MDB dövlətlərinin bayraqları, arxiv şəkli

İnnovativ inteqrasiya: MDB ölkələri hansı istiqamətlərdə əməkdaşlıq etməyi planlaşdırırlar

16
(Yenilənib 13:23 02.05.2020)
MDB məkanında elmi-texniki və innovasiya əməkdaşlığı çərçivəsində fəaliyyətin əlaqələndirilməsi sistemi yaradılıb. Ölkələr iqtisadiyyatlarının inkişafı üçün innovativ sahələri birlikdə müəyyən edəcəklər.

BAKI, 2 may — Aleksey Stefanov, Sputnik. MDB ölkələrinin 2030-cu ilə qədər Dövlətlərarası İnnovativ Əməkdaşlıq Proqramının layihəsi Elmi-Texniki və İnnovasiya Sahəsində Əməkdaşlıq üzrə Dövlətlərarası Şuranın 26-cı iclasında təsdiq edilib. Tədbir aprelin 30-da MDB İcraiyyə Komitəsində videokonfrans rejimində keçirilib.

Proqramı hazırlamış dövlətlərarası qrup 29 magistral əməkdaşlıq istiqamətini təqdim edib. Bunların arasında "Yerüstü şəraitdə, dəniz və hava məkanında intellektual nəqliyyat və logistika sistemləri", "Rəqəmsal istehsal sistemləri və sənaye infrastrukturu", "Yüksək məhsuldar kənd təsərrüfatı, meşə və su təsərrüfatı, o cümlədən aqrologistik həllər, biotexnologiyalar, baytarlıq", "Sensorika, əşyalar interneti texnologiyaları və robot texnikası komponentləri", "Fotonika", "Biotexnologiya və genetika", "Fundamental tədqiqatların infrastrukturu və resursları (meqa-elm)" və s var.

Proqram çərçivəsində həmçinin birgə işin təşkilində universitetlərin, tədqiqat institutlarının və kiçik və orta innovasiya müəssisələrinin imkanlarını əhəmiyyətli dərəcədə gücləndirməyə, innovasiya məhsullarının kommersiyalaşdırılmasını intensivləşdirməyə, MDB ölkələrinin innovasiya həllərinin və xidmətlərinin qlobal bazarlara ixracını genişləndirməyə imkan verən 11 əsas təşəbbüs təklif olunub.

"Bizim fikrimizcə, bütün bunlar MDB-nin dövlətlərarası innovasiya məkanını təkmilləşdirməyə imkan verəcək və ölkələrin texnoloji və innovasiya potensialından birgə istifadə etmək üçün bərabər imkanları təmin edəcək", - "Rossotrudniçestvo" federal agentliyinin idarə rəisi, MDB ölkələrinin 2030-cu ilə qədər İnnovativ Əməkdaşlıq üzrə Dövlətlərarası Proqramının tərtibatçı qrupunun rəhbəri Sergey Malenko Sputnik-ə deyib.

"Müasir elmtutumlu həllərdən istifadə etməklə yeni texnoloji quruluşa keçərkən bütün ölkələr inteqrasiya, səylərin birləşdirilməsi və dünya innovasiya sistemində səmərəli iştirak etmək zərurəti ilə üzləşirlər. Bu, istənilən ölkənin iqtisadiyyatının innovativ inkişafının zəruri şərtidir. İqtisadiyyatın innovativ inkişafı ölkələr arasında açıq qarşılıqlı əlaqə və təcrübə mübadiləsi olmadan mümkün deyil", - Malenko bildirib.

"Rossotrudniçestvo" Fondunun və MDB İcraiyyə Komitəsinin dəstəyi ilə 2030-cu ilə qədər MDB ölkələrinin yeni innovativ əməkdaşlıq proqramının hazırlanması məqsədilə dövlətlərarası proqramın tərtibatçıları qrupu yaradılıb. Qrupa tədqiqat mərkəzlərinin və universitetlərin, inkişaf institutlarının, ekspert təşkilatlarının, innovasiya şirkətlərinin, MDB ölkələrinin nazirliklərinin və idarələrinin, eləcə də digər ölkələrin beynəlxalq ekspertlərinin nümayəndələri daxil edilib. Oxşar qruplar milli səviyyədə bir sıra MDB ölkələrində də yaradılıb.

"Yeni proqram layihəsi çərçivəsində dövlətlərarası inkişaf qrupumuz MDB iştirakçısı olan dövlətlərdə kiçik və orta innovasiya müəssisələrinin, universitetlərin və elm mərkəzlərinin tədqiqat fəaliyyətinin, qrant tədqiqat proqramlarının dəstəklənməsi və inkişafı üzrə razılaşdırılmış siyasətin təmin edilməsi mexanizmlərini, vençur investisiya alətlərinin inkişafını, innovasiya ekosistemlərinin, proseslərin, şirkətlərin, o cümlədən startapların effektiv monitorinqinin və təhlilinin aparılmasını, elmi-texniki məktəblərin, texnologiyaların və texnoloji sorğuların xəritələşdirilməsini təklif edir", - Malenko deyib.

O, əlavə edib ki, yeni proqram mövcud mal və xidmət bazarlarının inkişafını təmin etməli və yenilərini yaratmalıdır.

"Fundamental, axtarış və tətbiqi tədqiqatların, eksperimental-layihələndirmə işlərinin aparılması, elmtutumlu və yüksəktexnoloji məhsulların və xidmətlərin yaradılması sahəsində birgə layihələrin həyata keçirilməsi üçün infrastruktur və xidmətlərin birgə səmərəli istifadəsini təşkil və təmin etmək lazımdır. İntellektual mülkiyyət sahəsində milli strategiyaların olması vacibdir", - Malenko bildirib.

"Rossotrudniçestvo" agentliyinin rəsmisi vurğulayıb ki, iqtisadiyyatın bütün sahələri üçün yeni kadrlar hazırlamaq, uşaq bağçasından böyük yaşadək fasiləsiz təhsilin təmin edilməsi həyati əhəmiyyət kəsb edir.

"Yeni iqtisadi vəziyyət və texnologiyaların inkişafı bizi zamanın tələblərini nəzərə alaraq kadrların hazırlanması və yenidən hazırlanması üçün həllər təklif etməyə məcbur edir", - o deyib.

MDB ölkələrinin hökumətlərinə Dövlətlərarası Proqramı razılaşdırmaq qalır. Sənəd artıq payızda MDB Hökumət Başçıları Şurasının iclasında təsdiq edilə bilər.

16

Çavuşoğlu: "Azərbaycanın yanındayıq. Bu məsələni kökündən həll etmək istəyirik"

69
"Bu problemin bir həll yolu var: Ermənistan Azərbaycan torpaqlarından çəkilməlidir. Bu olmadığı müddətdə bu problem həll oluna bilməz"

BAKI, 29 sentyabr — Sputnik. Qarabağ probleminin bir həll yolu var: Ermənistan Azərbaycan torpaqlarından çəkilməlidir. Sputnik Azərbaycan "Anadolu" agentliyinə istinadən xəbər verir ki, bunu Türkiyənin Xarici İşlər naziri Mövlud Çavuşoğlu bildirib.

"Bu problemin bir həll yolu var: Ermənistan Azərbaycan torpaqlarından çəkilməlidir. Bu olmadığı müddətdə bu problem həll oluna bilməz. Meydanda və masada Azərbaycanın yanındayıq. Bu məsələni kökündən həll etmək istəyirik", - deyə Çavuşoğlu qeyd edib.

Qeyd edək ki, sentyabrın 27-də saat 06:00 radələrində Ermənistan silahlı qüvvələri genişmiqyaslı təxribat törədərək cəbhəboyu zonada yerləşən Azərbaycan Ordusunun mövqelərini və yaşayış məntəqələrimizi iriçaplı silahlar, minaatanlar və müxtəlif çaplı artilleriya qurğularından intensiv atəşə tutub.
Düşmən tərəfindən Tərtər rayonunun Qapanlı, Ağdam rayonunun Çıraqlı və Orta Qərvənd, Füzuli rayonunun Alxanlı və Şükürbəyli və Cəbrayıl rayonunun Cocuq Mərcanlı kəndlərinin intensiv atəşə tutulması nəticəsində mülki əhali arasında həlak olan və yaralananlar var. Mülki infrastruktur obyektlərinə ciddi ziyan dəyib.
Mülki əhali və hərbi qulluqçular arasında itkilər və yaralılar barədə məlumat dəqiqləşdirilir.
Azərbaycan Ordusunun ön xətt bölmələri düşmənin bu təxribatının qarşısını almaq və qoşunların qarşıdurma xəttinə yaxın zonalarda yaşayan mülki əhalinin təhlükəsizliyini təmin etmək məqsədilə cavab tədbirləri görür.
Müdafiə Nazirliyinin mətbuat katibi, polkovnik-leytenant Anar Eyvazov isə açıqlamasında qeyd edib ki, Azərbaycan Ordusunun uğurlu əməliyyatı nəticəsində bir sıra kəndlərimiz azad edilib. A.Eyvazov bildirib ki, hazırkı məlumata görə, Füzuli–Cəbrayıl istiqamətində Qaraxanbəyli, Şərvənj, Kənd Horadiz, Nüzgar, Yuxarı Abdurrəhmanlı, Aşağı Abdurrəhmanlı, Böyük Mərcanlı kəndləri azad edilib. Bundan əlavə, Ağdərə rayonu və Murovdağ istiqamətlərində düşmən postları darmadağın edilib, Talış kəndi ətrafındakı əlverişli yüksəkliklər nəzarətə götürülüb.

69
Mövzu:
Azərbaycan və Ermənistan arasında müharibə
Əlaqədar
Sahibə Qafarova "TRT Haber"ə Ermənistanın hərbi təxribatları barədə müsahibə verib
Müdafiə Nazirliyi: Ermənistan ordusunun alay komandiri ağır yaralanıb
Rəsmi Bakı: Ermənistanın hərbi təcavüzü nəticəsində 10 mülki şəxs həlak olub
Hüsənli kəndində Ermənistan ordusunun mərmisi yaşayış evini dağıdıb – VİDEO
MN: "Ermənistan tərəfi köhnə videoları yeni görüntülər kimi təqdim edir”
Almaniya kansleri Angela Merkel, arxiv şəkli

Angela Merkel Prezident İlham Əliyevə zəng edib

113
İlham Əliyev əlavə edib ki, Ermənistan Azərbaycanın işğal olunmuş ərazilərinə başqa ölkələrdən xarici vətəndaşların qanunsuz məskunlaşmasını həyata keçirir ki, bu da Cenevrə Konvensiyasına görə beynəlxalq hüququn ciddi pozulmasıdır və bu, hərbi cinayət sayılır

BAKI, 29 sentyabr — Sputnik. Sentyabrın 29-da Almaniya Kansleri Angela Merkel Azərbaycan Respublikasının Prezidenti İlham Əliyevə telefonla zəng edib.

Sputnik Azərbaycan xəbər verir ki, bu barədə Prezidentin Mətbuat Xidməti məlumat yayıb.

Angela Merkel Ermənistan-Azərbaycan təmas xəttində silahlı qarşıdurmanın baş verməsi ilə bağlı ölkəsinin narahatlığını ifadə edib və hadisələrin gedişi ilə maraqlanıb.

Dövlətimizin başçısı qeyd edib ki, sentyabrın 27-də, səhər saatlarında Ermənistan Azərbaycana qarşı hərbi təxribat törədərək, ağır artilleriya qurğularından təmas xətti boyu yerləşən hərbi birləşmələrimizi, şəhər və kəndlərimizi atəşə tutması nəticəsində iki gün ərzində hərbçilərimiz, mülki şəxslər həlak olub və yaralanıblar, 150 yaşayış evi dağıdılıb. Azərbaycan tərəfi əks-hücum əməliyyatına başlayıb.

Fransa Prezidenti Emmanuel Makron, arxiv şəkli
© AFP 2020 / GONZALO FUENTES / POOL

Dövlətimizin başçısı bildirib ki, bundan əvvəl də iyul-avqust aylarında Ermənistan tərəfindən ölkəmizə qarşı hərbi təxribatlar törədilib və bunların nəticəsində hərbçilərimiz və mülki şəxslərimiz həlak olub. Prezident İlham Əliyev bu təxribatları Ermənistanın Azərbaycana qarşı təcavüzkar siyasətinin davamı olduğunu vurğulayıb.

Azərbaycan Prezidenti qeyd edib ki, Ermənistan baş nazirinin “Qarabağ Ermənistandır və nöqtə” bəyanatı danışıqlar prosesini mənasız edir və Ermənistan rəhbərliyinin Azərbaycandan dırnaqarası “Dalıq Qarabağ respublikası” ilə danışıqlar aparması tələbi danışıqlar formatının dəyişdirilməsi cəhdi kimi qiymətləndirilməlidir. Dövlətimizin başçısı, eyni zamanda, bildirib ki, Ermənistanın müdafiə naziri yeni torpaqlar uğrunda yeni müharibə ilə Azərbaycanı hədələyib və bu plan reallıqda həyata keçirilir.

Dövlətimizin başçısı vurğulayıb ki, Ermənistanın hərbi təxribatı ilə bağlı hadisələrin gələcək inkişafına görə məsuliyyət Ermənistanın siyasi və hərbi rəhbərliyinin üzərinə düşür, Azərbaycan Ordusu öz torpaqlarında vuruşur və Ermənistan ordusu Azərbaycan torpaqlarında olmamalıdır.

Prezident İlham Əliyev əlavə edib ki, Ermənistan Azərbaycanın işğal olunmuş ərazilərinə başqa ölkələrdən xarici vətəndaşların qanunsuz məskunlaşmasını həyata keçirir ki, bu da Cenevrə Konvensiyasına görə beynəlxalq hüququn ciddi pozulmasıdır və bu, hərbi cinayət sayılır.

Söhbət zamanı atəşkəsin və danışıqlar prosesinin bərpa edilməsi imkanları barədə müzakirələr aparılıb.

113
Mövzu:
Azərbaycan və Ermənistan arasında müharibə
Əlaqədar
İlham Əliyevlə BMT-nin Baş katibi arasında videokonfrans formatında görüş olub
İlham Əliyev Türkiyə prezidentinə təşəkkür edib
Rus İcması beynəlxalq ictimaiyyəti Ermənistana təzyiq etməyə çağırdı
Peskov: Vladimir Putinlə İlham Əliyevin söhbəti lazım gəldikdə baş tutacaq
"Qoşunların təmas xətti boyu əməliyyatlar davam edir, bu, vətən müharibəsidir!
(1:16 / 7.72Mb / просмотров видео: 8)

“Qələbə ilə geri qayıdacağıq”: Bakıda hərbçiləri necə yola salırlar VİDEO

25
Paytaxt Bakıda ehtiyatda olan hərbçilərin cəbhəyə və döyüş təlimlərinə göndərilməsinə başlanılıb. Şəhərin mərkəzi hərbi komissarlığının önündə nələrin baş verdiyini videomuzda izləyin.

Səfərbərlik və Hərbi Xidmətə Çağırış üzrə Dövlət Xidmətinin Yasamal İdarəsi önündə səhər tezdən çağırışçılardan ibarət cərgələr düzülüb. Gənclərimiz döyüş əhval-ruhiyyəsindədirlər və torpaqlarımızı geri qaytaracaqlarından əmindirlər. Onları yola salmaq üçün ailələri və yaxın dostları gələrək hərbçilərimizi xidmətə alqışlarla yola salıblar.

25
Teqlər:
Bakı, könüllü, çağırış, Səfərbərlik və Hərbi Xidmətə Çağırış üzrə Dövlət Xidməti, münaqişə, Dağlıq Qarabağ