Bluminqtondakı məscidin qarşısında namaz

İslamofobiya əleyhinə mübarizə mərkəz telekanalla məhdudlaşmayacaq

411
(Yenilənib 19:02 05.10.2019)
Türkiyə, Pakistan və Malayziya islamofobiya ilə birgə mübarizə aparmaq üçün ortaq layihəyə başlayıb. Onlar media koordinasiya mərkəzi və ingilisdilli telekanal yaratsalar da, bununla kifayətlənməyəcəklər

BAKI, 5 oktyabr — Sputnik. Türkiyə, Pakistan və Malayziyanın islamofobiya ilə birgə mübarizəsi ingilisdilli telekanalın yaradılması ilə məhdudlaşmayacaq. Sputnik Azərbaycan "Anadolu" agentliyinə istinadla xəbər verir ki, bunu Türkiyə Prezident Administrasiyasının Kommunikasiya idarəsinin rəhbəri Fəxrəddin Altun deyib.

"İslamofobiya ilə mübarizə çərçivəsində bir media koordinasiya mərkəzi və bir televiziya kanalı yaradılacaq. Bu platformada sosial şəbəkələr üçün maarifləndirici video və sənədli filmlər yaradılacaq, xəbər buraxılışları hazırlanacaq", - deyə Altun bildirib.

Onun sözlərinə görə, layihədə qaynar xəttin təşkili, film fondunun yaradılması, sosial şəbəkələrdə kampaniyalar, hesabatların vaxtaşırı hazırlanması və kitabların çapı da nəzərdə tutulur.

"Beləliklə, əslində müştərək ingilisdilli kanalın yaradılması layihəsi islamofobiya ilə mübarizədə yalnız bir istiqamətdir. Bu, sadə məsələ olmadığından, birgə təşəbbüslər bir telekanal yaratmaqla məhdudlaşmayacaq", - deyə Altun bildirib.

İdarə müdiri xatırladıb ki, Türkiyə Prezidenti Rəcəb Tayyib Ərdoğan dəfələrlə islamofobiyanın eynilə antisemitizm kimi insanlığa qarşı cinayət olduğunu vurğulayıb.

"İslamofobiya, sistematik təzahürləri ilə irqçiliyin bir forması, nifrətdən qaynaqlanan cinayətdir. Öz vəzifələrinin öhdəsindən layiqincə gələ bilməyən siyasətçilərin irqçi və islamofob ifadələrə necə müraciət etdiklərinin şahidi oluruq", - Altun deyib.

Onun fikrincə, islamofobiya zorakılığa və terrorizmə gətirib çıxara bilər.

"İslamofobiya haqqında danışarkən biz sadəcə bunun qorxulu olduğunu deməklə kifayətlənməməliyik. Biz düşmənçilik və nifrət cinayətləri haqqında danışırıq. Hal-hazırda ortaq bir televiziya kanalının yaradılması layihəsini İslam və Qərb dünyası arasındakı münasibətləri yaxşılaşdırmaq üçün əhəmiyyətli bir fürsət olaraq qiymətləndiririk", - deyə Türkiyə Prezident Administrasiyasının idarə müdiri əlavə edib.

Qeyd edək ki, bir qədər əvvəl, Türkiyə, Pakistan və Malayziya islamofobiya ilə mübarizə məqsədilə ingilisdilli bir kanal yaratmaq qərarına gəlib. Kanalın məqsədi İslam dünyasının qarşılaşdığı problemlərlə və İslam haqqında yanlış təsəvvürlərlə mübarizə aparmaqdır.

411
Teqlər:
Malayziya, Pakistan, Türkiyə, telekanal, islamofobiya, islam
Əlaqədar
Azər Həsrət: “Avropa kimisə cəzalandırmaq istəyəndə müsəlmanları hədəf göstərir”
Deputat: On minlərlə qadın imamzadələrdə, pirlərdə gününü keçirir
"Dünya artıq gül bağçası deyil, ən çətin dövrü yaşayırıq" – Ankara etiraf etdi
Politoloq: “İslamofobiya qlobal savaşa gətirib çıxara bilər”
Şarl Mişel, arxiv şəkli

Şarl Mişel İlham Əliyevə zəng vurub: "Narahatıq"

30
(Yenilənib 19:47 30.09.2020)
Avropa İttifaqı Şurasının Prezidenti Şarl Mişel təmas xəttində hərbi əməliyyatların başlamasından narahatlığını ifadə edib və münaqişənin sülh yolu ilə nizamlanmasının zəruri olduğunu bildirib.

BAKI, 30 sentyabr — Sputnik. Sentyabrın 30-da Avropa İttifaqı Şurasının Prezidenti Şarl Mişel Azərbaycan Respublikasının Prezidenti İlham Əliyevə telefonla zəng edib.

Sputnik Azərbaycan Azərbaycan Prezidentinin Mətbuat Xidmətinə istinadla xəbər verir ki, Avropa İttifaqı Şurasının Prezidenti Şarl Mişel təmas xəttində hərbi əməliyyatların başlamasından narahatlığını ifadə edib və münaqişənin sülh yolu ilə nizamlanmasının zəruri olduğunu bildirib.

Dövlətimizin başçısı Ermənistanın Azərbaycana qarşı törətdiyi və bu gün də davam edən növbəti hərbi təxribatı ilə bağlı vəziyyət barədə məlumat verərək qeyd edib ki, sentyabrın 27-də Ermənistan tərəfinin qoşunların təmas xətti boyu yaşayış məntəqələrimizi, hərbi birləşmələrimizin mövqelərini ağır artilleriya qurğularından atəşə tutması nəticəsində 14 mülki şəxsimiz və hərbi qulluqçularımız həlak olublar.

Prezident İlham Əliyev bildirib ki, Azərbaycan Ordusu buna cavab olaraq əks-hücum əməliyyatları həyata keçirir. Azərbaycan Prezidenti qeyd edib ki, Ermənistan rəhbərliyi şüurlu şəkildə danışıqlar prosesini pozur. Belə ki, Ermənistan baş nazirinin "Dağlıq Qarabağ Ermənistandır" bəyanatı danışıqlar prosesinə ciddi zərbə vurub. "Azərbaycan Dağlıq Qarabağla danışıqlar aparmalıdır" bəyanatı isə danışıqlar formatının dəyişdirilməsi cəhdidir ki, bu da qəbuledilməzdir və Minsk qrupunun rəhbərliyi də bunu bildirib.

Dövlətimizin başçısı vurğulayıb ki, Ermənistan Azərbaycanın işğal olunmuş ərazilərinə başqa ölkələrdən xarici vətəndaşların qanunsuz məskunlaşmasını həyata keçirir ki, bu da Cenevrə Konvensiyasına görə beynəlxalq hüququn ciddi pozulmasıdır, hərbi cinayətdir. Prezident İlham Əliyev bildirib ki, Ermənistan baş naziri hələ sentyabrın 27-si hərbi toqquşmalar baş verməzdən əvvəl on minlərlə könüllüdən ibarət hərbi birləşmələrin yaradılması barədə qərar vermişdi. Bu, Ermənistanın növbəti təcavüzə hazırlaşması mənası daşıyırdı.

Dövlətimizin başçısı Ermənistanın hərbi təxribatı ilə bağlı hadisələrin gələcək inkişafına görə məsuliyyətin Ermənistanın siyasi və hərbi rəhbərliyinin üzərinə düşdüyünü bildirib.

30
Almaniya bayrağı Belində parlamentin binası üzərində, arxiv şəkli

Almaniya Türkiyə Rusiyanı Azərbaycan Ermənistana təsir etməyə çağırdı

30
(Yenilənib 19:14 30.09.2020)
Dağlıq Qarabağda münaqişənin dramatik şəkildə gərginləşməsi göstərir ki, dondurulmuş münaqişələri həll edilmiş münaqişələr etmək lazımdır, əks halda, onlar daima gərginləşəcək.

BAKI, 30 sentyabr — Sputnik. Almaniya Ermənistan və Azərbaycan münaqişəsinin uzunmüddətli həlli üçün Rusiya və Türkiyəni Cənubi Qafqazda öz "xüsusi" təsirindən istifadə etməyə çağırır.

Sputnik Azərbaycan RİA Novosti-yə istinadən xəbər verir ki, bunu Almaniya Xarici İşlər Nazirliyinin Dövlət naziri Mixail Rot bildirib.

"Dağlıq Qarabağda münaqişənin dramatik şəkildə gərginləşməsi göstərir ki, dondurulmuş münaqişələri həll edilmiş münaqişələr etmək lazımdır, əks halda, onlar daima gərginləşəcək. Biz Ermənistan və Azərbaycanla, həmçinin region üzrə tərəfdaşlarla sıx əlaqədəyik", - deyə Almaniya Xarici İşlər Nazirliyinin Dövlət naziri bildirib.

O xatırladıb ki, BMT Təhlükəsizlik Şurasının təşəbbüsü ilə döyüşlərə son qoyulması üçün bir qətnamə qəbul edib.

30
Jalə Həsənli, arxiv şəkli

Ermənilərin "özəlləşdirdiyi" aparıcı: Damarlarımda Azərbaycan türkünün qanı axır

0
Jalə Həsənli: "Bizim torpaqlarımızı, yeməklərimizi, musiqimizi özəlləşdirmək istədikləri azmış kimi, indi də məni "özəlləşdirmək" istəyirlər".

Şahpəri Abbasova, Sputnik Azərbaycan

BAKI, 30 sentyabr — Sputnik. Ermənistanın informasiya müharibəsi qəribə məcrada davam edir. Sputnik Azərbaycan xəbər verir ki, ermənilərin sosial şəbəkələrdə yayılan daha bir "fake" məlumatında bir neçə gün öncə xalqımıza cəbhədən gələn sevindirici qələbə xəbərini çatdıran İTV-nin xəbər aparıcısı Jalə Həsənlinin Ermənistanın İctimai televiziyasının aparıcısı olduğu irəli sürülüb.

Fake məlumatda bildirilib ki, "erməni aparıcı" Qarabağ ətrafındakı münaqişə zamanı ölənlərin siyahısını oxuyarkən göz yaşlarına hakim ola bilməyib. Məsələ ilə bağlı İTV-nin xəbər aparıcısı Jalə Həsənli Sputnik Azərbaycan-a açıqlamasında ermənilər tərəfindən "özəlləşdirilməsini" belə ifadə edib:

"Abırsızlığın, üzsüzlüyün son həddidir bu. Bizim torpaqlarımızı, yeməklərimizi, musiqimizi özəlləşdirmək istədikləri azmış kimi, indi də məni "özəlləşdirmək" istəyirlər. Heç nəyi olmayan bədbəxt millətdir, təəccüblənmirəm. Mənim damarlarımda Azərbaycan türkünün qanı axır. Bu qanı daşımaq, azərbaycanlı olmaq bir şərəfdir!"

Bildirək ki, sosial şəbəkələrdə Jalə Həsənlinin "erməni" kimi təqdimatı yumorla qarşılanıb.

Qeyd edək ki, Azərbaycanın İctimai televiziyasının aparıcısı Jalə Həsənli işğal altındakı bir sıra strateji yüksəkliklər, kəndlərin düşməndən azad olunması xəbərini izləyicilərə çatdırarkən göz yaşlarını saxlaya bilməyib.

0