ABŞ Prezidenti Donald Tramp, arxiv şəkli

ABŞ Türkiyəni yeni sanksiyalarla hədələdi

30
(Yenilənib 13:25 17.10.2019)
Donald Tramp xəbərdarlıq edib ki, əgər vitse-prezident Mayk Pens və Türkiyə Prezidenti Rəcəb Tayyib Ərdoğan arasında danışıqlar uğursuz olarsa, Türkiyə iqtisadiyyatını “sarsıdıcı” nəticələr gözləyir

BAKI, 17 oktyabr - Sputnik. Rəsmi Ankara Suriyanın şimalında əməliyyatını dayandırmasa, Birləşmiş Ştatlar Türkiyəyə qarşı yeni sanksiyalar tətbiq edə bilər. Sputnik Azərbaycan “RİA Novosti”yə istinadən xəbər verir ki, bunu Birləşmiş Ştatların maliyyə naziri Stiven Mnuçin bildirib.

Qeyd edək ki, Birləşmiş Ştatlar Prezidenti Donald Tramp daha əvvəl xəbərdarlıq edib ki, əgər vitse-prezident Mayk Pens və Türkiyə Prezidenti Rəcəb Tayyib Ərdoğan arasında danışıqlar uğursuz olarsa, Türkiyə iqtisadiyyatını “sarsıdıcı” nəticələr gözləyir.

Xatırladaq ki, oktyabrın 9-da Türkiyə Silahlı Qüvvələri Suriya Milli Ordusu ilə birlikdə bir neçə gündür Suriyanın şimalında "Sülh Bulağı" antiterror əməliyyatına başlayıb. Məqsəd Türkiyə-Suriya sərhədini terrorçu PKK/YPG-PYD və İŞİD qruplaşmalarından təmizləmək, terror dəhlizinin yaradılmasına imkan verməmək, Suriyada əmin-amanlığın yaradılmasına nail olmaqdır. Bu günə qədər Suriyanın şimalında keçirilən əməliyyat zamanı 673 terrorçu zərərsizləşdirilib.

Bundan sonra ABŞ Prezidenti Donald Tramp Suriyadakı vəziyyətlə bağlı olaraq Türkiyəyə qarşı sanksiyaların tətbiq edilməsinə dair fərman imzalayıb.

ABŞ Maliyyə Nazirliyi bildirib ki, sanksiya siyahısına artıq Türkiyənin Müdafiə və Energetika nazirlikləri və onlara rəhbərlik edən Hulusi Akar və Fatih Dönmez, eləcə də hakim Ədalət və İnkişaf Partiyasının sədr müavini Süleyman Soylu düşüblər.

Bundan başqa, bir müddət öncə xəbər verilib ki, Vaşinqton Türkiyə istehsalı olan polad üçün tarifləri 50 faizədək artırmaq niyyətindədir.

Birləşmiş Ştatlar həmçinin Ankara ilə 100 milyard dollar dəyərində razılaşma ilə bağlı danışıqları dayandıracaq.

30
Teqlər:
sanksiya, iqtisadiyyat, Türkiyә, Suriya
Mövzu:
Türkiyə ordusu Suriyada (51)
Əlaqədar
Trampdan Suriya ilə bağlı şok açıqlama
Kənar dövlətlər Suriyada gedən prosesləri mürəkkəbləşdirirlər – politoloq şərhi
Pens və Pomeo təcili Türkiyəyə gəlirlər – Atəşkəs tələb edəcəklər
Ərdoğan Putinə zəng etdi, Suriya məsələsində razılığa gəldilər
Suriya əməliyyatı alman avtonəhənginin Türkiyədəki planlarını poza bilər
Dəniz quldurlarının bayrağı, arxiv şəkli

Dəniz quldurları Türkiyə gəmisinə hücum edib, azərbaycanlı mühəndis öldürülüb

14
(Yenilənib 00:29 24.01.2021)
Gəminin kapitanı bildirib ki, quldurlar radardan başqa bütün sistemləri söküblər: "Gəmini yalnız radarla təhlükəsiz əraziyə aparırıq və gəminin kapitan müavini ayağından yaralanıb".

BAKI, 24 yanvar - Sputnik. Nigeriya sahillərində “Motsart” adlı Türkiyə şirkətinə məxsus Liberiya bayrağı altında üzən gəmiyə dəniz quldurları hücum edib.

“Report” xəbər verir ki, gəmidə olan 15 nəfər girov götürülüb, azərbaycanlı mühəndis isə qətlə yetirilib.

Gəminin kapitanı bildirib ki, quldurlar radardan başqa bütün sistemləri söküblər:

"Gəmini yalnız radarla təhlükəsiz əraziyə aparırıq və gəminin kapitan müavini ayağından yaralanıb".

14
Sputnik V vaksininin istehsalı, arxiv şəkli

Rusiya peyvəndi Türkiyədə istehsal olunacaq

14
(Yenilənib 22:59 23.01.2021)
Rusiyanın "Sputnik V" peyvəndinin Türkiyədə istehsalı üçün türk əczaçılıq şirkəti ilə müqavilə imzalanıb.

BAKI, 23 yanvar — Sputnik. Rusiya Birbaşa İnvestisiyalar Fondu "Sputnik V" peyvəndinin Türkiyədə istehsalı üçün türk əczaçılıq şirkəti ilə müqavilə imzalayıb.

Sputnik Azərbaycan-ın məlumatına görə, artıq istehsal üçün lazım olan texnologiyanın köçürülməsinə başlanılıb. Peyvənd həm Türkiyədə daxili bazara, həm də digər ölkələrə göndəriləcək. Qeyd edək ki, Türkiyə xarici işlər naziri Mövlud Çavuşoğlu bir müddət əvvəl Rusiya peyvəndinin Türkiyədə istehsal olunacağını açıqlamışdı.

14