Litvada ABŞ-ən Abrams tankı, arxiv şəkli

NATO genişmiqyaslı hərbi münaqişəyə hazırlaşır XƏBƏRDARLIQ

76
(Yenilənib 13:32 18.12.2019)
Xarici ölkələrin hərbi attaşeləri ilə keçirilmiş brifinqdə çıxış edən Gerasimov xatırladıb ki, Brüsselin doktrina sənədlərində Rusiyaya düşmən statusu verilib

BAKI, 18 dekabr — Sputnik. NATO-nun intensiv hərbi təlimlərinin ssenariləri alyansın məqsədyönlü şəkildə genişmiqyaslı hərbi münaqişəyə hazırlaşdığını göstərir.

"RİA Novosti" "Krasnaya zvezda" qəzetinə istinadən xəbər verir ki, bunu Rusiya Silahlı Qüvvələrinin Baş Qərargahının rəisi Valeri Gerasimov bəyan edib.

Prezident İlham Əliyev Rusiya Silahlı Qüvvələrinin Baş Qərargah rəisi Valeri Gerasimovun rəhbərlik etdiyi nümayəndə heyətini qəbul edib
© Official website of President of Azerbaijan Republic

Şənbə günü xarici ölkələrin hərbi attaşeləri ilə keçirilmiş brifinqdə çıxış edən Gerasimov xatırladıb ki, Brüsselin doktrina sənədlərində Rusiyaya düşmən statusu verilib.

Onun sözlərinə görə, 2016-cı ildən etibarən NATO üzvləri ümumi müdafiə xərclərini 130 milyard dollar artırıblar, 2024-cü ilədək isə bu göstəricinin 400 milyard dollar artacağı gözlənilir. Bundan başqa bu ay baş tutmuş NATO sammitində kosmosda dominantlığı təmin etmək üçün kosmik fəzanın quru, dəniz və kiberməkan kimi ayrıca müharibə sahəsi kimi təsdiq edilməsinə dair qərar qəbul edilib.

"ABŞ-ın hava hücumundan müdafiə komponentlərinin Avropada yerləşdirilməsi davam edir. Baltikyanı ölkələrdə, Polşada, Qara və Baltik dənizlərinin akvatoriyalarında hərbi aktivlik artır, alyansın hərbi təlimlərinin intensivliyi yüksəlir. Onların ssenariləri NATO-nun məqsədyönlü şəkildə qoşunlarını genişmiqyaslı hərbi münaqişədə istifadəyə hazırladığına işarə edir", - Gerasimov deyib.

NATO müdafiə xərclərini artırır: Bəs Rusiya silahlanma yarışına qoşulacaqmı?

Eyni zamanda Baş Qərargah rəisi təhlükəli hərbi insidentlərin riskini azaltmaq üçün alyansla dialoqun davam etdirilməsinə ehtiyac duyulduğunu bildirib.

Gerasimov xatırladıb ki, NATO-nun fəallığının artması fonunda müttəfiqlər "Rusiyadan hərbi təhlükə" adlı tezisi təbliğ edirlər.

"Rusiyanın hərbi təhlükəsizliyini təmin etmək sahəsində atdığı istənilən addım, ordu və donanma quruculuğunda keçirdiyi istənilən planlı və şəffaf tədbir, keçirdiyi istənilən təlim Qərb təbliğatçıları və "feyk" media tərəfindən açıq şəkildə "sülhə təhdid" kimi təqdim edilir", - Gerasimov deyib.

Generalın fikrincə, alyansın hərəkətləri gərginliyi artırır və Rusiya-NATO təmas xəttində təhlükəsizliyin səviyyəsini aşağı salır.

"Hərbi sahədə təhlükəli insidentlərin riskini azaltmaq bir tərəfdə Rusiya, digər tərəfdə isə ABŞ və NATO olmaqla dialoq üçün ən vacib istiqamət olaraq qalır. Yığılmış problemli məsələləri həll etmək üçün Rusiya-NATO qarşılıqlı əlaqəsini bərpa etmək lazımdır", - o deyib.

Dekabrın əvvəlində Rusiya Prezidenti Vladimir Putin NATO-nun Rusiya sərhədlərinə yaxınlaşmasının ölkənin təhlükəsizliyinə təhdid yaratdığını deyib. O, həmçinin qeyd edib ki, ötən illərin düşüncə stereotipləri effektiv qərarlar tapmaq və qəbul etmək üçün yaxşı vasitə ola bilməz.

Eyni zamanda, dövlət başçısı xatırladıb ki, Rusiya beynəlxalq terrorizm, yerli silahlı münaqişələr və kütləvi qırğın silahlarının nəzarətsiz yayılması təhlükəsi kimi real təhdidlərə qarşı birgə mübarizə aparmaq üçün NATO ilə dəfələrlə əməkdaşlıq etməyə hazır olduğunu bildirib.

76
Azərbaycanlı şahmatçı Teymur Rəcəbov, arxiv şəkli

Teymur Rəcəbov Levon Aronyana qalib gəlib

1
Ağ fiqurlarla oynayan Rəcəbov qələbə qazanıb. Bununla da Teymur 7 oyundan sonra xal hesabını 3,5-ə çatdırıb.

BAKI, 23 noyabr - Sputnik. Onlayn şahmat üzrə “Skilling Open” turniri davam edir.

Apasport.az saytının məlumatına görə, Azərbaycan qrossmeysteri Teymur Rəcəbov VII turda prinsipial qarşılaşmaya çıxıb.

Şahmatçımız ermənistanlı Levon Aronyanla qarşılaşıb. Ağ fiqurlarla oynayan Rəcəbov qələbə qazanıb. Bununla da Teymur 7 oyundan sonra xal hesabını 3,5-ə çatdırıb.

Qeyd edək ki, turnirin əsas mərhələsində 16 şahmatçı bir dövrəlik dairəvi sistemlə mübarizə aparır. Üçgünlük mübarizədən sonra pley-off start götürəcək.

1
Teqlər:
şahmat turniri, Teymur Rəcəbov, qalib, qələbə, şahmat
Antoniu Quterreş, arxiv şəkli

Azərbaycanın XİN rəhbəri BMT Baş katibi ilə telefonla danışıb

5
(Yenilənib 22:55 23.11.2020)
Baş katib BMT-nin ölkəyə humanitar yardım göstərməyə hazır olduğunu vurğulayıb: “Ümid edirik ki, hərbi əməliyyatların dayandırılması humanitar işçilərin bütün ehtiyacı olan insanlara və münaqişədən təsirlənən bütün bölgələrə çıxışını təmin edəcək”.

BAKI, 23 noyabr — Sputnik. Azərbaycan Respublikasının xarici işlər naziri Ceyhun Bayramov və BMT Baş katibi Antonio Quterreş arasında telefon danışığı baş tutub.

“Report” xəbər verir ki, bu barədə BMT Baş Katibinin mətbuat katibi Stefan Düjarrik bildirib.

Onun sözlərinə görə, Baş katib BMT-nin ölkəyə humanitar yardım göstərməyə hazır olduğunu vurğulayıb:

“Ümid edirik ki, hərbi əməliyyatların dayandırılması humanitar işçilərin bütün ehtiyacı olan insanlara və münaqişədən təsirlənən bütün bölgələrə çıxışını təmin edəcəkdir” - deyə, o bildirib.

5
Teqlər:
humanitar, BMT, xarici işlər naziri ceyhun bayramov