Xəstəxana, arxiv şəkli

Çinli alim koronavirusun mənşəyini təkzib edir: "Heç bir sübut yoxdur"

81
(Yenilənib 17:34 19.04.2020)
Çjimin senator Tom Kottonun koronavirusun Uhan Virusologiya İnstitutundan yayılması barədə ittihamlarını da şərh edib

BAKI, 19 aprel — Sputnik. Uhan Virusologiya İnstitutunun başçısı Yuan Çjimin CGTN kanalına müsahibəsində deyib ki, koronavirusun süni mənşəyə malik olması barədə əldə heç bir sübut yoxdur. Sputnik Azərbaycan bildirir ki, onun sözlərinə görə, bu nəticəyə özünün virusologiya biliklərinə əsaslanaraq gəlib.

“Bəzi alimlər hesab edirlər ki, virusun sintezi üçün ekstraordinar intellekt və böyük həcmdə iş tələb olunur. Ona görə də mən heç zaman inana bilmərəm ki, biz insanlar indi belə bir virusu sintez edə bilərik”, - Çjimin deyib.

O vurğulayıb ki, koronavirus infeksiyası işlədiyi institutdan heç cür “çıxa bilməzdi”. Çjiminin sözlərinə görə, institutda ciddi idarəetmə sistemi hökm sürür, tədqiqatlar da ciddi reqlament əsasında aparılır.

Alim bu cür şayiələrin yayılma səbəbini də açıqlayıb. O deyib ki, Virusologiya İnstitutu və BSL-4 laboratoriyası Uhanda yerləşdiyindən insanlarda belə assosiasiya yaranıb.

Bundan başqa, Çjimin senator Tom Kottonun koronavirusun Uhan Virusologiya İnstitutundan yayılması barədə ittihamlarını da şərh edib.

“Heç bir sübut yoxdur, hamısı mülahizədir”, - alim deyib.

Onun təxmininə görə, bunlar ona görə edilir ki, insanları çaşdırsınlar, epidemiya əleyhinə tədbirlərə və hətta institutun elmi fəaliyyətinə mane olsunlar. Çjimin deyib ki, uzun müddətdir laboratoriyanın bioloji təhlükəsizliyinin təminatı ilə məşğuldur və bilir ki, belə bir hal mümkün deyil.

81
Mövzu:
Dünyanı cənginə almış bəla (322)
Əlaqədar
ABŞ-da koronavirusa yoluxanların sayı 735 mini ötüb
Çindən şok açıqlama: Koronavirus qurbanlarının sayı çox imiş
İrana heç gözləmədiyi istiqamətdən yardım təklifi gəldi
Diabet xəstələri koronavirusdan necə qorunmalıdır?
Rusiyada koronavirusa yoluxanlarda qəribə tendensiya müşahidə olunur
 Belarus Prezidenti Aleksandr Lukaşenko, arxiv şəkli

Lukaşenko Belarusun dağılması təhlükəsindən danışdı

17
(Yenilənib 00:23 11.07.2020)
Prezident eyni zamanda vurğulayıb ki, Belarusda dəyişikliklər "Maydandan deyil, Konstitusiyadan" gəlməlidir

BAKI, 10 iyul — Sputnik. Belarus Prezidenti Aleksandr Lukaşenko ölkənin dağılması təhlükəsi olduğunu bəyan edib. Sputnik Azərbaycan "RİA Novosti"-yə istinadən xəbər verir ki, Lukaşenko yerli KİV-lərlə görüşündə ölkənin suverenliyinin qorunmasının əsas məqsəd olduğunu bildirib.

"Yalnız mənim deyil, bizim öz əllərimizlə qurduğumuz hər şeyin sabah dağılmasını və kiminsə gəlib, eksperimentlər həyata keçirməsini istəmirəm", - deyə Lukaşenko vurğulayıb.

Prezident eyni zamanda vurğulayıb ki, Belarusda dəyişikliklər "Maydandan deyil, Konstitusiyadan" gəlməlidir.

Qeyd edək ki, avqustun 9-da Belarusda prezident seçkisi keçiriləcək. Seçki kampaniyası zamanı müxalifətin bəzi liderləri və namizəd Viktor Babariko tutulub. Belarus DİN vurğulayır ki, onlar siyasi fəaliyyətinə görə deyil, kütləvi tədbirlər zamanı asayişin pozulmasına görə saxlanılıblar.

17
Əlaqədar
Lukaşenko anons etdi – İqtisadi, ekoloji problemlər kəskinləşəcək
Lukaşenko qələbə paradında - Moskvanı vətəninin paytaxtı adlandırdı
Lukaşenko bəyan etdi: "Koronavirus üzərində qələbə çaldıq"
Kreml: Belarusdakı seçkilərə müdaxilə etməyə hazırlaşmırıq
Lukaşenko xəbərdarlıq edib: Belarus ərazisinin bir hissəsini itirə bilər
İranda epdimioloji vəziyyət

İran bərbad durumda: ölənlər azalsa da, yoluxanların sayı artıb

8
(Yenilənib 22:34 10.07.2020)
Dünən İranda bir sutka ərzində 2079 nəfərdə virus aşkarlanmış, 221 nəfər COVID-19-dan dünyasını dəyişmişdi. Bu gün isə daha 142 nəfər ölüb. Amma yoluxma sayında artım var

BAKI, 10 iyul — Sputnik. İranda koronavirusa yoluxanların sayı bir gün ərzində 2262 nəfər artıb. Sputnik Azərbaycan xəbər verir ki, bunu İranın Səhiyyə Nazirliyinin rəsmi nümayəndəsi Sima Sədat Lari bildirib.

"Son 24 saat ərzində koronavirusa 2262 yoluxma halı qeydə alınıb ki, bununla da ölkədə virusa yoluxanların sayı 252720-yə çatıb. Bir gün ərzində 142 nəfər virusdan ölüb, bununla da ölkədə koronavirusdan ölənlərin sayı 12447-yə çatıb", - deyə məlumatda bildirilib.

O, həmçinin qeyd edib ki, virusa yoluxan 252720 şəxsdən 215500 nəfəri sağalıb.

Xatırladaq ki, SARS-CoV-2 koronavirus infeksiyası ötən ilin dekabrında Çinin Uhan şəhərində yayılmağa başlayıb. Hazırda virus dünyanın əksər regionları və ölkələrində yayılıb. Dünyada koronavirus infeksiyasına indiyədək yoluxanların sayı 12 milyonu keçib, 554 mindən çox adam isə virus səbəbilə ölüb.

Ümumdünya Səhiyyə Təşkilatı (ÜST) fevralın 11-də infeksiyanın törətdiyi xəstəliyin adını COVID-19 qoyub, martın 11-də isə koronavirusu pandemiya elan edib.

8
Mövzu:
Dünyanı cənginə almış bəla (322)
Əlaqədar
Avstraliya və Honkonqda koronavirus məhdudiyyətləri bərpa olunur
Azərbaycanın xaricdəki bəzi diplomatları koronavirusa yoluxub
Həyatınızla eksperiment aparmayın - Koronavirusu müalicə "edən" dərman təhlükəli çıxdı
Koronavirusa qarşı yeni dərmanlar tapıldı
ÜST: Rusiyada koronavirus məhdudiyyətləri qayıda bilər