İtaliyada epidemioloji vəziyyət

İtaliyada koronavirusdan ölənlərin sayı niyə artdı?

56
(Yenilənib 11:19 24.03.2020)
İtaliya koronavirusun yayılmasına görə Çini də geridə qoyaraq Avropada birincidir. Son rəsmi məlumatlara görə, Apennin yarımadasında 60 mindən çox insan yoluxub, 5,4 min nəfər ölüb

BAKI, 24 mart — Sputnik. Həkim və teleaparıcı Aleksandr Myasnikov İtaliyada koronavirusdan yüksək ölüm göstəricisinin səbəbini izah edib.

Sputnik Azərbaycan RİA Novosti-yə istinadən bildirir ki, onun fikrincə, İtaliya hökuməti virusla mübarizədə düzgün taktika seçməyib, həyəcan təbilini "yara deşilib, irini axandan sonra" vurduğundan xəstələrin sayı kəskin artdı.

Myasnikov qeyd edib ki, İtaliyada ağır simptomları olmayan xəstələri Rusiyada olduğu kimi xəstəxanada saxlayıb, tam təcrid etmək əvəzinə evə göndərirlər.

"Bax bu "evdə otur" məsələsi də, çox güman ki, işləmir: gah qohumları gəlir, gah bir-iki dəqiqəliyə iti gəzintiyə çıxarırlar, ya da başqa bəhanələr", - həkim Telegram-kanalda yazıb.

İtaliya koronavirusun yayılmasına görə Çini də geridə qoyaraq Avropada birincidir. Son rəsmi məlumatlara görə, Apennin yarımadasında 60 mindən çox insan yoluxub, 5,4 min nəfər ölüb.

Ümumilikdə dünyada koronavirusa yoluxanların sayı 330 mini ötüb, 14.5 mindən çox adam dünyasını dəyişib.

56
Əlaqədar
Koronavirus dəhşəti: Buz meydançasını morqa çevirirlər - VİDEO
Xaricdəki azərbaycanlıların etirafları: "Qorxuram, təyyarədə kimisə yoluxduraram"
İtaliyada ölənlərin sayı azalıb – Amma yenə dəhşətli rəqəmdir
Karantində nələr baş verir? - "İçəri"dən hər bir azərbaycanlıya müraciət
ABŞ İranın yolunu seçdi, amma rəqəmləri demir
Arxeoloji qazıntılar, arxiv şəkli

Yeddi min ilin sirri - Polşada qədim xəndəklər aşkar edilib

9
(Yenilənib 23:51 06.07.2020)
Polşada daha əvvəl buna bənzər tapıntı aşkarlanmayıb. Ancaq Slovakiyada, Çexiyada, Macarıstanda və digər ölkələrdə buna bənzər çıxıntılar - quruluşlar hələ də qalıb.

BAKI, 7 iyul — Sputnik. Arxeoloqlar qrupu Polşanın şimalında naməlum mənşəli xəndəklər sistemi aşkarlayıb. Sputnik Azərbaycan xarici mətbuata istinadla xəbər verir ki, tədqiqatlarla müəyyən edilib ki, hündürlükdən onlar tək şəkil kimi görünürmüş.

Xəndəklər ilk dəfə "Google Maps" və "Google Earth" xəritələrinin köməyi ilə gözə çarpıb. Alimlərin fikrincə, obyektlərin 7 minə yaxın yaşı var.

Polşada daha əvvəl buna bənzər tapıntı aşkarlanmayıb. Ancaq Slovakiyada, Çexiyada, Macarıstanda və digər ölkələrdə buna bənzər çıxıntılar - quruluşlar hələ də qalıb.

Xəndəklər bir mərkəz ətrafında oval şəklində qazılıb və bəzi yerlərdə torpaq "körpülər" qorunub saxlanılıb.

Xəndəklərin eni üç metr, dərinliyi iki metrdir. Ən böyüyünün diametri 85 metr təşkil edir. Yəqin ki, qədim tayfalar onları sümük alətlərinin köməyi ilə qazıblar, bu da çox səy və vaxt tələb edib. Arxeoloqların sözlərinə görə, gil torpaqlarda müasir avadanlıqlarla belə qaıntı aparmaq çətindir.

Elm adamları bu quruluşların ritual məna kəsb etdiyini düşünürlər. Ancaq burada hansı ayinlərin keçirildiyi hələ müəyyən edilməyib. İçəridə olan qədim kömür izləri burada hansısa tikilinin olduğunu və sonradan yandığını sübut edir.

9
London, arxiv şəkli

Fərdi sanksiyalar! Britaniya rusiyalılara səudiyyəlilərə qarşı "müharibəyə" başlayır

4
(Yenilənib 23:01 06.07.2020)
Bəzi rusiyalılara Birləşmiş Krallığa daxil olmaq qadağan ediləcək və onların Britaniya banklarındakı hesabları dondurulacaq.

BAKI, 6 iyul — Sputnik. Böyük Britaniyanın Xarici İşlər naziri Dominik Raab bazar ertəsi "Maqnitski düzəlişi" çərçivəsində insan hüquqlarının pozulmasına görə barəsində sanksiyalar tətbiq ediləcək Rusiya və Səudiyyə Ərəbistanı vətəndaşlarının adlarını açıqlayacaq.

Sputnik Azərbaycan xəbər verir ki, bu barədə "Financial Times" qəzeti nazirin özünə istinadən məlumat yayıb.

Nəşrin məlumatına görə, bəzi rusiyalılara Birləşmiş Krallığa daxil olmaq qadağan ediləcək və onların Britaniya banklarındakı hesabları dondurulacaq. "Financial Times" yazır ki, sanksiya siyahısında "işgəncə icraçılarının, qatillərin və təcavüzkarların" adları olacaq.

Raabın qara siyahısına, Londonun fikrincə, 2009-cu ildə hüquqşünas Sergey Maqnitskinin ölümündə əli olan şəxslərin adları da daxil ediləcək. Nəşrin məlumatına görə, sanksiyalar dərhal qüvvəyə minəcək.

Qəzetin yazdığına görə, siyahıda müxalifətçi jurnalist Camal Qaşıqçının öldürülməsində əli olduğu şübhəli bilinən Səudiyyə Ərəbistanı təbəələrinin də adları olacaq.

4