Dollar, arxiv şəkli

Rusiyanın ən varlı varisi azərbaycanlıdır! Forbes belə deyir

98
(Yenilənib 20:36 21.05.2020)
"Lukoyl" un prezidenti Vahid Ələkbərovun yeganə oğlu Yusuf Forbes-un versiyasına görə, Rusiyanın ən varlı varisidir, baxmayaraq ki, atası oğlunu varis gözündə görmür.

BAKI, 21 may — Sputnik. "Lukoyl" un prezidenti Vahid Ələkbərovun yeganə oğlu Yusuf Forbes-un versiyasına görə, yenə də ən zəngin varis kimi tanınıb. O, 18 milyard dollara arxalana bilər.

Jurnal artıq beşinci dəfədir ki, bu reytinqi dərc edir və birinci sətirdə həmişə Yusuf Ələkbərovun adı olub. Nəşr bu reytinqi müəyyən etmək üçün milyarderin varidatını götürərək onu bütün rəsmi uşaqları arasında bölür. Bu dəfəki siyahıda 20 ailə təmsil olunur ki, orada da hər bir uşağın payına təqribən 2,25 milyard dollar düşür. Ümumilikdə bu ailələrdəki uşaqların ümumi sayı 51-dir.

İkinci yerdə "Novatek" şirkətinin təsisçisi Leonid Mixelsonun qızı və oğlu (hər birinə 10,1 milyard dollar) qərarlaşıb. Üçüncü yerdə Ural dağ-metallurgiya şirkətinin əsas səhmdarı İsgəndər Mahmudovun oğludur (9 milyard).

İştirakçılardan biri "LetterOne" və "Alfa-group"-un ortağı Mixail Fridmanın 2019-cu ildə dünyaya gəlmiş qızıdır. İndi onun beş uşağı var. Bununla əlaqədar olaraq, onun uşaqlarının reytinqdəki yeri xeyli aşağı düşüb. Belə ki, ötən il onun uşaqlarının hər biri nəzəri cəhətdən 3,8 milyard dollara (12-ci yerə) bel bağlaya bilərdi. Bu il isə onların hər birinin payına 2,8 milyard dollar (16-cı yer) düşür.

Reytinqdə ötən illə müqayisədə iki ailənin beş yeni üzvü meydana çıxıb. Onlar Dağıstandan olan senator Süleyman Kərimovun oğlu və iki qızı, həmçinin "Fosagro"nun əsas sahibi Andrey Quryevin oğlu və qızıdır.

Onlar bu il öz mövqelərini Alfa-Bankın rəhbəri Peter Avenin uşaqlarına güzəştə gediblər. Bu il onun uşaqlarının sayı daha bir nəfər artıb. Daha bir yeri isə "Boru metallurgiya şirkəti"nin və "Sinara" qrupunun əsas sahibi Dmitri Pumpyanskinin oğlu Aleksandr tutub.

Forbes-in qiymətləndirmələrinə görə, 16 aprel 2020-ci ildə Rusiyada 103 milyarder var idi və onların ümumi varidatı 439 milyard dollar təşkil edirdi. "Əgər bu məbləğ onların uşaqlarının ümumi sayına (281) bərabər bölünsə, onda onların hamısı orta hesabla 1,56 milyard dollarla milyarder olacaqlar", - Forbes yazıb.

2018-ci ilin mart ayında Ələkbərov jurnalistlərə bildirmişdi ki, şirkətin səhmlərinin bütöv şəkildə vərəsələrə ötürülməsini rəsmiləşdirib, onlar miras paketini bölə bilməyəcəklər. 2017-ci ilin payızında isə Vahid Ələkbərov Bloomberg agentliyinə verdiyi müsahibədə etiraf etmişdi ki, özünə varis axtarır və onun oğlu bu rola uyğun gəlmir. Çünki o, atasının gördüyü işi olduqca çətin hesab edir.

98
Türkiyədə zəlzələ nəticəsində dağılan bina, arxiv şəkli

Türkiyədə təbii fəlakət baş verib

18
(Yenilənib 00:28 21.09.2020)
Niğde Valisi Yılmaz Şimşək zəlzələ bölgəsindəki vəziyyətlə bağlı deyib: "İndiyə qədər bizə çatan məlumatlara görə, tələfat və maddi itki qeydə alınmayıb".

BAKI, 20 sentyabr — Sputnik. Türkiyənin Niğde vilayətində Rixter cədvəli üzrə 5,1 bal gücündə zəlzələ baş verib.

Sputnik Türkiyə xəbər verir ki, məlumatı Türkiyə Daxili İşlər Nazirliyinin nəzdindəki Fövqəladə Halların İdarə Olunması Agentliyi (AFAD) yayıb.

Bildirilir ki, episentri Bor rayonunda 6,97 kilometr dərinlikdə olan yeraltı təkanlar Türkiyə vaxtı ilə saat 22:08-də qeydə alınıb. Yeraltı təkanlar ətraf bölgələrdə də hiss olunub.

Niğde Valisi Yılmaz Şimşək zəlzələ bölgəsindəki vəziyyətlə bağlı deyib: "İndiyə qədər bizə çatan məlumatlara görə, tələfat və maddi itki qeydə alınmayıb".

Hələlik zəlzələnin fəsadları barədə dəqiq məlumat yoxdur.

18
Teqlər:
Niğde vilayəti, zəlzələ, Türkiyə
Əlaqədar
Türkiyədə zəlzələ qurbanlarının sayı artmaqdadır
Türkiyədə daha bir zəlzələ: gücü çaşdırdı
Türkiyədə güclü zəlzələ: evlər uçdu, yaralılar var – VİDEO
Türkiyədə zəlzələ oldu
Türkiyədə güclü zəlzələ olub
Azərbaycanın Xalq artisti Emin Ağalarov

Emin Ağalarov Fatimə adlı qıza həsr etdiyi mahnını paylaşdı

64
(Yenilənib 23:47 20.09.2020)
Emin Ağalarov: "Bəlkə də bu mənim üçün çox gözlənilməz bir mahnıdır. Ancaq həmişə olduğu kimi - çox ürəyimcədir və hər şey sənin sayəndədir, Maks".

BAKI, 20 sentyabr — Sputnik. Azərbaycanın xalq artisti Emin Ağalarov "Fatimə" adlı yeni mahnısının təqdimatını keçirib. Sputnik Azərbaycan-ın məlumatına görə, müğənni mahnını bütün Fatimə adlı qızlara həsr edib.

Ağalarov yeni kompozisiyanı özünün YouTube kanalında paylaşıb. Mahnıya sözləri və musiqini tanınmış rusiyalı ifaçı və bəstəkar Maksim Fadeyev yazıb.

"Bəlkə də bu mənim üçün çox gözlənilməz bir mahnıdır. Ancaq həmişə olduğu kimi - çox ürəyimcədir və hər şey sənin sayəndədir, Maks", - deyə Ağalarov yazıb.

Bu yeni lirik mahnı müğənninin pərəstişkarlarının da xoşuna gəlib. Eyni zamanda, onların bir çoxuna Fadeyevin qeyri-adi şərq adı olan Fatimədən istifadə edərək mahnı yazması qəribə gəlib.

https://www.youtube.com/watch?v=Wyzb1C0j_8U&feature=emb_logo

Maksim Fadeyev Azərbaycanın xalq artistinin bir çox hitlərinin, o cümlədən "Azərbaycan", "Gəl bir-birimizi tapaq", Bağışla mənim məhəbbətim", "Birinci Qar" hitlərinin, Ani Lorakla "Vidalaşmaq", "Deyə bilmərəm" kimi məşhur duetlərinin, həmçinin onun "MMM"adlı son hitinin müəllifidir.

Ağalarov "World Music Awards", "Azərbaycandan Ən Yaxşı İfaçı", "Qızıl Qrammofon", "MUZ-TV Mükafatı" və s. kimi beynəlxalq mükafatların laureatıdır. O, dünyanın müxtəlif ölkələrində konsertlərlə çıxış edir. Müğənninin musiqi xəzinəsində doqquz ingilis dilli albom, "Warner Music" və "Sony ATV Music Publishing" aparıcı musiqi şirkətləri ilə müqavilələr var.

64
Teqlər:
xalq artisti Emin Ağalarov, Emin Ağalarov, Emin Ağalarov
Əlaqədar
Çox sağ ol, müəllimim! Emin yeni mahnıya görə Fadeyevə təşəkkür edib
Emin Alyona Qavrilovadan boşanmasının səbəbini açıqladı
Emin onun həyatına təsir edən qeyri-adi oğlana sənədli film həsr edib
Emin Ağalarovdan şəhidlərimizlə bağlı paylaşım
Emin Ağalarovun oğlu yeni klipini təqdim edib

Azərbaycan HHM bölmələri Ermənistan PUA-sını məhv edib

0
(Yenilənib 01:38 21.09.2020)
Ermənistan silahlı qüvvələrinin bölmələrinə məxsus taktiki pilotsuz uçuş aparatı (PUA) Hava Hücumundan Müdafiə bölmələrimiz tərəfindən məhv edilib.

BAKI, 21 sentyabr — Sputnik. Sentyabrın 20-si saat 23:13-də Ermənistan silahlı qüvvələrinin bölmələrinə məxsus taktiki pilotsuz uçuş aparatı (PUA) Hava Hücumundan Müdafiə bölmələrimiz tərəfindən məhv edilib.

Sputnik Azərbaycan xəbər verir ki, bu barədə məlumatı AR Müdafiə Nazirliyi yayıb.

Hazırda məhv edilmiş PUA-nın qalıqlarının aşkar olunması istiqamətində axtarış aparılır.

0
Əlaqədar
Ermənistanın daha bir PUA-sı məhv edildi
Ermənistana məxsus daha bir PUA məhv edilib
Ermənistana məxsus növbəti taktiki PUA məhv edilib
Ermənistana məxsus iki ədəd taktiki PUA məhv edilib