Türkiyə-Suriya sərhədi yaxınlığında yerləşən Kilisdə Türkiyənin hərbi konvoyu

Türk ordusu Suriyaya daxil oldu "Sülh bulağı" gerçəkləşir

916
"Məqsədimiz cənub sərhədlərimizdə formalaşdırılmağa çalışılan terror dəhlizini yox etməkdir. "Sülh Bulağı" əməliyyatı ilə ölkəmizə yönəlik terror təhdidini aradan qaldıracağıq"

BAKI, 9 oktyabr — Sputnik. Türkiyə ordusu Suriyanın şimalında, Fərat çayından şərqdə əməliyyata başlayıb. 

Sputnik Azərbaycan "Anadolu" agentliyinə istinadən xəbər verir ki, bunu Türkiyə Prezidenti Rəcəb Tayyib Ərdoğan bildirib.

O vurğulayıb ki, Türk ordusu "Sülh bulağı" adlı əməliyyat çərçivəsində Suriyanın şimalını YPG terrorçularından təmizləyəcək: "Məqsədimiz cənub sərhədlərimizdə formalaşdırılmağa çalışılan terror dəhlizini yox etməkdir. "Sülh Bulağı" əməliyyatı ilə ölkəmizə yönəlik terror təhdidini aradan qaldıracağıq. Formalaşdıracağımız təhlükəsiz bölgə sayəsində suriyalı qaçqınların öz ölkələrinə dönməsini təmin edəcəyik. Suriyanın ərazi bütövlüyünü qoruyacaq, bütün bölgə xalqını terrorun pəncəsindən qurtaracağıq".

916
Teqlər:
hərbi əməliytatlar, Suriya, Türkiyə
Mövzu:
Türkiyə ordusu Suriyada (51)
ABŞ-ın aviadaşıyıcı gəmisi Abraham Lincoln və B-52 bombardmançı təyyarələri Fars körfəzinə istiqamət alıblar

İran ABŞ hərbi gəmiləri arasında insident baş verib

14
(Yenilənib 20:32 11.05.2021)
Bu kimi hərəkətləri müşahidə edən Sepahın hərbi dəniz qüvvələrinə məxsus hərbi katerlər ABŞ-ın gəmilərinə xəbərdarlıq edib və onları sərhəddən uzaqlaşdırıblar.

BAKI, 11 may - Sputnik. Fars körfəzində İranın sahil mühafizə xidmətinin katerləri ilə ABŞ-ın hərbi gəmiləri arasında insident baş verib.

Sputnik Azərbaycan xəbər verir ki, bu barədə İran İslam İnqilabının Keşikçiləri Korpusunun (Sepah) Hərbi Dəniz Qüvvələrinin yaydığı açıqlamada deyilir.

Yayılan yazılı açıqlamada əvvəlcə ABŞ Müdafiə Nazirliyinin beynəlxalq sularda İrana məxsus 13 hərbi katerin ABŞ-ın 7 hərbi gəmisinə qarşı təxribat törətdiyi haqqında iddiası rədd edilib. Nəzərə çatdırılıb ki, mayın 10-da təxribat hərəkətlərini İran yox, ABŞ gəmiləri törədiblər. Körfəzdəki ABŞ gəmiləri İranın dəniz sərhədinə həddən artıq dərəcədə yaxınlaşaraq gəmidəki hərbi vertolyotların uçuşunu təşkil edib və havaya həyəcan fişəngi buraxaraq qeyri-professional addımlar atıblar. Başqa dövlətin dəniz sərhədi yaxınlığına bu kimi hərəkətlərə yol verilməsi dənizçilik haqqında beynəlxalq qanunlara ziddir.

Bu kimi hərəkətləri müşahidə edən Sepahın hərbi dəniz qüvvələrinə məxsus hərbi katerlər ABŞ-ın gəmilərinə xəbərdarlıq edib və onları sərhəddən uzaqlaşdırıblar.

Sepahın hərbi dəniz qüvvələri bir daha bəyan edir ki, sərhədləri yaxınlığında belə təxribatlara icazə verməyəcək və əgər qarşı tərəf qeyri-qanuni davranarsa sərt şəkildə cavab veriləcək.

14
Türkiyənin Xarici İşlər naziri Mövlud Çavuşoğlu, arxiv şəkli

Çavuşoğlu Minnixanova zəng etdi: Türkiyə Tatarıstana hər cür dəstək verməyə hazırdır

2
Telefon danışığı zamanı Mövlud Çavuşoğlu Rüstəm Minnixanova Kazanda törədilən silahlı insidentlə əlaqədar Türkiyə Prezidenti Rəcəb Tayyib Ərdoğanın başsağlığını çatdırıb.

BAKI, 11 may - Sputnik. Türkiyənin xarici işlər naziri Mövlud Çavuşoğlu və Rusiya Federasiyasının Tatarıstan Respublikasının prezidenti Rüstəm Minnixanov arasında telefon danışığı olub.

Sputnik Azərbaycan xəbər verir ki, bu barədə Türkiyənin Xarici İşlər Nazirliyi açıqlama yayıb. Açıqlamada bildirilir ki, telefon danışığı zamanı Mövlud Çavuşoğlu Rüstəm Minnixanova Kazanda törədilən silahlı insidentlə əlaqədar Türkiyə Prezidenti Rəcəb Tayyib Ərdoğanın başsağlığını çatdırıb.

Nazir ehtiyac olduğu halda Türkiyənin Tatarıstana hər cür dəstək verməyə hazır olduğunu da vurğulayıb.

Qeyd edək ki, bu gün Rusiyanın Kazan şəhərində orta məktəbə silahlı hücum olub. Hücum nəticəsində çoxu azyaşlı olmaqla 9 nəfər həlak olub, onlarla insan yaralanıb.

2

Ərdəbildə Səfəvilər sülaləsinin banisi - Şeyx Səfiəddinin türbəsi - Fotolent

0
Şeyx Səfi kompleksi Bakıdakı Şirvanşahlar saray kompleksi ilə birlikdə Azərbaycanda orta əsr memarlıq komplekslərinin dövrümüzə tam şəkildə çatmış nadir nümunələridir.

Şeyx Səfiəddin kompleksi Güney Azərbaycanın (hazırda İran ərazisi sayılır-red.) Ərdəbil şəhərində yerləşən tarixi-dini memarlıq kompleksidir. Kompleks Səfəviyyə sufi təriqətinin şeyxi Səfiəddinin məzarı üzərində inşa edilmiş türbə ətrafında formalaşıb. 

Səfəvilər sülaləsindən olan şahlar kompleksə böyük əhəmiyyət verərək onun genişləndirilməsi və zənginləşdirilməsini təşviq ediblər. Şah İsmayıl Xətainin dövründə Şeyx Səfinin türbəsinin (sonradan şah özü də bu türbədə dəfn edilmişdir) fasadı nəfis kaşı işləmələrlə bəzədilib. Onun oğlu I Təhmasibin dövründə Şeyx Səfinin xatirəsinə möhtəşəm memarlıq abidəsi olan məscid inşa edilib. I Şah Abbasın dövründə isə kompleksə Çinixana binası əlavə edilib.

Nəfis çiniçilik nümunələrinin toplandığı və sərgiləndiyi bina böyük kitabxanaya ev sahibliyi etməklə yanaşı, I Abbasın dövründə həm də rəsmi görüşlərin keçirilməsi üçün istifadə edilib. Kompleksin həyətlərindən birində isə Çaldıran döyüşü şəhidləri (həmin məzarların bir çoxu Pəhləvilərin hakimiyyəti zamanında dağıdılıb-red.) dəfn edilib.

Kompleksin şimal-qərb tərəfində zəngin bəzədilmiş giriş portalı var. Həmin portaldan sonra yerləşən daha sadə dizaynlı, soldan üç tağlı, sağdan isə bir tağlı nişlərlə əhatələnmiş portal geniş bağa aparır. Tikili bağ tərəfdən də bazar meydanı tərəfdən olan görünüşünü təkrarlayır. Bağ həyətinin qarşı tərəfində yerləşən digər bir portal bağı böyük həyətlə əlaqələndirən kiçik həyətə açılır. Kiçik həyətin girişi 31 metr uzunluğa və 16 metr enə malik böyük həyətə açılır. Daşlarla döşənmiş bu həyətin mərkəzində hovuz yerləşir. Böyük həyət ətrafında səkkizbucaqlı plana malik məscid, ona birləşən dairəvi plana malik Şeyx Səfi türbəsi yerləşir. Çinixana binası birbaşa həyətlə əlaqələndirilməsə də, bir tərəfdən məscid binasına bitişir. Məscidin arxasında, Şeyx Səfi türbəsi ilə yanaşı daha bir neçə türbə binası, o cümlədən Şah İsmayıl Xətainin türbəsi yerləşir.

Şeyx Səfi kompleksi Bakıdakı Şirvanşahlar saray kompleksi ilə birlikdə Azərbaycanda orta əsr memarlıq komplekslərinin dövrümüzə tam şəkildə çatmış nadir nümunələridir. 2010-cu ildə kompleks UNESCO tərəfindən Ümumdünya irsi siyahısına daxil edilib. Sputnik Azərbaycan həmin kompleksdən çəkilmiş fotoları təqdim edir. 

0
  • © Sputnik / Soheil Ghanbarzadeh

    Ərdəbildə Səfəvilər sülaləsinin banisi - Şeyx Səfiəddinin türbəsi.

  • © Sputnik / Soheil Ghanbarzadeh

    Ərdəbildə Səfəvilər sülaləsinin banisi - Şeyx Səfiəddinin türbəsi.

  • © Sputnik / Soheil Ghanbarzadeh

    Ərdəbildə Səfəvilər sülaləsinin banisi - Şeyx Səfiəddinin türbəsi.

  • © Sputnik / Soheil Ghanbarzadeh

    Ərdəbildə Səfəvilər sülaləsinin banisi - Şeyx Səfiəddinin türbəsi.

  • © Sputnik / Soheil Ghanbarzadeh

    Ərdəbildə Səfəvilər sülaləsinin banisi - Şeyx Səfiəddinin türbəsi.

  • © Sputnik / Soheil Ghanbarzadeh

    Ərdəbildə Səfəvilər sülaləsinin banisi - Şeyx Səfiəddinin türbəsi.

  • © Sputnik / Soheil Ghanbarzadeh

    Ərdəbildə Səfəvilər sülaləsinin banisi - Şeyx Səfiəddinin türbəsi.

  • © Sputnik / Soheil Ghanbarzadeh

    Ərdəbildə Səfəvilər sülaləsinin banisi - Şeyx Səfiəddinin türbəsi.

  • © Sputnik / Soheil Ghanbarzadeh

    Ərdəbildə Səfəvilər sülaləsinin banisi - Şeyx Səfiəddinin türbəsi.

  • © Sputnik / Soheil Ghanbarzadeh

    Ərdəbildə Səfəvilər sülaləsinin banisi - Şeyx Səfiəddinin türbəsi.

  • © Sputnik / Soheil Ghanbarzadeh

    Ərdəbildə Səfəvilər sülaləsinin banisi - Şeyx Səfiəddinin türbəsi.

  • © Sputnik / Soheil Ghanbarzadeh

    Ərdəbildə Səfəvilər sülaləsinin banisi - Şeyx Səfiəddinin türbəsi.

  • © Sputnik / Soheil Ghanbarzadeh

    Ərdəbildə Səfəvilər sülaləsinin banisi - Şeyx Səfiəddinin türbəsi.

  • © Sputnik / Soheil Ghanbarzadeh

    Ərdəbildə Səfəvilər sülaləsinin banisi - Şeyx Səfiəddinin türbəsi.

  • © Sputnik / Soheil Ghanbarzadeh

    Ərdəbildə Səfəvilər sülaləsinin banisi - Şeyx Səfiəddinin türbəsi.