S-400 zenit raket komplekslərinin Türkiyəyə tədarükü, arxiv şəkli

"Çox çətin vəzifə". Hərbi ekspert Ərdoğanın "S-400"lə bağlı bəyanatını şərh edib

1690
(Yenilənib 15:22 15.11.2019)
Türkiyə prezidenti inanır ki, onun ölkəsi "S-400"dən imtina etməyəcək. Bu bəyanatı Rəcəb Tayyib Ərdoğan ABŞ səfərinin sonunda verib. Hərbi şərhçi Yuri Kotyonok Sputnik radiosuna bu səfərin nəticələrini şərh edib

BAKI, 15 noyabr — Sputnik. Prezident Rəcəb Tayyib Ərdoğan bildirib ki, Türkiyə, Rusiyanın "S-400" zenit-raket sistemlərinə sahib olmağı özünün suveren hüququ hesab edir. O, bu açıqlamanı amerikalı həmkarı Donald Trampla danışıqlardan sonra Vaşinqtondan evinə gedərkən verib.

"S-400"dən tamamilə imtina etmək barədə tələbi doğru hesab etmirik. "S-400"dən tamamilə imtina edərək "Patriot"a (Amerika hava hücumundan müdafiə sistemləri) keçə bilmərik. Biz "Patriot" ala biləcəyimizi söylədik, ancaq onları aldığımız zaman "S-400"dən imtina edə bilmərik. Bu, bizim suveren hüququmuzdur", - deyə Ərdoğan Vaşinqtondan evə qayıdarkən təyyarədə jurnalistlərə bildirib.

Türkiyə prezidenti qeyd edib ki, ümumilikdə onun ABŞ səfəri pozitiv keçib və mövcud fikir ayrılıqlarını aradan qaldırmaq üçün dialoq lazımdır.

""F-35"lərdə (Amerika qırıcı təyyarələrinin tədarükü - red.) müsbət nəticə əldə etmək istəyirik. Bu dəfə Trampın bu mövzuya daha müsbət və konstruktiv yanaşdığını gördüm", - deyə türk lider bildirib.

"Seqodnya.ru" portalının baş redaktoru, hərbi şərhçi Yuri Kotyonok Sputnik radiosunun efirində bu bəyanatı şərh edib.

"Ərdoğan növbəti dəfə öz sarsılmaz mövqeyini nümayiş etdirir və bu, bir dövlətin öz iradəsini dünyada hər kəsə diktə etməyə çalışdığı bir şəraitdə ciddi hərəkətdir. Buna görə də zenit-raket sistemləri məsələsində ABŞ-ı birbaşa rədd edən Ərdoğanın mövqeyi, şübhəsiz, Türkiyə liderinə dividend qazandırır", - deyə Yuri Kotyonok bildirib.

Onun sözlərinə görə, Türkiyə rəhbərliyinin qarşısında çox çətin vəzifə dayanır.

"Türkiyə təkcə regional dövlət roluna iddia etmir, artıq strateji səviyyəyə çıxmağa cəhd edir. Və burada Ərdoğanın qarşısında çox çətin vəzifə dayanır - NATO üzvü qalmaqla Moskva ilə münasibətlər qurmaq. Bunun ABŞ-ın böyük narazılığına səbəb olduğunu görürük. Bu baxımdan, Ərdoğanın Vaşinqton səfərinin nəticələri və onu pozmaq cəhdləri kifayət qədər diqqətəlayiqdir. Ərdoğanın açıqlamaları ("S-400" haqqında - red.) göstərir ki, indiyə qədər onu sındırmaq mümkün olmayıb. Hərçənd unutmamalıyıq ki, amerikalıların Türkiyə rəhbərliyinə münasibətdə tətbiq edə biləcəyi geniş tədbirlər var. Və Türkiyənin bölgədəki müəyyən siyasi və hərbi-siyasi təxribatlara cəlb etmək cəhdlərinin olacağına hazır olmaq lazımdır", - Yuri Kotyonok əlavə edib.

Ərdoğanın ABŞ səfərindən kim qazanclı çıxacaq – politoloq şərhi>>

Ankaranın Vaşinqtonla münasibətlərində böhrana səbəb olan Rusiyanın "S-400" hava hücumundan müdafiə sistemlərinin tədarükü iyulun ortalarında başlayıb. Türkiyə "S-400"ün 2020-ci ilin aprel ayında tam istifadəyə veriləcəyini açıqlayıb. Vaşinqton Türkiyədən tələb edir ki, "S-400"lərlə bağlı sazişdən imtina etsin. Bunun müqabilində Ankaraya Amerikanın "Patriot" sistemləri təklif edilir. Əks təqdirdə, ABŞ Türkiyəni ona "F-35" qırıcı təyyarələrinin satışını təxirə salacağı və ya ləğv edəcəyi, habelə ona qarşı sanksiyaların tətbiq olunacağı ilə təhdid edir. Ankara isə güzəştə getməkdən imtina edib.

1690
Əlaqədar
Donald Tramp: "Ümid edirəm, Türkiyə ilə S-400 problemini həll edəcəyik"
Tramp tarixi görüşə maraqlı mesajla başladı: "Bir-birimizi çox yaxşı anlayırıq"
Daha bir cəhd: Trampdan S-400 sazişini pozmaq üçün Ərdoğana gözlənilməz təklif
Senatorlar Türkiyəyə qarşı sanksiya tələb edirlər
Co Bayden

Co Baydendən transgenderlərə yaşıl işıq

15
Ağ Ev: Prezidentin bu gün imzaladığı sərəncama əsasən, xidmətə yararlı olan hər bir amerikalı ABŞ Silahlı Qüvvələrində xidmət edəcək.

BAKI, 25 yanvar - Sputnik. ABŞ prezidenti Co Bayden sələfi Donald Trampın ABŞ Silahlı Qüvvələrində transgenderlərin xidmətinə qoyduğu qadağanı ləğv edib.

Sputnik Azərbaycan xəbər verir ki, bu barədə məlumat Ağ Evdən yayılıb. Məlumatda deyilir: 

“Prezidentin bu gün imzaladığı sərəncama əsasən, xidmətə yararlı olan hər bir amerikalı ABŞ Silahlı Qüvvələrində xidmət edəcək. Co Bayden inanır ki, cinsiyyət hərbi xidmətə mane olmamalıdır”.

Qeyd edək ki, Ağ Evə gəldikdən qısa müddət sonra keçmiş prezident Donald Tramp transgenderlərin ABŞ ordusunda hər hansı bir vəzifə tutmasının əleyhinə olduğunu bəyan etmişdi.

2019-cu ildə ABŞ Müdafiə Nazirliyi transgenderlərin əksəriyyətinin ABŞ ordusunda xidmətini qadağan edən direktiv imzalayıb.

15
Teqlər:
Co Bayden
Plastik tullantılar, arxiv şəkli

Plastik tullantılardan insanları gözəlləşdirmək üçün istifadə edəcəklər

10
(Yenilənib 20:19 25.01.2021)
Elm adamları yüksək temperaturda və təzyiqdə sabit qaldığı, enerji çevrilməsi üçün əla bir material olduğu üçün perovskiti (kalsium titanat) seçiblər.

BAKI, 25 yanvar — Sputnik. Şimal-Qərb Universitetinin, Argonne Milli Laboratoriyasının və Eymes Laboratoriyasının alimləri plastik tullantıların təkrar emalı üçün yeni bir üsul icad ediblər.

Sputnik Azərbaycan xarici mətbuata istinadla xəbər verir ki, onun köməyi ilə zibil motor yağları, sürtkü yağları, yuyucu vasitələr və hətta kosmetika istehsalı üçün uyğun bir maye halında olan maddəyə çevrilə bilər.

Məlumdur ki, dünyada hər il 380 milyon ton plastik istehsal olunur. Mütəxəssislərin fikrincə, 2050-ci ilə qədər bu rəqəm dörd dəfə arta bilər. Məhsulların 75% -dən çoxu birdəfəlik istifadədən sonra atılır və ətrafa, o cümlədən çaylara, dənizlərə və okeanlara daxil olur.

Plastik tullantıları emalının müasir üsulları problemi həll edə bilməz. Birdəfəlik məhsullar əriyib emal edilə bilər. Amma nəticədə aşağı keyfiyyətli material alınır.

Yeni araşdırmanın müəllifləri məsələyə fərqli yanaşıblar.

Elm adamları yüksək temperaturda və təzyiqdə sabit qaldığı, enerji çevrilməsi üçün əla bir material olduğu üçün perovskiti (kalsium titanat) seçiblər.

Müəyyən şərtlərdə katalizator plastikin karbon-karbon bağını parçalayır və maye karbohidrogenlər əldə edilir. Belə bir maye müxtəlif texniki və ya kosmetik məhsulların istehsalı üçün uyğundur.

10

Xırdalanda partlamış evin dağıntıları altından qadın meyiti çıxarılıb

0
(Yenilənib 00:34 26.01.2021)
Dağıntılar altından bir nəfərin cəsədi çıxarılıb. Həmin şəxsin 1988-ci il təvəllüdlü Musayeva Aytən Tacəddin qızı olduğu bildirilir.

BAKI, 26 yanvar - Sputnik. Xırdalanda partlayışda həlak olan qadının nəşi dağıntılar altından çıxardılıb.

Sputnik Azərbaycan-ın məlumatına görə, Xırdalanda baş verən partlayışda 1988-ci il təvəllüdlü Aytən Tacəddin qızı Musayeva faciəli şəkildə dünyasını dəyişib. Bu barədə Sputnik Abşeron MRX-nın direktoru Mehriban Qaralova məlumat verib. O, bildirib ki, Xırdalanda baş vermiş hadisə nəticəsində 6 nəfər müxtəlif dərəcəli bədən xəsarətləri ilə xəstəxanaya yerləşdirilib, onlardan biri uşaqdır.

Partlayış zamanı xəsarət alanlardan biri Musayev Vüsal Firuddin oğlunun həyat yoldaşı Aytən Musayeva dağıntılar altından ölü tapılıb. Onun azyaşlı qızının axtarışları davam edir. Oğlu 10 yaşlı Musayev Firuddin Vüsal oğlu və həyat yoldaşı xəstəxanada müalicə alırlar.

Partlayış zamanı xəsarət alanlar 1983-cü il təvəllüdlü Musayev Vüsal Firuddin oğlu, onun 10 yaşlı oğlu, 2009-cu il təvəllüdlü Musayev Firuddin Vüsal oğlu, 8 yaşlı qızı, 2012-ci il təvəllüdlü Musayeva Fatimə Vüsal qızı, Musayeva Ziyafət Qafar qızı və Gözəl Səmədovadır.

Dağıntılar altından çıxarılan digər şəxslər 1968-ci il təvəllüdlü Ələzova Simayə Mövlud qızı, 2006-cı il təvəllüdlü Şükürzadə Xədicə Bəxtiyar qızı,  1989-cu il təvəllüdlü Əliyev Emil Arif oğlu və 1988-ci il təvəllüdlü Hüseynov Arif Əbülfəz oğludur. 

Qeyd edək ki, 25 yanvar 2021-ci il tarixində Fövqəladə Hallar Nazirliyinin "112" qaynar xəttinə Abşeron rayonu, Xırdalan şəhəri, 27-ci məhəllə adlanan ərazidə uçqunla nəticələnən partlayış hadisəsinin baş verməsi barədə məlumat daxil olub.

FHN-dən Sputnik Azərbaycan-a verilən məlumata görə, dərhal əraziyə FHN-in müvafiq xilasetmə qüvvələri cəlb olunub. Əməliyyat şəraiti qiymətləndirilərkən məlum olub ki, uçqun ikimərtəbəli fərdi yaşayış evində baş verib.

Partlayış dalğasının təsirindən yaxınlıqdakı binaların şüşələri sınıb. FHN-in əməkdaşları tərəfindən operativ axtarış-xilasetmə əməliyyatı davam edir.

 

0