Amerikalı müğənni Alesia Bes Mure (Pink), arxiv şəkli

Heç məşhurlara da rəhm yoxdur: bəziləri vida etməyə macal tapmadılar

85
(Yenilənib 19:06 04.04.2020)
Dünyada koronavirusdan ölən məşhurların sayının ən azı 16 olduğu bildirilir. Mücadilə edib, sağalanlar da var

 

BAKI, 4 aprel — Sputnik. Pink kimi tanınan müğənni Alesia Bes Mure bir neçə gün öncə özünün və 3 yaşlı övladının koronavirusa yoluxduğunu açıqlamışdı. O bununla bağlı özünün sosial hesabında məlumat paylamışdı.

Sputnik Azərbaycan bildirir ki, iki həftə ərzində evdə həkim nəzarətində karantin rejimində qalan müğənni artıq həm özünün, həm də övladının sağaldığını qeyd edib. O bildirib ki, test nəticələri neqativ çıxıb.

Bundan başqa, müğənni koronavirusla mübarizə üçün yaradılan fonda 500 min dollar vəsait köçürüb. Üstəlik, anasının vaxtı ilə 18 il çalışdığı, Filadelfiyada yerləşən Templ Universiteti Xəstəxanasının Təcili Yardım Fonduna da eyni məbləğdə ianə edib.

​Bu həftələrdə pərəstişkarlarını koronavirusa yoluxdurması xəbəri ilə pəjmürdə edən təkcə Pink olmayıb.

Amerikalı aktyor, rejissor, eyni zamanda da ssenarist Tom Henks koronavirusa yoluxan məşhurlar arasındadır. Bu barədə məşhur aktyor özünün "Twitter" hesabında məlumat yayıb. O bildirib ki, özü və həyat yoldaşı Rita Vilson bərk soyuqlayıblar. Bəzi simptomların olmasına görə onlar COVID-19-a görə test ediliblər və nəticələri pozitiv çıxıb. Aktyor həkimin təlimatlarına əməl etdiklərini bildirib.

Türkiyəli məşhur futbolçu, "Fenerbahçe" klubunun qapıçısı olmuş Rüştü Rəcbər də koronavirusa yoluxanlar arasındadır. O hazırda reanimasiyadadır, vəziyyəti ağırdır.

Aktrisa Olqa Kurilenkonun da test nəticələri pozitiv çıxıb. Ukraynada doğulan aktrisa bu haqda özünün "İnstagram" profilində məlumat paylaşıb.

Посмотреть эту публикацию в Instagram

Публикация от Olga Kurylenko (@olgakurylenkoofficial)

İngiltərəli aktyor İdris Elba da koronavirusa yoluxub. O bu haqda özünün "Twitter" hesabında məlumat paylaşıb. Dediyinə görə, özünü yaxşı hiss edir.

Bundan başqa, aktrisa Reyçel Matyus, müğənni Şarlotta Lourens də koronavirusa yoluxanalr arasındadırlar.

Bu xəstəlikdən sağalanlarla yanaşı, dünyasını dəyişən məşhurlar da var.

Belə ki, dünyaca məşhur kamerunlu caz ifaçısı Manu Dibanqo 86 yaşında ikən bu virusdan dünyasını dəyişib. O, 1972-ci ildə hit olan "Soul Makossa" ifası ilə məşhurlaşmışdı.

Yaponiyanın tanınmış komediya ustası Ken Şimura martın 29-da bu virusla mübarizə apara bilməyib dünyasını dəyişdi.

"The Desperately Seeking Susan" filminin sevilən qəhrəmanı Mark Blum 69 yaşında bu virusdan dünyasını dəyişib. Vulture.com-a istinadən dünyada bu virusdan ölən məşhurların sayının ən azı 16 olduğunu qeyd edə bilərik.

85
Minneapolisdə etirazlar

Rusiya ABŞ-a nota verdi

22
(Yenilənib 00:38 01.06.2020)
“Hətta ABŞ-da işləyən rus jurnalistlərinə qarşı ikili standartların tətbiq olunduğu halda hansı obyektivlikdən danışmaq olar ki?” – səfir Anatoli Antonov

BAKI, 31 may - Sputnik. Rusiya Federasiyasının səfirliyi ABŞ Dövlət Departamentinə RİA Novosti-nin müxbirinin başına gələn hadisəyə görə nota verib.

Sputnik Azərbaycan bildirir ki, bu barədə Rusiyanın Vaşinqtondakı səfiri Anatoli Antonov məlumat verib.

RİA Novosti-nin müxbiri Mixail Turgiyev Minneapolisdəki etiraz aksiyalarını  işıqlandırarkən polisin hücumuna məruz qalıb – o, jurnalist vəsiqəsini göstərib mətbuat nümayəndəsi olduğunu desə də onun üzünə gözyaşardıcı qaz sıxıblar. Turgiyevin yanında olan Amerikanın VICE telekanalının bir qrup jurnalisti də analoji təzyiqlə üzləşib.

“Mixail Turgiyev və yanılndakı amerikalı jurnalistlər yerli polislər tərəfindən yolverilməz münasibətə məruz qalıblar. Hadisə yerində çəkilmiş kadrlardan aydın olur ki, mətbuat işçiləri hündürdən və aydın şəkildə özlərinin jurnalist olduqlarını deyirlər, geyimləri üzərində lazımi nişanlar var, onlar sənədlərini təqdim edib və heç bir müqavimət göstərməyiblər”, - Antonovun sözləri səfirliyin Facebook səhifəsində yayımlanıb.

“Bu hiddətləndirici fakta görə Dövlət Departamentinə etiraz notası göndərilib. Biz geniş araşdırma aparılmasını və onun nəticələri barədə məlumatlandırılmağımızı tələb etmişik”, - Antonov deyib.

“ABŞ-da KİV işçilərinin hüquqlarının pozulmasının momitorinqini aparan hüquq müdafiə təşkilatlarının bu insidenti nəzərə almasına nail olacağıq”, - səfir dəqiqləşdirib.

O həmçinin qeyd edib ki, “Amerika mətbuatı tərəfindən hər-hansı ictimai təəssüf və ya təsəlli cəhdi sezməyib”.

“Hətta ABŞ-da işləyən rus jurnalistlərinə qarşı ikili standartların tətbiq olunduğu halda hansı obyektivlikdən danışmaq olar ki?” – deyə Antonov sual edib.

Bu həftə Minnesota və Amerikanın bəzi digər ştatlarında Corc Floydun ölümü ilə əlaqədar kütləvi etirazlar və iğtişaşlar başlayıb.

Xatırladaq ki, polis Floydu qandallayıb və yolun qırağında yerə yıxıb. Derek Şovin adlı polis əməkdaşı isə dizi ilə onun boynunu yerə sıxıb. Floyd nəfəs ala bilmədiyini deyib, amma asayiş keşikçiləri buna diqqət yetirməyiblər. Qısa müddət sonra Floyd xəstəxanada ölüb.

İğtişaşlar nəticəsində mayın 30-da Oklend şəhərində ABŞ Federal Mühafizə Xidmətinin iki əməkdaşı odlu silahdan atəş nəticəsində yaralanıb. Onlardan biri dünyasını dəyişib.

Mitinqlər xüsusilə Vaşinqtonda, Ağ Evin yaxınlığında da keçirilir.

22
Əlaqədar
ABŞ-da polis üsyana səbəb oldu: yenə "günahkar" qaradərilidir
Tramp hədələdi: qaradərilinin öldürüldüyü şəhərə qoşun yeridə bilər
ABŞ ştatında iğtişaşa səbəb olan polis həbs edildi
ABŞ-da iğtişaşlar yeni mərhələdə - Məsələyə Pentaqon qarışır
Qaradərilinin ölümü ilə əlaqədar aksiyalar ABŞ-dan Kanadaya sıçradı
Opera müğənnisi Yusif Eyvazov, arxiv şəkli

Məşhur azərbaycanlı arıqlamağın sirrini bölüşür

20
Vokalçı Yusif Eyvazov artıq çəkidən qurtulmaq istəyən pərəstişkarlarına stressiz və mənşəyi məlum olmayan dərmanlarsız arıqlamağın yollarını öyrətmək niyyətindədir

BAKI, 31 may - Sputnik, Kəmalə Əliyeva. Azərbaycanın Xalq artisti Yusif Eyvazov pərəstişkarlarına onun xarici görkəmini tamamilə dəyişən qəfil arıqlamağının sirrini açacağına söz verib.

Sputnik Azərbaycan bildirir ki, o, Instagram-dakı səhifəsində artıq çəkidən qurtulmaq istəyən hər bir kəsə kömək etməyə hazır olduğunu deyib.

Посмотреть эту публикацию в Instagram

Публикация от Yusif Eyvazov Tenor Official (@yusif_eyvazov_official)

“Dostlar, siz öz həyatınızı, öz bədəninizi dəyişə bilərsiniz. Necə bilirsiniz, mən sizə öz idman zalımdan onlayn məşqlər keçsəm, sağlam qida haqda, orqanizm üçün stres yaşatmadan, tədricən, sağlam yolla, kimya və dərmansız kilolardan qurtulmaq barədə danışsam, necə olar?” – deyə Y.Eyvazov izləyicilərinə müraciət edib.

Xatırladaq ki, azərbaycanlı vokalçı 2019-cu ildən arıqlamağa başlayıb. O, 30 kq artıq çəkidən qurtulub.

Karyerasına İtaliyanın teatr və konsert zallarında başlayan Yusif Eyvazov 2008-ci ildə Milanda Opera Müğənniləri Beynəlxalq Müsabiqəsinin Qran-Pri mükafatına layiq görülüb. Onun adı "Dünyanın ən yaxşı tenorları" kitabına daxil edilib. O, bir sıra beynəlxalq müsabiqələrin laureatı və qalibidir. Onun qazandığı mükafatlar arasında Gianandrea Gavazzeni (dünya şöhrətli italyan dirijoru, pianoçusu, bəstəkarı, musiqi tənqidçisi və yazıçısı — red.) fəxri medalı da var. Eyvazov Milanın "La Skala" operasının və Monte-Karlonun "Kral" operasının kollektivləri ilə birlikdə dünya səhnələrində çıxış edir.

2015-ci ildə Rusiyanın xalq artisti Anna Netrebko ilə ailə qurub.

20
Əlaqədar
Koronavirus maneə deyil, yenə isti olacaq - "Jara" baş tutacaq
Samirə Əfəndi Səfurə Əlizadənin hitinə ikinci nəfəs verib
Bakılı qız Rusiya telekanalının realiti-şousunun finalına yüksəldi
Sevgilisindən ayrılan azərbaycanlı müğənniyə qızlar təklif yağdırırlar
Hüseyn Həsənov yeni avtomobilinə külli miqdarda pul xərcləyib