Tehran şəhəri, arxiv şəkli

İrana qarşı yeni ittiham: Rusiya ilə eyni "günahı" işləyib

23
(Yenilənib 20:56 05.10.2019)
"Bu yaxınlarda biz İrandan gəldiyi və İran hökuməti ilə əlaqəli olduğuna inandığımız "Fosfor" adlandırdığımız təhlükəli haker qrupuna aid əhəmiyyətli kiber fəaliyyətlər müşahidə etdik"

BAKI, 5 oktyabr — Sputnik. ABŞ-ın texnologiya nəhəngi "Microsoft" İranı ittiham edib.

Sputnik Azərbaycan "Haber7"yə istinadla xəbər verir ki, şirkət İrandan idarəolunan haker hücumları ilə bağlı açıqlama verib.

Açıqlamada deyilir ki, İrandan idarəolunan minlərlə haker hücumları 2020-ci ildə ABŞ-da keçiriləcək prezident seçkilərinə yönəlib: "Bu yaxınlarda biz İrandan gəldiyi və İran hökuməti ilə əlaqəli olduğuna inandığımız "Fosfor" adlandırdığımız təhlükəli haker qrupuna aid əhəmiyyətli kiber fəaliyyətlər müşahidə etdik".

Məlumata görə, bu ilin avqust-sentyabr aylarında "Fosfor" haker qrupu "Microsoft" istifadəçilərinin e-poçt hesablarını müəyyən etmək üçün 2 min 700-dən çox cəhd edib, 241 e-poçt hesabına isə hücum edib.

Şirkət bildirir ki, haker hücumlarında hədəf hesablar ABŞ Prezidentinin təbliğat-təşviqat kampaniyası, ABŞ-ın indiki və keçmiş hökumət rəsmiləri, qlobal siyasətlə maraqlanan jurnalistlər və İrandan kənarda yaşayan iranlılarla əlaqəli olub.

"Dövlət hücumlarına və demokratik prosesləri pozmaq səylərinə dair getdikcə şəffaf olduğumuzu göstərməyimiz üçün bu məlumatları paylaşırıq. Bu məsələdə daha ayıq davranılmalı və təhlükəsizlik üçün lazımi addımlar atılmalıdır", - deyə açıqlamada bildirilib.

Qeyd edək ki, 2016-cı ildə ABŞ-da keçirilən prezident seçkilərinə Rusiyanın müdaxilə iddiaları uzun müddət ölkənin gündəmini zəbt etmiş və bu məsələ Donald Tramp hökuməti ilə demokratlar arasında qızğın müzakirələrə səbəb olmuşdu.

23
Teqlər:
ittiham, Rusiya, seçkilər, prezident, ABŞ, İran, kiberhücum
Əlaqədar
"Telegram" və "WhatsApp" istifadəçiləri, ehtiyatlı olun: yeni casus proqramı peyda olub
Putinin canlı yayımına kiberhücumlar oldu
İran indi də ABŞ-ın gizli döyüşçüləri ilə vuruşur
Ehtiyatlı olun: "Kaspersky Lab" fişinq hücumların artması barədə xəbərdarlıq edir
Здание Конгресса США, фото из архива

Amerika Senatı Rusiyaya qarşı növbəti sanksiyaların tətbiqini tələb edib

7
(Yenilənib 08:27 23.10.2020)
Senatorlar dövlət katibi Mayk Pompeo və Maliyyə katibi Stefan Mnuçini rusiyalı bloger Aleksey Navalnının zəhərlənməsi ilə əlaqədar yaranmış vəziyyətə görə Rusiyaya qarşı sanksiya tətbiq etməyə çağırıb.

BAKI, 23 oktyabr - Sputnik. ABŞ-ın bir neçə senatoru dövlət katibi Mayk Pompeo və Maliyyə katibi Stefan Mnuçinə məktub ünvanlayıblar. Məktub rusiyalı bloger Aleksey Navalnının zəhərlənməsi ilə əlaqədar yaranmış vəziyyətə görə Rusiyaya qarşı sanksiya çağırışlarını özündə əks etdirir. 

Sputnik Azərbaycan RİA Novosti-yə istinadla xəbər verir ki, bu barədə “Bloomberg” nəşri məlumat yayıb. 

Məktubu Demokratlardan Ben Kardin, Dik Durbin, Kris Kuns, Respublikaçılardan isə Mitt Romni, Marko Rubio və Rojer Uiker imzalayıb. 

7
Vaşinqtonda Ağ Ev, arxiv şəkli

ABŞ İrana qarşı sanksiyalar siyahısını genişləndirib

14
Federal siyahıda İranın İslam İnqilabı Keşikçiləri Korpusu ilə əməkdaşlıqda şübhəli bilinən bir sıra təşkilatların adları yer alıb.

BAKI, 23 oktyabr - Sputnik. Amerika Birləşmiş Ştatları İrana qarşı sanksiyalar siyahısını genişləndirib.

Sputnik Aərbaycan xəbər verir ki, bu barədə ABŞ-ın Maliyyə Nazirliyi məlumat yayıb. 

Federal siyahıda İranın İslam İnqilabı Keşikçiləri Korpusu ilə əməkdaşlıqda şübhəli bilinən bir sıra təşkilatların adları yer alıb. Sanksiyalar o cümlədən İranın İraqdakı səfiri İrac Masjediyə də şamil edilib. 

Maliyyə Nazirliyinin bəyanatında qeyd olunur ki, İranın rəsmi qurumları Birləşmiş Ştatlarda "demokratik prosesi dağıtmaq" məqsədi ilə KİV adı altında maskalanır.

14

Fikrət Sadıxov: “Ermənistan münaqişənin dinc yolla həllini başa düşmədi”

0
(Yenilənib 08:28 23.10.2020)
Politoloq Fikrət Sadıxov deyir ki, baza prinsiplərində Azərbaycanın 7 rayonundan işğalçı Ermənistan qoşunlarının çıxarılması, məcburi köçkünlərin öz yurd-yuvalarına qayıtması nəzərdə tutulur
Fikrət Sadıxov: “Azərbaycan artıq status-kvonu qəbul etmir”

“Baza prinsiplərinə gəldikdə, orada hər şey aydın şəkildə yazılıb. Azərbaycanın işğal olunmuş rayonlarının mərhələli şəkildə azad edilməsi nəzərdə tutulur”. Bunu Azərbaycan Respublikasının prezidenti İlham Əliyev “Rossiya Seqodnya" Beynəlxalq İnformasiya Agentliyinin Baş direktoru Dmitri Kiselyova müsahibəsində deyib.

Politoloq Fikrət Sadıxov Sputnik Azərbaycan-a deyir ki, Azərbaycan uzun illər danışıqlar masasında münaqişənin həlli üçün çalışıb:

“Münaqişənin həlli üçün təqdim olunan baza prinsiplərində Azərbaycanın 7 rayonundan işğalçı Ermənistan qoşunlarının çıxarılması, məcburi köçkünlərin öz yurd-yuvalarına qayıtması nəzərdə tutulur. Amma Ermənistan aşkar şəkildə bundan imtina etdi. Ermənistan hakimiyyəti seperatçı rejimi danışıqlar masasında görmək istəyirdi. Ancaq bu, Azərbaycan üçün qəbuledilməz idi. Münaqişənin həlli prosesi hərbi müstəviyə keçib və Azərbaycan artıq status-kvonu qəbul etmir. Ermənistan münaqişənin dinc yolla həllini başa düşmədi. Azərbaycan torpaqlarının işğal altında qalması ilə razılaşmayacaq”.

Qeyd edək ki, sentyabrın 27-də Ermənistan silahlı qüvvələrinin cəbhə xətti zonasında yerləşən Azərbaycan Ordusunun mövqelərini və yaşayış məntəqələrimizi növbəti dəfə intensiv atəşə tutmasına və təcavüzkar əməllərini davam etdirməsinə cavab olaraq Silahlı Qüvvələrimiz Ali Baş Komandanın əmri ilə düşmənə qarşı indiyədək misli görünməmiş əks hücum əməliyyatına başlayıb.

Fikrət Sadıxovun geniş şərhinə audiofaylda qulaq asa bilərsiniz

0