Təl-Əvivdə tibbi maskada olan insanlar, arxiv şəkli

İsrailli nazirdən koronavirusla bağlı bədbin müraciət: hazırlaşın

36
(Yenilənib 22:43 19.03.2020)
Belə görünür ki, virus 2021-ci ilə qədər davam edə bilər. Mövsümi qriplə koronavirusun birlikdə müşahidə edilməsi məni hər şeydən çox narahat edir

BAKI, 19 mart — Sputnik. İsrailin Səhiyyə Nazirliyinin direktoru Moşe Bar Siman Tov koronavirusun 2021-ci ilə qədər davam edə biləcəyini və xalqın buna hazırlaşmasının lazım olduğunu qeyd edib.

Sputnik Azərbaycan xarici mətbuata istinadla xəbər verir ki, Bar Siman Tov cəmiyyətin çağırışlara əməl etmədiyi təqdirdə güc yolu ilə qaydalara riayət etdiriləcəyini də vurğulayıb. 

“Biz küçədə gəzən insanlara polis göndərmək istəmirik. Biz cəmiyyətdə məsuliyyət hissinin yarandığını görmək istəyirik”, - deyə direktor əlavə edib.

Baş direktor qeyd edib ki, məqsəd daha çox zaman qazanmaqdır: “Biz xəstəliyi öyrənirik. Baxırıq ki, ona qarşı nə işləyir, nə işləmir. Partlayış olmadan keçən hər gün bizim qazancımızdır. Bu qaçılmaz ola bilər, amma nə qədər gec olsa, o qədər yaxşıdır. Bu gün bizim vəziyyətimiz bir ay əvvəldən daha yaxşıdır.  Riyazi rəqəmlər narahatedicidir. Belə görünür ki, virus 2021-ci ilə qədər davam edə bilər. Mövsümi qriplə koronavirusun birlikdə müşahidə edilməsi məni hər şeydən çox narahat edir”.

Bar Siman Tovun sözlərinə görə, əsas məqsəd gün ərzində 3000-ə qədər  yoxlama aparmaqdır. Gələn həftədən MADA testetmə mərkəzi fəaliyyətə başlayacaq.  İnsanlar ora dəvət ediləcək və virusa qarşı yoxlanılacaqlar. 

Tezliklə ölkəyə 4 milyon test gətiriləcək.

36
Əlaqədar
Baranova koronavirusla bağlı gerçəkləri açıqladı: planetin 70 faizi yoluxsa...
Koronavirus pandemiyası ilə mübarizədə yeni yanaşma: Pul paylanılacaq
Koronavirusdan vətənlərinə piyada qaçdılar
Deyirlər, koronavirusun dərmanı tapılıb. Adı...
"Fitch": Koronavirus ölkələrin maliyyə vəziyyətlərini zəiflədəcək
COVİD-19 xəstəsi, arxiv şəkli

Ermənistanda koronavirusa yoluxanların sayı kəskin artdı

17
Ermənistan Respublikasında son gündə daha 10 nəfər ölüb. Ümumilikdə bu virusdan ölənlərin sayı 1131-ə çatıb.

BAKI, 22 oktyabr — Sputnik. Ermənistanda koronavirusa yoluxanların sayı 70836-ya çatıb. Sputnik Ermənistan xəbər verir ki, bu barədə Ermənistanın Xəstəliklərə Nəzarət və Profilaktika üzrə Milli Mərkəzinin yaydığı məlumatda bildirilib.

Məlumatda qeyd olunub ki, bir gündə bu virusa yoluxanların sayı daha 2306 nəfər artıb.

Ermənistanda son gündə daha 10 nəfər ölüb. Ümumilikdə bu virusdan ölənlərin sayı 1131-ə çatıb. Xəstəlikdən sağalanların sayı 49787 nəfər olub. Hazırda bu ölkədə 19591 nəfər xəstəxanada müalicə alır.

Xatırladaq ki, koronavirus infeksiyası ötən ilin dekabrında Çinin Uhan şəhərində yayılmağa başlayıb. Hazırda virus dünyanın əksər regionları və ölkələrində yayılıb. Dünyada koronavirus infeksiyasına indiyədək yoluxanların sayı 41 milyonu keçib, 1,13 milyondan çox adam isə virus səbəbilə ölüb.

Ümumdünya Səhiyyə Təşkilatı (ÜST) fevralın 11-də infeksiyanın törətdiyi xəstəliyin adını COVID-19 qoyub, martın 11-də isə koronavirusu pandemiya elan edib.

17
Mövzu:
Dünyanı cənginə almış bəla
Avropa İttifaqının bayrağı (Aİ), arxiv şəkli

Avropada əlahiddə iclas keçiriləcək

13
(Yenilənib 01:45 22.10.2020)
Sentyabrın sonunda səhiyyə məsələləri üzrə Avropa komissarı Stella Kiriakidis bildirmişdi ki, Avropanın bir sıra ölkələrində koronavirusla bağlı vəziyyət pisləşməkdədir

BAKI, 22 oktyabr - Sputnik. Avropa İttifaqının (Aİ) başçısı Şarl Mişel koronavirusun yayılması səbəbilə əlahiddə iclas keçirmək qərarına gəlib. 

Sputnik Azərbaycan bildirir ki, bu barədə o, Twitter-də yazıb.

Ş.Mişel avropalı liderləri oktyabrın 29-da qeyri-rəsmi videokonfransa dəvət edib.

"Biz koronavirusla mübarizədə kollektiv səylərimizi birləşdirməliyik", - Mişel yazıb.

Bir müddət öncə Avropa ölkələri arasında ilk "koronavirus milyonçusu" İspaniya oldu. Pandemiya başlanandan bəri bu qədər yoluxma sayı ilə İspaniya dünya üzrə altıncı pilləyə yüksəldi.

Sentyabrın sonunda səhiyyə məsələləri üzrə Avropa komissarı Stella Kiriakidis bildirmişdi ki, Avropanın bir sıra ölkələrində koronavirusla bağlı vəziyyət pisləşməkdədir. Onun sözlərinə görə, yazdakı alovlanmaya bənzər yoluxmanın qarşısını almaq üçün Avropanın son şansı qala bilər, buna görə də avrokomissar epidemiya əleyhinə tədbirlər görməyə səsləyib.

Oktyabrın 21-nə olan məlumata görə, dünyada 40.9 milyon COVID-19 xəstəsi var. Bunlardan 1,12 milyonu dünyasını dəyişib, 27.9 milyonu isə sağala bilib. Yoluxma sayına görə ABŞ, Hindistan, Braziliya, Rusiya və Argentina öndədir. 

13
Teqlər:
iclas, Şarl Mişel, Avropa, Koronavirus, epidemiya, COVID-19
Mövzu:
Dünyanı cənginə almış bəla
Əlaqədar
Azərbaycanda son sutkada 714 nəfər koronavirusa yoluxdu - Yenə rekord
Alimlər koronavirus zamanı karantin rejiminin tətbiq olunmasına qarşı çıxdılar
"Youtube" bəzi videoları siləcək
Bill Qeyts koronavirusa qalib gəlməyin yeganə yolunu açıqladı
Vasif Əliyev: “İnsanlar son günlər sanki koronavirusu unudublar”
İlham Əliyev, arxiv şəkli

Prezident: Erməni faşizminin belini qırmaqla bölgəmizi böyük bəladan xilas etmiş oluruq

0
(Yenilənib 13:48 22.10.2020)
Prezident İlham Əliyev Türkiyənin Baş Ombudsmanı Şərəf Malkoçu qəbul edərkən Ermənistanın Azərbaycana qarşı törətdiyi terror aktlarından və müharibə cinayətlərindən danışıb.

BAKI, 22 oktyabr — Sputnik. Prezident İlham Əliyev Türkiyənin Baş Ombudsmanı Şərəf Malkoçu qəbul edərkən Ermənistanın Azərbaycana qarşı törətdiyi terror aktlarından və müharibə cinayətlərindən danışıb.

Sputnik Azərbaycan xəbər verir ki, türkiyəli qonağı bu barədə məlumatlandıran Azərbaycan Prezidenti deyib: "Bilirəm ki, siz səfər çərçivəsində Gəncə şəhərinə gedəcəksiniz. Orada özünüz görəcəksiniz ki, biz hansı vəhşi düşmənlə üz-üzəyik. Onlar döyüş meydanında bizim qarşımızda duruş gətirə bilmirlər və çalışırlar ki, bu acı məğlubiyyətin əvəzini dinc insanlardan çıxsınlar".

Prezident vurğulayıb ki, Gəncəyə iki namərd hücum və şəhərin ballistik raketlərlə vurulması hərbi cinayətdir. Ermənistan rəhbərliyi bu cinayətə görə cavab verəcək. Bu, qəsdən törədilmiş cinayətdir. Məhz mülki əhalinin yaşadığı yerləri məqsədyönlü şəkildə atəşə tutublar. Bildiyiniz kimi, çoxlu itkilərimiz var, yaralılarımız var, o cümlədən uşaqlar, qadınlar, qocalar. Bu, bir daha erməni faşizminin yırtıcı mahiyyətini göstərir.

"Bu, bir daha göstərir ki, biz erməni faşizminin belini qırmaqla bölgəmizi böyük bəladan, böyük faciədən xilas etmiş oluruq", - deyə dövlətimizin başçısı vurğulayıb.

0