İtaliyada epidemioloji vəziyyət

Məşhur firmanın tikdiyi 200 avroluq maskaların hamısı satıldı

59
(Yenilənib 18:27 29.02.2020)
Şirkətdən bildiriblər ki, maskaları koronavirus təhlükəsi ilə bağlı alsalar da, onlar virusdan heç qorumurlar

BAKI, 29 fevral — Sputnik. Onlayn ticarət saytlarından biri "Fendi"dən dəbli tibbi maskanı 190 avroya satışa çıxarıb.

Sputnik Azərbaycan xəbər verir ki, Open xəbər portalının məlumatına görə, bu məhsul artıq alınıb.

Şirkətdən izah ediblər ki, 100% ipəkdən hazırlanmış belə maska bir neçə il ərzində satışda imiş. "Bu tozdan qorunmaq üçün xüsusən Asiyada çox dəbli predmetdir. İndi onları koronavirus təhlükəsi ilə bağlı alırlar, lakin onlar virusdan qorumurlar", - "Fendi"nin nümayəndələri deyiblər. Buna baxmayaraq, əhalinin arasındakı təşviş bu məhsulun çox baha qiymətlə satılmasının qarşısını ala bilməyib. İstehlakçı assosiasiyasından bildirildiyinə görə, tibbi maskalara tələbat bir həftə ərzində 400% artıb. Bununla bağlı qiymət də artaraq apteklərdə 2, "əldə" isə 10 avro olub. Bəzi internet dükanlarda artan defisit fonunda maskaların qiyməti 70 dollara çatıb. İtaliya prokurorluğu bazarda spekulyativ hərəkətlər faktına görə təhqiqata başlayıb. Belə ki, Amazon və eBay-ın İtaliyadakı nümayəndəliklərində axtarışlar aparıblar.

Roma apteklərində bu məhsul bir neçə gün əvvəl yoxa çıxıb, lakin küçələrdə maska taxanlar tək-tük adamlar asiyalı görünüşlü turistlərdir. İtaliyalı mütəxəssislər iddia edirlər ki, maskanı yalnız koronavirusa yoluxanlar deyil, həmçinin tibbi heyət də taxmalıdır.

Bu maskalar həmçinin media təbliğatının vasitəsinə çevrilib. Belə ki, Lombardiya vilayətinin qubernatoru Attilio Fontana özünün Facebook səhifəsində efirdə bu maska ilə görünüb. Hadisə Fontananın köməkçilərindən birində koronavirus aşkarlandıqdan sonra baş verib.

Ölkənin şimalındakı Lombardiyanın Lodi şəhəri (Milan yaxınlığında) koronavirusa yoluxma halı fevralın 21-də qeydə alınıb. Sonra yoluxma halları digər şimal vilayətlərində - Veneto, Pyemonte və Emiliya-Romanyada qeydə alınıb. Yoluxanların sayı artmaqdadır. Daha 12 vilayətdə də yoluxma halı mövcuddur. Lombardiyada on, Venetoda isə bir şəhər tam olaraq təcrid olunub. Bir sıra bölgələrdə məhdudlaşdırıcı tədbirlər görülüb, bu tədbirlər məktəblər, ictimai yerlər, mədəniyyət müəssisələri, əyləncə ocaqlarına tətbiq edilib. Bir sıra şirkətlər işçilərini məsafədən iş rejiminə keçiriblər.

Son məlumatlara əsasən, İtaliyada koronavirusa yoluxanların sayı 650 nəfərdir, 17 nəfər isə bu virusdan vəfat edib.

59
Əlaqədar
Çindən gözlənilən açıqlama: Bu dəhşət necə başlayıb və hansı yolla öldürür
Koronavirusun gələcəyi məlum oldu, amma biz onu görməyə bilərik
Heyvanlara müharibə elan edilib – Moskvada virusa qarşı misilsiz tədbirlər
İtaliya şəhərləri bağlayır, Şimali Koreya isə əcnəbiləri karantinə salır
Türkiyə Prezidenti Rəcəb Tayyib Ərdoğan, arxiv şəkli

Ərdoğan İzmir fəlakətindən danışarkən İlham Əliyevin ona dəstək təklif etdiyi bildirib

12
(Yenilənib 22:19 31.10.2020)
Ərdoğan təbii fəlakət nəticəsində dəyən zərərin ödənilməsi üçün başda Azərbaycan Prezidenti İlham Əliyev olmaqla bir çox ölkələrdən dəstək təklifi, o cümlədən 88 ölkədən “keçmiş olsun” mesajı aldığını bildirib.

BAKI, 31 oktyabr - Sputnik. Hazırda İzmirdəki zəlzələdə həyatını itirənlərin sayı 37 nəfərə çatıb, xəsarət alanlar 885 nəfərdir.

Sputnik Türkiyə xəbər verir ki, bu barədə Türkiyə Prezidenti Rəcəb Tayyib Ərdoğan İzmirdəki təbii fəlakətin nəticələri ilə daha yaxından tanış olmaq üçün Seferhisar rayonuna gedərkən bildirib. 

O qeyd edib ki, yaralılardan 667-si evə buraxılıb, 218-nin isə müalicəsi davam edir. Dağıntılar altında qalan 103 nəfər xilas edilib.

Türkiyə Prezidenti deyib ki, zəlzələdən zərər çəkənlərin yaşayış və qida ehtiyaclarının ödənməsi üçün lazımi tədbirlər görülür. Bununla yanaşı, o, təbii fəlakət nəticəsində dəyən zərərin ödənilməsi üçün başda Azərbaycan Prezidenti İlham Əliyev olmaqla bir çox ölkələrdən dəstək təklifi, o cümlədən 88 ölkədən “keçmiş olsun” mesajı aldığını bildirib.

12
Teqlər:
İzmir şəhəri, İzmir, Türkiyə Prezidenti Rəcəb Tayyib Ərdoğan, Rəcəb Tayyib Ərdoğan, İlham Əliyev

İstanbuldan azərbaycanlı generala böyük sayğı - Polad Həşimov kitabxanası yaradılır

14
(Yenilənib 21:37 31.10.2020)
İstanbulda Polad Həşimovun şərəfinə adlandırılacaq kitabxananın təntənəli açılışı Azərbaycanın Dövlət Bayrağı Günündə - noyabrın 9-da olacaq.

BAKI, 31 oktyabr - Sputnik. İstanbulda yeni kitabxanaya 2020-ci ilin iyulunda Tovuz istiqamətində gedən döyüşlər zamanı şəhid olmuş Azərbaycan Ordusunun general-mayoru Polad Həşimov adı veriləcək.

Sputnik Azərbaycan xəbər verir ki, bu barədə qərar İstanbul Universitetinin "Azərbaycan- Türkiyə" Mədəniyyət və Həmrəylik Birliyi üzvlərinin təşəbbüsü ilə qəbul edilib.

Kitabxananın təntənəli açılışı Azərbaycanın Dövlət Bayrağı Günündə - noyabrın 9-da olacaq.

Xatırladaq ki, yaxın günlərdə qardaş ölkənin Bursa şəhərinin Osmanqazi rayonunda yeni salınmış böyük parka da şəhid general Polad Həşimovun adı verilib.

14
Azərbaycan Respublikası Müdafiə Nazirliyinin binası

Azərbaycan ordusu Ermənistan ərazilərini atəşə tutmur, cavab tədbiri görür - MN

0
(Yenilənib 22:50 31.10.2020)
Azərbaycanın Qubadlı rayonu ərazisindən guya Ermənistanın Qafan şəhəri yaxınlığındakı David Bek kəndinin atəşə tutulması nəticəsində yaralıların və xeyli sayda dağıntıların olması ilə bağlı Ermənistan tərəfinin yaydığı xəbər yalandır və növbəti təxribatdır.

BAKI, 31 oktyabr - Sputnik. Ermənistan ərazisinin atəşə tutulması xəbəri tamamilə yalandır və düşmənin növbəti təxribatıdır. Sputnik Azərbaycan xəbər verir ki, bu barədə Müdafiə Nazirliyi açıqlama yayıb. 

Məlumatda bildirilir ki, Azərbaycanın Qubadlı rayonu ərazisindən guya Ermənistanın Qafan şəhəri yaxınlığındakı David Bek kəndinin atəşə tutulması nəticəsində yaralıların və xeyli sayda dağıntıların olması ilə bağlı Ermənistan tərəfinin yaydığı xəbər yalandır və növbəti təxribatdır.

Ermənistan-Azərbaycan dövlət sərhədinin Qubadlı sahəsində rayonun 4-5 km dərinliyində, Azərbaycan ərazisində artilleriya qurğularının atəş nöqtələrini yerləşdirən düşmən Qubadlı rayonunun işğaldan azad olunmuş kəndlərini və Azərbaycan Ordusunun bölmələrini gün ərzində intensiv atəşə tutub. Yalnız sərhədlərimiz çərçivəsində tərəfimizdən düşmənin həmin atəş nöqtələrinə qarşı adekvat tədbirlər görülüb.

Bir daha bildiririk ki, Azərbaycanın Ermənistan ərazisində heç bir hərbi məqsədi yoxdur. Azərbaycan Ordusu dünya birliyi tərəfindən tanınan ölkəmizin sərhədləri çərçivəsində Azərbaycanın ərazi bütövlüyünü bərpa edir.

0
Teqlər:
Ermənistan silahlı qüvvələri, Ermənistan ordusu, Ermənistan, Müdafiə Nazirliyi
Əlaqədar
Müdafiə Nazirliyi Əsgəran, Ağdərə və Xocavəndin bombalanması barədə
Müdafiə Nazirliyi: "Azərbaycan tərəfinin hücum cəhdi olmayıb"
Müdafiə Nazirliyi: Ermənistan ordusunun polkovniki məhv edildi
Müdafiə Nazirliyi Xocalıdakı Qarabulaq kəndi ilə bağlı məlumat yaydı
Azərbaycan Ordusunun Xankəndini atəşə tutması xəbəri yalandır - Müdafiə Nazirliyi