ABŞ-da epdimioloji vəziyyət

Koronavirus pandemiyası ilə mübarizədə yeni yanaşma: Pul paylanılacaq

1858
Amerika Birləşmiş Ştatlarının Maliyyə Nazirliyi vətəndaşlara 500 milyard dollar paylamağı təklif edib.

BAKI, 19 mart — Sputnik. ABŞ Maliyyə Nazirliyi vətəndaşlara 500 milyard dollar paylamağı təklif edib. Bundan başqa, Maliyyə Nazirliyi kiçik biznesin kreditləşdirilməsi üçün 300 milyard dollar və epidemiyadan zərər görmüş aviasiya sənayesinin dəstəklənməsi üçün ayrıca 50 milyard dollar ayıra bilər.

ABŞ Maliyyə Nazirliyi koronavirusla bağlı iqtisadi dəstək paketinə dair təklifləri açıqlayıb. Sputnik Azərbaycan xəbər verir ki, nazirliyin memorandumunda xüsusilə amerikalılara 500 milyard dollara qədər nağd pul verilməsi təklif olunur.

"Vergi ödəyicilərinə iki mərhələdə birbaşa ödənişlərin verilməsi üçün vəsaitin təsdiqlənməsi və ayrılması təklif olunur. Bunu Vergi xidməti və Maliyyə xidmətləri bürosu həyata keçirəcək. Aprelin 6-dan başlayaraq 250 milyard dollar və mayın 18-dən başlayaraq 250 milyard dollar ödənilməlidir", – memorandumda bildirilir.

Ödənişlərin vergi ödəyicilərinin gəlirlərindən asılı olacağı ehtimal edilir.

Bundan başqa, Maliyyə Nazirliyi kiçik biznesin kreditləşdirilməsi üçün 300 milyard dollar, iqtisadiyyatın problemli sahələrinin borclarının təminatı üçün 150 milyard dollar və epidemiyadan zərər görmüş aviasiya sənayesinin dəstəklənməsi üçün ayrıca 50 milyard dollar ayırmağı təklif edir.

1858
Belorusda seçkinin gedişi zamanı

Belarus MSK ilkin nəticələri açıqlayıb

144
Komissiyanın məlumatına görə, beş regionun səsvermələrinin nəticələrinə əsasən hazırkı dövlət başçısı Aleksandr Lukaşenko seçkilərdə liderdir.

BAKI, 10 avqust - Sputnik. Belarusun Mərkəzi Seçki Komissiyası bu gün ölkədə keçirilən prezident seçkilərinin ilkin nəticələrini açıqlayıb.

Bu barədə Sputnik Azərbaycan RİA Novosti-yə istinadən xəbər verir.

Komissiyanın məlumatına görə, beş regionun səsvermələrinin nəticələrinə əsasən hazırkı dövlət başçısı Aleksandr Lukaşenko seçkilərdə liderdir. O, seçicilərin 82%-nin səslərini toplayıb. 

Qeyd edək ki, Lukaşenko altıncı dəfədir prezident seçkilərində namizəddir.  

144
Musiqi qulaq asan şəxs, arxiv şəkli

Musiqi ilə məşq edin, o zaman...

9
Bu, musiqi ilə məşq etməklə yaranan müsbət əhval-ruhiyyənin təkcə insanın xarici görkəminə deyil, həm də idrak qabiliyyətlərinə təsir etdiyini göstərən ilk araşdırmadır.

BAKI, 9 avqust — Sputnik. Tsukuba Universitetinin tədqiqatçıları 33 gəncin idman məşqlərini bitirdikdən sonra əhval-ruhiyyəsini qiymətləndirib.

Sputnik Azərbaycan xarici mətbuata istinadla xəbər verir ki, məşqlər zamanı onlara musiqi və bir sıra səs siqnalları dinləndirilib. Musiqiyə qulaq asanların daha yaxşı əhval-ruhiyyədə olduğu və beyin testlərində daha yaxşı idrak performansı göstərdiyi məlum olub.

Alimlər iddia edirlər ki, insan fiziki işlə məşğul olan zaman musiqi dinləyərsə, bu onun əhval ruhiyyəsini yaxşılaşdırar.

"Musiqi ilə rəqs, səs siqnalları ilə müqayisədə həyat gücünü daha da artırır", - deyə qeyd edilir.

Əvvəlki tədqiqatlar göstərir ki, məşq beynin müəyyən bir hissəsində dorsolateral prefrontal korteks (DLPC) fəaliyyətini artırır.

Müəyyən edilib ki, beynin bu sahəsi aktivləşdirildikdə düşüncə, diqqət və qısamüddətli yaddaşa yol açır.

Bu, musiqi ilə məşq etməklə yaranan müsbət əhval-ruhiyyənin təkcə insanın xarici görkəminə deyil, həm də idrak qabiliyyətlərinə təsir etdiyini göstərən ilk araşdırmadır.

Bir müddət əvvəl isə dietoloqlar yemək zamanı sakit musiqi dinləməyin qidalanma prosesini yavaşlatdığını açıqlamışdı.

9