Şimal buzlu okeanı

Sosial şəbəkədə məşhurlaşan heyvana casus damğası vurdular - VİDEO

89
(Yenilənib 18:22 10.11.2019)
"Güman ki, o, əsirlikdən qaçıb. İndi ac, tənha və şikəst halda dənizlərdə üzüb özünə yemək və insan diqqəti axtarır"

BAKI, 10 noyabr — Sputnik. Şimal buzlu okeanında Cənubi Afrika Respublikasına məxsus qayıqda üzən dənizçilərlə top oynayan ağ balinaya Rusiya casusu damğası vurulub.

Sputnik Azərbaycan bildirir ki, bu barədə alimlərin fərziyyələrini "Independent" yayıb.

Sosial şəbəkədə yayılan videoda qayıqda olan bir adam suya top atır, balina isə üzərək topu tutur və qayıqdakı adama gətirir. Ekspertlər qərar alıblar ki, bu mehriban balinaya Rusiya ordusu xüsusi təlim keçib. Adı da "Hvaldimir"dir.

Su məmələliləri üzrə mütəxəssis Kvad Finn deyib ki, kadrdakı ağ balinanın davranışı təbii deyil.

"İnsanlar Hvaldimiri sudan ayıraraq ona müxtəlif fəndlər öyrədiblər. Xüsusilə də yemək qarşılığında nəyi isə gətirməyi. Balina doymur, ona görə də hələ də insanlardan asılıdır. Bu da onun belə oyuna həvəsli olmağını izah edir", - ekspert bildirib. 

​"New York Times" və "Scientific America" üçün elmi məqalələr yazan Ferris Cabr da Finnin mülahizəsi ilə razılaşıb: "Bu, yəqin ki, elə Hvaldimirdir, rusların bir dəfə əsir tutduğu balina. Güman ki, o, əsirlikdən qaçıb. İndi ac, tənha və şikəst halda dənizlərdə üzüb özünə yemək və insan diqqəti axtarır".

Norveç Dəniz Araşdırmaları İnstitutu və Hvaldimir Fondu (ağ balinanın  saxlanılması üçün vəsait toplayan qurum) hələlik mütəxəssislərin rəyini təsdiqləməyiblər.

Aprelin 26-da NRK telekanalı Norveçin Finnmark quberniyası sularında dənizçilərin üzərində GoPro kamerası olan ağ balina gördüklərini bildirmişdi. Məlumata görə, kameranın üzərində "Sankt-Peterburq avadanlığı" yazılıbmış. Norveç alimləri belə fərziyyə irəli sürmüşdülər ki, bu heyvan Rusiya hərbi-dəniz qüvvələrinə məxsus ola bilər.

89
 Türkiyə sülhməqamlıları, arxiv şəkli

Türkiyə-Rusiya Ortaq Mərkəzinin yaradılmasına dair anlaşma imzalandı

37
(Yenilənib 12:11 01.12.2020)
"Türkiyə-Rusiya Ortaq Mərkəzinin yaradılması və vəzifə əsaslarına dair texniki detallarla bağlı danışıqlar tamamlanaraq razılaşma imzalanıb. Mərkəzin ən qısa zamanda fəaliyyətə başlaması üçün lazımi işlər gedir"

BAKI, 1 dekabr — Sputnik. Türkiyə-Rusiya Ortaq Mərkəzinin yaradılmasına dair texniki detallarla bağlı müzakirələr başa çatıb və tərəflər arasında anlaşma imzalanıb.

Sputnik Azərbaycan xəbər verir ki, bu barədə məlumat Türkiyənin Milli Müdafiə Nazirliyinin rəsmi saytında yerləşdirilib.

"Türkiyə-Rusiya Ortaq Mərkəzinin yaradılması və vəzifə əsaslarına dair texniki detallarla bağlı danışıqlar tamamlanaraq razılaşma imzalanıb. Mərkəzin ən qısa zamanda fəaliyyətə başlaması üçün lazımi işlər gedir", - deyə məlumatda qeyd olunub.

Həmçinin qeyd olunur ki, noyabrın 11-də Türkiyənin Milli Müdafiə naziri Hulusi Akarla rusiyalı həmkarı Sergey Şoyqu Azərbaycan və Ermənistan arasında atəşkəsi müşahidə etmək və nəzarət üçün video konfrans formatında anlaşma memorandumu imzalayıb.

37
Teqlər:
anlaşma, Rusiya, Türkiyə, Qarabağ
Neft buruğu, arxiv şəkli

Azərbaycan nefti ucuzlaşıb

25
Azərbaycan neftinin bir barelinin qiyməti bu il aprelin 21-də minimuma enərək 15,81 dollar, 2008-ci ilin iyulunda isə maksimuma yüksələrək 149,66 dollar olub.

 

BAKI, 1 dekabr — Sputnik. Azərbaycan neftinin qiyməti ucuzlaşıb.

Sputnik Azərbaycan xəbər verir ki, "Azeri Light" markalı neftin bir barelinin qiyməti 0,68 dollar ucuzlaşaraq 48,05 dollar təşkil edib.

“Brent” markalı neftin bir barelinin qiyməti 0,59 dollar geriləyərək 47,59 dollar, “Light” markalı neftin bir barelinin qiyməti isə 0,28 dollar ucuzlaşaraq 45,06 dollar olub.

Qeyd edək ki, Azərbaycan neftinin bir barelinin qiyməti bu il aprelin 21-də minimuma enərək 15,81 dollar, 2008-ci ilin iyulunda isə maksimuma yüksələrək 149,66 dollar olub.

25
Teqlər:
barel, birja, qiymət, neft
Xəstəxana, arxiv şəkli

Azərbaycanda İİV xəstələrinin sayı açıqlandı

0
Bir dekabr 2020-ci il tarixinə İİV ilə yaşayan 7 247 nəfər mərkəzimizdə rəsmi olaraq qeydiyyata alınıb.

BAKI, 1 dekabr — Sputnik. "1 dekabr 2020-ci il tarixinə İİV ilə yaşayan 7 247 nəfər mərkəzimizdə rəsmi olaraq qeydiyyata alınıb, onlardan 1 864 nəfər QİÇS mərhələsindədir. İİV infeksiyasından ölənlərin sayı 1 082 nəfərdir".

Sputnik Azərbaycan xəbər verir ki, bunu Respublika QİÇS-lə Mübarizə Mərkəzinin direktoru vəzifəsini icra edən Esmira Alməmmədova deyib.

O bildirib ki, bu ilin ilk 11 ayı ərzində Azərbaycanda 494 yeni yoluxma halı təsdiqlənib: "484 nəfər (98.0%) Azərbaycan vətəndaşı, 10 nəfər (2.0%) əcnəbidir. Azərbaycanın yoluxmuş 316 (65,3%) vətəndaşı kişi, 168-i (34,7%) isə qadındır".

0