Türk ordusu Afrində. 18 mart 2018-ci il

Türkiyənin yeni hərbi əməliyyatı çətin olacaq ya Ərdoğanı Suriyada gözləyən sürprizlər

2310
(Yenilənib 19:49 07.10.2019)
Birləşmiş Ştatların Türkiyənin Suriyada əməliyyat keçirməsinə sadəcə seyirci formada qalacağını gözləmək də sadəlövhlük olardı

Bu gün dünya siyasətində, mediasında gündəm birmənalı olaraq Türkiyə, daha doğrusu onun Suriyada hər an başlaya biləcəyi yeni əməliyyatdır. Türkiyənin Suriyanın şimalında, Fərat çayından şərqdə əməliyyat keçirmək istəyi lap əvvəldən bəlli idi. Çünki, Türkiyə Suriya ərazisindən öz ərazi bütövlüyü və təhlükəsizliyinin təhdidinə dözməli, ya da onu narahat edən bu problemi həll etməli idi.

Bu məsələdə isə yeganə maneə mümkün əməliyyatın keçiriləcəyi bölgədə ABŞ hərbçilərinin, onların təlim keçdiyi PKK terror təşkilatının Suriya qolu YPG-nin olması idi. Yaşanan fikir ayrılıqlarına baxmayaraq, sentyabr ayının əvvəlində Türkiyə Birləşmiş Ştatlarla Suriyada təhlükəsizlik zonasının yaradılmasına dair birgə əməliyyat keçirməyə dair razılığa gələ bilmişdi. Lakin sonradan danışıqların uzanması və rəsmi Ankaranı qane edəcək nəticənin əldə edilməməsi Türkiyəni Prezidenti Rəcəb Tayyib Ərdoğanın sözləri ilə desək öz planlarını işə salmağa vadar etdi: "Təəssüf ki, Fərat çayının şərqində təhlükəsiz bölgəsinin yaradılmasına dair arzu etdiyimiz nəticələrin heç birini əldə edə bilmədik".

Artıq rəsmi Vaşinqton da Türkiyənin Suriyada Fərat çayından şərqdə əməliyyat keçirmək qərarı ilə barışıb. Rəsmi Vaşinqton təsdiqləyib ki, Türkiyə tərəfindən planlaşdırılan əməliyyat "çox yaxın vaxtda" başlayacaq.

"İŞİD xilafətinə qalib gələn ABŞ hərbçiləri əməliyyatın keçirildiyi ərazinin yaxınlığında olmayacaq", - deyə bəyanatda bildirilir.

Ağ Ev eyni zamanda qeyd edib ki, bundan sonra artıq Türkiyə son iki ildə əsir götürülən bütün İŞİD yaraqlılarına görə məsuliyyət daşıyacaq.

PKK terror təşkilatının Suriya qanadı olan YPG məlumat yayaraq qeyd edib ki, artıq Birləşmiş Ştatlar öz qoşunlarını Suriya-Türkiyə sərhədindən geri çəkməyə başlayıb.

YPG təmsilçiləri eyni zamanda qeyd ediblər ki, onlar Türkiyənin Suriyanın şimalına edəcəyi hərbi əməliyyatlar zamanı özlərini müdafiə edəcəklər.

Bundan sonra nə baş verəcək?

Türkiyənin yaxın günlərdə Suriyada, Fərat çayından şərqdə əməliyyata başlaması üçün artıq bir əngəl qalmayıb. Lakin təhlükəsizlik bölgəsinin qurulmasına dair əməliyyat bundan əvvəl Türkiyə ordusunun gerçəkləşdirdiyi "Fərat Qalxanı", "Zeytun Budağı" əməliyyatlarına bənzəməyəcək. Bunun da bir sıra səbəbləri var. Birincisi, türk ordusu artıq 2 min kvadrat kilometr deyil, 15-20 min kvadrat kilometrlik böyük bir ərazidə əməliyyat keçirməlidir. Bundan əlavə, ABŞ qoşunlarının geri çəkilməsindən sonra bölgədə qalan və təlim keçən YPG yaraqlılarının əlində ən son istehsal hərbi silah-sursat da qalmaqdadır. YPG-nin baş verənlərlə bağlı açıqlamasında özlərini müdafiə edəcəklərini vurğulaması əməliyyatlar çərçivəsində türk ordusu ilə terrorçular arasında qarşıdurmaların ola biləcəyi riskini artırır. Ekspertlər vurğulayırlar ki, Türkiyənin əməliyyat keçirməyə hazırlaşdığı bölgədə 65 min silahlı terrorçu var və onların sayı 110 minə qədər arta bilər. Nə qədər çətin olsa da, Türkiyənin Suriyanın şimalında bu əməliyyatı keçirməkdən başqa çarəsi də yoxdur. Türkiyə öz milli maraqlarını rəhbər tutaraq Suriyanın şimalında YPG-nin güclənməsinə və Suriyanın şimalında bir kürd dövlətinin qurulmasının qarşını almağa çalışır. Bundan əlavə, Türkiyə Suriyanın şimalında təhlükəsizlik bölgəsi yaratmaqla bu ölkədə hazırda qaçqın düşərgələrində qalan suriyalıları bu bölgəyə köçürməyi hədəfləyir. Bu məsələdə isə Türkiyəni Avropa İttifaqı ölkələri dəstəkləyir. Yeni qaçqın, miqrant dalğasından çəkinən birlik ölkələrinin isə hər nə qədər öz maraqlarına cavab verməsə də, Türkiyənin Suriyada əməliyyat keçirməsinə səssiz qalmalarından başqa çarələri yoxdur.

Süriyada ABŞ və Türkiyənin hərbi texnikası, arxiv şəkli
© Turkish Defence Ministry/Handout via REUTERS

Birləşmiş Ştatların Türkiyənin Suriyada əməliyyat keçirməsinə sadəcə seyirci formada qalacağını gözləmək də sadəlövhlük olardı. Ağ Evin yaydığı məlumatda "Türkiyə bundan sonra Amerikanın Suriyada iki ildir mübarizə apardığı və ələ keçirdiyi İŞİD terrorçuları ilə mübarizəyə məsuliyyət daşıyacaq" ifadəsi yer alıb. Şübhə yoxdur ki, Türkiyənin Suriyada keçirdiyi əməliyyatı dəstəkləməyən və əməliyyatlara cəlb olunmayacağını açıqlayan rəsmi Vaşinqton da kənarda səbr edərək, Ankaranı cəzalandırmaq üçün onun yanlış addım atmasını gözləyəcək.

Prezident Bəşər Əsəd rejimini dəstəkləyən İran və Rusiyada Türkiyənin Suriyanın şimalında, Fərat çayının şərqində YPG yaraqlılarına qarşı əməliyyat keçirməsini dəstəkləyirlər. Moskva və Tehran üçün ən ümdə vəzifə Suriyanın ərazi bütövlüyünün qorunmasıdır və bu ölkələr ən yüksək səviyyədə baş tutan görüşlərdə bunu Türkiyə rəhbərliyinin nəzərinə çatdırırlar. Suriya rəhbərliyinin özünə gəldikdə isə hələ də rəsmi Dəməşq ölkənin şimalını terrorçulardan təmizləmək iqtidarında deyil və buna görə də Türkiyənin bu potensial əməliyyatına dair yalnız bəyanatlar verməklə kifayətlənəcək. Lakin rəsmi Ankaranın Suriyanın şimalında əməliyyat zamanı edə biləcəyi xırda bir səhv Suriyada böhranın nizamlanması üzrə Astana prosesinin qarantları olan bu üç ölkə (Türkiyə-İran-Rusiya) arasında fikir ayrılıqlarına, münasibətlərin kəskinləşməsinə səbəb ola bilər.

Görünən budur ki, yaxın aylarda Yaxın Şərq regionunda, xüsusi ilə Suriyada vəziyyət gərgin olaraq qalacaq. Bu bölgədə atılacaq hər bir addım və ya xırda səhv region ölkələrinin taleyinə əhəmiyyətli dərəcədə təsir edəcək.

2310
Mövzu:
Türkiyə ordusu Suriyada (51)
Real klubunun hücumçusu Karim Benzema və Barselonanın futbolçusu Lionel Messi, arxiv şəkli

Avropanın ən dəyərli klubları - Madridlilər ilk pillədə

0
(Yenilənib 20:14 29.05.2020)
Lideri 3 milyard 342 milyon avro ilə İngiltərənin "Mançester Yunayted" klubu izləyir. Siyahıda ilk iki yer ötənilki kimi qalıb

 

BAKI, 29 may — Sputnik. Beynəlxalq auditor şirkəti KPMG Avropanın ən bahalı futbol klublarının adlarını açıqlayıb.

Sputnik Azərbaycan xəbər verir ki, auditor şirkəti hesablamanı 2020-ci 1 yanvar tarixinə qədər olan rəsmi rəqəmlərə əsasən aparıb.

Madrid "Real"ı bu baxımdan ən reytinqli klub olub. İspaniya nəhənginin dəyəri 3 milyard 478 milyon avro məbləğində qiymətləndirilib. Onu 3 milyard 342 milyon avro ilə İngiltərənin "Mançester Yunayted" klubu izləyir. Siyahıda ilk iki yer ötənilki kimi qalıb. Üçüncü pillədə isə Kataloniya klubu qərarlaşıb. "Barselona"nın qiyməti 3,193 milyard təşkil edir.

Avropanın ən dəyərli 10 klubu:

1. "Real" (İspaniya) - 3,478 milyard avro

2. "Mançester Yunayted" (İngiltərə) - 3,342 milyard

3. "Barselona" (İspaniya) - 3,193 milyard

4. "Bavariya" (Almaniya) - 2,878 milyard

5. "Liverpul" (İngiltərə) - 2,658 milyard

6. "Mançester Siti" (İngiltərə) - 2,606 milyard

7. "Çelsi" (İngiltərə) - 2,218 milyard

8. "Tottenhem" (İngiltərə) - 2,067 milyard

9. PSJ (Fransa) - 1,911 milyard

10. "Arsenal" (İngiltərə) - 1,852 milyard

0
Əlaqədar
Azərbaycan millisinin yarımmüdafiəçisi Bundesliqanın tövsiyəsini pozdu
Üçüncü türk: Onu "Barselona" ilə bağlayırlar
Azərbaycan əsilli futbolçuya cəza: öncə ikinci komanda, sonra isə icarə
Fransada yüzlərlə azarkeş polisi çaş-baş qoydu
Qaydalara riayət etmədi - ağır cəza aldı
RF-nin Baş naziri Mixail Mişustin, arxiv şəkli

Rusiya Baş nazirindən MDB ölkələrinə mesaj

4
(Yenilənib 20:12 29.05.2020)
"Şübhəsiz ki, biz birlikdə koronavirusun neqativ nəticələrinin öhdəsindən daha sürətlə gələ bilərik"

BAKI, 29 may — Sputnik. MDB ölkələri enerji bazalarında konyunkturadan asılılığı azaltmalıdır. Sputnik Azərbaycan "RİA Novosti"yə istinadən xəbər verir ki, bunu Rusiyanın Baş naziri Mixail Mişustin MDB hökumət başçılarının Şurasının iclasında bildirib.

"Əminəm ki, MDB-yə üzv bütün ölkələr qlobal enerji bazarlarında konyunkturadan asılılığı azaltmalıdır. Neft qiymətlərinin kəskin şəkildə aşağı düşməsi bizim iqtisadiyyatlarımızın əksər sahələrinə təsir edib", - deyə Mişustin vurğulayıb.

O qeyd edib ki, bu şəraitdə ölkələr arasında ticari-iqtisadi sahədə qarşılıqlı əlaqələrin möhkəmləndirilməsi olduqca önəmlidir:

"Bu hədəflər MDB-nin 2030-cu ilə qədər iqtisadi inkişaf strategiyaları layihəsində yer alıb. Bu layihə bizim ölkələrin iqtisadi mövqelərinin möhkəmləndirilməsinə, mal-məhsulların rəqabətədavamlılığının artırılmasına, sənaye sektorları və xidmət sektorlarının inkişafına, ən əsası isə birlik ölkələrinin sakinlərinin rifahının yaxşılaşmasına yönəlib".

Mişustin, həmçinin vurğulayıb ki, heç də asan olmayan iqtisadi şəraitdə strategiyaların qəbulu bütün ölkələrin ümumi maraqlarındadır: "Şübhəsiz ki, biz birlikdə koronavirusun neqativ nəticələrinin öhdəsindən daha sürətlə gələ bilərik".

4
Əlaqədar
Azərbaycanın koronavirusla bağlı yardım etdiyi ölkələrin adı açıqlandı
"Azərbaycan dünyada koronavirusla mübarizədə fəal rol oynayır" – Məmmədyarov
Prezident İlham Əliyev: "Müasir, qabaqlayıcı vasitələrə ehtiyacımız var"
Elmar Məmmədyarovla Sergey Lavrov telefonla danışdılar