Astronavtın skafandırı, arxiv şəkli

Deputat: NATO-nun kosmosa dair planı dünyanı fəlakətə sürükləyəcək

97
(Yenilənib 15:11 20.11.2019)
NATO kosmosu öz fəaliyyət sahəsi kimi tanımağı planlaşdırır. Bu addımın dünya üçün nəticələri və Rusiyanın mümkün cavabı barədə Sputnik radionun efirində Rusiya Dövlət Dumasının müdafiə üzrə komitəsinin sədrinin müavini Yuri Şvıtkin danışıb

BAKI, 20 noyabr — Sputnik. NATO Baş katibi Yens Stoltenberq Şimali Atlantika Alyansının kosmik məkanı birliyin fəaliyyət istiqamətlərindən biri elan etməyə dair planlarını açıqlayıb.

Müvafiq bəyanat Brüsseldə NATO-ya üzv ölkələrin Müdafiə nazirliklərinin rəhbərlərinin görüşündən əvvəl keçirilən mətbuat konfransında bildirib. Mətbuat konfransı "Twitter"-də canlı yayımlanıb.

Alyans rəhbərinin fikrincə, kosmik məkanın operativ sahə olaraq tanınması rabitə, naviqasiya və tez xəbərdarlıq etmə sistemlərinin inkişafına yardım edəcək. O vurğulayıb ki, kosmosda hücum silahının yerləşdirilməsi nəzərdə tutulmayıb.

"Alyans rəhbərinin bu cür bəyanatları həqiqəti əks etdirmir", – deyə Sputnik radionun efirində Rusiya Dövlət Dumasının müdafiə üzrə komitəsinin sədrinin müavini Yuri Şvıtkin bildirib.

"Stoltenberqin bəyanatı anlaşılmazlığa səbəb olur və digər ölkələrə qarşı aqressiv, destruktiv addımları nəzərdə tutur. Alyans özü hərbi birlik kimi kosmosun hərbiləşdirilməsini nəzərdə tutur və bütün cəhdlər NATO ölkələri tərəfindən edilir. Fikrimcə, bu, dünya birliyini fəlakətə sürükləyə bilər", - deyə Rusiya Dövlət Dumasının müdafiə üzrə komitəsi sədrinin müavini bildirib.

Şvıtkin vurğulayıb ki, Rusiya NATO tərəfindən kosmosun hərbiləşdirilməsinin qarşısını almaq üçün müvafiq addımları atmalıdır.

"Cavab tədbirləri olmalıdır, lakin o, eyni zamanda bizim ölkəmizi kosmosda silahlanma yarışına cəlb etməməlidir", - deyə Rusiya Dövlət Dumasının müdafiə üzrə komitəsi sədrinin müavini bildirib.

Bu ilin noyabr ayının əvvəlində Fransa Prezidenti Emmanuel Makron "Economist" jurnalına müsahibəsində bildirmişdi ki, Şimali Atlantika Alyansı "müttəfiqlər arasında koordinasiyanı tamamilə itirib ki, bunu da "beyin ölümü" kimi xarakterizə etmək olar”.

Yens Stoltenberq və Almaniya kansleri Angela Merkel bu bəyanatı sərt şəkildə tənqid edərək bildirmişdilər ki, Makronun NATO-ya dair bu qiymətləndirilməsi ilə razı deyillər.

Qeyd edək ki, daha əvvəl Sputnik radio xəbər verib ki, Rusiya ABŞ-ın addımlarına cavab olaraq orta və yaxın mənzilli raketlərinin hazırlanmasına başlayır.

Eyni zamanda, raket sahəsində qlobal müəyyənliyin qalması üçün Rusiya bu və ya digər regionda rəqibin raketləri peyda olana qədər öz yerüstü orta və yaxın mənzilli raketlərini heç bir yerdə yerləşdirməyəcək.

97
Aktrisa Alissa Milano, arxiv şəkli

COVID-19 bu amerikalı ulduzdan da yan keçmədi

23
(Yenilənib 22:42 11.08.2020)
"Bu vaxta qədər belə bir xəstəlik görmədim. Hər yerim ağrıyır. Qoxu duyğumu itirmişəm. Sanki sinəmin üstündə fil oturub, nəfəs ala bilmirəm"

Şahpəri Abbasova, Sputnik Azərbaycan

BAKI, 11 avqust — Sputnik. Dünyanı cənginə alan koronavirus (COVID-19) bəlası Amerikanın məşhur aktirisası Alissa Milanodan da yan keçməyib.

Virus nəticəsində aktirisanın saçları tökülüb. Ulduz saçının necə töküldüyünü göstərmək üçün instaqram səhifəsində video paylaşıb. Tanınmış aktirisa izləyicilərini maska taxmağa çağırdı. Milano, xəstəlik simtonlarını aprel ayında hiss etməyə başlayıb. Virusa görə test etdirən aktirasanın nəticələri pozitiv çıxıb. Xəstəliyinin hələ də davam etdiyini bildirən aktirisa bunları deyib: "Bu vaxta qədər belə bir xəstəlik görmədim. Hər yerim ağrıyır. Qoxu duyğumu itirmişəm. Sanki sinəmin üstündə fil oturub, nəfəs ala bilmirəm"

Qeyd edək ki, A.Milano "Kommando", "Alatoranlıq vaxtı", "Şöhrətin parıltısı", "Gəlini öp", "Patologiya", "Köhnə Yeni il", "Qorxu" və s. filmlərində rol alıb.

23
Beyrutda partlayış, arxiv şəkli

Beyrutda ölənlərin sayı yenə artdı

16
(Yenilənib 19:45 11.08.2020)
İlkin versiyaya görə, limanda 2750 ton ammonium nitrat (həmçinin ammonyak selitrası kimi tanınır) saxlanılırmış. Seysmoloji stansiyalar Rixter şkalası üzrə təxminən 5 ballıq partlayış gücünü qeydə alıb.

BAKI, 11 avqust — Sputnik. Beyrut limanında baş verən partlayış nəticəsində ölənlərin sayı 171-ə çatıb. Sputnik Azərbaycan "RİA Novosti"-yə istinadən xəbər verir ki, bu barədə Livanın Səhiyyə Nazirliyi məlumat yayıb.

Məlumatda, həmçinin qeyd olunub ki, daha 30-40 nəfər itkin düşmüş hesab olunur.

Qeyd edək ki, avqustun 4-ü Beyrutda güclü partlayışlar baş verib. Biri digərindən güclü olan iki partlayış şəhərin liman hissəsində yerləşən anbar binalarında baş verib.

İlkin versiyaya görə, limanda 2750 ton ammonium nitrat (həmçinin ammonyak selitrası kimi tanınır) saxlanılırmış. Seysmoloji stansiyalar Rixter şkalası üzrə təxminən 5 ballıq partlayış gücünü qeydə alıb.

Güclü partlayışlar nəticəsində həlak olanların sayı artıq 100 nəfəri ötüb, dörd mindən çox adam yaralanıb. Bununla yanaşı, Livan hakimiyyəti çoxlu sayda itkin düşmüş şəxslərin olması səbəbindən qurbanların sayının artacağını gözləyir.

16
Mehdiabad qəsəbəsində antisanitariya

Bakıda bələdiyyənin əməkdaşı cərimə edildi

0
(Yenilənib 23:33 11.08.2020)
Mehdiabad Bələdiyyəsinin əməkdaşı Z.Yarışov və Bakı şəhər sakini K.Əhmədov barəsində protokollar tərtib edilib. Z.Yarışov 3.000, K.Əhmədov isə 600 manat məbləğində cərimələniblər.

BAKI, 11 avqust — Sputnik. Daxili İşlər Nazirliyinin Baş İctimai Təhlükəsizlik İdarəsi Ekologiya və Təbii Sərvətlər Nazirliyinin müvafiq qurumları ilə birgə sanitariya-gigiyena qaydalarının pozulması hallarının qarşısının alınması məqsədilə reydlər keçiriblər.

Sputnik Azərbaycan Daxili İşlər Nazirliyinin məlumatına istinadla xəbər verir ki, avqustun 6-da keçirilən reydlər zamanı Abşeron rayonunun Mehdiabad qəsəbəsində yerləşən "Şok Market"in yaxınlığında və Binəqədi rayonu Binəqədi gölü ərazisində məişət tullantılarının qalaqlanması və yandırılması faktları aşkar edilib.

İnzibati Xətalar Məcəlləsinin 271-ci (sənaye və məişət tullantılarının qalaqlanması və yandırılması zamanı ətraf mühitin mühafizəsi tələblərinə əməl edilməməsi) maddəsinin tələblərini pozduqlarına görə Mehdiabad Bələdiyyəsinin əməkdaşı, qəsəbə sakini Z.Yarışov və Bakı şəhər sakini K.Əhmədov barəsində protokollar tərtib edilib. Z.Yarışov 3.000, K.Əhmədov isə 600 manat məbləğində cərimələniblər.

Bu istiqamətdə tədbirlər davam etdirilir.

0