Kosmos, arxiv şəkli

Göydəndüşmə olacaq: Ay resursları bizə kömək edə bilərmi?

50
(Yenilənib 21:36 18.04.2020)
Yer üzündə nadir və çox qiymətli resurslar bitsə, və ya onları çıxarmaq daha da çətinləşsə, nə edəcəyik? Astronomların cavabı belədir: dərin qazmaq lazım deyil, problemin həlli Ayın səthindədir.

BAKI, 18 aprel — Mariya Merkulova, Sputnik. Yer üzündə həm nadir, həm də çətin hasil edilən resurslar var. Amma hərdən elə olur ki, biri o birinə çevrilir. Məsələn, Yerdə sənaye üçün – adi smartfonların və ya mürəkkəb kosmik aparatların istehsalında çox vacib olan platin və iridium azdır. Ayda isə bu metallardan kifayət qədər var. Bunu Moskva Dövlət Universitetinin P.K.Şternberq adına Dövlət Astronomiya İnstitutunun alimləri deyirlər. 

Bəs bu elementlərin Ayda əldə edilməsi onları, yumşaq desək, çətin hasil edilən resurs etmirmi? Hər halda, hələ ki, Yerin təbii peykinə uçuşları adi bir səyahət adlandırmaq olmaz. Düzdür, bu, tezliklə dəyişə bilər: bir çox ölkələr, xüsusilə də Rusiya (2021-ci ilin oktyabrında) Aya uçuşlar hazırlayır.

Astronomlar, öz növbəsində, iddia edirlər ki, insanlar Ayın resurslarını mövcud texnologiyaların köməyi ilə hasil edə bilərlər. Orada heç dərin qazmaq da lazım deyil, guya hər şey demək olar ki, Ayın səthindədir.

Planetimizdə zəruri resurslar bitsə və onlara əvəz tapılmasa, hara gedəcəyik? Əlbəttə ki, Aya. Digər tərəfdən Yerə Aydan da yaxın – düz planetimizin orbitinin yanında uçan asteroidlərdə də resurs yataqları var. Belə səma cismlərindən bir neçə mini insanlar üçün tamamilə əlçatandır. Doğrudur, onların üzərindəki resurslar bir qədər fərqlidir: dəmir, nikel, maqnezium, alüminium. Bunlar da faydalı metallardır, amma hələ ki, onları əldə etmək üçün uzağa getməyə ehtiyac yoxdur.

Lakin, həm Ayda, həm də asteroidlərdə resurs hasil etməyin ən böyük problemi nə qət edilməli olan məsafə, nə də hasilatın bahalı olmasıdır. Ən böyük problem radiasiyadır. Bütün hasilat prosesi nə qədər avtomatlaşdırılmış olsa da, ona yerində bir neçə insan nəzarət etməlidir. Onları lazım olan hər şeylə təmin etmək və radiasiyadan qorunmaq lazımdır. Bu isə hələ ki, problemli məsələdir.

Kosmik obyektlərdə faydalı resursların hasilatı ideyası yeni olmasa da, hələ də fantastik səslənir. Buna baxmayaraq, planetlərarası vakuumda özünə isti yer axtaran bir çox ölkə var. Bu işdə ABŞ hamını qabaqlamaq istəyir. Bu yaxınlarda Donald Tramp amerikalıların kosmik resursları hasil etmək hüququna dair fərman imzalayıb. Lakin mövcud beynəlxalq razılaşmaya görə, ölkələr Ayı və digər göy cisimlərini mənimsəyə bilməzlər. Bəs bu, planetdənkənar resursların özəlləşdirilməsinə də aiddirmi? Məsələ hələ ki, açıq qalır.

50

Putindən Ərdoğanla bağlı xoş sözlər: "Belə etibarlı tərəfdaşla işləmək xoşdur"

53
Rusiya lideri: "Türkiyə prezidenti Ərdoğan müstəqil siyasət yürüdür: Qərara aldı ki, ölkəsinə müasir HHM sistemi lazımdır, dedi və S-400 aldı".

BAKI, 22 oktyabr - Sputnik. "Türkiyə prezidenti Ərdoğan müstəqil siyasət yürüdür: Qərara aldı ki, ölkəsinə müasir HHM sistemi lazımdır, dedi və S-400 aldı. Belə etibarlı tərəfdaşla işləmək xoşdur".

Sputnik Azərbaycan-ın məlumatına görə, bu sözləri Rusiya prezidenti Putin Valday klubunda onlayn çıxışı zamanı deyib.

"Ərdoğan dedi biz bunu reallaşdıracağıq, biz də elədik. Digər sahələrdə əməkdaşlıq edirik. Mən bilirəm ki, Ərdoğan müstəqil xarici siyasət yürüdür. Bütün təzyiqlərə baxmayaraq, biz onunla çox qısa zamanda “Türk axını” layihəsini reallaşdırdıq. Amma Avropa ilə indiyə qədər bunu edə bilmirik, illərdir mövzu çeynənir. Avropa elementar müstəqillik və suveren iradə göstərib ona xeyir gətirəcək "Şimal axını-2" layihəsini reallaşdıra bilmir. Biz öz milli maraqlarımızı başa düşərək Türkiyə ilə bunu tez bir vaxtda elədik", - deyə Putin vurğulayıb.

53
Əlaqədar
Putin: "Azərbaycan ərazilərinin itirilməsi vəziyyəti sonsuzadək davam edə bilməz"
Rusiya prezidenti: Minsk qrupu formatını bir az dəyişmək olar
Putin ümid edir ki, ABŞ Dağlıq Qarabağ münaqişəsinin nizamlanmasına kömək edəcək
Rəcəb Tayyip Ərdoğan və Həsən Ruhani. İstanbul, 14 aprel 2016-cı il

Ərdoğan Ruhaniyə: Qarabağ məsələsində işğala məruz qalanla işğalçını ayırd etmək önəmlidir

34
(Yenilənib 21:40 22.10.2020)
Türkiyə Prezidenti Rəcəb Tayyib Ərdoğan və İran Prezidenti Həsən Ruhani arasında telefon danışığında Qarabağ məsələsinə toxunub.

BAKI, 22 oktyabr - Sputnik. Türkiyə Prezidenti Rəcəb Tayyib Ərdoğan və İran Prezidenti Həsən Ruhani arasında telefon danışığı olub.

Sputnik Azərbaycan Türkiyə mediasına istinadla xəbər verir ki, telefon danışığı zamanı prezidentlər Türkiyə-İran əlaqələri, terrorla mübarizədə əməkdaşlıq, Ermənistan-Azərbaycan Dağlıq Qarabağ münaqişəsi və Suriya barədə fikir mübadiləsi aparıblar.

Azərbaycan torpaqlarını işğal edən Ermənistanın mülki əhalini atəşə tutmasının müharibə cinayəti olduğunu vurğulayan Ərdoğan deyib:

"Bu məsələdə haqlı ilə haqsızı, işğala məruz qalanla işğalçını ayırd etmək önəmlidir".

34
Армянская военная форма

Ermənistan son günlərdə hərbi əməliyyatlarda ölən hərbçilərinin siyahısını açıqlayıb

0
(Yenilənib 00:18 23.10.2020)
Ermənistan hökuməti oktyabrın 22-də Dağlıq Qarabağ münaqişəsində həlak olan hərbi qulluqçularının növbəti siyahısını açıqlayıb.

BAKI, 22 oktyabr - Sputnik. Ermənistan hökuməti oktyabrın 22-də Dağlıq Qarabağ münaqişəsində həlak olan hərbi qulluqçularının yeni siyahısını açıqlayıb.

Sputnik Azərbaycan Ermənistan KİV-lərinə istinadən xəbər verir ki, bugünkü siyahıda 26 nəfərin adı yer alıb.

Bu günədək Ermənistan tərəfinin açıqladığı itkilərin sayı 900 nəfərə çatıb.

Qeyd edək ki, qarşı tərəf itkilərinin sayını məqsədyönlü şəkildə gizlədir.

0
Əlaqədar
MN: Ermənistan rəhbərliyi cəbhədə verdiyi ağır itkiləri yaddan çıxarıb
Madagiz-Ağdərə istiqamətində ermənilərin itkiləri açıqlandı
Ermənistan ordusu ağır itkilər verməyə davam edir - VİDEO
İtkilər üzə çıxır? Ermənistan ordusunun əsgəri ölüb
"Ermənistanın verdiyi itkilər arasında xaricdən gətirilən muzdlular çoxluq təşkil edir"