Флаги Турции перед штаб-квартирой НАТО в Брюсселе, фото из архива

Türkiyə-NATO münasibətlərində yeni qalmaqal: Bu dəfə məsələ "S-400" deyil

1240
(Yenilənib 12:22 27.11.2019)
Türkiyə Xarici İşlər Nazirliyi və Müdafiə Nazirliyi məsələ ilə bağlı agentliyin sorğusuna cavab verməyib.

BAKI, 27 noyabr — Sputnik. Rəsmi Ankara NATO-dakı təmsilçisindən Rusiyanın mümkün hücumu zamanı Polşa və Baltikyanı ölkələrin (Latviya, Litva və Estoniya) qorunması üzrə Planı imzalamamağı tələb edib. Sputnik Azərbaycan xəbər verir ki, bu barədə "Reuters" agentliyi bir neçə mənbəyə istinadən məlumat yayıb.

Mənbələr nəşrə bildiriblər ki, Türkiyə NATO-nun kürdlərin özünümüdafiə dəstələrini (YPG) rəsmi olaraq tanımadığı üçün belə bir qərar qəbul edib.

Mənbələr qeyd ediblər ki, Ankaranın nümayəndəsi həm görüş, həm də şəxsi söhbətləri zamanı qəti şəkildə bu mövqedən çıxış etməli, Alyansdan rəsmi olaraq "YPG"-ni terror təşkilatı kimi tanımağı tələb edəcək.

Türkiyə Xarici İşlər Nazirliyi və Müdafiə Nazirliyi məsələ ilə bağlı agentliyin sorğusuna cavab verməyib.

Qeyd edək ki, NATO təmsilçiləri Rusiyanın mümkün hücumu zamanı Polşa və Baltikyanı ölkələrin (Latviya, Litva və Estoniya) qorunması üzrə Planın Alyansa üzv 29 ölkə tərəfindən rəsmi olaraq təsdiqlənməsini istəyir. Türkiyənin razılığı olmadan NATO Polşa və Baltikyanı ölkələrdə öz müdafiəsini möhkəmləndirməyə çətinlik çəkəcək.

"Onlar (türklər) hərbi planın təsdiqlənməsini blok etməklə şərqi avropalıları girov götürürlər", - deyə mənbələrdən biri nəşrə bildirib.

İkinci mənbə isə Türkiyənin addımlarını "dağıdıcı" adlandırıb.

1240
Avstriya Prezidenti Aleksandr Van der Bellen, arxiv şəkli

Polis prezidenti... bağlı restoranda tapdı

16
(Yenilənib 23:36 24.05.2020)
Avstriyada restoranlar 23:00-dan sonra bağlanmalıdır, yəni həmin vaxtdan etibarən qonaqlara heç nə təqdim etmək olmaz, mətbəx və bar işləməməlidir

BAKI, 24 may — Sputnik. Vyana polisi Avstriya Prezidenti Aleksandr Van der Belleni və xanımını gecə vaxtı bir italyan restoranında “yaxalayıb”. Ölkədə mövcud olan karantin qaydalarına görə, 23:00-dan sonra ictimai iaşə müəssisələri bağlı olmalıdır.

Sputnik Azərbaycan bildirir ki, bu barədə “Kronen Zeitung” qəzeti yazıb.

“Lokdaundan sonra ilk dəfə xanımım və iki dostumla birlikdə şam etməyə getdik. Biz söhbətləşirdik, təəssüf ki, saata baxmağı unutduq. Çox təəssüf edirəm. Bu, səhv idi. Əgər restoran sahibinin hansısa itkiləri olacaqsa, buna özüm cavabdeh olacam”, - deyə Prezident Twitter-də yazıb, üstəlik qəzetin məqaləsini də paylaşımına əlavə edib.

Polis “Sole” adlı italyan restoranına 00:20-də gəlib və eyvanda əyləşmiş qonaqların içki içdiklərini görüb. Əslində isə bura saat yarım əvvəl bağlanmalı imiş. Qəzet yazır ki, tanınma zamanı qonaqlar özlərini mehriban aparıblar.

​“Federal Prezident bir çox artistlər kimi tez-tez qonağım olur. Şama bu dəfə balıq sifariş etmişdi. Mən hər şeyi doğru elədim, qanunun tələbi ilə: saat 23:00-da biz sonuncu içkiləri gətirib kafeni bağladıq. Sonra Prezident hələ bir müddət də - əvvəl mən də orada idim – xanımı ilə bayırdakı örtülü eyvanda söhbət elədi”, - deyə restoranın direktoru Aki Nuredini “Kronen Zeitung”a bildirib.

Avstriyada restoranlar 23:00-dan sonra bağlanmalıdır, yəni həmin vaxtdan etibarən qonaqlara heç nə təqdim etmək olmaz, mətbəx və bar işləməməlidir. Ancaq eyni zamanda, nəzəri olaraq restoran qonaqlara masa arxasında əyləşməyə icazə verə bilər. İndi Vyananın magistratı restoran sahibini 30 min avro cərimələmək, ya da günahını bağışlamaq haqda qərar verməlidir. Prezident və xanımına görə idə hadisəyə görə heç bir cərimə nəzərdə tutulmur.

Avstriyada martın 16-da bağlanan kafe və restoranlar mayın 15-də fəaliyyətlərini bərpa edib. Onlar səhər 6:00-dan 23:00-dək işləyə bilər. Bir masa arxasında maksimum dörd böyük adam (uşaqlar istisna) əyləşə bilər, qonaqlar arasındakı məsafə ən azı 1 m olmalıdır. Müştərilərlə birbaşa ünsiyyətdə olan personal ya qoruyucu maska, ya da üz sipəri taxmalıdır, müştərilər isə maska taxmaqda sərbəstdirlər.

16

Moskvada ölü basdıranların atışması: yaralını da həbs etdilər VİDEO

11
(Yenilənib 23:50 24.05.2020)
Polis hadisənin iştirakçısı olan 4 nəfəri, o cümlədən bir nəfər yaralını saxlayıb. Məlumata görə, saxlanılanların hamısı Orenburqdan gəlib

BAKI, 24 may — Sputnik. Moskvanın Kaşirski şossesində yerləşən yaşayış kompleksinin həyətində silahlı insident olub. Avtomobil sahibləri parklanma sahəsində atışıblar.

Sputnik Azərbaycan bildirir ki, bu barədə “360”a hadisə şahidi olan bir qız danışıb.

“Yasnıy” yaşayış kompleksində atəş açılan zaman qız dostu ilə birlikdə itini gəzdirirmiş. Hadisə qızdan cəmi 1 m aralıda baş verib.

“Arxaya hərəkət edən maşın qəfil dayandı, həmin vaxt qarşıdakı avtomobildən artıq atəş açırdılar. Bu maşından da oğlanlar tökülüşüb avtomatdan cavab atəşi açdılar”, - qız deyib.

Yaşayış kompleksinin sakini olan digər qadın “360”a danışıb ki, hadisə zamanı xeyli maşına zərər dəyib. Onun sözlərinə görə, kişilərin əllərində avtomat və tapançalar olub, onların sayı 10-dan çox imiş.

Polis hadisənin iştirakçısı olan 4 nəfəri, o cümlədən bir nəfər yaralını saxlayıb. Məlumata görə, saxlanılanların hamısı Orenburqdan gəlib.

RF CM-nin 105 (“Sui-qəsd”), 222 (“Qanunsuz silah gəzdirmə”) və 213-cü (“Xuliqanlıq”) maddələri ilə cinayət işi açılıb.

Bildirilir ki, yaralanan şəxs – 37 yaşlı Nikolay Sedov – hadisədən sonra avtobus parkının ərazisində gizlənib. O, kürəyi və üzündən xəsarətlər alıb. Ümumilikdə insidentdə ov tüfəngləri ilə silahlanmış 8-dən çox adamın iştirak etdiyi deyilir. Onlar bir neçə avtomobildə hadisə yerini tərk ediblər. Şəhərdə polis əməliyyat başladıb.

Hadisənin ilkin səbəbi kimi dəfn biznesi sahəsində fikir ayrılıqları göstərilir. Bu barədə Baza Telegram kanalında məlumat yayılıb. 

Bildirilir ki, münaqişə GrandRitual və "Moskvada N1 Ayin xidməti" agentliklərinin əməkdaşları arasında başlanıb. Menecerlərdən biri külli miqdarda pulu gizlədib, insident də bundan qaynaqlanıb. Atışmada iştirak edənlər "Ford Focus" avtomobilində qaçıblar. Polislər onları haqlaya biliblər. Nəqliyyat vasitəsi isə taksi kimi qeydiyyatdan keçirilib və Keniya vətəndaşı İslam Xutsmiyevə məxsusdur.

11