Kişi əlində tapança ilə, arxiv şəkli

Məşhur kriminal avtoritetə qarşı növbəti basqın: Aralarında azərbaycanlılar da var

977
(Yenilənib 12:44 31.01.2020)
Qrup üzvlərinin yaşadığı ünvanlara edilən basqın zamanı 11 tapança, Kalaşnikov (AK 47) tipli avtomat və 222 ədət güllə götürülüb. Polisin araşdırması davam etdirilir.

BAKI, 31 yanvar — Sputnik. İstanbulda ukraynalı keçmiş məhkum Anri Malyinin rəhbərlik etdiyi və aralarında rus, Ukrayna, gürcü və Azərbaycan vətəndaşları olan 16 nəfərlik qrup polis tərəfindən hazırlanan xüsusi əməliyyatla ələ keçirilib.

Düşmən qrup lideri "Lotu Quli" ləqəbli azərbaycanlı dəstə başçısı Nadir Səlifov və adamlarına qarşı silahlı hücum etmək üçün ölkəyə daxil olan qrup üzvlərindən 12 silah götürülüb.

Məlumata görə, İstanbul Təhlükəsizlik Müdirliyi Mütəşəkkil Cinayətkarlıqla Mübarizə qrupları tərəfindən aparılan araşdırma zamanı Türkiyədə olan qrupun biri rus, 3-ü Ukrayna, 4-ü Gürcüstan və 8-i azərbaycanlı olan üzvlərinin şəxsiyyəti və qaldığı yer müəyyən edilib.

Azərbaycanlı cinayətkar qrup rəhbəri Lotu Quli və dəstəsinə qarşı silahlı hücum məqsədilə gələn qrup üzvlərinin Türkiyədə müxtəlif cinayət hadisələrinə qarışdığı da müəyyən edilib.

Qrup üzvlərinin yaşadığı ünvanlara edilən basqın zamanı 11 tapança, Kalaşnikov (AK 47) tipli avtomat və 222 ədət güllə götürülüb. Polisin araşdırması davam etdirilir.

977
Əlində gitara olan kişi, arxiv şəkli

Məşhur rok ifaçısı vəfat edib

13
Beş albomun müəllifi olan rok musiqiçisi daha çox "Pamela, Pamela", "Come on home", "Goodbye Bluebird", "She needs love" hitləri ilə tanınıb.

 

BAKI, 7 avqust — Sputnik. 60-70-cı illərin məşhur "Game of love" hitinin ifaçısı, britaniyalı rok musiqiçisi Ueyn Fontana vəfat edib.

74 yaşlı sənətçi İngiltərənin Stokport şəhərindəki xəstəxanalardan birində həyatını itirib.

Məşhur ulduzun ölüm səbəbi hələlik məlum deyil.

O, sözügedən kompozisiyanı ilk dəfə 1965-ci ildə "The Mindbenders" qrupu ilə birlikdə ifa edib.

Beş albomun müəllifi olan rok musiqiçisi daha çox "Pamela, Pamela", "Come on home", "Goodbye Bluebird", "She needs love" hitləri ilə tanınıb.

13
Deyzi Koulmen, arxiv şəkli

"Netflix"in ulduzu intihar etdi

21
Ana: "Düşünürəm ki, mənə onsuz yaşaya biləcəyimi göstərmək istədi. Amma mən bacarmıram. Bütün ağrısını götürmək istərdim".

BAKI, 7 avqust — Sputnik. 23 yaşlı məşhur amerikalı aktrisa və model Deyzi Koulmen intihar edib. Bu barədə ulduzun anası Melinda öz "Facebook" səhifəsində yazıb. Onun sözlərinə görə, qızı ötən gün axşam həyatına son qoyub. Anası bildirib ki, qızı Deyzi 14 yaşındakı təcavüz sarsıntısından hələ də özünə gələ bilmirmiş. O deyib ki, Deyzi Koulmen və rəfiqəsi məktəbdə ikən seksual zorakılığa məruz qalıblar. Hadisədən sonra sosial şəbəkədə ona qarşı qarayaxmalar, ailəsinə qarşı isə təhdidlər yazılmağa başlayıb. Üstəlik, onları təhqir edənlər cəzadan yayına biliblər. Ulduzun anası əlavə edib ki, "Netflix" ulduzu baş verənlərdən heç vaxt qurtula bilməyib: "O, mənim ən yaxşı dostum və gözəl qızım idi. Düşünürəm ki, mənə onsuz yaşaya biləcəyimi göstərmək istədi. Amma mən bacarmıram. Bütün ağrısını götürmək istərdim".

Qeyd edək ki, Koulmen məktəbdə oxuyarkən rəfiqəsi ilə birgə dostlarını ziyarət etdiyi zaman cinsi istismara məruz qalmışdılar. Təcavüzkar keçmiş ABŞ senatoru Metyu Barnettin nəvəsi olub və baş verən hər şey lentə alınıb. O vaxt Koulmen 14 yaşında idi. Bundan sonra Barnett qızı evinə aparıb və eyvanda buraxıb. Deyzinin anasının dediyinə görə, gecə demək olar ki, havanın temperaturu sıfıra bərabər olub. Səhər qızını eyvanda tapanda onun saçları soyuqdan yerə yapışıb. Eyni zamanda bu işi görən yeniyetmələr cəzadan qaçıblar, ittihamlar aradan götürülüb.

Tükürpədici hadisədən sonra, Deyzi Koulmeni sosial şəbəkələrdə təhqir etməyə başlayıblar və ailəsinə təhdidlər gəlib. Deyzinin anası işdən qovulub və müəmmalı şəraitdə evləri yanıb.

2016-cı ildə sözügedən hadisədən bəhs edən "Odri və Deyzi" adlı sənədli film, ABŞ-ın transmilli şirkəti olan "Netflix"-də yayımlanıb.

Bundan sonra Koulmen "Demokratiya indidir" və "Texas - ölüm tələsi" seriallarında çəkilib. O, həm də model və döymə sənətçisi kimi çalışıb.

21
Qaz kəmərində partlayış, arxiv şəkli

Partlayış baş verən qaz kəməri ilə bağlı SOCAR-dan açıqlama gəldi

11
"Hələlik dəqiq bilmirik ki, partlayış olan hansı kəmərdir. Amma ehtimal olunur ki, bu, Qazalmaz qaz anbarına birləşən boru kəməridir".

BAKI, 7 avqust — Sputnik. Xəbər verdiyimiz kimi, Hacıqabul rayonunda çöllük ərazidə qaz xəttində yanğın baş verib.

SOCAR-ın mətbuat katibi İbrahim Əhmədov "Qafqazinfo"ya açıqlamasında qaz boru kəmərində baş verən partlayışı təsdiqləyib:

"Hacıqabulda bizim qaz daşımaları üçün magistral qaz boru kəmərləri çoxdur. Hələlik dəqiq bilmirik ki, partlayış olan hansı kəmərdir. Amma ehtimal olunur ki, bu, Qazalmaz qaz anbarına birləşən boru kəməridir. Qaz-İxrac İdarəsinin rəhbərliyi hazırda hadisə yerinə gedib və dəqiqləşdirmə aparılır. Partlayış yaşayış sahəsindən kənarda baş verib. Buna görə xəsarət alan da yoxdur. Boru kəməri bağlanıb və ona qaz verilmir. Boruda qaz qurtaranda yanğın da sönəcək".

İ. Əhmədov deyib ki, partlayışa görə həmin ərazidə qaz təchizatında müvəqqəti fasilə yarana bilər.

11