İtaliyada epdimioloji vəziyyət

Siyasət anti-irqçilik: Necə oldu ki, virus bütöv bir ölkəni iflic etdi

1140
(Yenilənib 18:45 30.03.2020)
Fevralın 1-də Florensiya şəhərinin meri Dario Nardella "Bir Çinlini Qucaqla Günü" adlı kampaniyaya start verib.

BAKI, 30 mart — Sputnik. Avropa və İtaliya Virusologiya Cəmiyyətinin keçmiş prezidenti və Padua Universitetinin virusologiya və mikrobiologiya üzrə professoru Doktor Corco Palu İtaliya hökumətinin koronavirusla mübarizədə ləng hərəkət etdiyini bildirib. Sputnik Azərbaycan xəbər verir ki, o, bu barədə CNN telekanalına danışıb. 

"Başlanğıcda (mübarizə – red.) çox ləng idi... İtaliyada həddindən artıq siyasət var. Çindən, yəni episentrdən gələn insanları təcrid etmək təklifi var idi. Sonradan bunu (təcrid təklifini – red.) irqçilik kimi qəbul etdilər. Lakin xəstəliyin yayılma zonasından gələn insanlar var idi", - Palu deyib.

Onun sözlərinə görə, məhz bu indiki fəlakətli vəziyyətə gətirib çıxarıb.

Palu hesab edir ki, şəhərlərin və regionların bağlanması daha geniş miyqaslı və daha sərt olmalı, yalnız qırmızı zonaya daxil edimiş 11 əyalətlə məhdudlaşmalı deyildi.

"Lombardiyada daha çox diaqnostik testlər aparmalı idik. Xəstəliyin böyük özəyi orada idi. Həftədə bir dəfə supermarketə getməyə çalışmağın heç bir mənası yoxdur. Bayırda keçirdiyiniz vaxtı azaltmalısınız, izolyasiya əsasdır", - o deyib.

"Bir Çinlini Qucaqla Günü"

Bu arada İtaliyanın koronavirusa qarşı reaksiyasına anti-irqçi yanaşmanın necə təsir etdiyinin əyani nümunəsi ortaya çıxıb.

Belə ki, fevralın 1-də Florensiya şəhərinin meri Dario Nardella ABŞ Prezident Donald Trampın və İtaliya Baş Naziri Cüzeppe Kontenin Çinə səfərlərə məhdudiyyət qoymasından sonra "Bir Çinlini Qucaqla Günü" adlı kampaniyaya start veribmiş.

"Biz səhiyyə orqanlarının göstərişlərinə əməl edirik və ehtiyatlı davranırıq, amma heç bir psixoloji terrorizm yoxdur", - Nardella öz "Twitter" səhifəsində bu kampaniyanı elan edərkən yazıb.

O, həmçinin, koronavirusu "nifrət və təhqir yağdırmaq üçün bəhanə kimi istifadə etməyi gözləyənləri" tənqid edib.

Nardella tvitinə həmçinin #AbbracciaUnCinese (#BirÇinliniQuacaqla) heşhteqini əlavə edib.

Pekin isə Florensiyanın "Bir Çinlini Qucaqla Günü" layihəsini alqışlayıb. Bu kampaniya barədə hətta Çinin CGTN telekanalı və "Global Times" qəzeti məlumat veriblər.

​Martın 30-na olan məlumata görə, İtaliyada SARS-CoV-2 koronavirusunun səbəb olduğu "COVID-19" xəstəliyinə 97,689 insan yoluxub. Onlardan 10,779 nəfər dünyasını dəyişib, 13,030 nəfər sağalıb.

Ümumdünya Səhiyyə Təşkilatı (ÜST) martın 11-də "COVID-19" xəstəliyinin yayılmasını pandemiya elan edib. ÜST-ün son məlumatına görə, dünyada artıq 634 mindən çox yoluxma faktı qeydə alınıb, təxminən 30 min insan dünyasını dəyişib.

1140
Əlaqədar
Koronavirusa yoluxanların sayı 700 mini keçdi
Normallaşmanın işartıları - Çin İspaniyaya "adına layiq" virus testləri göndərib
Avropanın vecinə olmayan sinyorlar və Rusiyadan gələn təyyarələr
İtaliyada koronavirusdan ölənlərin sayı niyə artdı?
Koronavirus dəhşəti: Buz meydançasını morqa çevirirlər - VİDEO
Minneapolisdə etirazlar

Rusiya ABŞ-a nota verdi

24
(Yenilənib 00:38 01.06.2020)
“Hətta ABŞ-da işləyən rus jurnalistlərinə qarşı ikili standartların tətbiq olunduğu halda hansı obyektivlikdən danışmaq olar ki?” – səfir Anatoli Antonov

BAKI, 31 may - Sputnik. Rusiya Federasiyasının səfirliyi ABŞ Dövlət Departamentinə RİA Novosti-nin müxbirinin başına gələn hadisəyə görə nota verib.

Sputnik Azərbaycan bildirir ki, bu barədə Rusiyanın Vaşinqtondakı səfiri Anatoli Antonov məlumat verib.

RİA Novosti-nin müxbiri Mixail Turgiyev Minneapolisdəki etiraz aksiyalarını  işıqlandırarkən polisin hücumuna məruz qalıb – o, jurnalist vəsiqəsini göstərib mətbuat nümayəndəsi olduğunu desə də onun üzünə gözyaşardıcı qaz sıxıblar. Turgiyevin yanında olan Amerikanın VICE telekanalının bir qrup jurnalisti də analoji təzyiqlə üzləşib.

“Mixail Turgiyev və yanılndakı amerikalı jurnalistlər yerli polislər tərəfindən yolverilməz münasibətə məruz qalıblar. Hadisə yerində çəkilmiş kadrlardan aydın olur ki, mətbuat işçiləri hündürdən və aydın şəkildə özlərinin jurnalist olduqlarını deyirlər, geyimləri üzərində lazımi nişanlar var, onlar sənədlərini təqdim edib və heç bir müqavimət göstərməyiblər”, - Antonovun sözləri səfirliyin Facebook səhifəsində yayımlanıb.

“Bu hiddətləndirici fakta görə Dövlət Departamentinə etiraz notası göndərilib. Biz geniş araşdırma aparılmasını və onun nəticələri barədə məlumatlandırılmağımızı tələb etmişik”, - Antonov deyib.

“ABŞ-da KİV işçilərinin hüquqlarının pozulmasının momitorinqini aparan hüquq müdafiə təşkilatlarının bu insidenti nəzərə almasına nail olacağıq”, - səfir dəqiqləşdirib.

O həmçinin qeyd edib ki, “Amerika mətbuatı tərəfindən hər-hansı ictimai təəssüf və ya təsəlli cəhdi sezməyib”.

“Hətta ABŞ-da işləyən rus jurnalistlərinə qarşı ikili standartların tətbiq olunduğu halda hansı obyektivlikdən danışmaq olar ki?” – deyə Antonov sual edib.

Bu həftə Minnesota və Amerikanın bəzi digər ştatlarında Corc Floydun ölümü ilə əlaqədar kütləvi etirazlar və iğtişaşlar başlayıb.

Xatırladaq ki, polis Floydu qandallayıb və yolun qırağında yerə yıxıb. Derek Şovin adlı polis əməkdaşı isə dizi ilə onun boynunu yerə sıxıb. Floyd nəfəs ala bilmədiyini deyib, amma asayiş keşikçiləri buna diqqət yetirməyiblər. Qısa müddət sonra Floyd xəstəxanada ölüb.

İğtişaşlar nəticəsində mayın 30-da Oklend şəhərində ABŞ Federal Mühafizə Xidmətinin iki əməkdaşı odlu silahdan atəş nəticəsində yaralanıb. Onlardan biri dünyasını dəyişib.

Mitinqlər xüsusilə Vaşinqtonda, Ağ Evin yaxınlığında da keçirilir.

24
Əlaqədar
ABŞ-da polis üsyana səbəb oldu: yenə "günahkar" qaradərilidir
Tramp hədələdi: qaradərilinin öldürüldüyü şəhərə qoşun yeridə bilər
ABŞ ştatında iğtişaşa səbəb olan polis həbs edildi
ABŞ-da iğtişaşlar yeni mərhələdə - Məsələyə Pentaqon qarışır
Qaradərilinin ölümü ilə əlaqədar aksiyalar ABŞ-dan Kanadaya sıçradı
Opera müğənnisi Yusif Eyvazov, arxiv şəkli

Məşhur azərbaycanlı arıqlamağın sirrini bölüşür

22
Vokalçı Yusif Eyvazov artıq çəkidən qurtulmaq istəyən pərəstişkarlarına stressiz və mənşəyi məlum olmayan dərmanlarsız arıqlamağın yollarını öyrətmək niyyətindədir

BAKI, 31 may - Sputnik, Kəmalə Əliyeva. Azərbaycanın Xalq artisti Yusif Eyvazov pərəstişkarlarına onun xarici görkəmini tamamilə dəyişən qəfil arıqlamağının sirrini açacağına söz verib.

Sputnik Azərbaycan bildirir ki, o, Instagram-dakı səhifəsində artıq çəkidən qurtulmaq istəyən hər bir kəsə kömək etməyə hazır olduğunu deyib.

Посмотреть эту публикацию в Instagram

Публикация от Yusif Eyvazov Tenor Official (@yusif_eyvazov_official)

“Dostlar, siz öz həyatınızı, öz bədəninizi dəyişə bilərsiniz. Necə bilirsiniz, mən sizə öz idman zalımdan onlayn məşqlər keçsəm, sağlam qida haqda, orqanizm üçün stres yaşatmadan, tədricən, sağlam yolla, kimya və dərmansız kilolardan qurtulmaq barədə danışsam, necə olar?” – deyə Y.Eyvazov izləyicilərinə müraciət edib.

Xatırladaq ki, azərbaycanlı vokalçı 2019-cu ildən arıqlamağa başlayıb. O, 30 kq artıq çəkidən qurtulub.

Karyerasına İtaliyanın teatr və konsert zallarında başlayan Yusif Eyvazov 2008-ci ildə Milanda Opera Müğənniləri Beynəlxalq Müsabiqəsinin Qran-Pri mükafatına layiq görülüb. Onun adı "Dünyanın ən yaxşı tenorları" kitabına daxil edilib. O, bir sıra beynəlxalq müsabiqələrin laureatı və qalibidir. Onun qazandığı mükafatlar arasında Gianandrea Gavazzeni (dünya şöhrətli italyan dirijoru, pianoçusu, bəstəkarı, musiqi tənqidçisi və yazıçısı — red.) fəxri medalı da var. Eyvazov Milanın "La Skala" operasının və Monte-Karlonun "Kral" operasının kollektivləri ilə birlikdə dünya səhnələrində çıxış edir.

2015-ci ildə Rusiyanın xalq artisti Anna Netrebko ilə ailə qurub.

22
Əlaqədar
Koronavirus maneə deyil, yenə isti olacaq - "Jara" baş tutacaq
Samirə Əfəndi Səfurə Əlizadənin hitinə ikinci nəfəs verib
Bakılı qız Rusiya telekanalının realiti-şousunun finalına yüksəldi
Sevgilisindən ayrılan azərbaycanlı müğənniyə qızlar təklif yağdırırlar
Hüseyn Həsənov yeni avtomobilinə külli miqdarda pul xərcləyib