İtaliyada epdimioloji vəziyyət

İtaliyada koronavirusdan ölənlərin sayı gündəlik rekordu qırıb

122
(Yenilənib 22:41 27.03.2020)
Əvvəlki ən mənfi rekord ötən şənbə günü baş verib. Hakimiyyət orqanları yoluxmuş şəxslərin 793-nün öldüyü barədə məlumat verib.

BAKI, 27 mart - Sputnik. İtaliyada koronavirusdan bir gün ərzində 969 nəfər ölüb. Sputnik Azərbaycan RİA Novosti-yə istinadla xəbər verir ki, bu barədə Səhiyyədə Fövqəladə Hallar üzrə komissar Domeniko Arkuri məlumat verib.

Bu, bütün dünyada xəstəliyin yayılması zamanı ən böyük göstəricidir. Beləliklə, ölkədə artıq 9134 xəstə infeksiya nəticəsində dünyasını dəyişib.

Ötən gün İtaliyada 662 ölüm halının olduğu elan edilib. Lakin sonradan Pyemont hökuməti məlumat verib ki, gündəlik icmalda regionlarda baş verən 50 hal göstərilməyib. Arkuri qeyd edib ki, dünənki məlumatlar səhv hesablanıb.

Əvvəlki ən mənfi rekord ötən şənbə günü baş verib. Hakimiyyət orqanları yoluxmuş şəxslərin 793-nün öldüyü barədə məlumat verib.

Komissarın məlumatına görə, ötən gün ərzində 589 nəfər sağalıb və beləliklə, xəstəlikdən azad olanların ümumi sayı 10 950 nəfərə çatıb. Bu ərəfədə 999 xəstənin vəziyyəti yaxşılaşıb. Lakin üç gündür dalbadal  bu göstəricidə də azalma müşahidə edilir.

Hazırda 66 414 italiyalı koronovirusa yoluxub. Gün ərzində yoluxanların sayı 4401 nəfərə yüksəlib.

Arkurinin sözlərinə görə, dünyasını dəyişənlər və sağalanlar da daxil olmaqla, yoluxma hallarının ümumi sayı 86,4 mini keçib. Ötən gün bu göstərici 80,5 min nəfər idi.

Ümumdünya Səhiyyə Təşkilatı martın 11-də Çindən yayılmış COVİD-19 koronavirus infeksiyasını pandemiya elan edib.

ÜST-ün son məlumatlarına görə, bütün dünyada bu virusa 465 mindən artıq insan yoluxub, 21 min nəfər ölüb.

122
Флаг Международного комитета Красного Креста, фото из архива

Qırmızı Xaç Qızıl Ayparanın könüllüsü Bərdədəki erməni terroru zamanı həlak olub

34
(Yenilənib 00:41 29.10.2020)
Ermənistan silahlı birləşmələrinin Bərdəyə raket hücumu zamanı Qırmızı Xaç və Qırmızı Aypara Cəmiyyətinin könüllüsü də həlak olub

BAKI, 28 oktyabr — Sputnik. Ermənistan silahlı qüvvələrinin Bərdəyə raket hücumu nəticəsində həlak olanlar arasında Qırmızı Xaç və Qırmızı Aypara Cəmiyyətinin könüllüsü var. 

Sputnik Azərbaycan-ın xəbərinə görə, bu barədə Qırmızı Xaç və Qırmızı Aypara Cəmiyyətinin Avropa bürosunun rəsmi "Twitter" səhifəsində məlumat verilib. 

"Bu gün günortadan sonra Azərbaycanın Bərdə şəhərində mülki şəxslərə humanitar yardım çatdırarkən könüllülərimizdən birinin həlak olması xəbəri bizi dərindən kədərləndirdi.  

39 yaşlı ata Qırmızı Aypara Cəmiyyətinin Azərbaycandakı nümayəndəliyinin təcili mobil qrupunun əməkdaşı idi və raket hücumunda həlak olub. Humanist, xeyriyyəçilər hədəf deyil!", - Qırmızı Xaç və Qırmızı Aypara təşkilatının Avropa bürosu bildirib.

34
Xoruz

Xoruz polis şefini öldürdü

37
(Yenilənib 23:34 28.10.2020)
Filippində polislər xoruz döyüşlərinə qarşı reydlər keçiriblər. Bu zaman döyüş xoruzu yerli polis şefini öldürüb.

BAKI, 28 oktyabr — Sputnik. Filippində olduqca qəribə qətl hadisəsi baş verib. Belə ki, xoruz yerli polis şefini öldürüb. Bu barədə Sputnik Azərbaycan "RİA Novosti"yə istinadən xəbər verir.

Məlumata əsasən Filippində polislər xoruz döyüşlərinə qarşı reydlər keçiriblər. Belə reydlərdən biri zamanı döyüş xoruzu yerli polis şefini öldürüb. Belə ki, xoruzun caynağına ülgüc bağlanıbmış.

37
Teqlər:
Filippin
Avropa İttifaqının bayrağı (Aİ), arxiv şəkli

Dağlıq Qarabağ münaqişəsinin sülh yolu ilə həllinə dair substantiv danışıqlara çağırdı

0
Avropa İttifaqının xarici siyasət və təhlükəsizlik üzrə ali nümayəndəsi Jozep Borrelin mətbuat katibi Peter Stanon atəşkəsə dair üç razılaşmadan sonra Dağlıq Qarabağ və ətrafında gedən döyüşlərlə bağlı bəyanat yayıb.

BAKI, 29 oktyabr - Sputnik. Avropa İttifaqı Rusiya, Fransa və ABŞ-ın vasitəçiliyi ilə atəşkəsə dair üç razılaşmadan sonra Dağlıq Qarabağ və ətrafında döyüşlərin hələ də davam etdiyini və daha çox mülki şəxslərin hədəf alınmasını qəbuledilməz hesab edir.

Sputnik Azərbaycan xəbər verir ki, bu barədə Avropa İttifaqının xarici siyasət və təhlükəsizlik üzrə ali nümayəndəsi Jozep Borrelin mətbuat katibi Peter Stanonun atəşkəsə dair üç razılaşmadan sonra Dağlıq Qarabağ və ətrafında gedən döyüşlərlə bağlı verdiyi bəyanatda bildirilib.

Bəyanatda, o da qeyd edilib ki, Avropa İttifaqı münaqişə tərəflərinə beynəlxalq humanitar hüquqa əsasən, mülki  şəxsləri qorumaq öhdəliklərini bir daha xatırladır.

"Avropa İttifaqı tərəfləri sonuncu dəfə 25 oktyabrda Vaşinqtonda razılaşdırıldığı kimi, gecikmədən Dağlıq Qarabağ münaqişəsinin sülh yolu ilə həllinə dair substantiv danışıqlara başlamağa çağırır", - deyə bəyanatda bildirilir.

0