ABŞ Prezidenti Donald Tramp, arxiv şəkli

Trampın “dərmanları” işə yaramadı

17
(Yenilənib 15:11 24.05.2020)
Tədqiqat müəlliflərinin fikrincə, koronavirusa yoluxmuş adamlarda müşayiətedici xroniki xəstəliklər varsa, malyariya əleyhinə preparatlar onların ölüm ruskini 45% artırır

BAKI, 24 may — Sputnik. Alimlər koronavirus infeksiyasının müalicəsində xloroxin və hidroksixloroxinin heç bir effektinin olmadığını sübut ediblər.

Sputnik Azərbaycan bildirir ki, bu barədə tədqiqatın nəticələrini Lancet jurnalı dərc edib.

Bu preparatlar malyariya əleyhinə dərmanlar siyahısına daxildir. Ancaq bəzi hallarda onlardan COVID-19 xəstələrinin müalicəsində də istifadə olunub.

ABŞ Prezidenti Donald Tramp bir müddət öncə bəyan etmişdi ki, koronavirusun profilaktikası üçün hər gün hidroksixloroxin qəbul edir. KİV isə onun bu bəyanatını tənqid etdi, çünki adıçəkilən preparat COVID-19-un müalicəsi üçün rəsmi olaraq təsdiq edilməyib. Bundan başqa, həkimlər onun güclü yan təsirlərinin olduğunu bildiriblər: ən azından, o, ürək aritmiyasına səbəb olur. Amerika Prezidentinin şəxsi həkimi isə bəyan edib ki, hidroksixloroxin qəbulu Tramp üçün bütün mümkün riskləri aşmağa imkan verib.

Brigemin Boston hospitalındakı Ürəyin mürəkkəb xəstəliklərinin araşdırılması mərkəzinin tədqiqatçıları yeni tip koronavirusun təsbit edildiyi 96 min xəstə haqda məlumatları və müalicə metodlarını öyrəniblər.

Onlar belə nəticəyə gəliblər ki, hidroksixloroxin və xloroxin nəinki COVID-19-un müalicəsində effektiv deyil, üstəlik, zərərlidir, çünki xəstələrin ölüm ehtimalını artırır.

Həkimlər 3 qrupa bölünmüş pasiyentlərin məlumatlarını müqayisə ediblər. Birincidə xəstələri yalnız malyariya əleyhinə preparatla, ikincidə - bu preparatlar və antibiotiklərlə müalicə edirmişlər, üçüncüdə isə malyariya əleyhinə dərmanlardan istifadə olunmayıb.

Nəticədə üçüncü qrupda xəstələrin 9%-i ölüb. Birinci qrupda, hidroksixloroxin və ya xloroxin qəbul edənlərin müvafiq olaraq 18% və 16,4%-i dünyasını dəyişib. Ən çox ölüm faizi isə kompleks müalicə alanlar arasında olub – müvafiq olaraq 23.8% və 22.8%.

Tədqiqat müəlliflərinin fikrincə, koronavirusa yoluxmuş adamlarda müşayiətedici xroniki xəstəliklər varsa, malyariya əleyhinə preparatlar onların ölüm ruskini 45% artırır.

ÜST-ün məlumatına görə, indiyədək dünyanın 188 ölkəsində 5.1 milyon insan SARS-CoV-2 koronavirusuna yoluxub, 333 mindən çox adam COVID-19-dan həlak olub.

17
Mövzu:
Dünyanı cənginə almış bəla (321)
Əlaqədar
Cərrah-onkoloq: Koronavirusa yoluxan xərçəng xəstələrini xilas etmək çox çətindir
Qonşularımız arasında nə baş verir? Koronavirus iki ölkəni düşmən edir
Koronavirusdan ən çox belə xəstələr ölür
“Koronavirusdan ölüb” adı altında pul təklif edilir? – Rəsmi açıqlama
ÜST koronavirusun yeni mərkəzinin adını açıqladı
İranda epdimioloji vəziyyət

İran bərbad durumda: ölənlər azalsa da, yoluxanların sayı artıb

1
(Yenilənib 22:34 10.07.2020)
Dünən İranda bir sutka ərzində 2079 nəfərdə virus aşkarlanmış, 221 nəfər COVID-19-dan dünyasını dəyişmişdi. Bu gün isə daha 142 nəfər ölüb. Amma yoluxma sayında artım var

BAKI, 10 iyul — Sputnik. İranda koronavirusa yoluxanların sayı bir gün ərzində 2262 nəfər artıb. Sputnik Azərbaycan xəbər verir ki, bunu İranın Səhiyyə Nazirliyinin rəsmi nümayəndəsi Sima Sədat Lari bildirib.

"Son 24 saat ərzində koronavirusa 2262 yoluxma halı qeydə alınıb ki, bununla da ölkədə virusa yoluxanların sayı 252720-yə çatıb. Bir gün ərzində 142 nəfər virusdan ölüb, bununla da ölkədə koronavirusdan ölənlərin sayı 12447-yə çatıb", - deyə məlumatda bildirilib.

O, həmçinin qeyd edib ki, virusa yoluxan 252720 şəxsdən 215500 nəfəri sağalıb.

Xatırladaq ki, SARS-CoV-2 koronavirus infeksiyası ötən ilin dekabrında Çinin Uhan şəhərində yayılmağa başlayıb. Hazırda virus dünyanın əksər regionları və ölkələrində yayılıb. Dünyada koronavirus infeksiyasına indiyədək yoluxanların sayı 12 milyonu keçib, 554 mindən çox adam isə virus səbəbilə ölüb.

Ümumdünya Səhiyyə Təşkilatı (ÜST) fevralın 11-də infeksiyanın törətdiyi xəstəliyin adını COVID-19 qoyub, martın 11-də isə koronavirusu pandemiya elan edib.

1
Mövzu:
Dünyanı cənginə almış bəla (321)
Əlaqədar
Avstraliya və Honkonqda koronavirus məhdudiyyətləri bərpa olunur
Azərbaycanın xaricdəki bəzi diplomatları koronavirusa yoluxub
Həyatınızla eksperiment aparmayın - Koronavirusu müalicə "edən" dərman təhlükəli çıxdı
Koronavirusa qarşı yeni dərmanlar tapıldı
ÜST: Rusiyada koronavirus məhdudiyyətləri qayıda bilər
Ermənistanda Rusiya hərbi bazası, arxiv şəkli

Ermənistan Rusiya ilə hərbi əməkdaşlığı davam etdirəcək

1
(Yenilənib 22:24 10.07.2020)
Ermənistan həm ikitərəfli, həm də çoxtərəfli formatlarda müdafiə və təhlükəsizlik sahələrində Rusiya ilə hərbi-siyasi, hərbi və hərbi-texniki əməkdaşlığı inkişaf etdirməyə davam edib.

 

BAKI, 10 iyul — Sputnik. Ermənistan yeni milli təhlükəsizlik strategiyası çərçivəsində Rusiya ilə hərbi əməkdaşlığını davam etdirəcək. Sputnik Azərbaycan xəbər verir ki, bu barədə Ermənistan hökumətinin saytında yerləşdirilən strategiyanın mətnində bildirilir.

Qeyd olunur ki, Ermənistan həm ikitərəfli, həm də çoxtərəfli formatlarda müdafiə və təhlükəsizlik sahələrində Rusiya ilə hərbi-siyasi, hərbi və hərbi-texniki əməkdaşlığı inkişaf etdirməyə davam edib.

Sənəddə, həmçinin vurğulanır ki, Yerevan üzv-ölkələrin maraqlarının effektiv şəkildə qorunması və strukturun institusional imkanlarının genişləndirilməsi naminə Kollektiv Təhlükəsizlik Müqaviləsi Təşkilatı (KTMT) çərçivəsində birgə təşəbbüslərdə aktiv şəkildə iştirak edir: "Ermənistan təşkilatın effektivliyinin artırılması və üzv ölkələrinin biri-birinə münasibətdə müttəfiqlik öhdəliklərinin yerinə yetirilməsi istiqamətində işlərini davam etdirəcək".

Sənəddə ABŞ-la əməkdaşlıq kontekstində hərbi-siyasi məsləhətləşmələrin və institutların islahatlarına yönələn qarşılıqlı əlaqələrin vacibliyi vurğulanır.

Sənəddə, həmçinin siyasi, ticari-iqtisadi, müdafiə və mədəni-humanitar sahələrdə Rusiya ilə strateji və müttəfiqlik əlaqələrinin inkişafı Yerevanın xarici siyasətində əsas prioritetlərindən biridir.

1

Azərbaycanın ən gözəl qızı oğlanı onlayn seçdilər

0
(Yenilənib 23:19 10.07.2020)
Karantin rejimi tətbiq olunandan əvvəl altı ay müddətində iştirakçılar model xoreoqrafiyası, model işinin nəzəriyyəsi, psixologiya və xarici dil dərslərinə qatılıblar

BAKI, 10 iyul — Sputnik, Kəmalə Əliyeva. Modellər Banu Şücai və Elçin Dadaşov Miss&Mister Azerbaijan-2020 milli gözəllik müsabiqəsinin qalibi olublar.

Bu barədə Sputnik Azərbaycan-a layihənin mətbuat xidmətindən məlumat verilib.

Koronavirus pandemiyası səbəbindən müsabiqə ilk dəfə onlayn keçirilib. Münsiflər heyətinə layihənin yaradıcısı və təşkilatçısı Anelya Orduxanova, baş koordinator, quruluşçu xoreoqraf Ayla Mais, koordinator və xoreoqraf Hidayət Xəlilov (Mister Super Model 2018) və müsabiqənin piar-meneceri, psixoloq Səxavət Qabiloğlu daxildirlər. 

© Photo : Courtesy organizers of the contest Miss & Mister Azerbaijan-2020
Banu Şücai və Elçin Dadaşov

Models Production model şirkətinin nümayəndəsi də finala qatılaraq iştirakçıların çıxışını onlayn izləyib.

Karantin rejimi tətbiq olunandan əvvəl altı ay müddətində iştirakçılar model xoreoqrafiyası, model işinin nəzəriyyəsi, psixologiya və xarici dil dərslərinə qatılıblar. Finalçılar Bakıdan və Azərbaycanın digər regionlarından şəbəkəyə qoşularaq məharətlərini münsiflərə nümayiş etdiriblər.

Səsvermə nəticəsində Banu Şücai və Elçin Dadaşov birinci olublar.

Banu Şücai Miss Globe International və  Miss smile titullarının sahibi, “Səs Azərbaycan” milli musiqi layihəsinin iştirakçısı olub. Dünyada bir çox beynəlxalq moda həftələrində model kimi iştirak edib. Elçin Dadaşov da moda və gözəllik sənayesi ilə bağlı müxtəlif layihələrə qatılıb.

 

0