Altsheymer xəstəsinin beyni

Depressiya Altsheymer riskini ikiqat artırır

45
(Yenilənib 12:52 14.10.2019)
Qadınlar depressiyaya daha çox meylli olduğu üçün Altsheymerə yoluxma riski də qadınlar üçün daha böyükdür

BAKI, 14 oktyabr – Sputnik. Depressiya Altsheymer xəstəliyi riskini ikiqat artırır.

Sputnik Azərbaycan xarici mətbuata istinadla xəbər verir ki, Kaliforniya universitetində aparılan araşdırmaya görə, keçmişdə depressiya keçirən və müalicə edilməyən şəxslərdə Alstheymer xəstəliyinə tutulma riski iki qat çox olur. 

Araşdırma zamanı məlum olub ki, depressiyadan müalicə alan şəxslərdə Alstheymerə yoluxma riski azalır. Mütəxəssislərə görə, Altsheymer 65  yaşından sonra insanlarda müşahidə edilir.

Qadınlar depressiyaya daha çox meylli olduğu üçün Altsheymerə yoluxma riski də qadınlar üçün daha böyükdür.

Müalicə edilməmiş depressiya insanda ağır travma yaradır. Keçmişdə ağır psixoloji travma yaşamış insanlar bu xəstəliyə daha çox yoluxur. 

Aparılan araşdırmada 3535 nəfər iştirak edib. Həmçinin qeyd edilib ki,  Altsheymer xəstələri yaxın keçmişi unutmasına baxmayaraq, uzaq olan keçmişi daha yaxşı xatırlayırlar.

45
Jurnalistlər brifinq zamanı, arxiv şəkli

"Rossiya seqodnya"nın mətbəxində baş verir?

10
(Yenilənib 16:54 10.08.2020)
Onlayn-sessiyanın iştirakçıları müasir jurnalistlərin işinin nüanslarını, təcili xəbərlərin necə hazırlandığını və nəşr olunan hər bir sözə görə KİV-in məsuliyyətinin nədən ibarət olduğunu müzakirə ediblər.

BAKI, 10 avqust — Sputnik. Dəqiqlik, eksklüzivlik, sürət - "Rossiya seqodnya" BİA-nın "mətbəxi"ndəki əsas "inqrediyentlər" bunlardır. Bu barədə SputnikPro maarifləndirmə layihəsi çərçivəsində ""Rossiya seqodnya" BİA-nın "Redaksiya mətbəxi". Peşəkar bacarığın sirləri" mövzusunda keçirilən növbəti onlayn vebinarda bildirilib.

Vebinarın spikeri "Rossiya seqodnya" BİA-nın baş redaktorunun müavini Dmitri Qornostayev olub. Onlayn sessiya zamanı o, müxtəlif ölkələrdən olan dinləyicilərə agentliyin jurnalistlərinin əsas iş prinsipləri barədə məlumat verib.

© Sputnik / Ramil Sitdikov
"Rossiya seqodnya" BİA-nın baş redaktorunun müavini Dmitri Qornostayev

"Maksimum dəqiq olmaq, yalnız sübut olunmuş məlumatları vermək, yalan cəhdlərinə qarşı durmaq, dairəni daim genişləndirmək, ən başlıcası isə başqalarının susduqlarından danışmaq lazımdır. Redaksiya siyasətinin məhz bu hissəsi bizə Sputnik-in təmsil olunduğu xarici ölkələrdə oxucuları tez bir zamanda əldə etməyə imkan verdi", - deyə Dmitri Qornostayev bildirib. O vurğulayıb ki, müxbirlər dərc olunan məlumatların düzgünlüyünə görə həmişə böyük məsuliyyət daşıyırlar.

"Bu, o cümlədən KİV haqqında qanuna görə də məsuliyyətdir. Buna görə də biz məlumatı həmişə yoxlayır və yenidən yoxlayırıq", - deyə o, bildirib.

Jurnalistin iş qrafiki ilə bağlı mövzuya toxunan mütəxəssis qeyd edib ki, onun belə bir qrafiki yoxdur.

"Əgər təcili xəbər, böyük hadisə - terror, fəlakət, inqilab, çevriliş və s. varsa, hətta məzuniyyətdə olduğumuzu belə yaddan çıxarırıq. Tutaq ki, jurnalist hansısa bir regiona görə məsuliyyət daşıyırsa və orada belə bir hadisə baş verərsə, onu məzuniyyətdən ayıra və baş verənləri işıqlandırmaq üçün hadisə yerinə göndərə bilərik", - deyə baş redaktorun müavini bildirib.

"Jurnalist subyektiv olmağı, şəxsi mövqeyini, münasibətini ifadə etməyi özünə rəva bilməməlidir. O, yalnız ötürə bilər. Biz deyə bilmərik ki, bu iş yaxşıdır, o isə pisdir. Biz yazırıq ki, filankəs belə deyib, vəssalam", - deyə o bildirib.

"Xəbər istehsalı zamanı əsas məsələ birinci və ən yaxşı olmaqdır", – Dmitri Qornostayev xatırladıb.

SputnikPro Rusiyanın ən yaxşı mediamenecerlərinin və kütləvi informasiya vasitələrində böyük təcrübəsi olan aparıcı mütəxəssislərinin Rusiyada bu miqyasda yeganə olan unikal silsilə ustad dərsləri layihəsidir.

SputnikPro layihəsi artıq dünyanın 13 ölkəsində həyata keçirilir. 2018-ci ilin mart ayından indiyədək bu layihədə 2000-dən çox jurnalist və mediamenecer, PR-mütəxəssisləri və mətbuat xidmətlərinin əməkdaşları, blogerlər və bu istiqamətlərdə təhsil alan tələbələr iştirak ediblər.

SputnikPro layihəsinin nə olduğunu və spikerlərin digər ölkələrdəki master-klasslarda nə barədə danışdığını daha ətraflı öyrənmək üçün aşağıdakı linkdən istifadə edə bilərsiniz: https://www.facebook.com/SputnikProject/.

10
Əlaqədar
Viruslu videonu necə düzəltməli?
Kommersiya kontentini auditoriya üçün necə maraqlı etmək olar
Əlahəzrət reklam və ya brend kontenti necə yaratmalı
"Radioda ola biləcək ən canlı şey" – SputnikPro-nun növbəti vebinarı keçirildi
Səhv etmək hüququ olmadan, canlı efirdə müsahibəni necə götürmək olar - Vebinar
Mİnskdə etiraz aksiyalarının iştirakçıları

Belarusda minlərlə adam saxlanılıb

7
(Yenilənib 16:47 10.08.2020)
Qarşıdurmalar nəticəsində 50-dən çox vətəndaş, həmçinin 39 milis işçisi zərər çəkib ki, onlardan bəziləri xəstəxanaya yerləşdiriliblər

BAKI, 10 avqust — Sputnik. Belarusda qeyri-qanuni aksiyalarda iştiraka görə 3 minə qədər adam saxlanılıb. Sputnik Belarus xəbər verir ki, bunu Belarus Daxili İşlər Nazirliyinin rəsmi nümayəndəsi Olqa Çemadonava bildirib.

"Ümumilikdə qanunsuz kütləvi tədbirlərdə iştiraka görə bütün ölkə ərazisində təxminən 3 minə qədər insan saxlanılıb. Onlardan təxminən minə yaxını Minskdə, iki mindən çoxu isə Respublikanın digər regionlarında", - deyə DİN rəsmisi qeyd edib.

Onun sözlərinə görə, qarşıdurmalar nəticəsində 50-dən çox vətəndaş, həmçinin 39 milis işçisi zərər çəkib ki, onlardan bəziləri xəstəxanaya yerləşdiriliblər.

Qeyd edək ki, Belarus Mərkəzi Seçki Komissiyası ötən gün keçirilən prezident seçkisinin ilkin nəticələrini açıqlayıb.

Belarus MSK-sının bu gün saat 9-a olan məlumatına görə, nəticələr aşağıdakı kimidir:

Aleksandr Lukaşenko - 80,23%

Svetlana Tixanovskaya - 9,90%

Anna Kanoptskaya - 1,68%

Sergey Çerçen - 1,13%

Andrey Dmitriyev - 1,04%

Belarus MSK sədri Liliya Yeroşinanın sözlərinə görə, bazar günü baş tutan seçkidə seçici fəallığı 84,23% olub. Ümumilikdə seçkilərdə iştirak edən şəxslərin 6,02 faizi bütün namizədlərin əleyhinə səs verib.

Seçkilərdən sonra Belarusun müxtəlif regionlarından insanlar toplaşaraq qanunsuz aksiya keçiriblər.

7
Əlaqədar
Belarusda ilkin nəticələr açıqlandı – Sürpriz olmadı
Növbəti prezidentin adını deyə bilərəm, amma...
Lukaşenko kimin Belarusa qarşı hibrid müharibə apara biləcəyini təxmin edib
Lukaşenko: Oğlum hakimiyyətə qarşı müxalif əhval-ruhiyyədədir
Məmur, arxiv şəkli

Bərdə rayon Prokurorluğunda kadr dəyişikliyi olub

0
(Yenilənib 18:57 10.08.2020)
Bərdə rayon prokuroru Asəf Sarıkişiyev Baş Prokurorluq yanında Korrupsiyaya qarşı Mübarizə Baş İdarəsinin rəis müavini təyin edilib.

Musa Muradlı, Sputnik Azərbaycan

BAKI, 10 avqust — Sputnik. Azərbaycan Respublikasının Baş prokuroru Kamran Əliyevin əmrinə əsasən, Rəşad İsgəndərov  Bərdə rayon prokuroru vəzifəsinə təyin edilib.

Sputnik Azərbaycan-ın məlumatına görə, Bərdə rayon prokuroru Asəf Sarıkişiyev isə Baş Prokurorluq yanında Korrupsiyaya qarşı Mübarizə Baş İdarəsinin rəis müavini təyin edilib.

Qeyd edək ki, Rəşad İsgəndərov bu təyinata qədər Baş Prokurorluq yanında Korrupsiyaya qarşı Mübarizə Baş İdarəsində çalışıb.

0
Əlaqədar
Baş Prokurorluqda dəyişikliklər: Üç aya 114 rəhbər vəzifəyə təyinat olub
Şirvanda vəzifəli şəxsə qarşı cinayət işi açıldı
Hərbi Prokurorluqda struktur dəyişikliyi: Təyinatlar var
Prokurorluqda kadr islahatları - Üç rayon və bir şəhərə təyinat var
Total dəyişiklik! Baş prokurordan yeni təyinatlar