Milyarderin şirkətinə ittiham - etirazçıları kərpiclə təmin edib

12
(Yenilənib 11:01 14.06.2020)
Məlumatı yerli polisin də təsdiqləməyinə baxmayaraq, bu, internetdə şayiələrin yaranmasının qarşısını ala bilməyib

BAKI, 14 iyun — Sputnik. Milyarder Uorren Baffetin Berkshire Hathaway sərmayə holdinqinə daxil olan Acme Brick tikinti şirkəti etiraz edən amerikalıları kərpiclə təmin etməkdə günahlandırılır.

Sputnik Azərbaycan bildirir ki, bu barədə Bloomberg yazır.

Qeyd olunur ki, iyunun əvvəlində Twitter-də Acme Brick şirkətinin əleyhinə məlumat paylaşılıb. Məlumatda deyilirdi ki, bu şirkətə məxsus, içi kərpiçlə dolu altlıqlar iğtişaşların baş verdiyi Dallas ətrafındakı küçələrdə qəsdən qoyulub. Məlumatı şirkətin marketinq direktoru Britt Stouks görüb. O, sifarişi yoxlayaraq kərpiclərin ev sahibləri assosiasiyaları tərəfindən hasar təmiri məqsədilə alındığını müəyyən edib. 

Məlumatı yerli polisin də təsdiqləməyinə baxmayaraq, bu, internetdə şayiələrin yaranmasının qarşısını ala bilməyib. Tezliklə oxşar şayiələr digər sosial şəbəkə və KİV-lərdə yayılıb. Bir müddət sonra “sirli” kərpiclər haqda Fox News danışıb. Kərpiclərlə etirazçıları bir-birinə “bağlayan” viruslu çarxlardan ibarət video Ağ Evin hesabında da peyda olub, ancaq 1 milyondan çox baxış sayı yığandan sonra pozulub.

Şirkət bütün ittihamları rədd edib. “Acme Brick tikintiylə məşğuldur, dağıtmaqla yox”, - deyə şirkətdən bildirilib.

ABŞ-ın onlarla şəhərində qaradərili Corc Floydun həbs zamanı polis tərəfindən öldürülməsinə etiraz olaraq kütləvi iğtişaşlar baş qaldırıb. Bir neçə ştatda etirazçılar obyektləri dağıdır, yandırır, oğurluq, quldurluq edirlər. Odlu silahdan istifadə halları kəskin artıb. Onlar baş verən hadisədə polisləri və irqçi dünyagörüşlü cəmiyyəti günahlandırırlar.

12
Əlaqədar
ABŞ-da daha bir inanılmaz olay yaşanıb - VİDEO
Mifdir: Zaxarova ABŞ-dakı etirazlara görə Rusiyanın günahlandırılmasını şərh edib
ABŞ-da etirazlar: Məsələyə "Ku Kluks Klan" da qarışdı
Makron irqçilikdən gileyləndi: "Xəstəlikdir"
Amerika qəhrəmanlarına qarşı: Niyə orada polisdən xilas olmaq istəyirlər
Türkiyə Prezidenti Rəcəb Tayyib Ərdoğan, arxiv şəkli

Ərdoğan Yunanıstan qəzetini məhkəməyə verdi

11
(Yenilənib 23:55 21.09.2020)
Türkiyə Prezidenti Rəcəb Tayyib Ərdoğanın maraqlarını qoruyan vəkillər Yunanıstanın "Demokratiya" qəzetini onun haqqında məqaləyə təhqiredici başlıq qoyduqlarına görə məhkəməyə veriblər.

BAKI, 21 sentyabr — Sputnik. Türkiyə Prezidenti Rəcəb Tayyib Ərdoğanın maraqlarını qoruyan vəkillər Yunanıstanın "Demokratiya" qəzetini onun haqqında məqaləyə təhqiredici başlıq qoyduqlarına görə məhkəməyə veriblər. Bu barədə Sputnik Azərbaycan "Yeni Safak" nəşrinə istinadən xəbər verir.

"Qəzetdə prezidentimizə qarşı istifadə edilən ifadələr mənəviyyatın ən iyrənc şəkildə enməsini nümayiş etdirir. Yunan cəmiyyətinin susqunluğuna baxsanız, bu enişin onun marginal təbəqələrinin hüdudlarından kənara çıxdığı aydın olur", - deyə məhkəməyə təqdim olunan iddia ərizəsində bildirilir.

Həmçinin qeyd olunur ki, təhqir – digər sözləri tapmayanların dilidir və haqqında danışılan yox, onu səsləndirənlərin özü üçün rüsvayçılıqdır.

Qeyd edək ki, sentyabrın 18-də Yunanıstanın "Demokratiya" qəzeti ilk sərlövhəsində türk dilində Ərdoğana müraciət yer alıb. Türk dilini bilməyən oxucular üçün isə redaksiya aşağı hissədə sözün ingiliscə tərcüməsini verib.

Cümə günü Türkiyənin Xarici İşlər naziri Mövlud Çavuşoğlu bildirib ki, məqalə ilə bağlı Yunanıstanın Ankaradakı səfiri Mixail-Xristos Deamessis XİN-ə çağırılıb.

11
Teqlər:
Türkiyə prezidenti Rəcəb Tayyib Ərdoğan, Rəcəb Tayyib Ərdoğan
Əlaqədar
Putinlə Ərdoğan Suriya və Liviyanı müzakirə ediblər
Ərdoğan Ermənistanın təcavüzünün qarşısını almayan ölkələri riyakar adlandırdı
Ərdoğan: "Ankara regionda səhnəarxası oyunlardan yorulub"
Türkiyənin Xarici İşlər naziri Mövlud Çavuşoğlu

Mövlud Çavuşoğlu: "Ermənistanı ağlını başına toplamağa çağırıram"

16
(Yenilənib 23:33 21.09.2020)
Türkiyə Xarici işlər naziri Mövlud Çavuşoğlu Ermənistanı hücumları dayandıraraq, ağlını bağına toplamağa çağırıb.

BAKI, 21 sentyabr — Sputnik. Ermənistanın hücumu nəticəsində bu gün şəhid olan kiçik çavuş Elşən Məmmədova Allahdan rəhmət, ailəsinə və qardaş Azərbaycan xalqına başsağlığı verirəm.

Sputnik Azərbaycan-ın məlumatına görə, Türkiyə Xarici işlər naziri Mövlud Çavuşoğlu bu sözlərlə Azərbaycan xalqı ilə həmrəyliyini ifadə edib.

Nazir sosial şəbəkə hesabından yazıb:

"Ermənistanı hücumları dayandıraraq, ağlını bağına toplamağa çağırıram. Can Azərbaycanın haqlı mübarizəsində daim yanındayıq".

Xatırladaq ki, sentyabrın 21-də saat 09:20 radələrində Ermənistan-Azərbaycan dövlət sərhədinin Tovuz istiqamətində düşmənin növbəti təxribatı nəticəsində Azərbaycan Ordusunun müddətdən artıq həqiqi hərbi hərbi qulluqçusu, 1982-ci il təvəllüdlü kiçik çavuş Məmmədov Elşən Əli oğlu şəhid olub.

16
 Hotel, arxiv şəkli

Pandemiya dövründə mehmanxana restoranlar: problemləri necə həll etməli

0
(Yenilənib 00:16 22.09.2020)
Koronavirusun “ikinci dalğa”sının gözləntiləri fonunda mehmanxana və restoranların yeni şərtlərdə iş perspektivləri hələ də aydın deyil

BAKI, 22 sentyabr — Sputnik. Koronavirus pandemiyasının qarşısının alınması məqsədilə görülən sərt tədbirlər iqtisadiyyatın bir çox sahələri kimi, restoran və mehmanxana biznesinə də ciddi zərər vurub. Bildirilir ki, sərt karantin tədbirlərindən ən çox onlar əziyyət çəkib.

Ancaq  sentyabrdan karantin rejimi, xüsusilə bu sahə ilə bağlı xeyli yumşaldılıb. Eyni zamanda koronavirusun “ikinci dalğa”sının gözləntiləri fonunda mehmanxana və restoranların yeni şərtlərdə iş perspektivləri hələ də aydın deyil. 

Otel və restoranların fəaliyyətlərinin hansı istiqamətdə dəyişdiyi, dövlətin onlara hansı dəstəyi göstərməsi, müştəri bazasının nə dərəcədə azalması və s. barədə suallara sentyabrın 24-ü saat 12:00-da Sputnik Azərbaycan Multimedia Mətbuat Mərkəzində keçiriləcək mətbuat konfransında Azərbaycan Otellər və Restoranlar Assosiasiyası idarə heyətinin sədri Samir Dübəndi aydınlıq gətirəcək.

Spikerə suallarınızı əvvəlcədən ivelizade@gmail.com elektron poçtuna göndərərək ünvanlaya bilərsiniz.

Tədbir Sputnik Azərbaycan-ın Facebook səhifəsində canlı yayımlanacaq. 

Əlaqə:

Telefonlar: 404-13-84/85

Sputnik Azərbaycan Multimedia Mətbuat Mərkəzi bu ünvanda yerləşir: Mətbuat prospekti, 529-cu məhəllə, 23 M, 4-cü mərtəbə.

0