İran Prezidenti Həsən Ruhani

"Strateji səhv". Ruhani ABŞ-ın ÜST-ə dair qərarını şərh etdi

17
(Yenilənib 19:38 04.05.2020)
Tramp administrasiyası ÜST-ü koronavi̇rus epidemiyasına kifayət qədər operativ reaksiya verməməkdə günahlandırır

BAKI, 4 may — Sputnik. ABŞ-ın Ümumdünya Səhiyyə Təşkilatına (ÜST) maliyyələşdirməni dayandırmaq qərarı Vaşinqtonun məsuliyyətsiz addımı və strateji səhvidir. Sputnik Azərbaycan xəbər verir ki, bu barədə İran Prezidenti Həsən Ruhani Qoşulmama Hərəkatının bazar ertəsi videokonfrans formatında keçirilmiş zirvə toplantısında çıxışı zamanı bildirib.

"Koronavirus dünyada hər kəsin təhlükəsizliyinə və sağlamlığına ümumi təhdiddir. Koronavirusa qarşı mübarizənin önündə duran bir təşkilatın sarsıldılması bu virusa qarşı birgə beynəlxalq mübarizənin zəifləməsi deməkdir", - Ruhani deyib.

Onun sözlərinə görə, ABŞ-ın qərarı yersizdir və heç bir bəhanəyə sığmır. Lakin İran Prezidenti qeyd edib ki, beynəlxalq razılaşmaları pozan ölkədən fərqli mövqe gözləməyə dəyməz.

Apreldə ABŞ Prezidenti Donald Tramp ÜST-ün maliyyələşdirilməsinin dayandırıldığını elan edib. Tramp administrasiyası təşkilatı koronavi̇rus epidemiyasına kifayət qədər operativ reaksiya verməməkdə günahlandırır.

Bununla yanaşı, ABŞ Dövlət katibi Mayk Pompeo Vaşinqtonun dayandırılmış maliyyələşdirilməni heç vaxt bərpa etməyəcəyini istisna etməyib.

 

17
Əlaqədar
Koronavirusla bağlı dəhşətli proqnoz verildi
"ABŞ başa düşməlidir ki, onun düşməni virusdur, Çin yox"
Azərbaycan koronavirus xəstələrinin müalicəsi sahəsində öz təcrübəsini bölüşməyə hazırdır
Trampa ÜST-ü maliyyələşdirməyə davam etmək məsləhət görülüb
"Məlumatları gizlətməyə çalışıblar": Pompeo yenə Çini ittiham etdi
Ermənistanda Rusiya hərbi bazası, arxiv şəkli

Ermənistan Rusiya ilə hərbi əməkdaşlığı davam etdirəcək

0
(Yenilənib 22:24 10.07.2020)
Ermənistan həm ikitərəfli, həm də çoxtərəfli formatlarda müdafiə və təhlükəsizlik sahələrində Rusiya ilə hərbi-siyasi, hərbi və hərbi-texniki əməkdaşlığı inkişaf etdirməyə davam edib.

 

BAKI, 10 iyul — Sputnik. Ermənistan yeni milli təhlükəsizlik strategiyası çərçivəsində Rusiya ilə hərbi əməkdaşlığını davam etdirəcək. Sputnik Azərbaycan xəbər verir ki, bu barədə Ermənistan hökumətinin saytında yerləşdirilən strategiyanın mətnində bildirilir.

Qeyd olunur ki, Ermənistan həm ikitərəfli, həm də çoxtərəfli formatlarda müdafiə və təhlükəsizlik sahələrində Rusiya ilə hərbi-siyasi, hərbi və hərbi-texniki əməkdaşlığı inkişaf etdirməyə davam edib.

Sənəddə, həmçinin vurğulanır ki, Yerevan üzv-ölkələrin maraqlarının effektiv şəkildə qorunması və strukturun institusional imkanlarının genişləndirilməsi naminə Kollektiv Təhlükəsizlik Müqaviləsi Təşkilatı (KTMT) çərçivəsində birgə təşəbbüslərdə aktiv şəkildə iştirak edir: "Ermənistan təşkilatın effektivliyinin artırılması və üzv ölkələrinin biri-birinə münasibətdə müttəfiqlik öhdəliklərinin yerinə yetirilməsi istiqamətində işlərini davam etdirəcək".

Sənəddə ABŞ-la əməkdaşlıq kontekstində hərbi-siyasi məsləhətləşmələrin və institutların islahatlarına yönələn qarşılıqlı əlaqələrin vacibliyi vurğulanır.

Sənəddə, həmçinin siyasi, ticari-iqtisadi, müdafiə və mədəni-humanitar sahələrdə Rusiya ilə strateji və müttəfiqlik əlaqələrinin inkişafı Yerevanın xarici siyasətində əsas prioritetlərindən biridir.

0
Rusiyada epdimioloji vəziyyət, arxiv şəkli

ÜST: Rusiyada koronavirus məhdudiyyətləri qayıda bilər

3
(Yenilənib 21:56 10.07.2020)
"Buna hazır olmaq lazımdır. Daha yaxşı olar ki, bu, tez olsun, virusun daha da yayılmasını gözləmək lazım deyil. Yanğın kiçik olanda söndürülməlidir", - Vuynoviç qeyd edib.

 

BAKI, 10 iyul — Sputnik. Ümumdünya Səhiyyə Təşkilatının Rusiyadakı nümayəndəsi Melita Vuynoviç ölkənin koronavirusa görə yenidən məhdudlaşdırıcı tədbirlər görmək məcburiyyətində qalacağını istisna etməyib.

Sputnik Azərbaycan xəbər verir ki, Vuynoviç bu barədə RİA Novosti-yə verdiyi müsahibəsində danışıb.

"Fiziki məsafə salxanılmasa, yoluxma halları artmağa başlasa sadəcə başqa bir yol qalmayacaq", - Vuynoviç bir sıra ölkələrdə olduğu kimi Rusiyada da bəzi qadağaların geri qaytarılacağı riskinin olub-olmadığı sualına cavabında bildirib.

Onun sözlərinə görə, qadağaların qaytarılması ehtimalı dünyada koronavirusa qarşı peyvənd və ya dərman olmadığı müddətcə mövcud olacaq.

"Buna hazır olmaq lazımdır. Daha yaxşı olar ki, bu, tez olsun, virusun daha da yayılmasını gözləmək lazım deyil. Yanğın kiçik olanda söndürülməlidir", - Vuynoviç qeyd edib.

Son məlumatlara görə, Rusiyada COVID-19 xəstələrinin sayı sutka ərzində 6509 artaraq 707301 təşkil edib.

3
Mövzu:
Dünyanı cənginə almış bəla
Əlaqədar
Rusiyada koronavirusdan ölənlərin sayı 11 mini keçdi
Avstraliya və Honkonqda koronavirus məhdudiyyətləri bərpa olunur
Koronavirusa yoluxub sağalmış şəxslərlə bağlı vacib məqam
Azərbaycanın xaricdəki bəzi diplomatları koronavirusa yoluxub
Həyatınızla eksperiment aparmayın - Koronavirusu müalicə "edən" dərman təhlükəli çıxdı