Buludlu hava, arxiv şəkli

ÜST dəhşətli rəqəmləri açıqladı: Çirkli hava bizi milçək kimi qırır

28
(Yenilənib 20:11 14.10.2019)
Hər il dünyada baş verən ölümlərin 3 milyonu daxili hava çirkliliyi, yəni otaqlarda, evlərdə, müxtəlif qapalı yerlərdə havanın təmiz olmaması, 4 milyonu isə küçələrdə, yollarda, müxtəlif açıq yerlərdə havanın çirkliliyi ilə əlaqədardır

BAKI, 15 oktyabr — Sputnik. Dünya əhalisinin 91 faizi havanın keyfiyyətinin aşırı dərəcədə aşağı səviyyədə olduğu ölkələrdə yaşayır.

Sputnik Azərbaycan-ın xəbərinə görə, bu barədə Ümumdünya Səhiyyə Təşkilatı məlumat yayıb. ÜST-nin məlumatlarında qeyd olunur ki, çirkli hava ilə əlaqədar olaraq hər il 7 milyondan artıq şəxs dünyasını dəyişir. Açıqlanan hesabatda bildirilir ki, bu ölüm səbəblərinin 3 milyonu daxili hava çirkliliyi, yəni otaqlarda, evlərdə, müxtəlif qapalı yerlərdə havanın təmiz olmaması, 4 milyonu isə küçələrdə, yollarda, müxtəlif açıq yerlərdə havanın çirkliliyi ilə əlaqədardır.

ÜST isə bildirir ki, müxtəlif beyin xəstəlikləri ilə əlaqədar qeydə alınan ölüm hadisələrində çirkli hava 24, ürək və qan-damar sistemi xəstəliklərindən ölümlərdə isə 25 faiz paya sahibdir.

Bundan başqa, ÜST bildirir ki, havanın çirkliliyi yer kürəsinin bir milyarddan artıq əhalisinin həyatını da riskə atır. Xüsusi ilə də böyük şəhərlərdə yaşayan əhalinin 80 faizinin çirkli hava ilə zəhərləndiyini vurğulayan təşkilat havada kimyəvi maddələr, müxtəlif toksinlərin sayının çox olduğuna diqqət çəkir.

Elm adamları sübut edirlər ki, çirkli hava xüsusən də 2.5 mikrometr və ya bundan kiçik olan hissəciklərə daha çox mənfi təsir edir. Bu səbəbdən də onlar çirkli havanı P.M 2.5 adlandırıblar.

Bir çox hallarda çirkli havanın əsasən nəfəs borusu, ağız, burun nahiyələrinə, ağciyərə zərər verdiyi deyilsə də, alimlər bu siyahının belə yekunlaşmadığı ilə bağlı qənaətə gəliblər. Onlar belə hesab edirlər ki, çirkli hava ümumilikdə bütün orqanizmə, xüsusən də beyinə, sinir, ürək və qan-damar sisteminin fəaliyyətinə mənfi təsir edir, sümüklərdə zəifliyin, gözdə ağrıların yaranmasına, yuxusuzluğa, dərinin daha tez qocalmasına səbəb olur.

Sakit okeandakı Henderson adasındakı zibillik
© AP Photo / Jennifer Lavers

Çirkli havanın beyni daha tez yaşlandırdığı da vurğulayan elm adamları apardıqları araşdırmalaırn nəticələrində belə qənaətə gəliblər ki, bu amil hətta ana bətnindəki dölün inkişafına da mənfi təsir edir.

Onlar bildirir ki, xüsusən də yol qıraqlarında evləri, ofisləri olan şəxslər digərləri ilə müqayisədə çirkli havanın təsirindən daha çox zərər görürlər. ÜST-ün hesabatında zəhərli havanın orqanizmə daxil olmasının qarşısını almaq üçün maska taxmaq, hüquqi müstəvidə isə dövlətlərin çirklənmə ilə bağlı konkret normativləri müəyyənləşdirmələrinin vacibliyi vurğulanır.

28
Koronavirusdan ölən şəxsin meyiti, arxiv şəkli

Koronavirusdan ölənlər qəbirdən çıxarılır

27
(Yenilənib 23:07 25.11.2020)
Ekvador Prokurorluğu bu işə Los Seybos xəstəxanası yaxınlığındakı zibil qablarından 237 cəsədin parçalarının tapılmasından sonra başlayıb.

BAKI, 25 noyabr — Sputnik. Ekvador Prokurorluğu yeni tip koronavirus (COVID-19) pandemiyasının ən kritik günlərində həyatını itirənlərin şəxsiyyətinin müəyyənləşdirilməsi üçün fəaliyyətə başlayıb. Sputnik Azərbaycan-ın Türkiyənin NTV kanalına istinadən verdiyi xəbərə görə, artıq bu məqsədlə Quayakil şəhərindəki qəbirlərin bir hissəsi eksqumasiya olunub.

Ekvador Prokurorluğunun sosial media vasitəsilə verdiyi açıqlamada "Hazırda Milli Ekspertiza Sisteminin dəstəyi ilə COVID-19 pandemiyası zamanı həyatını itirən şəxslərin kimliyini müəyyənləşdirmək üçün DNT nümunələri toplayırıq", - deyə bildirilir.

İndiyə kimi Quayakildəki Los Seybos xəstəxanasından aparılaraq basdırılmış 45 cəsəddən 18-i artıq qəbirdən çıxarılıb. Dauel qəsəbəsindəki La Avrora qəbirstanlığında isə eksqumasiya işlərinin bir neçə gün sonra başa çatdırılacağı bildirilib.

Qeyd edək ki, Ekvador Prokurorluğu istintaqa may ayında, Los Seybos xəstəxanası yaxınlığındakı zibil qablarından 237 cəsədin parçalarının tapılmasından sonra başlamışdı. Pandemiyanın geniş yayıldığı mart-aprel ayları ərzində ölkənin səhiyyə sistemi çökmüş, virusdan ölənlərin basdırılamasında isə böyük çətinlik yaranmışdı. Dövlət xəstəxanalarında cəsədlərin qarışıq düşməsi ilə yanaşı, evində ölənlərin meyitləri də toplanaraq günlərlə gözlədikdən sonra şəxsiyyətləri müəyyən olunmadan yandırılmışdı. Yaranan qarışıqlıq zamanı sistemdə ölü kimi qeydə alınan bəzi insanların sonradan əslində sağ olduqları üzə çıxdı. Bundan sonra Ekvador Prokurorluğu bütün məzarların bir-bir eksqumasiya olunması haqqında qərar verdi.

27
Fransa bayrağı, arxiv şəkli

Fransa Senatından Azərbaycan əleyhinə xaincəsinə qərar

123
(Yenilənib 22:12 25.11.2020)
XİN: Parisin “Dağlıq Qarabağın müstəqilliyi”ni birtərəfli tanıması nə Ermənistana, nə Qarabağ xalqına, nə də Fransanın özünə fayda vermir.

BAKI, 25 noyabr - Sputnik. Fransa Senatı qondarma “Dağlıq Qarabağ Respublikası”nı tanımaq barədə qətnamə qəbul edib. Senat hökumətə qondarma "DQR"i tanımaq barədə müraciət edib.

Sputnik Azərbaycan RİA Novosti-yə istinadən xəbər verir ki, sənədin lehinə 305 senator səs verib. Bir nəfər isə əleyhinə olub. Sənəd tövsiyə xarakteri daşıyır.

Fransa Xarici İşlər Nazirliyi artıq Senatın qərarına münasibət bildirib: Parisin “Dağlıq Qarabağın müstəqilliyi”ni birtərəfli tanıması nə Ermənistana, nə Qarabağ xalqına, nə də Fransanın özünə fayda vermir.

123
Teqlər:
Dağlıq Qarabağ, Fransa

Cəbhəyanı ərazilərdə onlarla tank piyada əleyhinə mina, bombacıqlar aşkarlandı

0
Mina təhlükəsinə dair maarifləndirmə üzrə mütəxəsisslər tərəfindən 80 141 nəfər mülki şəxs arasında mina təhlükəsizliyinə dair maarifləndirmə təbliğatı aparılıb.

BAKI, 26 noyabr - Sputnik. Azərbaycan Respublikası Ərazilərinin Minalardan Təmizlənməsi üzrə Milli Agentliyə (ANAMA) Ağcabədi, Ağdam, Beyləqan, Füzuli, Goranboy, Göygöl, Tərtər rayonları ərazisində mərmilərin aşkar olunması barədə Daxili İşlər Nazirliyinin ″102″ Xidməti-Zəng mərkəzi sistemindən 38 və Fövqəladə Hallar Nazirliyinin Böhran Vəziyyətlərində İdarəetmə mərkəzindən 7 müraciət daxil olub.

ANAMA-dan Sputnik Azərbaycan-a verilən məlumata görə, daxil olmuş 45 çağırış əsasında agentliyin xüsusi mobil çevik əməliyyat qrupları tərəfindən Daxili İşlər Nazirliyinin əməkdaşları ilə birlikdə 28 operativ və təxirəsalınmaz əməliyyat çıxışı həyata keçirilib.

Aparılmış əməliyyat-axtarış tədbirləri zamanı 71 ədəd partlamamış hərbi sursat (PHS), 2 ədəd tank əleyhinə mina, 42 ədəd piyada əleyhinə mina, 4 ədəd bombacıq və 40 ədəd partlamış mərmi qalıqları aşkar olunub.

Agentliyin partlayış qrupu tərəfindən 26 ədəd mina və partlamamış hərbi sursat (PHS), 4 ədəd bombacıq zərərsizləşdirilib, mina təhlükəsinə dair maarifləndirmə üzrə mütəxəsisslər tərəfindən 80 141 nəfər mülki şəxs arasında mina təhlükəsizliyinə dair maarifləndirmə təbliğatı aparılıb.

0