Təyyarələr, arxiv şkli

Neft bəlkə qalxdı Çində uçuşlar 60 faiz bərpa olunur

16
(Yenilənib 14:21 17.05.2020)
Çində mart ayından etibarən epidemioloji vəziyyətin yaxşılaşması nəticəsində bütün sahələrdə fəaliyyət və xidmətlər bərpa olunmağa başlayıb.

BAKI, 17 may — Sputnik. Çində ötən gün mülki aviasiyası üzrə gündəlik uçuş sayı 10 min 262-yə çatıb.

 Neft buruğu, arxiv şəkli
© REUTERS / Angus Mordant

Sputnik Azərbaycan Çin Mülki Aviasiya Administrasiyasına istinadla xəbər verir ki, bu rəqəm yeni növ koronavirusun (COVID-19) sürətlə yayılmasından əvvəlki dövrdə olan göstəricinin təxminən 60 faizi deməkdir. Sonuncu dəfə gündəlik uçuş sayının 10 minə çatması fevralın 1-də qeydə alınmışdı. Ölkədə COVID-19 infeksiyasının sürətlə yayıldığı vaxtda - yanvarın 23-dən uçuşların sayı kəskin azaldılmağa başlayıb. Fevralın 13-də gün ərzində cəmi 3931 uçuş olub ki, bu da normal vaxtdakı uçuşların 23 faizinə bərabərdir.

Çində mart ayından etibarən epidemioloji vəziyyətin yaxşılaşması nəticəsində bütün sahələrdə fəaliyyət və xidmətlər bərpa olunmağa başlayıb. Ölkədaxili uçuşlar bərpa olunsa da, bunu beynəlxalq uçuşlara aid etmək olmaz. Çünki Çin hökuməti mülki aviasiya şirkətlərinin beynəlxalq uçuşlarını əhəmiyyətli dərəcədə azaldıb. Bundan başqa, xaricdən ölkəyə virus axınını azaltmaq üçün kiçik istisnalar olmaqla əcnəbilərin Çinə girişi dayandırılıb. Bu da Çinin beynəlxalq uçuşlarının azalmasına təsir göstərən əsas amillərdən biridir.

Qeyd edək ki, hazırda dünyanın ikinci ən böyük mülki aviasiya bazarı olan Çində ötən il bu sektorda rekord məbləğdə - 154,27 milyard dollar dövriyyə qeydə alınıb. Artım əvvəlki illə müqayisədə 5,4 faiz təşkil edib. Hazırda ölkədə 238 hava limanı fəaliyyət göstərir. Beynəlxalq Hava Nəqliyyatı Assosiasiyası Çinin 2020-ci illərin ortalarında ABŞ-ı ötərək planetin ən böyük aviasiya bazarı olacağını proqnozlaşdırıb.

16
Laboratoriya, arxiv şəkli

Ən böyük vaksin istehsalçısından ümidverici xəbər

17
(Yenilənib 20:15 28.05.2020)
Lakin vaksinin qiyməti ilə bağlı olaraq isə hələlik heç bir məlumat açıqlanmayıb. Hazırda şirkət tərəindən hökumətlərlə bu istiqamətdə danışıqlar aparılır.

BAKI, 28 may — Sputnik. Bu gün bütün dünyada yayılan COVİD-19 virusu ilə əlaqədar olaraq bir neçə ölkə vaksin istehsalına başlayıb. Artıq müxtəlif firmalar 2021-ci il üçün COVİD-19 əleyhinə istehsalı nəzərdə tutulan vaksinlərlə bağlı müəyyən məlumatları açıqlayırlar.

Sputnik Azərbaycan-ın “The Guardian”a istinadən xəbərinə görə,  dünyanın ən böyük vaksin istehsalçılarından olan “GlaxoSmithKline” (GSK) 1 milyard dozada COVİD-19 əleyhinə vaksinin istehsalı nəzərdə tutur. Hazırda şirkət tərəindən hökumətlərlə bu istiqamətdə danışıqlar aparılır.

Lakin vaksinin qiyməti ilə bağlı olaraq isə hələlik heç bir məlumat açıqlanmayıb. Hazırda şirkət fransız dərman istehsalçısı olan, bu sahədə ixtisaslaşmış, dünyaca məşhur Sanofi şirkətilə birgə işlərə başlayıb.

17
 Koronavirus testi, arxiv şəkli

Dünyada ilk dəfə Türkiyədə suda koronavirus olması araşdırılır

18
Aparılmış tədqiqatlardan belə məlum olub ki, SARS-CoV2 virusuna palçıq sularında daha sıx rast gəlinir.

BAKI, 28 may - Sputnik. Dünyada ilk dəfə Türkiyədə su və tullantı sularında SARS-CoV2 virusunun olma ehtimalı araşdırılır. Tədqiqatların aparılması üçün pilot şəhər seçilən İstanbulun hər rayonunda tullantı sularında virus aşkarlanıb. Virusun sularda görülmə sıxlığı rayonlara görə dəyişir.

AZƏRTAC xəbər verir ki, Türkiyənin Kənd Təsərrüfatı və Meşəçilik naziri Bekir Pakdemirli ölkənin Su İnstitutu İdarəsi ilə birgə bu istiqamətdə araşdırmaların aparılacağını və mümkün risklərə qarşı erkən xəbərdarlıq sisteminin hazırlanacağını bildirmişdi.

Bu istiqamətdə araşdırmalar İstanbulla yanaşı, ölkənin bir neçə şəhərində də aparılıb. Bu məqsədlə üç xüsusi laboratoriya fəaliyyətə başlayıb. Tədqiqatlardan məlum olub ki, SARS-CoV2 virusuna palçıq sularında daha sıx rast gəlinir. Bəzi şəhərlərdə yoluxanların sayının az olmasına baxmayaraq, tullantı sularında virus müşahidə olunub.

18

Paytaxtda karantin rejimini pozan kafelər aşkarlandı

0
Reydlərlə "Dəli Kür"də 5 nəfər, "Sakit Məkan"da 4 nəfər və "Çırağan" kafesində isə 2 nəfər müştəri qəbulu həyata keçirildiyi aşkarlanıb.

BAKI, 28 may - Sputnik. Bakıda xüsusi karantin qaydalarını pozan bir neçə kafe aşkarlanıb.

"Report"un xəbərinə görə, Xətai Rayon Polis İdarəsi əməkdaşlarının keçirdikləri reyd zamanı Babək prospektində yerləşən "Dəli Kür" kafesinin, Qaçaq Nəbi küçəsindəki "Sakit Məkan" və Ramiz Quliyev küçəsindəki "Çırağan" kafelərinin müəyyən edilən vaxt rejimindən kənar saatlarda fəaliyyət göstərmələri məlum olub.

Reydlərlə "Dəli Kür"də 5 nəfər, "Sakit Məkan"da 4 nəfər və "Çırağan" kafesində isə 2 nəfər müştəri qəbulu həyata keçirildiyi aşkarlanıb.

Onların hər biri barəsində İnzibati Xətalar Məcəlləsinin (İXM) 211-ci maddəsi ilə protokollar tərtib olunub.

Qeyd edək ki, Nazirlər Kabineti yanında Operativ Qərargah tərəfindən qəbul edilən qaydalara əsasən, bütün ictimai iaşə obyektlərində müştərilərə saat 08:00-dan 18:00-dək yerində xidmət göstərmək olar.

0