Suriya Prezidenti Bəşər Əsəd, arxiv şəkli

Həqiqət barədə danışmağın vaxtıdır: Bəşər Əsəd il yarımdan sonra ilk müsahibəsini verib

63
(Yenilənib 13:27 11.11.2019)
Suriya Prezidenti Bəşər Əsəd RT-yə müsahibəsində terrorçuluqla mübarizdədən, "Ağ dəbilqələr"in fəaliyyətindən, Soçi və Cenevrə danışıqlarından danışıb.

BAKI, 11 noyabr - Sputnik. Dünyadakı, xüsusən Qərbdəki ictimai fikir son illər ərzində dəyişikliklərə məruz qalır. İnsanlar başa düşürlər ki, rəsmi şəxslər onlara bölgədə, Yaxın Şərqdə, Suriyada, Yəməndə baş evrənlər barədə çoxlu sayda yalançı məlumatlar veriblər.

Bu barədə Suriya Prezidenti Bəşər Əsəd RT-yə eksklüziv müsahibəsində son il yarım ərzində KİV-lə niyə ünsiyyət qurmaması barədə suala cavab verərkən deyib.

"Ümumilikdə dünyada baş verənlər, Türkiyənin müdaxiləsindən sonra bölgədəki və Suriyadakı hadisələr yenidən mənim ölkəmi ön plana çıxarıblar", - Suriya lideri qeyd edib.

Əsədin sözlərinə görə, insanlar həqiqəti bilmirlər: "Mənim fikrimcə, bu həqiqət barədə danışmağın vaxtı çatıb".

"Mən qərb mediasına çoxlu sayda müsahibə vermişəm, lakin onlar hansısa real informasiyanı almağa çalışmırlar - onlara sensasiya lazımdır. Onlar dünyada baş verənləri öz auditoriyalarına obyektiv olaraq çatdırmağa cəhd etmirlər. Ona görə də mən bir neçə ildir ki, müsahibə vermirdim", - Bəşər Əsəd deyib.

Sabitlik və bərpa

Suriya lideri bildrib ki, Dəməşqdəki sabitlik öz həyatını vermiş və ya yaralanmış 100 mindən artıq suriyalı əsgərin verdiyi qurbanların nəticəsidir.

"Çoxlu insan həlak olub. Söhbət o cümlədən minlərlə, bəlkə də on minlərlə dinc, heç bir günahı olmayan sakinin həyatından gedir. Bura minaatanların atəşi nəticəsində həlak olanlar, edam edilənlər, oğurlanıb öldürülənlər, itkin düşənlər (ailələri indiyədək onları gözləyir) daxildir... Terrorçularla mübarizədə həddindən çox qurban verilib. Ona görə də indi sabitlik və bərpanı görürsünüz", - o vurğulayıb.

"İkiqat zərbələr"

Suriya Prezidenti həmçinin Suriya və Rusiyanın "ikiqat zərbələri" barədə versiyanı da şərh edib. Bu versiyaya əsasən, iki ölkənin hava qüvvələri Hələbin şərqində hansısa rayona zərbə endirirmişlər, daha sonra xilasetmə qüvvələri hadisə yerinə gələndə, həmin əraziyə təkrar zərbələr endirilirmiş.

Bəşər Əsədin sözlərinə əsasən, Qərbdə həqiqətə uyğun olmayan versiyalar yayılır və onların məqsədi Suriya ordusuna şər ataraq onun səbəbsiz yerə mülki əhalini öldürdüyünü göstərməkdir.

"Orada "Ağ dəbilqələr" adlandırılanlar… və yaxud terrorçuların qərargaha çevirdikləri hansısa xəstəxana… Demək belə, bu barədə orada deyirlər ki, Suriya ordusu mülki əhaliyə xəsarət yetirməkdən ötrü humanitar obyektlərə hücum edir. Əslində hər şey elə deyil: mülki əhali yalnız Hələbin şərqində deyil, hər yerdə öz rayonundan qaçaraq hökumətin nəzarətində olan əraziyə keçirdi", - Əsəd bildirib.

Terrorçuluq sərhəd tanımır

Bəşər Əsəd bəyan edib ki, Rusiya Suriyaya əsgər göndərməklə öz xalqını qoruyur, çünki terrorçuluq ideologiyası siyasi sərhəd tanımır.

"Hətta Suriyada heç kəs öz həyatını sadəcə insandan ötrü verməz… İnsanlar hansısa işdən ötrü ölümə getməyə hazırdılar  - öz ölkəsini, öz mövcudluğunu, öz gələcəyini qorumaqdan ötrü… Başqa ölkədən gələn isə heç bir halda hansısa insandan, diktator və ya qeyri-diktatordan ötrü ölmək istəməz. Prezident Putinin insanları hansısa adamdan ötrü ölümə göndərməsi və bu adamın xatirinə öz ölkəsinin maraqları ilə risk etməsi sadəcə məntiqsizdir", - Əsəd deyib.

Suriya liderinin sözlərinə görə, Rusiyanın addımları bu və ya digər şəkildə elə Rusiyanın maraqlarını qoruyurlar.

Türkiyənin prezidenti Rəcəb Tayyib Ərdoğan, arxiv şəkli
© urat Cetinmuhurdar/Presidential Press Office/Handout via REUTERS

"Burada bir aspekt ondan ibarətdir ki, terrorçuluqla Suriya və yaxud digər dövlət olmasından asılı olmayaraq, başqa ölkədə mübarizə Rusiya xalqını müdafiə etməyə yardın edəcək, çünki terrorçuluq və onun ideologiyası sərhəd tanımıq – o siyasi sərhədləri tanımır. Terrorçuluq üçün bütün dünya meydandır", - dövlət başçısı əlavə edib.

Əsədin sözlərinə görə, daha bir səbəb beynəlxalq hüququn normalarının həyata keçirilməsidir: "Yəni, dünyada beynəlxalq hüququn normalarının həyata keçirilməsi Rusiya xalqının maraqlarına xidmət edəcək. Beləliklə, onların addımları onların milli maraqlarına, qlobal sabitliyə, həmçinin Suriyanın maraqlarına və ölkəmizdəki sabitliyə uyğundur", - Prezident deyib.

"Ağ dəbilqələr"

Suriyada "Ağ dəbilqələr"in fəaliyyəti barədə danışan Prezident Bəşər Əsəd bunu PR-aksiya adlandırıb. Onun sözlərinə əsasən, bu təşkilat "ən-Nüsra" terror təşkilatnın bir qoludur. 

"Yenə də, "Ağ dəbilqələr"dən olan bu "mələk"lərin arasında "Əl-Qaidə"* sıralarında olmuş şəxslərə rast gəlirik. Onları aydın şəkildə görmək olur, şəkillər çox aydındır. O cümlədən, onların arasında insanların başını kəsən, həmçinin öldürülmüş əsgərin ürəyini yeyən şəxslər var. Bütün bunları asanlıqla internetdə tapmaq olar. Bölgəmizdə heç kim "Ağ dəbilqələr"in bu piar aksiyalarına inanmır. Onları "ən-Nüsra"nın qanadıdır", - Prezdient bəyan edib.

Suriyada nizamlama barədə Cenevrə prosesinə toxunan Bəşər Əsəd bunu ABŞ-ın hiyləsi adlandırıb.

"Bu, amerikalıların siyasi proses vasitəsi ilə daha öncə - əvvəl nümayişlər, sonra isə terrorçuları dəstəkləməklə nail ola bilmədikləri məqsədlərinə çatmaq üsulu idi. Elə bu səbəbdən Cenevrə prosesi dağıldı: onun məqsədi hazırkı Suriya hökumətini hansısa keçid orqanı vasitəsilə devirmək idi... Sonra onlar başqa ölkələrdə etdikləri kimi dinc şəkildə hakimiyyəti dəyişərək Suriyaya nəzarəti əllərinə alacaqdılar", - Prezident bəyan edib.

Bəşər bildirib ki, Soçi forumu artıq bəhrəsini verir: "Ötən ay ölkəmizi nümayəndə heyəti ziyarət edib… ötən həftə onlar Konstitusiya barədə danışıqlara başlayıblar", - Suriya lideri vurğulayıb.

Əsədin sözlərinə görə, Cenevrə formatı indi sadəcə Suriya nizamlanması üçün meydançadır, Soçi prosesi isə davam edir.

"Əgər söhbət bu danışıqlardan gedirsə, burada "Cenevrə" yerdən, meydançadan artıq bir şey deyil. Siyasi prosesi baxımından biz əvvəlki kimi Soçidəyik. Görüşlərin harada keçirilməsi və danışıqların harada başlaması vacib deyil - bu, Soçi prosesinin davamıdır", - Suriya prezidenti bəyan edib.

Suriyada hərbi münaqişə 2011-ci ildən davam edir. Onun nizamlanmasına aktiv şəkildə Rusiya, İran və Türkiyə qoşulublar. Bu ölkələr atəşkəsin qarantıdırlar. Ötən dövr ərzində Suriyada praktiki olaraq terrorçulara tam qalib gəlmək, qaçqınları geri qaytarmaq və müharibə nəticəsində dağılmış infrastrukturu bərpa etmək mümkün olub. Müxalifətin də daxil olduğu Konstitusiya şurası yaradılıb.

* Bir sıra ölkələrdə fəaliyyəti qadağan olunmuş terrorçu təşkilat

63
Teqlər:
nizamlanma, Əl-Qaidə, Ən-Nüsra Cəbhəsi, terrorçu, Dəməşq, Hələb, Suriya, Bəşər Əsəd
Əlaqədar
Əsəd qüvvələrinin qırıcısı vuruldu - FOTO
Əsəd iddia etdi: "Rusiya–Türkiyə razılaşması müvəqqəti xarakter daşıyır"
Tramp yenə fikrini dəyişdi – Suriyada genişmiqyaslı hərbi missiya başlayır
Sərt ittiham: ABŞ hər ay Suriyadan 30 milyon dollarlıq neft çıxarır
Şoyqu Suriyada Türkiyə əməliyyatından danışdı – Yaraqlılar nəzarətsiz qalıblar
Rəsmi Moskva Suriyada əsas prioritetini açıqladı
Aleksey Navalnı, arxiv şəkli

Qərb yeni sanksiyalarla dəmir pərdə çəkir

4
Həmin dövrdə xaricdən gələn "zərərli təsirlərin" qarşısını almaq üçün əsas səylərimiz sərhədlərə yönəltmişdik. İndi belə görünür ki, Qərb dünyası SSRİ-nin bu uğursuz təcrübəsini ciddi şəkildə yenidən həyata keçirtmək niyyətindədir.

BAKI, 4 mart — Sputnik, İrina Alksnis. Qərbin Rusiyaya qarşı tətbiq etdiyi yeni sanksiyalar ironiya doğurur. Belə ki, Aleksey Navalnı ilə bağlı qəbul edilmiş qərarlarda həm xeyli təzad sezilir, həm də onların ardıcıllığı qəribə təəssürat yaradır. ABŞ və Avropanın bu qərarları qəbul edərkən əsaslandığı məntiqi tutmaq, məqsədlərini anlamaq isə daha da çətindir. Baş verənlərin paradoksallığı, bəzi hallarda isə absurdluğuna rəğmən, bu qərarların və fəaliyyətin planlı, razılaşdırılmış olması isə hadisələrin rasional düşüncəyə əsaslandığına qətiyyən şübhə yeri qoymur.

Əvvəlcə onu qeyd etmək lazımdır ki, hələ 2010-cu illərin ortalarından bəri avropalılar və amerikalılar Rusiyaya qarşı birgə fəaliyyət məsələlərində bu qədər həmrəylik və entuziazm nümayiş etdirməyiblər. Sanksiyalar Atlantik okeanının hər iki tayında nəinki eyni gündə, hətta eyni anda elan olundu. Yəni bu, sözsüz ki, ssenari əsasında edilmiş gediş idi. Bundan başqa, planlaşdırılan tədbirlərdən əvvəlki "artilleriya hazırlığı" da dramaturgiyanın bütün qanunlarına uyğun şəkildə həyata keçirilmişdi: bir neçə həftə ərzində qeyri-müəyyənlik təəssüratı şişirdilir, sonda da məhtəşəm sonluq vəd olunurdu.

Əslində, növbəti dəfə işlər gözlənildiyi kimi sonuclandı: "Bir manatlıq dava-dalaş saldılar, atdıqları yumruq bir qəpiklik oldu". "Cəzalandırılanlar", əsasən, Rusiya güc strukturlarının rəhbərləridir. Nə bu şəxslərin Qərb ölkələrinə girişə qoyuşmuş qadağalar, nə də fərz edilən maliyyə aktivlərinin dondurulmasının isə onlara qətiyyən isti-soyuğu olmadı. "Bioloji və kimyəvi silahların istehsalında" günahlandırılan elmi təşkilatlarla bağlı da vəziyyət oxşardır. Amerika Birləşmiş Ştatlarının Rusiyaya yardımının kəsilməsi isə əməlli-başlı lətifədir. Belə bir təəssürat yaranır ki, amerikalı tərəfdaşlarımız hələ də 1999-cu ildə ilişib qalıblar. Halbuki, Aleksey Navalnı hələ bir neçə ay əvvəl "dünya ölkələrinə səyahətə çıxmayan və Avropada çoxlu əmlakı, bank hesabı olmayan hansısa polkovnik və generallara" qarşı sanksiyaların tətbiq olunmasının mənasız olduğunu birbaşa bəyan eləmişdi. O zaman Navalnı "Avropa İttifaqını" rusiyalı oliqarxların pullarını hədəfə almağa" çağırmışdı. Etiraf etmək lazımdır ki, iri biznesmenlərə dəyən zərbə, həqiqətən də, daha təsirli idi – həm şəxsən onlara, həm də ümumilikdə milli iqtisadiyyata. "Şimal axını - 2" kimi birgə strateji layihələrin bağlanmasının mənfi effektindən danışmaq isə ümumiyyətlə, yersizdir. Lakin "rusofob" ritorikanın şişirdilməsinə baxmayaraq Qərb yenə də zahirən effektiv və qarşıdurma təəssüratı yaradan, əslində isə tamamilə lazımsız addımlara üstünlük verdi.

Ən çox və şövqlə müdafiə etdikləri rusiyalı müxalifətçi ilə bağlı amerikalıların və avropalıların mövqeyində də qəribəliklər çoxdur. Bir tərəfdən, Qərb Navalnını Kremlin əsas düşməni, eyni zamanda, başlıca qurbanı ranqına qaldıraraq onu şərəfləndirdi. Aİ hətta insan haqlarının pozulması ilə bağlı qlobal sanksiya rejimi yaratdı və elan olunmuş məhdudiyyətlər həmin rejimin tarixində ilk dəfə tətbiq olundu. Avropa İnsan Haqları Məhkəməsi isə qəribə bir qərar çıxararaq müvəqqəti tədbir kimi blogerin azadlığa buraxılmasını tələb etdi. Digər tərəfdən, aydındır ki, blogerin şəxsiyyəti ilə bağlı nə ABŞ-ın, nə də Avropanın bir xülyası, illüziyası var. Belə ki, elə həmin AİHM Navalnının Vladimir vilayətindəki həbsxanaya düşməsi ilə nəticələnən "İv Roşe" işində heç bir siyasi fon görə bilmədi.

"Amnesty International"-a isə üstün mənəvi çevikliyi və siyasi fürsətçiliyi heç də kömək etmədi. Təşkilat müxalifətçini "vicdan məhbusu" hesab etməkdən boyun qaçırdı ki, bunu başa düşmək də çətin deyil: keçmişdə irqçilik və ksenofobiya ilə bağlı xeyli sayda əfsanəvi şərhlər vermişdi.

Yeri gəlmişkən, əvvəlcə Avropa İttifaqı yeni sanksiya rejimini birbaşa Aleksey Navalnı ilə əlaqələndirməyi düşünürdü. Ancaq, görünür, orada vaxtında kiminsə ağlına gəlib ki, "qəhrəman"ının keçmişi nəzərə alınarsa, bunu etməsələr, yaxşıdır. Və bu ideyadan imtina etdilər.

Nəticə etibarilə Qərbin, xüsusən də Avropanın davranışları həqiqətən də əlinə keçən və Moskva ilə münaqişə yaratmaq üçün bir o qədər işə yaramayan hər bahənədən istifadə edərək sağa sola çırpınmaq təsiri bağışlayır. Bütün bunlar isə bütövlükdə məntiqsiz hərəkətlər yığınından başqa bir şey deyil.

Rusiyanın Avropa və ABŞ-la münasibətləri hazırda növbəti transformasiya mərhələsini yaşayır. Coşqun hadisələrlə zəngin son onillik Qərbdə ölkəmizi iqtisadi və geosiyasi cəhətdən diz çökdürmək, əzmək cəhdi kimi qiymətləndirildi. Üstəlik, buna nail olacaqlarına dair kiçik bir şübhələri də yox idi. Digər tərəfdən, qərbdəkilər buna "az qan tökməklə", özləri üçün çox da ağrılı olmayan tədbirlər vasitəsilə nail olacaqlarına əmin idilər. Məsələn, Moskvanın SWIFT-dən ayrılması Qərb biznesi üçün son dərəcə xoşagəlməz hala çevrilə bilərdi.

Rusiya bir daha kollektiv təzyiqə müqavimət göstərərək sürpriz etdi və vəziyyət bir neçə il qeyri-sabit tarazlıqda qaldı. Nominal olaraq qarşıdurma davam etdi, lakin sanksiyalar təhqir və boş rəsmiyyətə çevrildi. Əvəzində, tərəflər arasında, xüsusən də Avropa ilə dolğun əməkdaşlıq sürətlə şəkildə bərpa olunmağa başladı.

Ancaq son bir neçə ilin, xüsusən də, ötən ilin hadisələri Qərbi, nəhayət, ölkəmizə ayıq nəzərlərlə baxmağa və bu barədə düşüncələrini yenidən gözdən keçirməyə vadar etdi. Qərb anladı ki, axır nəfəsində olan "şər imperatorluğu" ilə deyil, böyük potensiala, ciddi ambisiyalara sahib və əli çox güclü olan (qısa vaxtda çox təsirli peyvənd preparatı yarada biləcək qədər) qüdrətli dövlətlə qarşı-qarşıyadır.

Və Avropanı qorxuda biləcək tək şey – həqiqətən güclü bir Rusiyadır. Deyəsən, avropalılar, doğrudan də, Moskvanın iqtisadi, siyasi, ideoloji, media istiqamətində hücuma keçdiyini görüb əməlli-başlı qorxuya düşüblər.

Üstəlik, qonşularımızın öz gücünə inam hissi xeyli aşağıdır və bunun nəticəsi olaraq, tələm-tələsik yeni dəmir pərdə çəkməyə çalışır, beləliklə də, münasibətlərdə uçurum yaradırlar.

Əslində, Qərb, tərəflər arasında (xüsusən də Sovet İttifaqı ilə Qərbi Avropa dövlətləri arasında) bir sıra qarşılıqlı faydalı strateji əməkdaşlıq kanallarının mövcud olduğu, qalan kanalların isə bağlandığı Soyuq Müharibə konfiqurasiyasını yenidən yaratmağa çalışır.

Həmin dövrdə xaricdən gələn "zərərli təsirlərin" qarşısını almaq üçün əsas səylərimiz sərhədlərə yönəltmişdik. İndi belə görünür ki, Qərb dünyası SSRİ-nin bu uğursuz təcrübəsini ciddi şəkildə yenidən həyata keçirtmək niyyətindədir.

Onların bu problemi həll etmək üçün Aleksey Navalnıdan istifadə etmələrini kifayət qədər uğurlu addım hesab etmək mümkündür. Hərçənd, Avropa və ABŞ-ın sovetlərin açdığı cığırla irəliləməsi faktının özü əməlli-başlı heyrət doğurur.

4

Prezident İlham Əliyev Rəcəb Tayyib Ərdoğana başsağlığı verdi

10
"Baş vermiş bu faciə ilə əlaqədar Sizə, şəhid olmuş hərbçilərin ailələrinə və yaxınlarına, qardaş Türkiyə xalqına öz adımdan və Azərbaycan xalqı adından dərin hüznlə başsağlığı verir, yaralananlara şəfa diləyirəm".

BAKI, 4 mart - Sputnik. Azərbaycan Respublikasının Prezidenti İlham Əliyev Türkiyə Prezidenti Rəcəb Tayyib Ərdoğana hərbi helikopter qəzası ilə bağlı başsağlığı verib.

Sputnik Azərbaycan xəbər verir ki, başsağlığıda deyilir:

"Hərbi helikopterin qəzaya uğraması nəticəsində türk əsgərlərinin şəhid olması xəbəri məni olduqca kədərləndirdi.

Baş vermiş bu faciə ilə əlaqədar Sizə, şəhid olmuş hərbçilərin ailələrinə və yaxınlarına, qardaş Türkiyə xalqına öz adımdan və Azərbaycan xalqı adından dərin hüznlə başsağlığı verir, yaralananlara şəfa diləyirəm.

Allah rəhmət eləsin!".

10
Elşad Xose, arxiv şəkli

Məşhur reper "Xudayar təsnifi"ni replə sintez edib - VİDEO

0
Qeyd edək ki, Əlibaba Məmmədov müəllifi olduğu "Vətən yaxşıdır" nəğməsinin Vətən müharibəsi şəhidi Xudayar Yusifzadənin şərəfinə "Xudayar təsnifi" adlandırılmasına xeyir-dua verib.

BAKI, 4 mart — Sputnik. Uzun müddətdir efirlərdən uzaq olan məşhur repçi Elşad Xose yeni işini təqdim edib. Sputnik Azərbaycan xəbər verir ki, o, Xudayar Yusifzadənin ifası ilə məşhurlaşan "Vətən yaxşıdır" mahnısını replə sintez edib.

Qeyd edək ki, Əlibaba Məmmədov müəllifi olduğu "Vətən yaxşıdır" nəğməsinin Vətən müharibəsi şəhidi Xudayar Yusifzadənin şərəfinə "Xudayar təsnifi" adlandırılmasına xeyir-dua verib.

0