ABŞ bayrağı, arxiv şəkli

Amerikalı həkim səhlənkarlıq ucbatından koronavirusdan ölüb

50
(Yenilənib 14:00 25.04.2020)
Qızının sözlərinə görə, anası koronavirus üçün üç dəfə test almağa çalışıb, lakin buna nail ola bilməyib. Bunun əvəzinə, həkimlər ona simptomatik müalicə təyin ediblər və evdə "istirahət"ə göndəriblər.

BAKI, 25 aprel – Sputnik. Farminqton Hillsdəki (Miçiqan ştatı) hospitallardan birinin laboratoriya diaqnostikasının həkimi Debora Geytvud yeni tip koronavirus infeksiyası üçün testi gözləmədən dünyasını dəyişib. Sputnik Azərbaycan xarici mediaya istinadla xəbər verir ki, bu barədə FOX 2 Detroit telekanalına qadının qızı danışıb.

Mart ayında 63 yaşlı qadının temperaturu yüksəlib və quru öskürək ortaya çıxıb. Geytvud həkimlərə müraciət edib. Onlar COVİD-19 simptomlarının inkişaf etdiyini bildiriblər və qadını test etdirmədən özünütəcridə göndəriblər.

Qızının sözlərinə görə, anası koronavirus üçün üç dəfə test almağa çalışıb, lakin buna nail ola bilməyib. Bunun əvəzinə, həkimlər ona simptomatik müalicə təyin ediblər və evdə "istirahət"ə göndəriblər.

Bir müddətdən sonra qadının vəziyyəti pisləşib və ikitərəfli pnevmoniya diaqnozu ilə xəstəxanaya yerləşdirilib. Bir neçə gün sonra Debora Geytvud xəstəliyin ağırlaşması nəticəsində ölüb.

Con Hopkins Universitetinin məlumatına görə, ABŞ-da koronavirusa yoluxma hallarının ümumi sayı 890 524 nəfərə çatıb. Son sutka ərzində 28 819 yeni yoluxma halı aşkarlanıb. 51 017 xəstə ölüb. ABŞ dünyanın bütün ölkələri arasında istər xəstələnənlərin, istərsə də COVİD-19-dan ölənlərin sayına görə birinci yerdədir.

50
Mumiya, arxiv şəkli

Misirdə üzərində ginekoloji əməliyyat izi olan mumiya aşkarlanıb

12
Müəyyən edilib ki, qadın yüksək təbəqədən olub və onun adı Sattjeni A. olub. Sonuncu hərf qadını digərlərindən fərqləndirmək üçün olub.

BAKI, 17 yanvar — Sputnik. Qədim Misirdə üzərində ginekoloji əməliyyat izi olan mumiya aşkarlanıb.

Sputnik Azərbaycan xarici mətbuata istinadla xəbər verir ki, Qranada və Xaena universitetlərinin alimləri qadın mumiyası üzərində apardıqları araşdırma zamanı məlum olub ki, qadın ginekoloji əməliyyat keçirib.

Mumiyanın bizim eradan əvvəl 1878-1797-ci illərə aid olduğu bildirilir. Həmin şəxs sağlığında çanaq sümüyündən ciddi zədə alıb və güclü xəstəlikdən əziyyət çəkib. Yerli təbiblər onu sağaltmağa çalışıblar. Onlar qadın üzərində "fumiqasiya" əməliyyatı aparıblar. Belə ki, yaraya toksiki maddələr verərək, mikrobları öldürməyə çalışıblar.

Qeyd edək ki, bu üsul indi ancaq bitkilər üçün həyata keçirilir.

Müəyyən edilib ki, qadın yüksək təbəqədən olub və onun adı Sattjeni A. olub. Sonuncu hərf qadını digərlərindən fərqləndirmək üçün olub.

Çünki həmin dövrdə Sattjeni əhali arasında populyar ad olub. Mumiya qaya məzarlığında aşkarlanıb. Orada 11 yaxşı vəziyyətdə qalmış mumiya olub.

12
İsraildə epdimioloji vəziyyət

İsraildə “Pfizer” vaksini vurulan 13 nəfər üz iflici olub

16
Ötən ilin 20 dekabr tarixində İsraildə yeni növ koronavirus (COVID-19) infeksiyasına qarşı kütləvi vaksinasiya prosesinə başlanılıb.

BAKI, 17 yanvar - Sputnik. İsraildə yeni növ koronavirus infeksiyasına qarşı “Pfizer” vaksini ilə peyvənd olunan 13 nəfər üz iflici olub.

“Report”un məlumatına görə, bu barədə “The Jerusalem Post” İsrail Səhiyyə Nazirliyinin hesabatına istinadən xəbər verib.

Nazirlik bildirib ki, üz iflici olanların sayı daha çox ola bilər.

Qeyd edək ki, ötən ilin 20 dekabr tarixində İsraildə yeni növ koronavirus (COVID-19) infeksiyasına qarşı kütləvi vaksinasiya prosesinə başlanılıb. İlk olaraq İsrailin Baş naziri Binyamin Netanyahu peyvənd olunub.

16

İki gün əvvəl ordudan tərxis olunan könüllü əsgər ölüb

0
Onun səhhətində problem yarandığı üçün iynə vurulub. İynədən sonra anafilaktik şok keçirən İbrahim Mirzəzadə dünyasını dəyişib.

BAKI, 17 yanvar - Sputnik. Lənkəran rayonunun Göyşaban kəndindən Vətən müharibəsinə könüllü olaraq qatılan Mirzəzadə İbrahim Rüfət oğlu bu gün vəfat edib.

“Report”un verdiyi xəbərə görə, mərhum iki gün əvvəl səfərbərlik üzrə hərbi xidmətdən tərxis edilib.

İlkin məlumata görə, onun səhhətində problem yarandığı üçün iynə vurulub. İynədən sonra anafilaktik şok keçirən İbrahim Mirzəzadə dünyasını dəyişib.

Faktla bağlı araşdırma aparılır.

0