BAKI, 20 mart — Sputnik. Şahzadə Harrinin həyat yoldaşı Meqan Markl koronavirus təhlükəsinə görə oğlu ilə birlikdə malikanəyə sığınıb.
Sputnik Azərbaycan xarici mətbuata istinadla xəbər verir ki, cütlük Kanadada oğulları Arçi ilə qalacaq. Onlar evlərini ziyarət edən şəxslərin siyahısını azaldıblar. Şahzadə Harri ailəsindən uzaq olduğu üçün öz gücsüzlüyünü hiss edir.
O, koronavirus riski altında olan 71 yaşlı atası Çarlz və kraliça nənəsi II Elizabet üçün çox narahatdır.
Eyni zamanda Markl evdə gigiyena qaydalarını gücləndirib. Belə ki, o, öz qulluqçularına daim rezin əlcəkdə olmağı tapşırıb.
Cütlüyün yaxınlarl iddia edirlər ki, Uels hersoqu və arvadı son dəfə Ümumdünya Səhiyyə Təşkilatının koronavirusu pandemiya elan etməmişdən əvvəl İngiltərədə yaxınları ilə zaman keçiriblər.
Daha əvvəl Meqan Markl təyyarədə infeksiyalardan qorunmağın üsulunu açıqlamışdı. O, öz şəxsi bloqunda yazmışdı ki, uçuşdan əvvəl burun dəliklərinə antiseptik maz çəkmək lazımdır.
