətin bioloji müdafiə sistemini çəkib aparmağa qadir deyil. Bu səbədən də böyük təyyarələrdə reaktorların tətbiqi məhdudlaşdırılıb", - V.Muroxovski əlavə edib.

Muraxovskinin sözlərinə görə, indiyə kimi heç bir ölkə pilotlu təyyarələrdə, kiçik tonnajlı gəmilərdə və yerüstü nəqliyyat vasitələrində istifadə edilə bilən kompakt reaktor yaratmağa nail olmayıb.

Radiasiya problemi

Vaxtilə nüvə enerji qurğusu qitələrarası strateji bombardmançı təyyarələri olan "Convair B-36"-lar üçün də işlənib hazırlamışdı. "Convair B-36"-lar 1949-59-cu illərdə ABŞ Hərbi Hava Qüvvələrinin silahlandırmasına daxil edilmişdi.

NB-36H uçan laboratoriyasının burun hissəsinə 12 tonluq qoruyucu kapsul quraşdırılmışdı. Gücü 1 meqavat, diametri 1,2 metr və ağırlığı 16 ton olan sürətli neytron reaktoru bomba yuvasına yerləşdirilirdi. O, uçuş zamanı buraxılmalı və təyyarənin göyərtəsindəki hava girişlərindən daxil olan atmosfer havası ilə soyudulmalı idi. Eksperiment maşını 47 uçuş yerinə yetirdi, lakin nüvə mühərriki yalnız qısa müddət ərzində işə salındı.

Əslində, kifayət qədər cəlbedici ideya idi. Əlavə yanacaqdoldurma həyata keçirilmədən bir neçə sutka havada qala bilən belə uçan aparatdan strateji bombardmançı və ya kəşfiyyat təyyarəsi kimi istifadə oluna bilərdi. Lakin problemlər də az deyildi. Birincisi, hər bir atom təyyarəsi, əslində, ona sahib olan ölkənin öz ərazisinə də düşə biləcək "çirkli" bombadır. İkincisi, "eksperiment göyərtəsi" həm də havada özü ilə birgə radioaktiv maddələr daşıyırdı. Nəhayət, hər bir halda şəxsi heyət ciddi şüalanmaya məruz qalırdı.

ABŞ-da yerüstü texnikaya da nüvə reaktoru quraşdırmağa cəhd göstərilib. Bu 25 tonluq "Chrysler TV-8" tankı heç vaxt kütləvi şəkildə istehsal edilməyib - standart sistemlərin yalnız bir hissəsi ilə təchiz olunmuş tam ölçülü maket şəklində mövcud olub. Tank kiçik bir nüvə reaktorunun qızdırdığı buxar mühərriki ilə idarə edilməli idi. Bununla belə, tank çox mürəkkəb mexanizm hesab edildi, onun döyüş qabiliyyəti isə ənənəvi nəqliyyat vasitələrindən imtina etmək üçün yetərsiz sayıldı. Beləliklə, 1956-cı il aprelin 23-də layihə ləğv olundu.

23
Müharibə iştirakçılarının reabilitasiyası

Şəhid müharibə iştirakçılarının ailələrinə dəstək davam edir

0
(Yenilənib 15:07 20.01.2021)
3200-dən çox şəxsə Əmək və Əhalinin Sosial Müdafiəsi Nazirliyi tərəfindən sosial-psixoloji dəstək və reabilitasiya xidməti göstərilib.

BAKI, 20 yanvar — Sputnik. Vətən müharibəsində şəhid olmuş qəhrəmanlarımızın ailə üzvləri, müharibə iştirakçıları, müharibədən zərər çəkənlər, erməni terroruna məruz qalanlardan ibarət olmaqla artıq 3200-dən çox şəxs Əmək və Əhalinin Sosial Müdafiəsi Nazirliyi tərəfindən sosial-psixoloji dəstək və reabilitasiya xidməti ilə əhatə olunub.

Nazirlikdən Sputnik Azərbaycan-a verilən məlumata görə, qeyd olunan kateqoriyalara aid 2500 ailə ilə görüşülüb, psixoloqlardan ibarət qruplar tərəfindən onlardan ehtiyacı olan 1840 ailə ilə fərdi və ailə terapiyası, psixokorreksiya işləri aparılıb. Həmçinin "Onlayn psixoloji dəstək xidməti"nə daxil olmuş 610 zəng üzrə evlərinə gedilməklə psixoloji dəstək tədbirləri görülüb. Eyni zamanda, Nazirliyin reabilitasiya müəssisələrində 20-si şəhidlərin və yaralı hərbçilərin uşaqları, qalanları hərbi qulluqçular olmaqla 300-dən çox şəxsə, Bakı Sağlamlıq Mərkəzində və Sərhəd Qoşunları Hospitalında müalicə olunanlardan 28 hərbi qulluqçuya sosial-psixoloji reabilitasiya xidmətləri göstərilib.

125 hərbi qulluqçu 530-dan çox reabilitasiya vasitəsi, 7 nəfər yaralanmış qazi əlil arabası, 6 hərbçi yüksək texnologiyalı 8 müasir protezlə təmin edilib.

0