Dəniz səhilində kişi, arxiv şəkli

Səyahəti sevənlər üçün: əvvəl həkim, sonra viza, pul qalsa - bənövşəyi nişanı görmək

3341
(Yenilənib 17:50 06.05.2020)
Ekspertlər əmindirlər ki, pandemiyadan sonra istirahət bahalaşacaq, aviaşirkətlər və otellər müştəri qıtlığı ilə üzləşəcəklər, əcnəbilərdən isə sağlamlıq pasportları tələb olunacaq

BAKI, 6 may — Sputnik, Svetlana Bayeva. "Sağlamlıq pasportu" və ya "immunitet pasportu" — onsuz artıq səyahət etmək mümkün olmayacaq. Sərhədlərin nə vaxt açılacağı məlum deyil, lakin Yunanıstan, Türkiyə, İsrail və digər ölkələr artıq yay mövsümünə hazırlaşırlar. İtaliya və İspaniya kurortları çimərlikləri əlçatan və təhlükəsiz etmək yollarını axtarırlar. Doğrudur, hələlik yalnız öz vətəndaşları üçün.

Venesiya mənzərəsi, arxiv şəkli
© AP Photo / Francisco Seco

Postpandemiya turizminin necə olacağı barədə materialımızda tanış ola bilərsiniz.

Viza almaq istəyirsən? Testi keç

Əvvəlcə həkim, sonra viza — hələ aprelin ortalarında Şengen məsələləri üzrə müstəqil Avropa informasiya resursunun eksperti Qranit Sadiku pandemiyadan sonra turizmin məhz belə olacağını proqnozlaşdırıb. Koronavirus testi olmadan heç bir yerə buraxmayacaqlar.

Avropa Komissiyasında bunu şərh etməyiblər, lakin Sadikunu turizm təşkilatları dəstəkləyib.

Yunanıstan əcnəbilər üçün sağlamlıq pasportunu tətbiq etmək niyyətindədir. Xorvatiyanın Turizm naziri Qari Kappelli isə Avropa İttifaqının (Aİ) bütün dövlətlərində etibarlı sayılacaq "COVID-19 pasportu" kimi ümumi bir sənədin müzakirə olunduğunu deyib.

Arayış harada veriləcək?

Rusiyada ödənişli əsaslarla koronavirus testindən keçmək olar, lakin bütün bölgələrdə yox. Bununla özəl laboratoriyalar məşğul olur. Bu yaxınlarda belə bir xidmət Domodedovo aeroportunda yaradılıb. Nəticə üç-beş gündən sonra verilir. Səhiyyə işçisini evə çağırmaq seçimi də var.

Birləşmiş Ərəb Əmirliklərində (BƏƏ) aprelin ortalarında ekspress-test eksperimenti aparılıb. Dubaydan Tunisə uçan bütün sərnişinləri 10 dəqiqə ərzində yoxlayıblar. Bu aksiyanın təşəbbüskarı olmuş aviaşirkətin baş əməliyyat direktoru Ədel Əl Rədha bildirib ki, digər istiqamətlərdə uçuşlar üçün də bu cür testlər keçiriləcək.

Pasport kömək etmir

Doğrudur, ekspertlər sağlamlıq pasportlarının və səfərdən əvvəl karantinin bir faydasının olmayacağını xatırladırlar. Axı turist hava limanında, taksidə, istirahət yerində yoluxa bilər.

Koronavirusa qarşı anticisimlərin olması ilə bağlı immun pasportları da ölkəyə buraxılmaq üçün istifadə oluna bilməz. "Xəstə adamın təkrar yoluxa bilməyəcəyi barədə hələ ki, rəsmi təsdiq yoxdur. Ona görə də sağalmaq heç bir şeyə zəmanət vermir", – rusiyalı alim, professor Andrey Svistelnik deyib.

Bundan başqa, immunitet pasportu təhlükəsizlik illüziyasını yarada və buna görə də xəstəliyin yeni epidemiyasına səbəb ola bilər.

Su, yemək və üçüncü sərnişin olmadan

Aviaşirkətlər sosial məsafə prinsiplərini tətbiq edirlər. Tailandda mayın 1-dən daxili reyslər bərpa olunub. Lakin yeni qaydalara görə, təyyarələrdəki yerlərin yalnız 70 faizi tutula bilər (orta cərgədəki oturacaqlara qadağa var), sərnişinlər maska geyinməli, təyyarədə heç bir içki və qida olmamalıdır.

Təyyarələrin interyeri ilə məşğul olan İtaliya şirkəti sərnişinləri oturtmağın iki sxemini təklif edib: orta cərgədəki oturacaqları əks istiqamətdə çevirmək və şəffaf arakəsmələr vasitəsilə sərnişinləri bir-birindən ayırmaq; və ya hər kreslo üzərində (qalpaq) örtük yerləşdirmək.

Bənövşəyi nişan və kabinələr

İspaniyada müxtəlif maneələr — konuslar və iplər vasitəsilə çimərliklərdə sosial məsafəni təmin etməyi planlaşdırırlar. Özü də söhbət hələ ki, yalnız yerli sakinlərdən gedir. "Covid Free" (infeksiya riski olmayan) istirahət zonalarının yaradılması nəzərdə tutulur.

İtaliyada pleksiqlasdan (üzvi şüşə) hazırlanmış kabinələr, eləcə də "canlı çəpərlər" tətbiq oluna bilər.

İsraildə isə artıq yaxın günlərdə otellər üçün pandemiya dövründə işləməyə icazə verən xüsusi "bənövşəyi nişan" standartı hazırlanacaq. Əvvəlcə qonaqları "zimmer" adlanan kiçik kotteclərə, həmçinin ayrıca girişli nömrələri olan mehmanxanalara buraxacaqlar. Sonra bütün digər mehmanxanalar açılacaq, lakin yeməyin nömrələrə çatdırılması və ictimai məkanlardan istifadə etməmək şərti ilə. Daha sonra sosial məsafəyə riayət etməklə kafe və restoranlar işə salınacaq.

Misirdə otelləri 25 faiz doldurmağa icazə veriləcək. İşçilər və qonaqlar üçün COVID-19-un olmaması haqqında arayışlar məcburidir.

Türkiyədə isə qonaqlar artıq klassik formada "hər şey daxil" sisteminə ümid etməsinlər. Çox güman ki, turistlərə "a la carte" (menyudan sifariş) xidməti təqdim olunacaq. Üstəlik, masalar bir-birindən təhlükəsiz məsafədə yerləşdiriləcək. Digər məhdudiyyətlər də olacaq.

Yaxın vaxtlarda xaricə səfərə ümid etməyin. İstirahət də baha olacaq

Ekspertlər əmindirlər ki, turlar bahalaşacaq. Aviaşirkətlər və otellər müştəri qıtlığı ilə üzləşəcəklər, təhlükəsizlik tədbirləri isə — məsələn, otaqların və hətta yeməkxanaların sterilizasiyası — heyətin artırılmasını tələb edəcək.

Amma turoperatorlar xəbərdarlıq edir: yaxın vaxtlarda xaricə səfərə ümid etmək lazım deyil.

"Sərhədlərin açılmasını gözləmək lazımdır. Hələlik bu məsələ ilə, həmçinin mehmanxanaların işi və sağlamlıq pasportları ilə bağlı konkret heç nə yoxdur", - Rusiya turizm şirkətinin baş direktoru Anna Podqornaya deyib.

3341
Əlaqədar
Yaxın qonşumuz “immunitet pasportu” tətbiq edə bilər
“Sərhədlər bir il bağlı qalsın”
Biznes karantində: Azərbaycan mehmanxanaları koronavirus dövründə
Türkiyədə istirahət etmək istəyənlərə xoş xəbər: bu il qiymətlər artmayacaq
Otellərin fəaliyyəti ilə bağlı yeni qaydalar hazırlandı - Su da dezinfeksiya edilməlidir
Rossia seqodnya BİA-nın baş direktoru Dmitri Kiselyov, arxiv şəkli

Kiselyovdan Sputnik Latviya ilə əməkdaşlıq edən jurnalistlərin saxlanılmasına münasibət

15
"Onlar müstəqil jurnalistlər, ştatdankənar müxbirlərdir. Sputnik xəbər agentliyində ştatda deyillər, sadəcə özünüifadə hüquqlarından istifadə edərək sayta mətnlər yazır və ya fotoşəkil göndərirlər. Burada pis nə var ki? Bu insanları nəyə görə təqib eləyirsiz?".

BAKI, 4 dekabr — Sputnik. "Rossia seqodnya" BİA-nın baş direktoru Dmitri Kiselyov Latviya hakimiyyət orqanlarının Sputnik Latviya və Baltnews-la əməkdaşlıq edən jurnalistlərə qarşı hərəkətini "AB sanksiyalarının yersiz yozumu" kimi qiymətləndirib.

Qeyd edək ki, bir qədər bundan əvvəl Latviya hüquq-mühafizə orqanları Baltnews xəbər portalının keçmiş baş redaktoru Andrey Yakovlev də daxil olmaqla, altı nəfəri saxlayıb. Onlara qarşı Latviya Cinayət Məcəlləsinin 84-cü maddəsi ilə – Avropa Şurasının sanksiya rejimini pozma – ittiham irəli sürülüb. Dindirilmə prosesindən sonra jurnalistlər heç yerə getməmələri ilə bağlı yazılı iltizam verərək buraxılıblar.

Rusiya Xarici İşlər Nazirliyinin hadisə ilə bağlı bu gün yaydığı məlumatda bildirilirdi: "Latviya Dövlət Təhlükəsizlik Xidmətinin dekabrın 3-də Riqadakı "Sputnik" bürosunun əməkdaşlarına və rusdilli jurnalistlərə qarşı həyata keçirdiyi aqressiv hərəkətləri demokratik cəmiyyətin təməl prinsiplərinin – media və ifadə azadlıqlarının pozulmasının bariz nümunəsi kimi qiymətləndiririk".

Nazirliyin məlumatında o da qeyd olunurdu ki, Sputnik Latviya kollektivinin AŞ sanksiya rejimini pozmaqda ittiham olunması qətiyyən yolverilməzdir: "Bu məhdudiyyətlər şəxsi xarakter daşıyır və şəxsən "Rossia Seqodnya" BİA-nın baş direktoru Dmitri Kiselyovla əlaqəlidir, media holdinqin bütün əməkdaşlarına şamil edilə bilməz".

Kiselyov da jurnalistlərin bu maddə ilə saxlanılmasının doğru olmadığını vurğulayıb: "AŞ sanksiyaları şəxsən mənə aiddir. Sputnik xəbər agentliyinin daxil olduğu "Rossia Seqodnya" media qruğuna tətbiq oluna bilməz. Məsələ bu qədər bəsitdir. Latviya, necə deyərlər Roma papasından daha çox xristian olmağa can ataraq, fərdi sanksiyaları təşkilata qarşı tətbiq edir. Burada məkrli niyyət var", – deyə baş direktor bilidirib.

"Onlar müstəqil jurnalistlər, ştatdankənar müxbirlərdir. Sputnik xəbər agentliyində ştatda deyillər, sadəcə özünüifadə hüquqlarından istifadə edərək sayta mətnlər yazır və ya fotoşəkil göndərirlər. Burada pis nə var ki? Bu insanları nəyə görə təqib eləyirsiz? Rusiyada belə hərəkətlər vəhşilik kimi qiymətləndirilir. Burada belə şey yoxdur. Kim nə istəyir, necə istəyir, yazır. Buna görə insanları təqib etmək heç kimin ağlına da gəlmir. Əl çəkin onlardan! Utanın! Bütün bunlar çox axmaq təsir bağışlayır" , – deyə Kiselyov bildirib.

Qeyd edək ki, keçən il Estoniyada da analoji hadisə müşahidə olunmuşdu.

15
Teqlər:
jurnalist, saxlanılma, Dmitri Kiselyov, Sputnik Latviya
İstanbul şəhərinə mənzərə, arxiv şəkli

Türkiyədə iki rus jurnalist saxlanıldı - İcazəsiz yerdə çəkiliş aparıblar

17
(Yenilənib 19:09 04.12.2020)
Türkiyə XİN-dəki mənbə rus jurnalistlərin akreditasiyalarının olmaması və icazəsiz çəkiliş apardıqları səbəbindən saxlanıldıqlarını deyib.

BAKI, 4 dekabr - Sputnik. Rusiyanın NTV kanalının iki əməkdaşı Türkiyədə saxlanılıb. Bu barədə NTV kanalından məlumat verilib.

"Dekabrın 3-ü səhər proqram müəllifi Aleksey Petruşko və operator İvan Malışkin redaksiyaya İstanbul ətrafında polis tərəfindən saxlanıldıqları barədə məlumat veriblər. Sonra onlarla əlaqə kəsildi. Axşam 21:00-da Aleksey Petruşko telefonla mesaj gpndərə bildi: "Bizi nəyə görəsə hələ də saxlayırlar. Bundan sonra əməkdalardan xəbər olmayb", - NTV-dən qeyd ediblər.

Hazırda rusiyalıların taleyini RF XİN və bu ölkənin İstanbuldakı Baş konsulluğu araşdırır.

Sputnik Türkiyə bu məsələ ilə bağlı Türkiyənin Xarici İşlər Nazirliyi ilə əlaqə saxlayıb. XİN-dəki mənbə öz açıqlamasında Petruşko ilə Malışkinin akreditasiyalarının olmaması və icazzsiz çəkiliş apardıqları səbəbindən saxlanıldıqlarını deyib.

Sosial şəbəkədə yayılan məlumata əsasən, rus jurnalistlər "Bayraktar" PUA-larının istehsal olunduğu müəssisənin yaxınlığına çəkiliş aparırmışlar.

17
Teqlər:
jurnalist, İstanbul, Türkiyə
Qırmızı Xaç Komitəsinin avtomobilləri, arxiv şəkli

Azərbaycanla Ermənistan əsirlərin dəyişdirilməsi barədə razılığa gəlirlər

15
(Yenilənib 20:16 04.12.2020)
Dekabrın 2-si Ermənistanın Baş nazirinin müavini Tiqran Avinyan Rusiyanın Ermənistandakı səfiri Sergey Kopırkinlə görüşü zamanı bildirib ki, Ermənistan əsirlərin qaytarılması prosesində "hamının hamıya" prinsipini tətbiq etməyi təklif edib.

BAKI, 4 dekabr — Sputnik. Ermənistan və Azərbaycan əsir və itkin düşmüş hərbçilərin və mülki şəxslərin siyahılarını mübadilə edib. Sputnik Ermənistan xəbər verir ki, bunu Ermənistan Baş nazirinin müavini Tiqran Avinyanın aparatı məlumat yayıb.

Qeyd olunur ki, münaqişə tərəfləri şəxslərin qarşılıqlı qaytarılması məqsədilə vətəndaşların adları olan siyahıları Beynəlxalq Qırmızı Xaç Komitəsinə veriblər.

Xatırladaq ki, dekabrın 2-si Ermənistanın Baş nazirinin müavini Tiqran Avinyan Rusiyanın Ermənistandakı səfiri Sergey Kopırkinlə görüşü zamanı bildirib ki, Ermənistan əsirlərin qaytarılması prosesində "hamının hamıya" prinsipini tətbiq etməyi təklif edib.

"Bundan əlavə, heç bir ilkin şərt olmadan yeni əsrlərin geri qaytarılması mexanizmi də təklif olunur", - deyə Avinyan qeyd edib.

O, həmçinin Qarabağda hərbi əməliyyatların dayandırılması və atəşkəs rejiminin bərqərar olmasına görə Rusiya tərəfinə təşəkkür edib.

Görüş zamanı tərəflər girovların qaytarılması, itkin düşənlərin axtarışı və ölənlərin cəsədlərinin axtarışı ilə bağlı məsələləri də müzakirə ediblər.

15