Ekvadorda xüsusi yarış, arxiv şəkli

Koronavirusun yeni dərmanı tapıldı: xilas dəvədə imiş

153
(Yenilənib 00:05 01.05.2020)
Tədqiqat 2016-cı ildən başlayıb. Onun məqsədi SARS-CoV-2 yeni tip koronavirusuna yaxın olan SARS-CoV-1 və MERS-CoV viruslarına qarşı vasitə tapmaq olub

BAKI, 30 aprel — Sputnik. Lamalardan alınan anticisimlər COVID-19 xəstəliyinə səbəb olan SARS-CoV-2 vurisunu bloklamağa qadirdir.

Sputnik Azərbaycan bildirir ki, beynəlxalq alimlər qrupunun apardığı tədqiqatdan alınan bu nəticə barədə Cell jurnalında yazılıb.

İnsan orqanizminə daxil olmaq üçün koronavirus ona hüceyrələrə hücum etməkdə yardımçı olan xüsusi zülaldan istifadə edir. Alimlər həmin zülalı bloklamağa qadir maddə yaratmağı qərara alıblar.

Onlar lamaların orqanizmində yaranan iki tip anticismi birləşdiriblər. Nəticədə koronavirusa qarşı dayanıqlı olan maddə alınıb.

“Bu, SARS-CoV-2-ni neytallaşdıran ilk anticisimlərdən biridir”, - Texas Universitetinin dosenti Ceyson Maklellan deyib.

Testlər nəticəsində məlum olub ki, bu anticisimləri insan orqanizminə peyvənd kimi daxil etmək lazımdır. Onların effektivliyi yoluxmadan bir ay əvvəl orqanizmə yeridiləndə meydana çıxır. Bundan başqa, artıq yoluxmuş pasiyentlərdə də onlardan dərman kimi, ağırlaşan fəsadların qarşısını almaq məqsədilə istifadə etmək olar.

Tədqiqat 2016-cı ildən başlayıb. Onun məqsədi SARS-CoV-2 yeni tip koronavirusuna yaxın olan SARS-CoV-1 və MERS-CoV viruslarına qarşı vasitə tapmaq olub.

Alimlər hesab edirlər ki, lamalardan alınan anticisimlər koronavirus qarşısında daha zəif olan əhali qrupunu: pensiyaçıları və xroniki xəstəlikləri olanları qorumaqda istifadə oluna bilər.

Yeni koronavirus pandemiyası, demək olar ki, bütün dünyanı bürüyüb. ÜST-ün məlumatına görə, 3 milyondan çox insan yoluxub, onlardan 1 milyonu sağalsa da, 208 min nəfər ölüb.

153
Mövzu:
Dünyanı cənginə almış bəla (512)
Əlaqədar
Azərbaycanda ağır koronavirus xəstələrinin hansı üsulla müalicə alacaqları bilindi
ÜST nümayəndəsi vaksin hazırlanmasından danışdı
Adil Qeybulla: "Vaksinasiya özü spekulyasiyadır"
Koronavirusa görə WhatsApp-da yeni funksiya işə düşdü
İyirmi min könüllü ölümə atıldı – Vaksin naminə

Çavuşoğlu Qarabağ məsələsini NATO-nun gündəminə gətirdi

16
(Yenilənib 22:33 26.11.2020)
Türkiyənin xarici işlər naziri Mövlud Çavuşoğlu ilə NATO-nun baş katibi Yens Stoltenberq Dağlıq Qarabağ və digər regional münaqişələri müzakirə ediblər.

BAKI, 26 noyabr - Sputnik. Türkiyənin xarici işlər naziri Mövlud Çavuşoğlu və NATO-nun baş katibi Yens Stoltenberq arasında telefon danışığı olub.

Sputnik Azərbaycan Türkiyə mediasına istinadla xəbər verir ki, telefon danışığı zamanı tərəflər regional gündəmin aktual məsələlərini, o cümlədən Dağlıq Qarabağı müzakirə ediblər.

Türkiyə XİN rəhbəri və NATO-nun baş katibi Şərqi Aralıq dənizi, Əfqanıstan və Liviya böhranı barədə də fikir mübadiləsi aparıblar.

Çavuşoğlu Stoltenberqə İrini Hərəkatı çərçivəsində Aralıq dənizindəki Türkiyə ticarət gəmisində axtarış aparılmasının beynəlxalq hüquqa zidd və yolverilməz olduğunu bildirib.

16
Teqlər:
Aralıq dənizi, Liviya, Dağlıq Qarabağ, Türkiyə xarici işlər naziri Mövlud Çavuşoğlu, Mövlud Çavuşoğlu, baş katibi Yens Stoltenberq, Yens Stoltenberq, NATO

Ermənistandakı hərbi bazada Rusiya hərbçisinin cəsədi tapılıb

41
(Yenilənib 21:33 26.11.2020)
Rusiya hərbi bazasının Ermənistandakı Cənub Hərbi Dairəsi üzrə komandanlığının komissiyası hüquq-mühafizə orqanları ilə birlikdə müqavilə əsasında hərbçinin ölümü ilə bağlı araşdırma aparır. H

BAKI, 26 noyabr - Sputnik. Ermənistanın Gümrü şəhərində Rusiyanın 102-ci hərbi bazasının hərbi qulluqçusu ölü tapılıb.

Bu barədə Sputnik Ermənistan-a Cənub Hərbi Dairəsinin mətbuat xidmətindən bildirilib. Ermənistan İstintaq Komitəsinin Şirak Regional İstintaq İdarəsi hazırda hərbçinin ölümü ilə bağlı materialları toplayır.

Bildirilir ki, 36 yaşlı rus hərbçinin həyat əlamətləri olmayan cəsədi onun hərbçi yoldaşları tərəfindən aşkar edilib. Onun üzərində hər hansı zorakılıq əlamətlərinə rast gəlinməyib: 

"Rusiya hərbi bazasının Ermənistandakı Cənub Hərbi Dairəsi üzrə komandanlığının komissiyası hüquq-mühafizə orqanları ilə birlikdə müqavilə əsasında hərbçinin ölümü ilə bağlı araşdırma aparır. Hərbçinin cəsədində zorakılıq əlamətlərinə rast gəlinməyib".

Hazırda hadisənin baş vermə şəraiti və səbəbləri araşdırılır.

Cinayət xəbərləri saytı shamshyan.com-un yazdığına görə, ölən şəxs 36 yaşlı müqaviləli hərbçi A.P.-dir.

41
PPX avtomobili, arxiv şəkli

Bakı sakini küçədə qətlə yetirilib

0
Hazırda prokurorluq və polis əməkdaşları tərəfindən cinayəti törətmiş şəxs və ya şəxslərin müəyyən edilərək tutulub istintaqa cəlb edilməsi istiqamətində intensiv və zəruri istintaq hərəkətləri və əməliyyat-axtarış tədbirləri davam etdirilir.

BAKI, 27 noyabr — Sputnik. Noyabrın 25-də saat 21 radələrində Xətai rayonu ərazisində İntizam İsmayılovun aldığı bədən xəsarətləri nəticəsində xəstəxanada ölməsi barədə Xətai rayon prokurorluğuna məlumat daxil olub.

Sputnik Azərbaycan Baş Prokurorluğun məlumatına istinadla xəbər verir ki, dərhal prokurorluq əməkdaşları tərəfindən məhkəmə-tibb ekspertinin iştirakı ilə hadisə yerinə və meyitə baxış keçirilib, digər prosessual hərəkətlər yerinə yetirilib.

Faktla bağlı Xətai rayon prokurorluğunda Cinayət Məcəlləsinin 120.1-ci (qəsdən adam öldürmə) maddəsi ilə cinayət işi başlanmış, müvafiq ekspertizalar təyin edilib.

İstintaqla hadisənin zərərçəkmişin yaşadığı evin yaxınlığında naməlum şəxs və ya şəxslər tərəfindən aralarında yaranmış münaqişə zamanı törədilməsinə əsaslı şübhələr müəyyən edilib.

Hazırda prokurorluq və polis əməkdaşları tərəfindən cinayəti törətmiş şəxs və ya şəxslərin müəyyən edilərək tutulub istintaqa cəlb edilməsi istiqamətində intensiv və zəruri istintaq hərəkətləri və əməliyyat-axtarış tədbirləri davam etdirilir.

0
Teqlər:
cinayət, istintaq, Bakı, qətl, Xətai rayonu, Xətai