Türkiyədəki otellərdən biri

Ərdoğan turistləri çətinə salacaq qərarı ləğv etdi

87
(Yenilənib 21:57 02.12.2019)
Bildirilir ki, əslində, Ərdoğan elektrik enerjisi istehsal edən subyektlərə vergi tətbiq edilməsi qaydası ilə razılaşmayıb

BAKI, 2 dekabr — Sputnik. Türkiyə Prezidenti Rəcəb Tayyib Ərdoğan ölkə parlamentinin qəbul etdiyi xidmət vergisi barədə qərarı ləğv edib.

Bu qərar digər sahələrlə yanaşı, otellərdə yaşayışa görə 2% vergi alınmasını da nəzərdə tuturdu. 

Sputnik Azərbaycan bildirir ki, Türkiyənin Otelçilər Federasiyasının başçısı Osman Ayık bir müddət öncə RİA-Novosti-yə bildirib ki, əgər 2020-ci il aprelin 1-dən otellərdə yaşamağa görə turistləri əlavə vergi ödəməyə məcbur etsələr, o zaman Türkiyədə istirahət bir qədər bahalanacaq.

"Prezident xidmət vergisi barədə qərarı yenidən işləmək üçün parlamentə qaytarıb, çünki onu yersiz hesab edib", - məlumatda deyilir. 

Bildirilir ki, əslində, Ərdoğan elektrik enerjisi istehsal edən subyektlərə vergi tətbiq edilməsi qaydası ilə razılaşmayıb. Oteldə yaşayışa görə vergi tətbiq olunmasına isə Türkiyə Prezidentinin münasibəti açıqlanmır.

87
Jenevada Ümumdünya Səhiyyə Təşkilatının mənzil-qərargahı, arxiv şəkli

Dağlıq Qarabağ münaqişəsinə dair ÜST-ün Avropa üzrə regional direktoru bəyanat yaydı

0
Ümumdünya Səhiyyə Təşkilatı indiyə qədər müşahidə edilməmiş bu ictimai səhiyyə təhdidindən qorunmaq üçün vaxt itirməməyə və səyləri artırmağa çağırır.

BAKI, 22 oktyabr — Sputnik. Ümumdünya Səhiyyə Təşkilatı (ÜST) Dağlıq Qarabağ və ətraf bölgələrdə hərbi əməliyyatların eskalasiyası ilə bağlı öz narahatlığını bildirir. ÜST-ün Bakı nümayəndəliyindən Sputnik Azərabycan-a verilən məlumata görə, bəyanatda qeyd olunur: "Sentyabr ayının sonundan etibarən başlayan toqquşmalar nəticəsində on minlərlə mülki vətəndaş öz yurdundan didərgin düşüb, yüzlərlə insan yaralanıb və xeyli sayda şəxs həlak olub. Biz münaqişədən zərər çəkən hər bir ailəyə, cəmiyyətin hər bir üzvünə öz dəstəyimizi ifadə edirik.

Hərbi əməliyyatlar COVID-19-a yoluxma sayının artmasına böyük təsir göstərir. Davamlı toqquşmalar nəticəsində insanların bir yerdən digərinə köçü əhalinin sağlamlığı ilə bağlı vəziyyətin pisləşməsinə səbəb olacaqdır.

Münaqişə, pandemiya səbəbindən yükü artan səhiyyə sistemini daha da yükləməklə onun işinə birbaşa mənfi təsir göstərir. Bu, ÜST-nin Avropa regionunda COVID-19-a yoluxma hallarının sayının artmağa davam etdiyi bir vaxta təsadüf edir.

Ümumdünya Səhiyyə Təşkilatı indiyə qədər müşahidə edilməmiş bu ictimai səhiyyə təhdidindən qorunmaq üçün vaxt itirməməyə və səyləri artırmağa çağırır.

ÜST münaqişə tərəflərini beynəlxalq humanitar hüquq normalarına uyğun olaraq mülki şəxsləri, həmçinin yaralılara və xəstələrə qulluq edilən tibb müəssisələrini qorumağa çağırır. COVID-19 pandemiyası zamanı bütün tibb işçilərinin zorakılıqdan qorunması onların pandemiyaya qarşı mübarizə tədbirlərini davam etdirə bilməsi üçün xüsusilə vacibdir.

Hərbi əməliyyatların dərhal dayandırılması təməl insan hüququ olan səhiyyə xidmətlərindən istifadə imkanın davamlılığı üçün vacibdir".

0
Pianoçu, arxiv şəkli

Türkiyədə yaşayan Manafzadə ailəsindən rəşadətli Ordumuz üçün "Əsgər marşı"

48
(Yenilənib 16:03 22.10.2020)
Manafzadələr ailəsi Azərbaycanın tanınması, Qarabağ həqiqətlərini dünyaya çatdırmaq məqsədilə bir sıra addımlar atıb

Şahpəri Abbasova, Sputnik Azərbaycan

BAKI, 22 oktyabr — Sputnik. Son günlər Azərbaycan Ordusunun apardığı uğurlu əməliyyatlar nəticəsində Cəbrayıl və Füzuli, Zəngilan şəhərləri də daxil olmaqla bir sıra kəndlərimizin işğaldan azad olunması xəbəri dünya azərbaycanlılarını bir daha yumruq kimi birləşdirib. Sənətindən, peşəsindən, tutduğu statusundan asılı olmayaraq hər kəs Azərbaycana dəstək olmağa çalışır. Türkiyədə yaşayan Manafzadə ailəsi kimi. Manafzadə ailəsi Cavanşir Quliyevin "Əsgər marşı" nı Şanlı ordumuzun tarixi zəfərlərinə həsr edib.

Bu məsələ ilə bağlı Sputnik Azərbaycan-a danışan Azərbaycanın Əməkdar artisti, Azərbaycanı dünyada tanıdan qadın dirijor, bəstəkar və pianoçu Turan Manafzadə bildirir ki, həmin marş Azərbaycan Respublikasının Diasporla İş üzrə Dövlət Komitəsinin xahişi ilə hazırlanıb:

"Videoda gördüyünüz 4 nəfər mən və ailə üzvlərimdir. Atam Azərbaycanın Əməkdar artisti pianoçu İslam Manafov, qardaşım Abuzər Manafzadə, anam və mənəm. Biz Manafzadə ailəsi olaraq hər zaman vətənimizi xarici ölkələrdə mədəni şəkildə təbliğ edirik. Qarabağ həqiqətlərini hər konsertimiz, layihələrimiz vasitəsilə dünyaya çatdırmağa çalışırıq. Bu layihə də Azərbaycan Respublikasının Diasporla İş üzrə Dövlət Komitəsinin bizdən xahişi idi. Bu fikir bizim də ağlımıza gəlmişdi".

Manafzadələr ailəsi Azərbaycanın tanınması, Qarabağ həqiqətlərini dünyaya çatdırmaq məqsədilə bir sıra addımlar atıb: "Mən, ata-anamla Türkiyədə yaşayırıq, qardaşım isə Vyanada yaşayır. Biz ailəliklə - 4 pianoçu bu layihəni icra etdik. Bundan əlavə, "Azərbaycanım" və "Yüksəliş" əsərlərim və qardaşım Abuzər Manafzadənin "Xocalı" əsərini müxtəlif ölkələrdə ifa etmişik".

48
Mövzu:
Azərbaycan və Ermənistan arasında müharibə

Dövlət başçısı: "Azərbaycan İran dövlət sərhədi tam nəzarətə götürüldü"

0
Azərbaycan Ordusu Zəngilanın Kolluqışlaq, Malatkeşin, Kənd Zəngilan, Genlik, Vəliqulubəyli, Qaradərə, Çöpədərə, Tatar, Tiri, Əmirxanlı, Qarqulu, Bartaz, Dəlləkli kəndlərini və Ağbənd qəsəbəsini işğaldan azad edib.

BAKI, 22 oktyabr - Sputnik. "Ağbənd qəsəbəsinin azad edilməsi ilə Azərbaycan və İran İslam Respublikası dövlət sərhədinin tam nəzarətə götürülməsi təmin olundu. Bu münasibətlə Azərbaycan və İran xalqını təbrik edirəm. Eşq olsun müzəffər Azərbaycan Ordusuna!". Sputnik Azərbaycan xəbər verir ki, bu barədə Azərbaycan Respublikasının Prezidenti, Silahlı Qüvvələrin Ali Baş Komandanı İlham Əliyev özünün rəsmi twitter səhifəsində bildirib.

Qeyd edək ki, sentyabrın 27-də saat 06 radələrində Ermənistan silahlı qüvvələri genişmiqyaslı təxribat törədərək cəbhəboyu zonada yerləşən Azərbaycan Ordusunun mövqelərini və yaşayış məntəqələrimizi iriçaplı silahlar, minaatanlar və müxtəlif çaplı artilleriya qurğularından intensiv atəşə tutub. Nəticədə cəbhə bölgəsində genişmiqyaslı hərbi əməliyyatlar başlayıb. Düşmən tərəfindən Tərtər rayonunun Qapanlı, Ağdam rayonunun Çıraqlı və Orta Qərvənd, Füzuli rayonunun Alxanlı və Şükürbəyli, Cəbrayıl rayonunun Cocuq Mərcanlı kəndlərinin intensiv atəşə tutulması nəticəsində mülki şəxslər həlak olublar. Mülki infrastruktur obyektlərinə ciddi ziyan dəyib. Azərbaycan Ordusunun ön xətt bölmələri düşmənin bu təxribatının qarşısını almaq və qoşunların qarşıdurma xəttinə yaxın zonalarda yaşayan mülki əhalinin təhlükəsizliyini təmin etmək məqsədilə cavab tədbirləri görür.

Müdafiə Nazirliyinin məlumatına görə, Azərbaycan Ordusunun uğurlu əks-hücum əməliyyatları nəticəsində Füzuli-Cəbrayıl istiqamətində Qaraxanbəyli, Qərvənd, Kənd Horadiz, Yuxarı Abdurrəhmanlı, Böyük Mərcanlı və Nüzgar kəndləri işğaldan azad edilib.

Oktyabrın 3-də isə Azərbaycan Silahlı Qüvvələri strateji cəhətdən əhəmiyyətli daha bir yaşayış məntəqəsini - dövlət başçısının həmin gün Sugovuşan tarixi adını qaytardığı Madagiz kəndini azad edib. Həmin gün Tərtər rayonunun Talış kəndinin, Cəbrayıl rayonunun Mehdili, Çaxırlı, Aşağı Maralyan, Şəybəy və Quycaq kəndlərinin və Füzuli rayonunun Aşağı Əbdürrəhmanlı kəndinin azad edildiyi məlum oldu.

Oktyabrın 4-də Azərbaycan ordusu Cəbrayıl şəhərini və Cəbrayıl rayonunun doqquz kəndini - Karxulu, Şükürbəyli, Yuxarı Maralyan, Çərəkən, Daşkəsən, Horovlu, Dəcəl, Mahmudlu, Cəfərabadı azad edib.

Oktyabrın 5-də Azərbaycan ordusu Cəbrayıl rayonunun Şıxalıağalı, Məzrə və Sarıcalı kəndlərini azad edib.

Oktyabrın 9-da Hadrut qəsəbəsi, Çaylı, Yuxarı Güzlək, Gorazıllı, Qışlaq, Qaracallı, Əfəndilər, Süleymanlı, Sur kəndləri işğaldan azad edilib.

Oktyabrın 14-də Füzuli rayonunun Qaradağlı, Xatunbulaq, Qarakollu, Xocavənd rayonunun Bulutan, Məlikcanlı, Kəmərtük, Təkə, Tağaser kəndləri işğaldan azad edilib.

Oktyabrın 15-də Azərbaycan Ordusu tərəfindən Füzuli rayonunun Arış, Cəbrayıl rayonunun Doşulu, Xocavənd rayonunun Edişə, Düdükçü, Edilli, Çiraquz kəndləri işğaldan azad olunub.

Oktyabrın 16-da Xocavənd rayonunun Xırmancıq, Ağbulaq, Axullu kəndləri işğaldan azad edilib.

Oktyabrın 17-də Füzuli rayonunun Qoçəhmədli, Çimən, Cuvarlı, Pirəhmədli, Musabəyli, İşıqlı, Dədəli kəndləri və Füzuli şəhəri işğaldan azad olunub.

Oktyabrın 18-də Azərbaycan Silahlı Qüvvələri Xudafərin körpüsünün üzərində Azərbaycan bayrağını qaldırıblar.

Oktyabrın 19-da Cəbrayıl rayonunun Soltanlı, Əmirvarlı, Maşanlı, Hasanlı, Alıkeyxalı, Qumlaq, Hacılı, Göyərçin Veysəlli, Niyazqulular, Keçəl Məmmədli, Şahvəlli, Hacı İsmayıllı, İsaqlı kəndləri azad edilib.

Oktyabrın 20-də Füzuli rayonunun Dördçinar, Kürdlər, Yuxarı Əbdülrəhmanlı, Qarğabazar, Aşağı Veysəlli, Yuxarı Aybasanlı, Cəbrayıl rayonunun Səfərşa, Həsənqaydı, Fuğanlı, İmambağı, Ağtəpə, Yarəhmədli, Daş Veysəlli, Xocavəndin Ağcakənd, Mülküdərə, Daşbaşı, Günəşli (Noraşen), Çinarlı (Vəng), Zəngilan rayonunda Havalı, Zərnəli, Məmmədbəyli, Həkəri, Şərifan, Muğanlı kəndləri və Zəngilan şəhəri azad edilib.

0