Oyanmaqda olan vulkan, arxiv şəkli

Taal vulkanı oyandı, əhalini köçürürlər - VİDEO

81
(Yenilənib 15:47 12.01.2020)
Filippinin Vulkanologiya və Seysmologiya İnstitutu (Phivolcs) vulkan püskürməsi təhlükəsini beşballıq şkala üzrə 3-cü həddə müəyyənləşdirib

BAKI, 12 yanvar — Sputnik. Filippin hökuməti Batanqas əyalətinin üç yaşayış məntəqəsindən 80 mindən çox adamın təxliyəsinə başlayıb.

Sputnik Azərbaycan bildirir ki, bu barədə CNN Philippines telekanalı məlumat yayıb.

Təşvişə səbəb Taal vulkanının atmosferə 1 km hündürlükdə kül püskürməsidir. Risklərin Azaldılması və Təbii Fəlakətlərə Hazırlığın Təminatı üzrə Milli Şuradan Telekanala bildiriblər ki, San-Nikolas, Balete və Talisay şəhərləri boşaldılır. 2015-ci ildə onların əhalisi müvafiq olaraq 22, 22 və 45 min nəfər təşkil edirdi.

Taal vulkanı bazar günü oyanıb. Filippinin Vulkanologiya və Seysmologiya İnstitutu (Phivolcs) vulkan püskürməsi təhlükəsini beşballıq şkala üzrə 3-cü həddə müəyyənləşdirib. Qurum vulkana yaxın ərazilərdən əhalinin köçürülüməsini tövsiyə edib.

Vulkana yaxın rayonlarda yağış yağır. Yağışla birlikdə kül və kiçik daş parçaları da yağır.

81
Əlaqədar
Vulkan püskürməsi zamanı insanlar diri-diri yanıb
Vulkan qurban tələb edir: Ölənlərin sayı durmadan artır
Bakıda "Pompey" təhlükəsi – Hər an baş verə biləcək faciə ilə üz-üzəyik
İtaliyada iki vulkan aktivləşib: xəbərdarlıq edildi

Əfsanəvi "Ceyms Bond" vəfat etdi

15
(Yenilənib 17:17 31.10.2020)
Şon Konneri bir şox məşhur rolların ifaçısıdır. Onun ən məşhur rollarından biri Ceyms Bond obrazıdır.

BAKI, 31 oktyabr - Sputnik. Şotland əsilli britaniyalı məşhur aktyor Şon Konneri vəfat edib. Bu barədə İngiltətə mətbuatı məlumat verib.

Ölümün səbəbi barədə məlumat verilmir.

Şon Konneri bir şox məşhur rolların ifaçısıdır. Onun ən məşhur rollarından biri Ceyms Bond obrazıdır.

Şon Konnerinin 90 yaşı var idi.

1988-ci ildə Konneri "Toxunulmazlar" qanqster dramındakı ikinci plan roluna görə "Oskar" və "Qızıl qlobus" mükafatlarını alıb. Ümumilikdə aktyorun üç "Qızıl alobus"u var".

15
Doktor, arxiv şəkli

Beş yüzdən çox türk həkim Qarabağa könüllü yollanmaq üçün Konsulluğa müraciət edib

18
(Yenilənib 15:58 31.10.2020)
"Türk həkimlər birliyi" platforması arxa cəbhədə xidmət etmək üçün "Qarabağ üçün könüllü ol" layihəsi çərçivəsində könüllü 504 həkimin müraciətini Azərbaycanın İstanbuldakı Baş konsulu Nərminə Mustafayevaya təqdim edib.

BAKI, 31 oktyabr — Sputnik. Türkiyədən 504 həkimin Dağlıq Qarabağda gedən hərbi əməliyyatlarla əlaqədar arxa cəbhədə könüllü xidmət etmək üçün Azərbaycanın İstanbuldakı Baş Konsulluğuna etdiyi müraciət qəbul olunub.

Sputnik Azərbaycan APA-ya istinadla xəbər verir ki, İstanbuldakı Baş Konsulluq həkimlərin müraciətlərinin Bakıya aidiyyəti qurumlara yönəldildiyini bildirib.

Qeyd edək ki, ötən gün "Türk həkimlər birliyi" platforması arxa cəbhədə xidmət etmək üçün "Qarabağ üçün könüllü ol" layihəsi çərçivəsində könüllü 504 həkimin müraciətini Azərbaycanın İstanbuldakı Baş konsulu Nərminə Mustafayevaya təqdim edib.

18
Sitrus bağları, arxiv şəkli

Noyabr ayının havası - O da bizi Qarabağa səsləyir

0
(Yenilənib 17:50 31.10.2020)
Yuxarı Qarabağ: Xankəndi, Şuşa, Xocalı, Xocavənd, Qubadlı, Zəngilan, Laçın, Kəlbəcər, həmçinin Daşkəsən və Gədəbəy rayonlarında orta aylıq temperatur 4-7° isti olacaq

BAKI, 31 oktyabr — Sputnik. Milli Hidrometeorologiya Xidmətinin məlumatına görə, noyabrda havanın orta aylıq temperaturunun iqlim normasına yaxın, bəzi yerlərdə isə bir qədər çox olacağı gözlənilir. Aylıq yağıntının miqdarı əsasən iqlim normasına yaxın, bəzi ərazilərdə isə normadan bir qədər çox olacaq. Noyabr ayının birinci ongünlüyünün birinci yarısında hava şəraitinin əksər rayonlarda əsasən yağmursuz keçəcəyi, lakin dağlıq rayonlarda yağış yağacağı proqnozlaşdırılır.

Xidmətdən Sputnik Azərbaycan-a verilən məlumatda bildirilir ki, Bakıda və Abşeron yarımadasında orta aylıq temperaturun 11-13° dərəcə isti olacağı gözlənilir ki, bu da iqlim normasına yaxın və bir qədər çoxdur. Gecələr havanın temperaturunun 7-12°, ayın əvvəlində 16°-dək, gündüzlər 18-23°, ikinci və üçüncü ongünlüyün bəzi günlərində 14-16° isti olacağı ehtimalı var. Aylıq yağıntının miqdarının iqlim normasına yaxın (norma 28-38 millimetr) olacağı ehtimal edilir.

Naxçıvan Muxtar Respublikasında orta aylıq temperaturun 7-10° isti olacağı gözlənilir ki, bu da iqlim normasına yaxın və bir qədər çoxdur. Gecələr havanın temperaturunun 5-10°, üçüncü ongünlüyün bəzi günlərində 0°-dək, gündüzlər 18-23°, ikinci və üçüncü ongünlüyün bəzi günlərində 9-14° isti olacağı proqnozlaşdırılır. Aylıq yağıntının miqdarının iqlim normasına yaxın (norma 18-28 millimetr) olacağı bildirilir.

Yuxarı Qarabağ: Xankəndi, Şuşa, Xocalı, Xocavənd, Qubadlı, Zəngilan, Laçın, Kəlbəcər, həmçinin Daşkəsən və Gədəbəy rayonlarında orta aylıq temperatur 4-7° isti olacaq. Bu da iqlim norması daxilindədir. Gecələr havanın temperaturunun 2-7° isti, ikinci və üçüncü ongünlüyün bəzi günlərində 0-4° şaxta, gündüzlər 10-15°, ikinci və üçüncü ongünlüyün bəzi günlərində 2-7° isti ehtimal edilir. Aylıq yağıntının miqdarının iqlim normasına yaxın (norma 27-34 millimetr) olacağı ehtimalı var.

Gəncə şəhərində, Qazax, Goranboy, Tərtər, Ağdam, Füzuli, Cəbrayıl rayonlarında orta aylıq temperaturun 9-12° isti olacağı proqnozlaşdırılır. Bu da iqlim normasına yaxın və bir qədər çoxdur. Gecələr havanın temperaturunun 8-13°, ikinci və üçüncü ongünlüyün bəzi günlərində 2-5°, gündüzlər 18-23°, ikinci və üçüncü ongünlüyün bəzi günlərində 8-13° isti olacağı bildirilir. Aylıq yağıntının miqdarı iqlim normasına yaxın (norma 15-24 millimetr) olacaq.

Balakən, Zaqatala, Qax, Şəki, Oğuz, Qəbələ, İsmayıllı, Ağsu, Şamaxı, Siyəzən, Şabran, Xızı, Quba, Xaçmaz, Qusar rayonlarında orta aylıq temperaturun 6-10° isti olacağı gözlənilir ki, bu da iqlim normasına yaxın və bir qədər çoxdur. Gecələr havanın temperaturunun 7-12° isti, ikinci və üçüncü ongünlüyün bəzi günlərində yüksək dağlıq ərazilərdə 2-7° şaxta, gündüzlər 15-20°, ikinci və üçüncü ongünlüyün bəzi günlərində 7-12° isti olacağı bildirilir. Aylıq yağıntının miqdarının iqlim normasına yaxın, bəzi yerlərdə isə bir qədər çox (norma 29-73 millimetr) olacağı proqnozlaşdırılır.

Mərkəzi Aran: Mingəçevir və Şirvan şəhərlərində, Yevlax, Göyçay, Ağdaş, Kürdəmir, İmişli, Ağcabədi, Beyləqan, Sabirabad, Biləsuvar, Saatlı, Hacıqabul, Salyan, Neftçala rayonlarında orta aylıq temperaturun 9-13° isti olacağı ehtimalı var. Bu da iqlim normasına yaxın və bir qədər çoxdur. Gecələr havanın temperaturunun 9-14°, ikinci və üçüncü ongünlüyün bəzi günlərində 3-6°, gündüzlər 19-24°, ikinci və üçüncü ongünlüyün bəzi günlərində 12-16° isti olacağı ehtimal edilir. Aylıq yağıntının miqdarının iqlim normasına yaxın, bəzi yerlərdə isə bir qədər çox (norma 25-45 millimetr) olacaq.

Masallı, Yardımlı, Lerik, Lənkəran, Astara rayonlarında orta aylıq temperaturun 8-13° isti olacağı gözlənilir ki, bu da iqlim normasına yaxın və bir qədər çoxdur. Gecələr havanın temperaturunun 9-14°, ikinci və üçüncü ongünlüyün bəzi günlərində 3-6° isti, dağlarda 0°-yə yaxın, gündüzlər 16-21°, ikinci və üçüncü ongünlüyün bəzi günlərində 10-13° isti olacağı proqnozlaşdırılır. Aylıq yağıntının miqdarının iqlim normasına yaxın, bəzi yerlərdə isə bir qədər çox (norma 55-170 millimetr) olacağı ehtimalı var.

0