Mətbəxdə qadın. arxiv şəkli

Belə "əfsanə" heç bir kişinin, heç Lenqli xəfiyyələrinin ağlına gəlməzdi

155
(Yenilənib 19:54 08.06.2020)
Uilyam özünün "ezamiyyətləri" zamanı görüşdüyü daha iki qadını, altı qadından 13 uşağı və seksual cinayətə görə məhkumluğunu gizlədib. Riyakarlıq, dələduzluq və odlu silahla bağlı qanun pozuntularına görə dəmir barmaqlıqlar arxasına düşüb.

BAKI, 8 iyun – Sputnik. Böyük Britaniyanın Edinburq şəhərinin sakini, ərinin dələduz və çoxarvadlı olduğunu öyrənəndən sonra çəkisi 32 kiloqram artmış qadın, arıqlamağın yolunu tapıb. Sputnik Azərbaycan bildirir ki, onun hekayəsini Metro nəşri yayımlayıb.

Meri Törner Tomson (Mary Turner Thomson) internetdə Uilyam adlı amerikalı ilə tanış olub. Cəmi üç həftə sonra kişi qadına evlənməyi təklif edib. Onlar evləniblər və altı il bir yerdə yaşayıblar. Kişi onu əmin edib ki, Mərkəzi Kəşfiyyat İdarəsində (MKİ) işləyir və müntəzəm olaraq aylarla ezamiyyətə gedir. Bir dəfə o, 250 min dollar toplamaq üçün mənzilini və bütün əmlakını satmaq məcburiyyətində qalıb. Çünki əri ona bu pulu onu uşaqlarını qaçırmaqla təhdid edən şantajçıların tələb etdiyini deyib.

Bütün bunlar Meri Tomson Uilyamın hərəkətlərindən zərər çəkmiş daha bir qadını tapana qədər davam edib.  MKİ və şantajçılar barədə hekayələrin uydurma olduğu üzə çıxıb. Əslində, Uilyam özünün "ezamiyyətləri" zamanı görüşdüyü daha iki qadını, altı qadından 13 uşağı və seksual cinayətə görə məhkumluğunu gizlədib. Sonradan o, riyakarlıq, dələduzluq və odlu silahla bağlı qanun pozuntularına görə dəmir barmaqlıqlar arxasına düşüb.

Bütün bunlar Meri Tomsona ağır zərbə olub. "Altı ildən sonra psixopatla hər şeyimi itirdim, boynumda iki uşağı ilə evsiz qaldım", - deyə o xatırlayır. Depressiyadan qadının çəkisi 120 kiloqrama qədər artıb. Bu çəkidən qurtulmaq asan olmayıb. "Mən müxtəlif diyetaları sınamışam, amma heç biri kömək etmədi. Sonda təslim oldum və hesab edirdim ki, indi həmişə belə ölçüyə malik olacağam", - qadın deyib.

Meri Tomson Britaniya Milli Səhiyyə Sistemi tərəfindən təklif olunan Second Nature proqramı ilə arıqlamağa nail olub. Daha çox gəzməyə başlayıb, rasionundakı karbohidratların miqdarını azaldıb və bir həftə sonra çəkisi 4,5 kiloqram aşağı düşüb. 12 həftə sonra qadın yeni qida vərdişləri əldə edib və onun çəkisi 12,7 kiloqram azalıb. Beləcə Tomson 32 kq çəki atmağı bacarıb.

2018-ci ildə oxşar hadisə Çinin Nankin şəhərindən olan üç qızın başına gəlib. Onlar eyni adamla görüşdüklərini müəyyən ediblər. Həmin şəxs müxtəlif adlardan istifadə edirdi və saxta bəhanələrlə böyük məbləğdə pul borc götürürdü.

 

155
Əlaqədar
"Gözlərini bağla..." – Kişi sürpriz adı ilə arvadını bıçaqladı
Kraliçanın nəvəsi arvadının xahişi ilə onu boşadı
Yuxuda olan arvadını qantellə öldürdü
Qadınlar Günü ərəfəsində - Kişi qardaşı ilə birləşərək arvadını qətlə yetirib
"Əri necə öldürməli?" kitabını yazdı və həyat yoldaşını öldürdü
Laboratoriya işçisi, arxiv şəkli

Koronavirusla mübarizədə yeni üsul - şüa terapiyası

3
(Yenilənib 23:07 14.08.2020)
Rusiya alimlərinin fikrincə isə bu müalicə forması heyvanlar üzərində sınandıqdan sonra istifadə edilə bilər.

BAKI, 15 avqust — Sputnik. Alimlər koronavirusun müalicəsi üçün yeni üsul təklif ediblər.

Sputnik Azərbaycan xarici mətbuata istinadla xəbər verir ki, alimlər koronavirusu müalicə etmək üçün şüalanmadan istifadə etməyi təklif edirlər.

Məlumata görə, müalicə üsulunu eyni zamanda bir çox ölkələrin elmi kollektivləri təklif edib. Söhbət şüalanma terapiyasından gedir.

Məsələn, Kanadanın Xərçəng Mərkəzinin Tibbi Fizika şöbəsinin mütəxəssisləri müəyyən ediblər ki, aşağı dozalı rentgen şüaları pnevmoniyadan ölüm riskini 20 faiz azaldır.

Eyni zamanda bu terapiya üsulu sətəlcəmin ən kəskin dövründə ölüm hallarını iki dəfə azalda bilər.

Artıq bu metodika ABŞ-da sınaqdan keçirilib.

Araşdırmada iştirak edən 10 xəstə 12 gün əvəzinə 3 günə sağala bilib, bununla yanaşı, xəstəxanadan çıxma müddəti 20 gündən 12 günə düşüb.

Eyni zamanda, Amerika radioloqları bu müalicənin əks-təsirləri haqqında məqalə hazırlayıblar. Onların fikrincə, şüa terapiyası yalnız iltihabı azaldır, həm də koronavirusla mübarizə üçün lazım olan immun hüceyrələri öldürür.

Rusiya alimlərinin fikrincə isə bu müalicə forması heyvanlar üzərində sınandıqdan sonra istifadə edilə bilər.

"COVID-19 zamanı ağciyər toxumalarının bərpası pozulur. Radiasiya terapiyası bu prosesi yalnız ağırlaşdıra bilər. Ağciyərlərin fibrozlaşması yalnız şiddətlənər", - deyə professor Qalina Reva bildirib.

Onun sözlərinə görə, alimlər hələ də koronavirus infeksiyası barədə çox məlumatlı deyillər. Bu səbəbdən də insan bədənini sınaq meydanına çevirmək yolverilməzdir.

3
Teqlər:
müalicə, Koronavirus, COVID-19
Mövzu:
Dünyanı cənginə almış bəla
Əlaqədar
ABŞ koronavirus istehsalına başlayıb – peyvənd olanlara vurulacaq
Koronavirusa yoluxanların sayı 21 milyona yaxınlaşır
Hindistan koronavirus əleyhinə dərmanın satışına başladı - 64 manata
Rusiya dünyada koronavirus əleyhinə peyvəndi qeydiyyatdan keçirən ilk ölkə oldu
ABŞ-ın baş infeksionisti Rusiyanın koronavirus peyvəndinə şübhə edib
Aktrisa Leoni Hemsvort oğlu Kris Hemsvortla birgə, arxiv şəkli

Aktyor Kris Hemsvortun altmış yaşlı anasının gəncliyi gözəlliyi hər kəsi şoka salıb

7
(Yenilənib 22:48 14.08.2020)
Fotomodel və aktrisa olan Elsa Pataki qaynanası Leoninin ciddi qidalanma rejimi sayəsində 30 il daha gənc göründüyünü bildirib

BAKI, 15 avqust — Sputnik. Aktyor Kris Hemsvortun "əbədi gənc" hesab olunan 60 yaşlı anasının gözəlliyinin sirri açılıb. Aktyorun həyat yoldaşı Elsa Patakinin (Elsa Pataky) qaynanası ilə bağlı fikirləri Britaniyanın Daily Mail tabloidində yer alıb.

Fotomodel və aktrisa olan Elsa Pataki qaynanası Leoninin ciddi qidalanma rejimi sayəsində 30 il daha gənc göründüyünü izah edib. "O, bizim bildiyimiz ciddi intervalla aclıq prinsiplərinə riayət etməyə başlayan ilk adam idi. Və Leoni möhtəşəm görünür. Onun 60 yaşı var, lakin ildən-ilə daha da gözəlləşir", - deyə Pataki bildirib.

Leoni bu rejimə həftədə bir gün yeməkdən başlayıb. Sonra o, hər gün 15-16 saat ərzində qidadan uzaq durmağa başlayıb.

Leoni Hemsvortun zahiri görünüşü aktyorun pərəstişkarlarını heyran edib. Kris may ayında Analar Günündə anası ilə çəkdirdiyi şəklini paylaşıb. Şəkli şərh edənlər Leoninin zahiri görünüşünə təriflər yağdırıblar. Hətta qeyd ediblər ki, Leoni sanki Krisin anası yox, bacısıdır.

Daha əvvəl media 56 il aktyor sənəti və ingilis dili üzrə müəllim işləmiş 81 yaşlı London sakininin gənc və gözəl görünüşünün sirrini açmağa çalışmışdı. Qadın bildirmişdi ki, aktiv həyat tərzi keçirir, gündəlik meditasiya edir və cavanlaşdırıcı kremlərdən istifadə edir.

7
Əlaqədar
Hollivud ulduzu Kemeron Diaz kinodan niyə getdiyini açıqlayıb
Canet Cekson azərbaycanlı müğənniyə təşəkkür edib: Mahnımı gözəl oxuyursan
Bədən tərbiyəsi müəllimi arıqlamağın sadə yolunu öyrədib
Dünya şöhrətli model: "Özümü faydasız hiss edirəm"
Türkiyəli məşhur aktrisadan nümunəvi addım
AZAL şirkətinin sərnişin təyyarəsi, arxiv şəkli

Xaricdəki azərbaycanlıların gətirilməsi ilə bağlı problemlər var

0
(Yenilənib 11:55 15.08.2020)
Azərbaycanda olan Rusiya vətəndaşlarının quru yolu ilə ölkəsinə getməsi təmin olunur, eyni zamanda da eyni marşrut üzrə Rusiyada olan vətəndaşlarımızın müəyyən qrafiklə ölkəmizə keçidi təmin olunur

BAKI, 15 avqust — Sputnik. "Xaricdə olan vətəndaşların gətirilməsi ilə bağlı ciddi problemimiz var. Uçuş reyslərinin təşkilində müəyyən çətinliklər var. Mərkəzi Asiya, Qazaxıstan, Türkmənistanda bir neçə vətəndaşımız qalıb ki, gələn həftə onların bərə ilə gətirilməsi təşkil olunacaq".

Sputnik Azərbaycan xəbər verir ki, bu sözləri Azərbaycan Respublikası Prezidentinin Administrasiyasının xarici əlaqələr şöbəsinin rəhbəri Hikmət Hacıyev deyib.

O bildirib ki, Azərbaycanda olan Rusiya vətəndaşlarının quru yolu ilə ölkəsinə getməsi təmin olunur, eyni zamanda da eyni marşrut üzrə Rusiyada olan vətəndaşlarımızın müəyyən qrafiklə ölkəmizə keçidi təmin olunur: "Eyni mexanizmlə Gürcüstanda olan vətəndaşlarımızın və Azərbaycanda olan Gürcüstan vətəndaşlarının da keçidi təmin olunur".

0