Ceff Bezos, arxiv şəkli

İlk trilyoner kim olacaq? Ad açıqlandı

120
(Yenilənib 22:30 15.05.2020)
Koronavirus pandemiyası ilə əlaqədar onlayn alış-verişlərə tələbatın artması yaxın gələcəkdə iş adamının gəlirlərini ciddi şəkildə artıracaq.

BAKI, 15 may — Sputnik. Kiçik Biznes üçün məsləhət xidmətinin analitikləri hesab edirlər ki, dünyanın ilk dollar trilyoneri "Amazon"-un təsisçisi Ceff Bezos olacaq. Sputnik Azərbaycan-ın məlumatına görə, bu barədə "Comparisun" nəşri yazıb.

Ekspertlərin hesablamalarına görə, bu, 2026-cı ilə qədər baş verəcək.

"Bloomberg"-in məlumatına görə, hazırda Bezosun varidatı 144 milyard dollar təşkil edir. Ekspertlər hesab edirlər ki, koronavirus pandemiyası ilə əlaqədar onlayn alış-verişlərə tələbatın artması yaxın gələcəkdə iş adamının gəlirlərini ciddi şəkildə artıracaq. Qeyd edildiyi kimi, "Amazon" şirkətinin səhmlərinin dəyəri hazırda çox artıb. Cari il ərzində Bezos öz varidatını 29,4 mlrd. dollar məbləğində artırıb.

Dünyanın ikinci dollar trilyoneri isə Çinli developer Syuy Tszyain ola bilər. Analitiklərin hesablamalarına görə, bu, 2027-ci ildə baş verəcək. Üçüncü yer, "Alibaba Group"-un qurucusu Cek Maya məxsus ola bilər. Hazırkı vəziyyətini nəzərə alaraq, Cek Manın vəsaitlərinin 2030-cu ildə trilyon dollara çata biləcəyi proqnozlaşdırılır.

120
İranın xarici işlər nazirinin müavini Abbas Əraqçi, arxiv şəkli

Abbas Əraqçi: "İran Azərbaycan ərazilərinin işğal olunmasına müxalif olub"

13
(Yenilənib 21:51 28.10.2020)
İran XİN başçısının müavini: Son günlərdə Azərbaycan Ordusunun döyüş meydanında əldə etdiyi qələbələr, işğal olunmuş ərazilərin bir hissəsinin azad edilməsi münasibətilə Sizi təbrik etmək istəyirəm.

BAKI, 28 oktyabr - Sputnik. "Cənab Prezident, mənə vaxt ayırdığınıza görə çox təşəkkür edirəm. Hər şeydən əvvəl bu gün Bərdə şəhərinin raket hücumuna məruz qalması ilə əlaqədar həyatını itirmiş mülki insanlara, dinc insanların ölümünə səbəb olmuş bu hadisə ilə əlaqədar, orada şəhid olmuş insanlarla əlaqədar Sizə, Azərbaycan xalqına, Azərbaycan dövlətinə başsağlığı vermək istəyirəm".

Sputnik Azərbaycan xəbər verir ki, bu fikirləri İran İslam Respublikası Prezidentinin xüsusi nümayəndəsi, Xarici İşlər nazirinin müavini Seyid Abbas Əraqçi Azərbaycan Respublikasının Prezidenti İlham Əliyevlə görüşü zamanı deyib.

"Siz də yaxşı bilirsiniz ki, İran İslam Respublikası elə ilk günlərdən Azərbaycanın ərazilərinin işğal olunmasına müxalif olub və Azərbaycanın ərazi bütövlüyünü dəstəkləyib. Mən özümə borc bilirəm, son günlərdə Azərbaycan Ordusunun döyüş meydanında əldə etdiyi qələbələr, işğal olunmuş ərazilərin bir hissəsinin azad edilməsi münasibətilə Sizi təbrik etmək istəyirəm. Bu yolda öz canını fəda edən bütün şəhidlər qarşısında baş əyirəm. Cənab doktor Həsən Ruhaninin isti salamlarını Sizə çatdırıram" , - Seyid Abbas Əraqçi bildirib.

Prezident İlham Əliyev isə öz növbəsində İran İslam Respublikasının Prezidenti Həsən Ruhaninin salamlarına görə minnətdarlığını bildirib, onun da salamlarını İranın dövlət başçısına çatdırmağı xahiş edib.

13
Şəhid general Polad Həşimovun portreti, arxiv şəkli

Türkiyədə general Həşimovun adına park salındı - VİDEO

27
(Yenilənib 20:31 28.10.2020)
Osmanqazi bələdiyyəsinin sədri Mustafa Dündar və Azərbaycanın Türkiyədəki səfirliyinin müşaviri Ruslan Abdullayev mərasimdə çıxış ediblər

BAKI, 28 oktyabr - Sputnik. Ermənistan silahlı qüvvələrinin Tovuz rayonu istiqamətindən ölkəmizə xain hücumları nəticəsində şəhid olan Azərbaycan Silahlı Qüvvələrinin generalı Polad Həşimovun əziz xatirəsi Türkiyədə əbədiləşdirilib.

Sputnik Azərbaycan-ın məlumatına görə, Bursanın Osmanqazi rayonunun Dəmirtaş bölgəsində Polad Həşimovun adı verilən yeni park salınıb.

Parkın açılış mərasimi Azərbaycan və Türkiyənin dövlət himnləri səsləndirilməsi ilə başlayıb. Sonra şəhidlərimizin əziz xatirəsi bir dəqiqəlik sükutla yad olunub, onların ruhuna dualar oxunub.

Osmanqazi bələdiyyəsinin sədri Mustafa Dündar və Azərbaycanın Türkiyədəki səfirliyinin müşaviri Ruslan Abdullayev mərasimdə çıxış ediblər.

27
Əlaqədar
Türkiyədə Polad Həşimovun xatirəsi əbədiləşdirilir
"Təhlükəsizlik baxımından bizim üçün Türkiyənin önəmi qiymətsizdir" – Azərbaycanlı general
"Yeni şəhidlərimiz olmasın" - Polad Həşimovun portretini yaradan rəssam - VİDEO