Qadın, arxiv şəkli

"Qırmızı fənərlər" kvartalının "əməkdaşları" koronavirusa görə işsiz qalıblar

65
(Yenilənib 23:33 19.03.2020)
Niderlandın Seks Sənayesi İşçiləri Birliyinin (PROUD) nümayəndəsi bildirib ki, yaranmış vəziyyətdə seks işçiləri daha zəifdirlər, çünki onların davamlı gəliri və ya ödənişli xəstəlik məzuniyyəti imkanları yoxdur.

BAKI, 19 mart — Sputnik. Niderlandın paytaxtı Amsterdamda yerləşən məşhur "Qırmızı fənərlər" kvartalındakı seks işçiləri koronavirus pandemiyasına görə işsiz qalıblar. Sputnik Azərbaycan xəbər verir ki, bu barədə "Reuters" yazır.

Yeni növ koronavirusun səbəb olduğu sətəlcəm xəstəliyinin (COVID-19) yayılmasının qarşısını almaq üçün Niderland hökuməti martın 15-də "Qırmızı fənərlər" kvartalındakı bütün seks müəssisələrini bağlamaq qərarına gəlib. Bu qərar seks işçilərinin gəlirlərinə böyük zərbə vurub.

Niderlanddakı fahişələr işin müvəqqəti məhdudlaşdırılması səbəbi ilə böhrandan ən çox əziyyət çəkmiş həmkarlarını dəstəkləmək üçün ianə toplamaq qərarına gəliblər. Bazar ertəsi axşam saatlarına onlar artıq 4,4 min avro toplayıblar. Təşkilatçılar müştəri itkisi səbəbi ilə ən çox ehtiyacı olanların hərəsinə 40 avro vermək niyyətindədirlər.

Niderlandın Seks Sənayesi İşçiləri Birliyinin (PROUD) nümayəndəsi bildirib ki, yaranmış vəziyyətdə seks işçiləri daha zəifdirlər, çünki onların davamlı gəliri və ya ödənişli xəstəlik məzuniyyəti imkanları yoxdur.

Niderlandda seks sənayesinin fəaliyyətinə qanunla icazə verilir. BMT-nin məlumatına görə, Niderlandda seks sənayesində təxminən 25 min adam çalışır, onların əksəriyyəti qadınlardır. Ancaq təşkilat bildirir ki, bir çoxlarının gizli şəkildə işlədiyi nəzərə alınsa, bu rəqəm daha yüksək ola bilər.

 

65
Флаг Международного комитета Красного Креста, фото из архива

Qırmızı Xaç Qızıl Ayparanın könüllüsü Bərdədəki erməni terroru zamanı həlak olub

34
(Yenilənib 00:41 29.10.2020)
Ermənistan silahlı birləşmələrinin Bərdəyə raket hücumu zamanı Qırmızı Xaç və Qırmızı Aypara Cəmiyyətinin könüllüsü də həlak olub

BAKI, 28 oktyabr — Sputnik. Ermənistan silahlı qüvvələrinin Bərdəyə raket hücumu nəticəsində həlak olanlar arasında Qırmızı Xaç və Qırmızı Aypara Cəmiyyətinin könüllüsü var. 

Sputnik Azərbaycan-ın xəbərinə görə, bu barədə Qırmızı Xaç və Qırmızı Aypara Cəmiyyətinin Avropa bürosunun rəsmi "Twitter" səhifəsində məlumat verilib. 

"Bu gün günortadan sonra Azərbaycanın Bərdə şəhərində mülki şəxslərə humanitar yardım çatdırarkən könüllülərimizdən birinin həlak olması xəbəri bizi dərindən kədərləndirdi.  

39 yaşlı ata Qırmızı Aypara Cəmiyyətinin Azərbaycandakı nümayəndəliyinin təcili mobil qrupunun əməkdaşı idi və raket hücumunda həlak olub. Humanist, xeyriyyəçilər hədəf deyil!", - Qırmızı Xaç və Qırmızı Aypara təşkilatının Avropa bürosu bildirib.

34
Xoruz

Xoruz polis şefini öldürdü

37
(Yenilənib 23:34 28.10.2020)
Filippində polislər xoruz döyüşlərinə qarşı reydlər keçiriblər. Bu zaman döyüş xoruzu yerli polis şefini öldürüb.

BAKI, 28 oktyabr — Sputnik. Filippində olduqca qəribə qətl hadisəsi baş verib. Belə ki, xoruz yerli polis şefini öldürüb. Bu barədə Sputnik Azərbaycan "RİA Novosti"yə istinadən xəbər verir.

Məlumata əsasən Filippində polislər xoruz döyüşlərinə qarşı reydlər keçiriblər. Belə reydlərdən biri zamanı döyüş xoruzu yerli polis şefini öldürüb. Belə ki, xoruzun caynağına ülgüc bağlanıbmış.

37
Teqlər:
Filippin
Avropa İttifaqının bayrağı (Aİ), arxiv şəkli

Dağlıq Qarabağ münaqişəsinin sülh yolu ilə həllinə dair substantiv danışıqlara çağırdı

0
Avropa İttifaqının xarici siyasət və təhlükəsizlik üzrə ali nümayəndəsi Jozep Borrelin mətbuat katibi Peter Stanon atəşkəsə dair üç razılaşmadan sonra Dağlıq Qarabağ və ətrafında gedən döyüşlərlə bağlı bəyanat yayıb.

BAKI, 29 oktyabr - Sputnik. Avropa İttifaqı Rusiya, Fransa və ABŞ-ın vasitəçiliyi ilə atəşkəsə dair üç razılaşmadan sonra Dağlıq Qarabağ və ətrafında döyüşlərin hələ də davam etdiyini və daha çox mülki şəxslərin hədəf alınmasını qəbuledilməz hesab edir.

Sputnik Azərbaycan xəbər verir ki, bu barədə Avropa İttifaqının xarici siyasət və təhlükəsizlik üzrə ali nümayəndəsi Jozep Borrelin mətbuat katibi Peter Stanonun atəşkəsə dair üç razılaşmadan sonra Dağlıq Qarabağ və ətrafında gedən döyüşlərlə bağlı verdiyi bəyanatda bildirilib.

Bəyanatda, o da qeyd edilib ki, Avropa İttifaqı münaqişə tərəflərinə beynəlxalq humanitar hüquqa əsasən, mülki  şəxsləri qorumaq öhdəliklərini bir daha xatırladır.

"Avropa İttifaqı tərəfləri sonuncu dəfə 25 oktyabrda Vaşinqtonda razılaşdırıldığı kimi, gecikmədən Dağlıq Qarabağ münaqişəsinin sülh yolu ilə həllinə dair substantiv danışıqlara başlamağa çağırır", - deyə bəyanatda bildirilir.

0