Gürcüstanda seçkilər, arxiv şəkli

Təhlükəli seçki! Pandemiya dövründə qutu başında

7
(Yenilənib 19:38 13.06.2020)
Müzakirələr təkcə maska taxmaq, sosial məsafə saxlamaq istiqamətində deyil, digər amilləri də əhatə edir.

BAKI, 13 iyun — Sputnik. Seçki günü komissiyaların bütün nümayəndələri və seçicilər maskada olmalıdır. Sputnik Gürcüstan xəbər verir ki, bu barədə Gürcüstan Mərkəzi Seçki Komissiyasının mətbuat spikeri Anna Mikeladze məlumat verib.

Parlament seçkiləri oktyabrın 31-də həyata keçiriləcək. Bu dövrdə Gürcüstanda koronavirus pandemiyasının ikinci dalğasının başlayacağı gözlənilir. Və həmin dövrdə qapalı məkanlarda maska taxmaq qaydası qüvvədə olacaq.

"Hər bir seçki məntəqəsində komissiya üzvlərinin maskada olacağı və sahələrdə əllərin dezinfeksiya edilməsi üçün vasitələrin olacağına qərar verilib. Bülletenlərə, zərflərə, siyahıya toxunan hər kəs əlcəkdə olmalıdır, seçicilər maska taxmalıdır" – deyə Mikaledze bildirib.

Onun sözlərinə görə, əgər ehtiyac olarsa, MSK bütün seçiciləri maska və məntəqələri dezinfeksiya vasitələri ilə təmin edəcək.

Ancaq hələ ki, bu qərar parlament tərəfindən qəbul edilməyib.

Partiyalar və QHT-lər hazırda seçki məntəqələrində şəffaf səsvermə prosesinə mane olmayacaq və təhlükəsizlik tədbirlərini təmin edəcək məsələlər üzərində müzakirələr aparır.

Müzakirələr təkcə maska taxmaq, sosial məsafə saxlamaq istiqamətində deyil, digər amilləri də əhatə edir.

7
Ankara şəhərinə mənzərə, arxiv şəkli

Çamadanları toplayın, Ankaraya yol göründü

1
(Yenilənib 11:19 25.09.2020)
Türk Hava Yollarının İstanbula icra etdiyi xüsusi uçuşlar davam edəcək. İstanbul – Naxçıvan – İstanbul uçuşları da eyni qaydada həftənin cümə günləri icra ediləcək.

Eldar Tanrıverdiyev, Sputnik Azərbaycan

BAKI, 25 sentyabr — Sputnik. Türk Hava Yolları 2 Oktyabr 2020-ci il tarixindən etibarən Ankara Bakı və Bakı Ankara xüsusi uçuşlarına başlayacaq. Uçuşların çərşənbə və cümə olmaqla həftədə 2 dəfə həyata keçirilməsi planlanlaşdırılıb və onlar AnadoluJet markası ilə həyata keçiriləcək.

Türk Hava Yollarından Sputnik Azərbaycan-a bildirilib ki, Ankara-Bakı reysi 14:40-18:05-də, Bakı-Ankara isə 19:00-20:35-də təşkil olunacaq: "Bakı – Ankara – Bakı reysinə bileti www.anadolujet.com web səhifəsinə və ya səlahiyyətli agentliklərə müraciət etməklə əldə etmək mümkündür. Ankara uçuşlarımızda tələbə endiriminin keçərli olduğunu və tətbiq edilə bilinəcəyini xüsusiylə qeyd etmək istəyirik".

Məlumatda qeyd olunur ki, Türk Hava Yollarının İstanbula icra etdiyi xüsusi uçuşlar davam edəcək. Oktyabrda bu uçuşların sayı həftəlik 14 uçuş olacaq. İstanbul – Naxçıvan – İstanbul uçuşları da eyni qaydada həftənin cümə günləri icra ediləcək.

1
Neft konteynerləri, arxiv şəkli

"Qara qızıl"dan şad xəbər

9
(Yenilənib 10:29 25.09.2020)
Londonun ICE ("InterContinental Exchange Futures") birjasında "Brent" markalı neftin bir barrelinin qiyməti 0,09 dollar artaraq 42,03 dollar olub.

BAKI, 25 sentyabr — Sputnik. Dünya birjalarında neft qiymətləri bahalaşıb.

Sputnik Azərbaycan xəbər verir ki, Londonun ICE ("InterContinental Exchange Futures") birjasında "Brent" markalı neftin bir barrelinin qiyməti 0,09 dollar artaraq 42,03 dollar olub.

Nyu-Yorkun NYMEX ("New York Mercantile Exchange") birjasında "Light" markalı neftin bir barrelinin qiyməti isə 0,07 dollar bahalaşaraq 40,38 dollara çatıb.

9
Teqlər:
Nyu-Yorkun NYMEX əmtəə birjası, Nyu-Yorkun NYMEX birjası, neft, "Brent" markalı neft, Brent, Londonun ICE birjası, London