Türk əsgəri, arxiv şəkli

Türkiyə öz göbəyini özü kəsmək niyyətindədir

1431
(Yenilənib 19:43 09.10.2019)
"Rəsmi Vaşinqton öz oyununu oynar, əgər oyun istədiyi kimi getməzsə, başqa bir oyuna başlayar. Lakin heç vaxt Türkiyə ilə Amerika əsgəri qarşı-qarşıya gəlməz"

Eldar Tanrıverdiyev, Sputnik Azərbaycan

BAKI, 9 oktyabr — Sputnik. Artıq bir neçə gündür ki, gündəm Türkiyənin Suriyanın şimalında, Fərat çayından şərqdə YPG/PKK yaraqlılarına qarşı keçirəcəyi əməliyyatıdır. Sözügedən əməliyyat bu gün başlayıb. Sputnik Azərbaycan Suriyada keçirilən əməliyyat və onun mümkün nəticələri ilə bağlı Türkiyənin terror və təhlükəsizlik üzrə tanınmış eksperti Abdullah Ağarla həmsöhbət olub.

Terror və təhlükəsizlik üzrə türkiyəli ekperti Abdullah Ağar
© Photo : From personal archive of Abdullah Agar
Terror və təhlükəsizlik üzrə türkiyəli ekperti Abdullah Ağar

Abdullah Ağar vurğulayıb ki, bu əməliyyat "Fərat qalxanı" və "Zeytun budağı" ilə müqayisədə daha böyük bir ərazini əhatə edəcək: "Əgər Türkiyə ordusu "Fərat qalxanı" əməliyyatını 2000 kvadrat kilometr, "Zeytun Budağı" əməliyyatını 1900 kvadrat kilometrlik ərazidə gerçəkləşdirirdisə, yeni əməliyyatda hədəf alınan sahə 15-16 min kvadrat kilometrlik ərazidir. Əgər Türkiyə Suriya ərazisində 40 kilometr dərinliyə doğru irəliləyərsə, bu rəqəm 20 000 kvadrat kilometrə də çata bilər. Yəni əməliyyatın keçiriləcəyi ərazi son iki əməliyyatın keçirildiyi əməliyyatdan sahə baxımından 10 dəfə çoxdur. Digər tərəfdə isə əlində son dərəcə hücum silahları olan 65 min üzvə malik terror təşkilati – YPG var. Bu terror təşkilatının ortaya qoyacağı mövqedən asılı olaraq bu mücadilə, bu əməliyyat çox sərt keçə bilər. Çünki Suriyanın şimalında terror təşkilatının bu əməliyyata dair mövqeyinin necə olacağı bəlli deyil. YPG-nin əməliyyatlar qarşısında duracağı və ya qaçacağı tezliklə bəlli olacaq".

Terror və təhlükəsizlik üzrə ekspert qeyd edib ki, bu əməliyyatlarla bağlı bölgədə yeni bir mənzərə ortaya çıxacaq: "Hazırda YPG/PKK özünü qurtarmaq üçün Suriya rəhbərliyi, Bəşər Əsəd hökuməti ilə anlaşmağa çalışır. Bu ana qədər rejimlə YPG/PKK təmsilçiləri ilə dəfələrlə görüş baş tutub. Lakin indiyədək bir ortaqlıq formalaşmayıb. Türkiyənin Suriyanın şimalında əməliyyata başlaması belə bir ortaqlığın formalaşmasına səbəb olacağı mümkün ehtimallardan biridir. Lakin hazırda belə bir anlaşma yoxdur. Digər tərəfdən, YPG/PKK sadəcə rejimlə deyil, İŞİD/DAEŞ-lə də bənzər görüşmələr həyata keçirir. Hazırda PKK-nın əlində 70-80 min İŞİD-çi var. Onlar arasında qadın, uşaqlarla yanaşı, əli silah tutan döyüşçülər (10-12 min nəfər) də var. Bundan əlavə, bölgədə arxa plana keçən İŞİD hücrələri var. Yenidən aktivləşməyə başlayan bu İŞİD hücrələrində türk ordusu ilə qarşı-qarşıya gəldiyi vaxt necə reaksiya verəcəyini əməliyyat başlayandan sonra görəcəyik. YPG/PKK ilə mübarizə yeni başlayır və necə davam edəcəyini proqnozlaşdırmaq olduqca çətindir. Bütün bunlar qlobal və regional güclərin Suriyadakı aktorları olan YPG/PKK-nı nə qədər dəstəkləyəcəyindən, YPG/PKK-nın nə qədər müqavimət göstərəcəyindən, hava və ərazi şəraitindən, Türkiyənin qüdrətindən asılı olacaq. Lakin bir həqiqət var ki, o da həmin bölgədə 65 min terrorçunun olmasıdır. Bu terrorçuların türk ordusu ilə münaqişəyə girib-girməyəcəyini və ya qaçacağını hamımız birlikdə görəcəyik".

Donald Tramp bir daha Türkiyəni hədələyib>>

Birləşmiş Ştatların bu əməliyyatlara reaksiyası və prezident Donald Trampın Türkiyə iqtisadiyyatını təhdid etməsini dəyərləndirən Abdullah Ağar rəsmi Vaşinqtonun öz oyununu oynadığını, əgər oyun istədiyi kimi getməzsə, başqa bir oyuna başladığını xatırladıb: "Birləşmiş Ştatlar olduqca ağıllı dövlətdir. Birləşmiş Ştatlar əvvəlcə Türkiyənin Fərat çayının şərqinə daxil olmasının qarşısını almaq istədi. Lakin Türkiyə PKK-ya və onu qoruyan Birləşmiş Ştatlara qarşı son dərəcə sərt bir mövqe sərgilədi. ABŞ Türkiyənin Suriyada əməliyyata dair fikrini dəyişə bilmədiyi üçün mövqeyini dəyişdi və yeni planlarını işə saldı. Lakin bütün bunlara baxmayaraq, Türkiyə mövqeyindən dönmədi. Birləşmiş Ştatlar Türkiyə kimi son dərəcə önəmli müttəfiqi ilə qarşı-qarşıya gəlmək istəməz. Birləşmiş Ştatlar Türkiyənin Rusiya və Çinin yanında olmasını istəməz. Vaşinqton NATO-nun, onun cənub-şərq qanadının çökməsini istəməz. Bu ölkə Türkiyə üzərindən qazandıqlarını da itirmək istəməz. Rəsmi Vaşinqton öz oyununu oynar, əgər oyun istədiyi kimi getməzsə, başqa bir oyuna başlayar. Lakin heç vaxt Türkiyə ilə Amerika əsgəri qarşı-qarşıya gəlməz".

Moskva və Tehranın Türkiyənin əməliyyatına reaksiyasını dəyərləndirən təhlükəsizlik üzrə ekspert qeyd edib ki, Rusiya və İran Türkiyənin Suriya rejimi ilə iş birliyinə gedərək bu əməliyyata başlamasını istəyirlər: "Rejimlə iş birliyinə gedilərək həyata keçiriləcək əməliyyat İran və Rusiyanın mövqeyini gücləndirəcək. Türkiyəni Amerika ilə qarşı-qarşıya gətirəcək bir hərəkata başlaması Rusiya və İranın marağındadır. Lakin Türkiyənin ABŞ-la razılaşaraq həyata keçirəcəyi əməliyyat isə Rusiya və İranın ciddi narahatlığına səbəb ola bilər".

Ağar vurğulayıb ki, hazırda Türkiyə bu iki mövqe arasında tarazlıq axtarışındadır: "Türkiyə öz göbəyini özü kəsmək niyyətindədir. Nəticədə yaranan vəziyyət də yeni fürsətlər və risklər yaradacaq.

İrana gəldikdə isə bu ölkə həmişə Türkiyənin Suriyada onun nüfuzunu, təsirini azalda biləcək həmlələr etməsinə qarşıdır. Düzdür, hazırda Türkiyə İran və Rusiya arasında Suriya məsələsində ittifaq halındadır, lakin bu ittifaq eyni zamanda rəqabəti də şərtləndirir".

1431
Teqlər:
hərbi əməliyyat, ABŞ, Suriya, Türkiyə
Mövzu:
Türkiyə ordusu Suriyada (51)
Əlaqədar
Amerikanın yalanları Türkiyəni təngə gətirib - politoloq şərhi
Türkiyə hökumətindən dünya nəhənginə qarşı sərt addım
Türkiyə ABŞ-ın təhdidlərinə necə reaksiya verəcək - politoloq şərhi
Putin Suriyaya görə Ərdoğan və Trampla danışmayıb
Türkiyə bölgədə böyük əməliyyata başlayır - Vaşinqton Ankaranı tək qoydu
Biznes  ledi

İllərin sənətçisi yeni biznesə başlayıb

20
(Yenilənib 23:45 04.12.2020)
Sayan istehsalına yenicə başladıqları məhsul haqqında məlumat da verib. Müğənninin bildirdiyinə görə, sözügedən odekolon öd ağacından hazırlanıb

BAKI, 4 dekabr — Sputnik. Türkiyəli müğənni Seda Sayan yeni biznesə başlayıb.

Sputnik Azərbaycan xəbər verir ki, sənətçi öz adı ilə istehsal olunan ətirli kolonyanı satışa çıxarmağa hazırlaşır.

View this post on Instagram

A post shared by Seda Sayan (@sedasayan)

Artıq Seda məhsullarla çəkdirdiyi fotosunu özünün "Instagram" səhifəsində paylaşıb. O, istehsalına yenicə başladıqları məhsul haqqında məlumat da verib. Müğənninin bildirdiyinə görə, sözügedən odekolon öd ağacından hazırlanıb. Qeyd edək ki, kolonya qutusunun üzərində Seda Sayanın şəkli yer alıb.

20
Sputnik Beynəlxalq İnformasiya Agentliyinin loqosu, arxiv şəkli

"Bu, "Sputnik Latviya"ya qarşı ilk qərəz deyil" - Azərbaycanlı media eksperti

14
(Yenilənib 22:03 04.12.2020)
"Azadlıq radiosunun yayımının bloklanması pislənir, amma "Russia Today"-in yayımına məhdudiyyətə heç bir reaksiya verilmir"

Zülfiyyə Quluyeva, Sputnik Azərbaycan

BAKI, 4 dekabr — Sputnik. Latviya Dövlət Təhlükəsizlik xidməti dekabrın 3-də Riqadakı "Sputnik" bürosunun əməkdaşlarına, eləcə də "Baltnews" portalının jurnalistlərinə və digər rusdilli media nümayəndələrinə Latviya Cinayət Məcəlləsinin 84-cü maddəsi ilə – Avropa Şurasının sanksiya rejimini pozma – ittiham irəli sürüb. Jurnalistlər saxlanılıb, dindirilib, axtarışa məruz qalıb və onlar haqqında cinayət işi qaldırılıb. Sputnik Azərbaycan ölkənin tanınmış media ekspertlərinin bu məsələyə münasibət bildirib.

Jurnalistlərin Həmkarlar İttifaqının sədri Müşfiq Ələsgərli Sputnik Azərbaycan-a açıqlamasında bildirib ki, bu hadisələr  jurnalistika prinsipi baxımından həqiqətən də yolverilməzdir: "Bu "Sputnik Latviya"ya qarşı olan ilk hadisə deyil. Çox uzun müddət dünyada belə kampaniyalar aparılırdı ki, Azadlıq radiosunun və digər beynəlxalq KİV-lərin fəaliyyəti bloklanır. Amma məsələ ondadır ki, Avropa ölkələrində, hətta ABŞ-ın özündə bu prinsiplər çox pozulur. Bunlardan qabaq, "Russia Today"-in yayımı bloklanmadı. Pribaltika ölkələrində onların yayımına məhdudiyyət qoyulub. Hələ o vaxt bu məsələ qalxanda bildirilirdi ki, Azadlıq radiosunun yayımının bloklanması pislənir, amma "Russia Today" yayımına məhdudiyyətə heç bir reaksiya verilmir. Çox təəssüf ki, söz azadlığı prinsipləri çox vaxt elə onu yaradan ölkələr tərəfindən pozulur. Müasir mediada baş verən ifadə azadlığı pozuntularının çoxu elə qərb dövlətlərinin özündən gəlir. O cümlədən, Avropa və ATƏT məkanından. Əvvəllər biz danışırdıq ki, bu ikili standartlar əsasən Azərbaycana qarşıdır. Amma son dövrlər görürük ki, bunların özlərinin ifadə azadlığına qarşı münasibətlərində çox ciddi dəyişikliklər var. Məsələn, elə bir neçə gün öncə Fransada baş verən toqquşmalarda media azadlığını götürək. Qlobal təhlükəsizlik haqqında qəbul olunan qanunun bir nömrəli hədəfi medianın azadlığının məhdudlaşdırılmasıdır. Beynəlxalq təşkilatlar tərəfindən belə bir ifadə işlədildi ki, artıq ATƏT-in, Avropa Şurasının ən aparıcı dövlətlərindən olan Fransa kimi ölkə söz azadlığının durumuna görə Somali və Sudanın vəziyyətinə düşüb. Söz və ifadə azadlığına ikili yanaşma var. Bu cür yanaşmalar Qərb dəyərləri haqqında danışanların özünü şübhə altına salır. Media azadlığının qanunvericilik nöqteyi nəzərindən məhdudlaşdırılması, ikili yanaşma jurnalistlərin təhdid olunması ilə bağlı ciddi faktlar ortaya çıxır. "Sputnik Latviya"ya qarşı baş verən hadisələr də kəskin şəkildə qınanılmalı, media, ifadə azadlığına qarşı addım kimi dəyərləndirilməlidir. Mən xarici KİV-lərin, onların əməkdaşlarının fəaliyyətinə baltikyanı dövlətlərdə yaradılmış bu maneəni və təhdidi kəskin qınayıram".

Qeyd edək ki, Rusiya Xarici İşlər Nazirliyi Latviya hakimiyyət orqanlarının "Baltnews" portalı və "Sputnik Latviya"nın rusdilli jurnalistlərinə qarşı hərəkətlərini sərt şəkildə qınayıb. Bildirilib ki, "Latviya Dövlət Təhlükəsizlik Xidmətinin dekabrın 3-də Riqadakı "Sputnik" bürosunun əməkdaşlarına və rusdilli jurnalistlərə qarşı həyata keçirdiyi aqressiv hərəkətləri demokratik cəmiyyətin təməl prinsiplərinin – media və ifadə azadlıqlarının pozulmasının bariz nümunəsi kimi qiymətləndiririlir: "Bu məhdudiyyətlər şəxsi xarakter daşıyır və şəxsən "Rossia Seqodnya" BİA-nın baş direktoru Dmitri Kiselyovla əlaqəlidir, media holdinqin bütün əməkdaşlarına şamil edilə bilməz. Bütün bu uydurma ittihamların, heç şübhəsiz, rusofobiyanın təsiri ilə həyata keçirilən cəzalandırma tədbiri olduğu aydındır. Məsələ ATƏT Nazirlər Şurasında qaldırılacaq", – deyə məlumatda bildirilir. Nazirlik ümid etdiyini bildirir ki, ATƏT-in yeni Media Azadlığı Nümayəndəsi baş verənləri görməzdən gəlməyəcək və Latviyaya qarşı "bu cür hücumların qəbuledilməzliyi", "söz azadlığını təmin edilməsi üçün beynəlxalq öhdəliklərin yerinə yetirilməsinin zəruriliyi" əsasında təzyiq göstərəcək. "Avropa Şurasından da adekvat reaksiya gözləyirik", – deyə məlumatda bildirilir.

Xatırladaq ki, keçən il Estoniyada da analoji hadisə müşahidə olunmuşdu.

14
Teqlər:
Həbs, jurnalistlər, Sputnik Latviya