BAKI, 11 noyabr — Sputnik. ABŞ-ın Kaliforniya ştatında qorxu filmlərini andıran səhnələr canlanır: burada yayılan nadir göbələk xəstəliyi ilanları mumiyaya döndərir.
Sputnik-in məlumatına görə, Kaliforniyanın Balıq və Vəhşi Təbiət Departamenti (CDFW) Plimutda "arıqlamış və əzab çəkən" kral kobrasının aşkarlandığını bildirib.
İlanın dərisi cadar-cadar olub, ətindən aralanıb, bəzi yerləri suluqlayıb, sürünən mumiyaya bənzəyib.
Snake Fungal Disease Detected in California https://t.co/6qeUCn9q78 pic.twitter.com/dHatIzt4lY
— Cal Fish & Wildlife (@CaliforniaDFW) November 5, 2019
Syerra-Nevadadakı Vəhşi qoruğa çatdırılan ilan əzab çəkməsin deyə iynə vurularaq öldürülüb. Onu yaranda aydın olub ki, sürünən göbələyə yoluxub.
Daha bir oxşar hadisə Folsomda qeydə alındığından CDFW-də hesab edirlər ki, Plimutdakı hadisə nadir deyil.
Yoluxmuş ilanlarla rastlaşan insanlardan dərhal bu barədə xəbər vermələri, eyni zamanda sürünənləri tərpətməmələri xahiş olunur, çünki əks halda göbələk daha çox yayıla bilər.
Time lapse of #teamsnake working hard to deliver an anti-fungal treatment to Lake Erie #watersnakes with Snake Fungal Disease! #ScienceTwitter #PreventingExtinction pic.twitter.com/FkcsvCdtoB
— WildlifeEpiLab at IL (@WildlifeEpiLab) August 15, 2019
Xəstəlik "ilanların göbələk xəstəliyi" adlandırılıb, çünki indiyədək ancaq ilanlarda görülüb. Bildirlir ki, əslində ilk belə yoluxma halı 2008-ci ildə qeydə alınıb. On il əvvəl aşkar olunan "Ophidiomyces ophiodiicola" göbələyi mumifikasiyaya səbəb olan infeksiya törədir.
İlanlar dərilərindəki çatlar, yaxud da digər xəstə ilanlarla təmaslar zamanı göbələyə yoluxurlar. Sonra bu göbələk heyvanlara nə yemək tapıb qidalanmağa, nə də başqa canlılardan qorunmağa imkan vermədiyindən sürünənlər məhv olurlar.
10 il ərzində bu xəstəliyə ABŞ-ın 23 ştatında 20 müxtəlif ilan növü arasında, hətta Avropada rast gəlinib.
CDFW-də əmindirlər ki, çətin ki, bu, insanlara da ziyan vursun.
"Bu infeksiyanın ilanlardan insanlara keçdiyi barədə heç bir sübut yoxdur", - departamentin hesabatında deyilir.
