COVİD-19-dan ölən şəxs, arxiv şəkli

Koronavirus “yarışı”: 12 min adamla dördüncü yerə çıxdılar

12
(Yenilənib 10:40 14.06.2020)
Cons Hopkins Universitetinin məlumatına əsasən, xəstələrin sayına görə Hindistan Böyük Britaniya, İtaliya və İspaniyanı geridə qoyaraq dördüncü pilləyə yüksəlib

BAKI, 14 iyun — Sputnik. Hindistanda bir sutka ərzində 11989 nəfərdə koronavirusa yoluxma təsbit olunaraq xəstələrin ümumi sayı 320922-yə çatıb.

Sputnik Azərbaycan RİA Novosti-yə istinadən bildirir ki, bu barədə ölkənin Səhiyyə və Ailə Xoşbəxtliyi Nazirliyi məlumat yayıb. 

Cons Hopkins Universitetinin məlumatına əsasən, xəstələrin sayına görə Hindistan Böyük Britaniya, İtaliya və İspaniyanı geridə qoyaraq dördüncü pilləyə yüksəlib.

Nazirlik bildirib ki, 149348 nəfər müalicədədir, sutka ərzində 9027, ümumilikdə 162378 adam sağalaraq evə buraxılıb. Bir sutkada 301, ümumilikdə isə 9195 nəfər COVID-19-dan dünyasını dəyişib.

Ən çox xəstə sayı Maharaştradadır, yoluxanların üçdə biri bu ştatda yaşayır – 104568 nəfər (sutkada 3427), Tamilnad 42687 nəfərlə (sutkada 1989) ikinci, Dehli dairəsi 38958 nəfərlə (sutkada 2134) üçüncüdür.

İyunun 8-də Hindistan yoluxanların sayının az olduğu bölgələrdə karantinin yumşaldılmasına qərar verib: məbədlər, otellər, restoranlar və ticarət mərkəzləri açılıb. Koronavirusun çox yayıldığı bölgələrdə isə karantin iyunun 30-dək uzadılıb.

Ümumdünya Səhiyyə Təşkilatı martın 11-də koronavirus epidemiyasını pandemiya elan edib. Qurumun son məlumatına görə, dünyada artıq 7.5 milyon insan koronavirusa yoluxub, 423 min nəfər koronavirusun səbəb olduğu COVID-19 xəstəliyindən ölüb.

12
Mövzu:
Yeni tip koronavirus pandemiyası (579)
Əlaqədar
Bütöv klinikanı əvəz edəcək: Türkiyədə ağıllı maska yaradıldı
Bioloq koronavirusun gizli əlamətlərindən danışdı – Təhlükə var
Mənbə tapılmır: Gürcüstanda koronavirusa yoluxanların yoluxma mənbəyi məlum deyil
Pekin yenidən sarsıdıcı xəbərlə silkələnir – Koronavirus paytaxta qayıtdı
Koronavirus mutasiya etdikcə daha təhlükəli olur
Mumiya, arxiv şəkli

Misirdə üzərində ginekoloji əməliyyat izi olan mumiya aşkarlanıb

12
Müəyyən edilib ki, qadın yüksək təbəqədən olub və onun adı Sattjeni A. olub. Sonuncu hərf qadını digərlərindən fərqləndirmək üçün olub.

BAKI, 17 yanvar — Sputnik. Qədim Misirdə üzərində ginekoloji əməliyyat izi olan mumiya aşkarlanıb.

Sputnik Azərbaycan xarici mətbuata istinadla xəbər verir ki, Qranada və Xaena universitetlərinin alimləri qadın mumiyası üzərində apardıqları araşdırma zamanı məlum olub ki, qadın ginekoloji əməliyyat keçirib.

Mumiyanın bizim eradan əvvəl 1878-1797-ci illərə aid olduğu bildirilir. Həmin şəxs sağlığında çanaq sümüyündən ciddi zədə alıb və güclü xəstəlikdən əziyyət çəkib. Yerli təbiblər onu sağaltmağa çalışıblar. Onlar qadın üzərində "fumiqasiya" əməliyyatı aparıblar. Belə ki, yaraya toksiki maddələr verərək, mikrobları öldürməyə çalışıblar.

Qeyd edək ki, bu üsul indi ancaq bitkilər üçün həyata keçirilir.

Müəyyən edilib ki, qadın yüksək təbəqədən olub və onun adı Sattjeni A. olub. Sonuncu hərf qadını digərlərindən fərqləndirmək üçün olub.

Çünki həmin dövrdə Sattjeni əhali arasında populyar ad olub. Mumiya qaya məzarlığında aşkarlanıb. Orada 11 yaxşı vəziyyətdə qalmış mumiya olub.

12
İsraildə epdimioloji vəziyyət

İsraildə “Pfizer” vaksini vurulan 13 nəfər üz iflici olub

15
Ötən ilin 20 dekabr tarixində İsraildə yeni növ koronavirus (COVID-19) infeksiyasına qarşı kütləvi vaksinasiya prosesinə başlanılıb.

BAKI, 17 yanvar - Sputnik. İsraildə yeni növ koronavirus infeksiyasına qarşı “Pfizer” vaksini ilə peyvənd olunan 13 nəfər üz iflici olub.

“Report”un məlumatına görə, bu barədə “The Jerusalem Post” İsrail Səhiyyə Nazirliyinin hesabatına istinadən xəbər verib.

Nazirlik bildirib ki, üz iflici olanların sayı daha çox ola bilər.

Qeyd edək ki, ötən ilin 20 dekabr tarixində İsraildə yeni növ koronavirus (COVID-19) infeksiyasına qarşı kütləvi vaksinasiya prosesinə başlanılıb. İlk olaraq İsrailin Baş naziri Binyamin Netanyahu peyvənd olunub.

15

İki gün əvvəl ordudan tərxis olunan könüllü əsgər ölüb

0
Onun səhhətində problem yarandığı üçün iynə vurulub. İynədən sonra anafilaktik şok keçirən İbrahim Mirzəzadə dünyasını dəyişib.

BAKI, 17 yanvar - Sputnik. Lənkəran rayonunun Göyşaban kəndindən Vətən müharibəsinə könüllü olaraq qatılan Mirzəzadə İbrahim Rüfət oğlu bu gün vəfat edib.

“Report”un verdiyi xəbərə görə, mərhum iki gün əvvəl səfərbərlik üzrə hərbi xidmətdən tərxis edilib.

İlkin məlumata görə, onun səhhətində problem yarandığı üçün iynə vurulub. İynədən sonra anafilaktik şok keçirən İbrahim Mirzəzadə dünyasını dəyişib.

Faktla bağlı araşdırma aparılır.

0