Raketin buraxılması, arxiv şəkli

Kuba Raket Böhranı 2.0 ABŞ nüvə arsenalını Almaniyadan Polşaya köçürə bilər

30
(Yenilənib 13:58 18.05.2020)
Səfirin təklifi Amerikanın nüvə silahlarının Sovet İttifaqı sərhədləri yaxınlığında yerləşdirməsi ilə başlamış Kuba Raket Böhranını xatırladır

BAKI, 18 may — Sputnik. ABŞ-ın Polşadakı səfiri Corcet Mosbaxer bildirib ki, Almaniya Amerikanın nüvə arsenalını öz ərazisində yerləşdirməkdən imtina etsə, Varşava buna razı ola bilər.

Sputnik Azərbaycan xəbər verir ki, Mosbaxer bu barədə "Twitter" səhifəsində yazıb. 

"Əgər Almaniya öz nüvə potensialını azaltmaq və NATO-nu zəiflətmək istəyirsə, bəlkə də öz (maliyyə - red.) öhdəliklərini vicdanla yerinə yetirən və NATO-nun şərq cinahının üzləşdiyi riskləri dərk edən Polşa bu potensialı öz ərazisində yerləşdirə bilər", - o qeyd edib.

​Polşa rəsmiləri hələ ki, Mosbaxerin bu təklifinə heç bir reaksiya verməyiblər.

ABŞ-ın nüvə silahlarının Almaniyada yerləşdirilməsi məsələsi Kansler Angela Merkelin koalisiya tərəfdaşı olan Sosial Demokrat Partiyası (SPD) tərəfindən qaldırılıb. Amerikadan "F-18" qırıcılarının alınması ilə bağlı müzakirələr zamanı SPD-nin parlament lideri Rolf Mützenix Amerikanın nüvə silahlarını ölkədən çıxarmağa çağırıb. "F-18" təyyarələri müharibə vəziyyətində nüvə zərbələri endirmək üçün vacibdir. Almaniyanın köhnəlmiş "Tornado" təyyarələri isə tezliklə bu rolu yerinə yetirə bilməyəcək.

Mosbaxerin təklifi Vaşinqtonun Almaniyadakı səfiri Riçard Qrenellin bəyanatına cavab olaraq səsləndirilib. O, Berlini Amerikanın nüvə silahlarını saxlamağa çağırıb. Qrenell ABŞ-ın nüvə arsenalı məsələsində Almaniyaya təzyiq göstərən yeganə rəsmi deyil. NATO-nun Baş katibi Yens Stoltenberq də Berlini bu silahları saxlamağa çağırıb.

Amerikanın nüvə başlıqlarını oxşar silahı olan digər ölkənin sərhədləri yaxınlığında yerləşdirməsi Vaşinqtonun Türkiyədə, yəni SSRİ-nin sərhədləri yaxınlığında nüvə raketlərini yerləşdirilməsi ilə başlamış 1962-ci il Kuba Raket Böhranını xatırladır. Buna cavab olaraq Sovet İttifaqı Kubada öz raketlərini yerləşdirmişdi. İki ölkənin öz nüvə silahlarını bir-birinin sərhədlərinə yaxın məsafəyə çəkməsi onların arasında gərginliyə gətirib çıxarıb ki, bu da tam miqyaslı nüvə münaqişəsi riskini yaradıb.

1962-ci ildə ABŞ və SSRİ liderləri Con F. Kennedi və Nikita Xruşşov bu münaqişənin həllini tapa biliblər və nəticədə qonşu ərazilərdən nüvə silahları qarşılıqlı surətdə çıxarılıb.

30
Əlaqədar
Bu "Sirkon" Rusiyanın rəqiblərinə baha oturacaq: onu uçuş zamanı heç nə vura bilməz
Rusiya hipersəs silahı ilə bağlı ABŞ-la dialoqun şərtlərini açıqlayıb
ABŞ Rusiya və Çinə qarşı nüvə strategiyasını açıqladı
ABŞ Rusiyanı nüvə texnologiyaları bazarından sıxışdıra biləcəkmi? Ekspert cavab verir
Rusiyanın Hərbi-Dəniz Donanması necə dəyişəcək - "Borey-A" və "Yasen-M" gəlir
Türkiyə Prezidenti Rəcəb Tayyib Ərdoğan

Ərdoğan: "Türkiyə Azərbaycanın yanındadır. Artıq hesab vaxtı gəldi"

5
(Yenilənib 16:03 28.09.2020)
Ərdoğan: Ermənistanın işğal etdiyi Azərbaycan torpaqlarını dərhal tərk etməsi ilə bölgə yenidən sülh və dincliyə qovuşacaq.

BAKI, 28 sentyabr — Sputnik. Ötən gün Azərbaycan torpaqlarına hücum edən Ermənistanı bir daha qınayıram. Sputnik Azərbaycan "Anadolu" agentliyinə istinadən xəbər verir ki, bunu Türkiyə Prezidenti Rəcəb Tayyib Ərdoğan "Tarix, Siyasət və Ölkələrarası dəniz hüququ və Şərqi Aralıq dənizi simpoziumu"nda çıxışı zamanı bildirib.

"Türkiyə, bütün imkanları və bütün qəlbi ilə dost və qardaş Azərbaycanın yanında olmağa davam edəcək. Ermənistanın işğal etdiyi Azərbaycan torpaqlarını dərhal tərk etməsi ilə bölgə yenidən sülh və dincliyə qovuşacaq. Artıq hesab vaxtı gəldi. Azərbaycan istər-istəməz öz göbəyini özü kəsmək məcburiyyətində qalmışdır", – deyə Ərdoğan qeyd edib.

5
Erməni hərbçiləri, arxiv şəkli

Ermənistan yezidi kürdlərini Qarabağa vuruşmağa göndərir ETİRAF

112
(Yenilənib 16:03 28.09.2020)
Bakoyan bildirib ki, dünən axşam Aknaliç kəndindəki yezidilər məbədinin yanında yezidi könüllü dəstəsi formalaşdırılıb və bu gün Qarabağa getməyə hazırdır.

BAKI, 28 sentyabr — Sputnik. Ermənistanda Qarabağa yollamaq üçün yezidi kürdlərindən ibarət könüllülər dəstəsi yaradılıb.

Sputnik Azərbaycan RİA Novosti-yə istinadən xəbər verir ki, bu barədə yezidi icmasından millət vəkili Rustam Bakoyan deyib.

Bakoyan bildirib ki, dünən axşam Aknaliç kəndindəki yezidilər məbədinin yanında yezidi könüllü dəstəsi formalaşdırılıb və bu gün Qarabağa getməyə hazırdır.

Onun sözlərinə görə, sentyabrın 27-də döyüşlərin gedişində iki yezidi yaralanıb – biri ağır, ikinci isə orta ağır.

Qeyd edək ki, sentyabrın 27-də saat 06:00 radələrində Ermənistan silahlı qüvvələri genişmiqyaslı təxribat törədərək cəbhəboyu zonada yerləşən Azərbaycan Ordusunun mövqelərini və yaşayış məntəqələrimizi iriçaplı silahlar, minaatanlar və müxtəlif çaplı artilleriya qurğularından intensiv atəşə tutub.

Azərbaycan Ordusunun ön xətt bölmələri düşmənin bu təxribatının qarşısını almaq və qoşunların qarşıdurma xəttinə yaxın zonalarda yaşayan mülki əhalinin təhlükəsizliyini təmin etmək məqsədilə cavab tədbirləri görür.

112