ABŞ və Çin bayraqları, arxiv şəkli

Dünyanın düzəni dəyişir ABŞ Çinə qarşı görün kimlə koalisiya qurmaq istəyir

412
(Yenilənib 22:35 01.06.2020)
ABŞ-ın əvvəllər qurduğu beynəlxalq iqtisadi münasibətlər sistemi, onun daxilindəki oyun qaydaları artıq Birləşmiş Ştatların maraqlarına cavab vermir.

Eldar Tanrıverdiyev, Sputnik Azərbaycan

BAKI, 1 iyun — Sputnik. Birləşmiş Ştatlar Prezidenti Donald Trampın iyun ayında keçirilməsi planlaşdırılan "Böyük Yeddilik" ("G7") sammitini gözlənilmədən sentyabr ayına qədər təxirə salması və sammitə digər ölkələri də dəvət edəcəyinə dair yayılan məlumatlar heç də birmənalı qarşılanmayıb. Xüsusi ilə Trampın sammitə dəvət ediləcək ölkələr siyahısında Rusiyanın da adını çəkməsi maraqla qarşılanıb. Öz növbəsində Ağ Evin strateji kommunikasiyalar üzrə direktoru Alissa Fara isə bəyan edib ki, genişləndirilmiş ölkələr qrupunun iclası Çinlə bağlı məsələləri müzakirə etməyə imkan verəcək. Direktor bildirib ki, sammit Çinin gələcəyi ilə nə etməli olduğumuz barədə danışmaq üçün bizim ənənəvi müttəfiqlərimizi bir araya gətirəcək. Ekspertlər isə qeyd edir ki, Tramp Administrasiyası Çinin artan nüfuzu və gücünün qarşısını almaq, həmçinin yeni dünya düzənini qurmaq üçün yeni müttəfiqlər arayışındadır. Sputnik Azərbaycan xəbər verir ki, Beynəlxalq Münasibətlərin Təhlili Mərkəzinin eksperti Fuad Çıraqovla həmsöhbət olub.

Fuad Çıraqov vurğulayıb ki, Tramp Administrasiyası Çinə qarşı çox geniş koalisiya yaratmağa çalışır: "Ümumdünya Səhiyyə Təşkilatına təzyiqlər, Birləşmiş Ştatların bu qurumdan çıxmağı və rəsmi Vaşinqtonun vaxtında koronavirusla bağlı dünya ictimaiyyətini məlumatlandırmasına dair Çinə qarşı iddiaları məhz buna hesablanıb. Rəsmi Vaşinqton bu təzyiq vasitəsindən maksimum şəkildə istifadə etməyə çalışır və bu istiqamət özünü ABŞ-ın xarici siyasət strategiyasında qabarıq şəkildə göstərir. Bundan əlavə, biz Tramp Administrasiyasının dünya düzənini, beynəlxalq münasibətlər sistemini yenidən formalaşdırmaq cəhdlərini görürük. ABŞ-ın əvvəllər qurduğu beynəlxalq iqtisadi münasibətlər sistemi, onun daxilindəki oyun qaydaları artıq Birləşmiş Ştatların maraqlarına cavab vermir. Bu oyun qaydaları çərçivəsində artıq Çin qalib gəlməyə başlayırdı".

Mərkəzin eksperti sentyabrda baş tutacaq G7 sammitinə Rusiyanı dəvət etməsinə diqqət çəkib: "ABŞ-da, xüsusi ilə Tramp Administrasiyası daxilində müəyyən qüvvələr hesab edirlər ki, onlar Rusiyanı da Çinə qarşı koalisiyaya cəlb edə bilərlər. Bu fikirlər müxtəlif formalarda, hətta ABŞ-ın sabiq dövlət katibi Henri Kissencer tərəfindən də səsləndirilib. O, qeyd etmişdi ki, Qərb sivilizasiyasının Çinə qarşı koalisiyasında mütləq Rusiyada olmalıdır və bu rəqabətin taleyini müəyyən dərəcədə Rusiyanın hansı qütbdə olması həll edəcək".

Lakin Fuad Çıraqov eyni zamanda qeyd edib ki, Rusiyanın son nəticədə hansı tərəfi tutacağını indidən demək olduqca tezdir: "Düzdür, Obama Administrasiyasının hakimiyyətdə olduğu müddətdə Rusiya-ABŞ münasibətləri pisləşmişdi. Lakin Obamanın prezident seçildiyi ilk vaxtlara nəzər salsaq, görərik ki, ilk vaxtlarda ABŞ-ın yeni Administrasiyası Rusiya ilə münasibətləri yaxşılaşdırmaq üçün yeni strategiya – reset strategiyası həyata keçirməyə cəhd etdi. Lakin bu özünü doğrultmadı. Tramp Administrasiyası da ilk dövrlərdə buna cəhd etməyə çalışdı. Hətta bu cəhdlərin müəyyən mənada indi də davam etdiyini də demək olar. Ancaq ABŞ daxilində müxalif qüvvələr çox ciddi cəhdlə buna mane olmağa çalışır. Bildiyim qədərilə Rusiyanın daxilində də çox ciddi qüvvələr, qruplar var ki, onlar hesab edirlər ki, gələcək qlobal mübarizədə Rusiya məhz qərbin tərəfində durmalıdır. Əsas məsələ bunun əvəzində Qərbin Rusiyaya nə təklif etməsi və bu təklifin Rusiyanı qane edib-etməməsidir. Belə bir razılaşma olacağı təqdirdə belə, bu razılaşmanı pozacaq hadisələrin olub-olmamasını demək çox çətindir".

Beynəlxalq Təhlil Mərkəzinin ekspertinin sözlərinə görə, G7 köhnə dünya düzəninin, qüvvələr balansının simvolu idi, onu özündə əks elətdirirdi: "ABŞ isə köhnə düzəni, beynəlxalq münasibətlər sistemini dəyişmək istəyir və ona də görə də hesab edir ki, G7 də bu planlara artıq cavab vermir və bunun üçün daha yeni, proqressiv format tapılmalıdır".

412
Bayraq festivalı

"Eşkiya dünyaya hökmdar olmaz"ın İlyas Çakırbeylisi Azərbaycan gerbini hazırladı

19
(Yenilənib 00:43 22.01.2021)
Məşhur aktyor iş prossesini özünün "instagram" hesabında paylaşım edib: "Yavaş-yavaş, ehtiyatla, öyrənə-öyrənə.... Sakitlik hər zaman mümkündür. Nə edəcəyini bil yetər".

BAKI, 22 yanvar — Sputnik. "Eşkiya dünyaya hökmdar olmaz" serialında İlyas Çakırbeyli rolunu canlandıran Ozan Akaba Azərbaycanın milli gerbini hazırlayıb.

Sputnik Azərbaycan xəbər verir ki, məşhur aktyor iş prossesini özünün "Instagram" hesabında paylaşıb. Aktyor "yavaş-yavaş, ehtiyatla, öyrənə-öyrənə.... Sakitlik hər zaman mümkündür. Nə edəcəyini bil yetər" yazıb. Azərbaycandan olan izləyicilər aktyora xoş rəylər yazıblar.

View this post on Instagram

A post shared by Ozan Akbaba (@ozanakbaba)

Qeyd edək ki, aktyor "Aman Reis Duymasın", "Abluka", "Mutlak Adalet", "Krallar Kulübü", "Kadir ve Kardeşleri" və s. filmləri ilə məşhurdur.

19
Alen Delonun xanımı Natali Delon

Alen Delonun keçmiş həyat yoldaşı vəfat edib

9
(Yenilənib 00:37 22.01.2021)
Aktyorun oğlu Antoni Delon "Instagram" səhifəsində paylaşım edərək "Rahat yat, ana!" yazıb. Aktrisanın ölüm səbəbləri hələlik məlum deyil.

BAKI, 22 yanvar — Sputnik. Dünya şöhrətli fransız aktyoru və rejissoru Alen Delonun xanımı Natali Delon dünyasını dəyişib. Sputnik Azərbaycan xəbər verir ki, bu barədə aktyorun oğlu Antoni Delon "Instagram" səhifəsində paylaşım edərək "Rahat yat, ana!" yazıb. Aktrisanın ölüm səbəbləri hələlik məlum deyil.

Qeyd edək ki, Alen Delon və Natali Delon 1964-ci ildə evləniblər. Natali ilə olan evlilikdən onun Antoni adlı bir oğlu var.

Onu da bildirək ki, Natali Delon 1964-1968-ci illərdə Alen Delonla evli olduğu zamanlarda, ərinin sayəsində kinoya gəlib. Birlikdə çəkdikləri ilk "Samuray" filmi ilə böyük bir uğur qazanıb. Boşandıqdan sonra Natali digər məşhur rejissorlarla işləməyə davam edib. Sonra rejissorluq etməyə və ssenari yazmağa başlayıb.

9
Polis əməkdaşları, arxiv şəkli

Hələ onlar düşünən qədər "yumşalmamışıq" - polis saxladıqları barədə məlumat yaydı

0
Karantin rejiminin tətbiq edildiyi 5 şəhər və 12 rayonda quraşdırılmış xüsusi postlarda yoxlamalar davam edir. Yumşalma şərtləri elan olunsa da, görünən odur ki, iki mindən çox adam onları yanlış anlayıb

BAKI, 22 yanvar — Sputnik. Nazirlər Kabinetinin qərarı ilə yanvarın 18-dən tətbiq edilən yumşaldılmaları bəzi vətəndaşlarımız yanlış anlayıblar.

Daxili İşlər Nazirliyindən Sputnik Azərbaycan-a verilən məlumata görə, koronavirus (COVID-19) infeksiyasının yayılmasının qarşısının alınması məqsədilə karantin rejiminin tətbiq edildiyi 5 şəhər və 12 rayonda quraşdırılmış xüsusi postlarda hərbi qulluqçuları və polis əməkdaşları nəzarət-profilaktiki yoxlamaları davam etdirirlər.

Yanvarın 21-də postlardan müvafiq qaydada icazə almadan keçməyə cəhd göstərən 2059 nəqliyyat vasitəsi müəyyən olunaraq geri qaytarılıb. Eləcə də ölkə üzrə karantin rejimi qaydalarını pozan 1 nəfər barəsində inzibati həbs, 1677 nəfər barəsində digər inzibati tənbeh tədbirləri tətbiq olunub.

Eyni zamanda ev şəraitində müalicə təyin edilən 5 nəfər aktiv COVID-19 xəstəsi ictimai yerlərdə müəyyən olunub saxlanılaraq evə qaytarılıb. Onlardan 4 nəfər barəsində Cinayət Məcəlləsinin 139-1.1 (epidemiya əleyhinə və karantin rejimlərinin pozulması) maddəsi ilə cinayət işi başlanılıb. Hazırda istintaq araşdırmaları davam etdirilir.

DİN vətəndaşlardan tətbiq edilən izolyasiya tədbirlərini anlayışla qarşılamalarını, karantin rejimi qaydalarına riayət etmələrini xahiş edib.

0