ABŞ prezidenti Donald Tramp və Türkiyə prezidenti Rəcəb Tayyib Ərdoğan, arxiv şəkli

Daha bir cəhd: Trampdan S-400 sazişini pozmaq üçün Ərdoğana gözlənilməz təklif

1490
(Yenilənib 14:17 13.11.2019)
"The Washington Post" nəşri eyni zamanda yazır ki, ABŞ-ın Nümayəndələr palatasının bəzi üzvləri ABŞ liderinin bu təklifini dəstəkləməyəcək.

BAKI, 13 noyabr — Sputnik. Birləşmiş Ştatlar Prezidenti Donald Tramp türkiyə lideri Rəcəb Tayyib Ərdoğana böyük həcmdə ticarət müqaviləsi təklif edib. Bu barədə Sputnik Azərbaycan "The Washington Post" nəşrinə istinadən xəbər verir.

Bundan əlavə, ABŞ lideri Türkiyənin Rusiyadan "S-400" zenit-raket kompleksləri alması ilə bağlı yaranan vəziyyətin aradan qaldırılması ilə bağlı "həll yolu" da təklif edib.

Nəşr yazır ki, rəsmi Vaşinqton Ankaraya 100 milyard dollar dəyərində ticarət müqaviləsi təklif edir.

"The Washington Post" nəşri eyni zamanda yazır ki, ABŞ-ın Nümayəndələr palatasının bəzi üzvləri ABŞ liderinin bu təklifini dəstəkləməyəcək. Çünki onlar Suriyada əməliyyat keçirdiyi üçün Türkiyəyə qarşı sanksiyaların tətbiqini dəstəkləmişdilər.

Xatırladaq ki, daha əvvəl ABŞ Prezidentinin milli təhlükəsizlik üzrə müşaviri Robert O Brayen bildirmişdi ki, Türkiyə Rusiyada S-400 zenit-raket kompleksləri aldığı üçün ABŞ Konqresinin sanksiyaları ilə üzləşə bilər və bu barədə Donald Tramp gələn həftə Türkiyə Prezidenti Rəcəb Tayyip Ərdoğanın Vaşinqtona səfəri zamanı ona deyəcək.

"Əgər Türkiyə S-400-dən əl çəkməsə, çox güman ki, CAATSA qanununa müvafiq olaraq sanksiyaları Konqresdə hər iki cəbhə dəstəkləyəcək və Türkiyə də bu sanksiyaların gücünü görəcək. Biz bunu Ərdoğana aydın şəkildə dedik. NATO-da S-400, Rusiya silahlarının alınması yolverilməzdir. Bunu Prezident (Tramp) o (Ərdoğan), Vaşinqtona gələndə ona aydın surətdə deyəcək", - O`Brayen bildirib.

Bu ilin yayında ABŞ Türkiyəni F-35 təyyarələrinin istehsalı proqramından kənarlaşdırıb və Rusiya istehsalı olan zenit-raket komplekslərinin alınmasına görə növbəti sanksiyalarla hədələyib.

1490
 Türkiyə sülhməqamlıları, arxiv şəkli

Türkiyə-Rusiya Ortaq Mərkəzinin yaradılmasına dair anlaşma imzalandı

15
(Yenilənib 12:11 01.12.2020)
"Türkiyə-Rusiya Ortaq Mərkəzinin yaradılması və vəzifə əsaslarına dair texniki detallarla bağlı danışıqlar tamamlanaraq razılaşma imzalanıb. Mərkəzin ən qısa zamanda fəaliyyətə başlaması üçün lazımi işlər gedir"

BAKI, 1 dekabr — Sputnik. Türkiyə-Rusiya Ortaq Mərkəzinin yaradılmasına dair texniki detallarla bağlı müzakirələr başa çatıb və tərəflər arasında anlaşma imzalanıb.

Sputnik Azərbaycan xəbər verir ki, bu barədə məlumat Türkiyənin Milli Müdafiə Nazirliyinin rəsmi saytında yerləşdirilib.

"Türkiyə-Rusiya Ortaq Mərkəzinin yaradılması və vəzifə əsaslarına dair texniki detallarla bağlı danışıqlar tamamlanaraq razılaşma imzalanıb. Mərkəzin ən qısa zamanda fəaliyyətə başlaması üçün lazımi işlər gedir", - deyə məlumatda qeyd olunub.

Həmçinin qeyd olunur ki, noyabrın 11-də Türkiyənin Milli Müdafiə naziri Hulusi Akarla rusiyalı həmkarı Sergey Şoyqu Azərbaycan və Ermənistan arasında atəşkəsi müşahidə etmək və nəzarət üçün video konfrans formatında anlaşma memorandumu imzalayıb.

15
Teqlər:
anlaşma, Rusiya, Türkiyə, Qarabağ
Neft buruğu, arxiv şəkli

Azərbaycan nefti ucuzlaşıb

3
Azərbaycan neftinin bir barelinin qiyməti bu il aprelin 21-də minimuma enərək 15,81 dollar, 2008-ci ilin iyulunda isə maksimuma yüksələrək 149,66 dollar olub.

 

BAKI, 1 dekabr — Sputnik. Azərbaycan neftinin qiyməti ucuzlaşıb.

Sputnik Azərbaycan xəbər verir ki, "Azeri Light" markalı neftin bir barelinin qiyməti 0,68 dollar ucuzlaşaraq 48,05 dollar təşkil edib.

“Brent” markalı neftin bir barelinin qiyməti 0,59 dollar geriləyərək 47,59 dollar, “Light” markalı neftin bir barelinin qiyməti isə 0,28 dollar ucuzlaşaraq 45,06 dollar olub.

Qeyd edək ki, Azərbaycan neftinin bir barelinin qiyməti bu il aprelin 21-də minimuma enərək 15,81 dollar, 2008-ci ilin iyulunda isə maksimuma yüksələrək 149,66 dollar olub.

3
Teqlər:
barel, birja, qiymət, neft
Laçın, arxiv şəkli

Laçının peykdən görüntüsü yayıldı

0
(Yenilənib 12:28 01.12.2020)
Bu görüntülər Laçın rayonu erməni işğalından azad olunduqdan sonra "Azersky" peyki vasitəsilə çəkilib.

BAKI, 1 dekabr — Sputnik. "Azercosmos" bu gün Azərbaycana təhvil verilən Laçın rayonunun peyk görüntülərini yayıb. Sputnik Azərbaycan-ın məlumatına görə, görüntülər Laçın erməni işğalından azad olunduqdan sonra "Azersky" peyki vasitəsilə çəkilib.

Qeyd edilir ki, Laçın rayonu ötən illər ərzində Ermənistanı Dağlıq Qarabağdakı separatçılar ilə birləşdirdiyi üçün düşmən tərəfdə böyük önəm daşıyıb. Laçında son illər ərzində Ermənistan tərəfindən qeyri-qanuni məskunlaşma işləri aparılıb. Laçın Tarix Muzeyindən Azərbaycanın mədəni irsini əks etdirən kolleksiyalar talan edilib. Təbii sərvətlərlə zəngin Laçın rayonunda olan Turşsu, Qaladərəsi, Nağdalı kimi müalicəvi bulaqlar, VI əsrə aid Alban Ağoğlan məbədi, XIV əsrə aid Məlik Əjdər türbəsi və digər mədəni abidələrə qarşı vandalizm əməlləri törədilib.

0
Teqlər:
kolleksiya, Dağlıq Qarabağ, peyk, Laçının azad olunması