Təyyarə, arxiv şəkli

Sərnişin pandemiya zamanı turistlərlə dolu laynerdə gördüklərindən dəhşətə gəlib

31
(Yenilənib 22:29 24.04.2020)
American Airlines aviaşirkətinə məxsus təyyarə ilə Mayamidən Nyu-Yorka uçan sərnişin pandemiya zamanı turistlərlə dolu laynerdə gördüklərindən dəhşətə gəlib: nə temperaturu ölçürlər, nə də maska, əlcək taxırlar.

BAKI, 25 aprel – Sputnik. American Airlines aviaşirkətinə məxsus təyyarə ilə Mayamidən Nyu-Yorka uçan Manhetten sakini koronavirus pandemiyasının yayıldığı bir vaxtda təyyarənin turistlərlə dolu olmasından dəhşətə gəlib.

Sputnik Azərbaycan xarici mediaya istinadla xəbər verir ki, sərnişinin bu barədə fikirlərini və çəkdiyi şəkli News.com.au nəşri yayıb.

42 yaşlı Enci Vonq (Angie Wong) avialaynerin hər bir oturacağının yaxın-yaxına oturan sərnişinlər tərəfindən tutulduğu salonunun şəklini çəkib. Amerikalı qadının sözlərinə görə, yol yoldaşlarının əksəriyyəti respirator maskalar və qoruyucu əlcəklər taxmayıb.

Bundan əlavə, o, Mayami hava limanının işçilərinin sərnişinlər arasında sosial məsafə saxlama qaydalarına əməl olunmasına diqqət yetirdiklərini, lakin təyyarənin göyərtəsində heç kəsin bununla bağlı narahat olmadığını bildirib. "Stüardessa dedi ki, onlar heç nə edə bilmirlər və mənə yalnız başqa reysdə qeydiyyatdan keçməyi təklif etdi. Hətta pilot utancverici şəraitə görə turistlərdən üzr istədi” - deyə Vonq bildirib.

Sərnişin həmçinin American Airlines-in işçilərinin səyyahların temperaturunu yoxlamamasından da şikayət edib. "Biz hamımız yeni sosial normalara uyğunlaşmağı öyrənirik, amma şirkətlər hələ də köhnə paradiqma əsasında işləyirlər, baxmayaraq ki, ictimai təhlükəsizlik haqqında düşünməlidirlər. Sərnişindaşıma xidmətləri maskaların taxılmasının və sosial məsafəsinin saxlanmasının məcburiliyini nəzərdə tutan müvəqqəti qaydaları tətbiq etməlidirlər”, - deyə Vonq əlavə edib.

Bundan bir qədər əvvəl isə, başqa bir sərnişin, koronavirus pandemiyası dövründə Taunsvilldən Brisbenə (Avstraliya) uçan təyyarənin turistlərlə dolu şəklini çəkərək paylaşmışdı. Bu fotoda Qantas şirkətinə məxsus avialaynerin salonundakı bütün oturacaqların üzündə respirator maskalar olmayan və bir-birinə yaxın oturmuş sərnişinlərlə dolu olduğu əksini tapmışdı.

31
Fransa prezidenti Emmanuel Makron, arxiv şəkli

Makron regiondakı problemlərin üzərinə benzin tökür Türkiyənin Müdafiə naziri

2
(Yenilənib 17:11 18.09.2020)
Avropa İttifaqının bu regionda qayda qoymaq, qaydaları dəyişdirmə, sərhədləri müəyyənləşdirmək kimi hüququ yoxdur. Yunan qonşularımızın istəksiz olması və bir sıra ön şərtlər irəli sürməsi bu mövzuları yavaşladır.

BAKI, 18 sentyabr — Sputnik. Fransa Prezidenti Emmanuel Makron Aralıq dənizinin şərqi regionunda problemlərin üzərinə benzin tökür. Sputnik Türkiyə xəbər verir ki, bunu Türkiyənin Milli Müdafiə naziri Hulusi Akar bildirib.

"Makron buradakı problemlərin üzərinə benzin tökür. Bu isə həll yolunu daha da uzadır. Xəyal görən Makronun özüdür. Avropa İttifaqının bu regionda qayda qoymaq, qaydaları dəyişdirmə, sərhədləri müəyyənləşdirmək kimi hüququ yoxdur. Yunan qonşularımızın istəksiz olması və bir sıra ön şərtlər irəli sürməsi bu mövzuları yavaşladır. Toplantılar sonuna qədər davam edir", - deyə Türkiyənin müdafiə naziri qeyd edib.

Xatırladaq ki, bu ilin iyununda Türkiyə hökuməti Aralıq dənizinin Kipr adası yaxınlığında olan ərazisində öz maraqlarını qorumaq barədə qərar verib. Rəsmi Ankara bir sıra ölkələrin etirazına baxmayaraq geoloji kəşfiyyat işlərini davam etdirmək niyyətindədir.

Aralıq dənizinin şərq hissəsi – bir tərəfdə Avropa İttifaqının üzvləri Kipr və Yunanıstanla digər tərəfdə isə Türkiyə olmaqla gərginlik mənbəyidir. Türkiyə dəfələrlə yataqların Kipr türkləri ilə Kipr yunanların birgə işlətmələrini təklif edib. Rəsmi Ankara Moskva ilə əməkdaşlığı da istisna etməyib. Enerji daşıyıcıları mübahisəsinə həmçinin, Misir və İsrail də daxildir.

Tərəflər arasında fikir ayrılığı 1974-cü ildə Kiprdə adanın Yunanıstan anneksiyası ilə bağlı çevriliş baş verəndən sonra başlayıb. Həmin vaxt Türkiyə Kiprin şimalına qoşun yeridib və həmin ərazidə Kipr – Türk Federativ dövləti yaradıb. Daha sonra onun adı Şimali Kipr Türk Respublikasına dəyişdirilib. Adanın digər hissəsinə isə Kipr Respublikasının nəzarəti altındadır.

 

2
Teqlər:
Hulusi Akar, Emmanuel Makron, Aralıq dənizi, Kipr, Yunanıstan, Türkiyә
Əlaqədar
Makron Aralıq dənizində baş verənlərə görə Türkiyə və Rusiyanı ittiham etdi
Yunan Baş nazir Türkiyəyə ultimatum verdi – Bu tarixə qədər vaxtınız var...
Üç gərgin tərəf, bir Lavrov və ABŞ - Ərdoğana verilən mesaj Qarabağı xatırlatdı
Politoloq: “Avropa Birliyi Türkiyəyə qarşı çıxan dövlətlərə dəstək verir”
Azərbaycan Prezidenti: "Bütün məsələlərdə Türkiyənin yanında olacağıq"
Ceyhun Bayramov, arxiv şəkli

Ceyhun Bayramovla Komissarı arasında telefon danışığı olub

2
(Yenilənib 16:52 18.09.2020)
Tərəflər Aİ və Azərbaycan arasında mövcud olan qarşılıqlı faydalı əməkdaşlıq münasibətləri ətrafında fikir mübadiləsi aparıb

BAKI, 18 sentyabr — Sputnik. Bu gün Xarici İşlər naziri Ceyhun Bayramovun Avropa İttifaqının (Aİ) Qonşuluq və Genişlənmə üzrə Komissarı Oliver Varhelyi ilə telefon danışığı baş tutub.

XİN-dən Sputnik Azərbaycan-a verilən məlumata görə, Aİ Komissarı Ceyhun Bayramovu Xarici İşlər naziri təyinatı ilə təbrik edib və fəaliyyətində uğurlar arzulayıb.

Tərəflər Aİ və Azərbaycan arasında mövcud olan qarşılıqlı faydalı əməkdaşlıq münasibətləri ətrafında fikir mübadiləsi aparıb, o cümlədən ikitərəfli münasibətlərin hüquqi əsasını təşkil edəcək yeni Saziş layihəsi üzrə danışıqların yekunlaşdırılmasının əhəmiyyətini vurğulayıblar.

Telefon danışığı zamanı, həmçinin Azərbaycanla Avropa arasında enerji sahəsində mövcud olan strateji tərəfdaşlıq münasibətləri və Avropanın enerji təmin edilməsi üçün Azərbaycanın təşəbbüsü və iştirakı ilə həyata keçirilən layihələr, o cümlədən Cənubi Qaz Dəhlizi layihəsi çərçivəsində Avropa bazarına qazın nəqli və layihənin gələcəkdə genişləndirilməsi imkanları ətrafında müzakirələr aparılıb.

Tərəflər, habelə digər maraq doğuran məsələləri müzakirə ediblər.

2
Teqlər:
Avropa ittifaqı, Azərbaycan xarici işlər nazirliyi, Ceyhun Bayramov
 Əlil, arxiv şəkli

İşləyən əlillərin sayı açıqlanıb

0
(Yenilənib 17:34 18.09.2020)
Altsistemdə hazırda mövcud olan müqavilə bildirişlərinin 56 066-sı əlilliyi olan şəxslərlə bağlanılan müqavilələrə məxsusdur

BAKI, 18 sentyabr — Sputnik. Azərbaycanda işləyən əlillərin sayı açıqlanıb. Sputnik Azərbaycan-a Əmək və Əhalinin Sosial Müdafiəsi Nazirliyinin mətbuat xidmətindən verilən məlumatda bildirilir ki, "Əmək müqaviləsi bildirişi" e-sistemində 1 milyon 600 mindən çox müqavilə bildirişi mövcuddur. Nazirlik yanında Dövlət Əmək Müfəttişliyi Xidməti tərəfindən altsistem üzərindən mütəmadi təhlillər, analizlər və nəzarət tədbirləri həyata keçirilir. Altsistemdə hazırda mövcud olan müqavilə bildirişlərinin 56 066-sı əlilliyi olan şəxslərlə bağlanılan müqavilələrə məxsusdur.

Rəsmi əmək münasibətində olan əlilliyi olan şəxslərin 754-ü birinci, 41 min 496-sı ikinci, 13 min 803-ü isə üçüncü qrup əlillərə aiddir. Həmçinin qeyd edək ki, altsistemdə olan əmək müqaviləsi bildirişlərinin 13-ü sağlamlıq imkanları məhdud 18 yaşadək uşaqlara məxsusdur. Rəsmi əmək müqaviləsi ilə işləyən əlilliyi olan işçilərin 36 356-sı dövlət, 19 710-u isə qeyri-dövlət sektorunda çalışır.

Onlar ən çox təhsil, səhiyyə və sosial xidmətlər, topdan və pərakəndə ticarət, dövlət idarəetməsi və müdafiə, icbari sosial təminat kimi iqtisadi fəaliyyət növləri üzrə işə cəlb olunublar. 2020-ci ilin 6 ayı ərzində Əmək və Əhalinin Sosial Müdafiəsi Nazirliyinin tabeliyində Dövlət Məşğulluq Agentliyi tərəfindən 1684 nəfər əlilliyi olan şəxs işlə təmin olunub.

0
Teqlər:
Dövlət Məşğulluq Xidməti, Əmək və Əhalinin Sosial Müdafiəsi Nazirliyi