S-400, arxiv şəkli

Daha bir ölkə ABŞ-la açıq qarşıdurmaya gedir

43
Ötən il Rusiya və Hindistan 5 "S-400" batareyasının tədarükünə dair 5,3 milyard dollarlıq razılaşma imzalayıblar. Bu razılaşmadan narahat olan Birləşmiş Ştatlar Nyu-Dehliyə sanksiyalar tətbiq etməklə hədələyib

BAKI, 2 oktyabr — Sputnik. Birləşmiş Ştatlar hansı ölkəyə nəyi alıb, ala bilməyəcəyini deyə bilməz. Sputnik Türkiyə xəbər verir ki, bunu Hindistanın Xarici İşlər naziri Subrahmanyam Caişankar Rusiyadan "S-400" zenit raket komplekslərinin alınmasına dair Vaşinqtondan gələn çağırışlara münasibət bildirərkən qeyd edib.

"Hər zaman hərbi təchizata dair tədarükçü seçimimizin öz haqqımız olduğunu dilə gətiririk. Biz hər hansı bir ölkənin Rusiyadan nəyi alıb, ala bilməyəcəyimizi söyləməsini istəmədiyimiz kimi, Birləşmiş Ştatların da nəyi alıb, ala bilməyəcəyimizi söyləməsini də istəmirik. Bu bizim seçim haqqımızdır və buna hörmət edilməsinin hər kəsin marağına uyğun olacağını düşünürük", - deyə Subrahmanyam Caişankar bildirib.

Qeyd edək ki, ötən il Rusiya və Hindistan 5 "S-400" batareyasının tədarükünə dair 5,3 milyard dollarlıq razılaşma imzalayıblar.

Bu razılaşmadan narahat olan Birləşmiş Ştatlar Nyu-Dehliyi sanksiyalar tətbiq etməklə hədələyib.

43
Министр молодежи и спорта Азад Рагимов

Gənclər İdman naziri Azad Rəhimovdan xəbər var

2
Presviterian Veyl Kornell Hospitalın nümayəndəsi "Report"a açıqlamasında A.Rəhimovun bu hospitalda müalicə olunduğunu və başqa xəstəxanaya köçürüldüyünü təsdiqləyib.

BAKI, 23 yanvar - Sputnik. Səhhətində problemlər yaranan Azərbaycanın gənclər və idman naziri Azad Rəhimov hazırda ABŞ xəstəxanalarının birində müalicə olunur.

"Report" xəbər verir ki, nazir əvvəlcə Nyu-Yorkun Presviterian Veyl Kornell Hospitalına yerləşdirilib.

Ancaq həmin xəstəxanada aparılan müalicə nəticə verməyib və A.Rəhimovun durumu daha da ağırlaşıb. Bu səbəbdən nazir bir müddət əvvəl onkoloji xəstələrin müalicə olunduğu başqa bir hospitala köçürülüb.

Presviterian Veyl Kornell Hospitalın nümayəndəsi "Report"a açıqlamasında A.Rəhimovun bu hospitalda müalicə olunduğunu və başqa xəstəxanaya köçürüldüyünü təsdiqləyib.

Qeyd edək ki, Azad Rəhimov 1964-cü ildə Bakıda doğulub. O, 2006-cı ildə gənclər və idman naziri təyin edilib.

2
 Donald və Melaniya Tramp, arxiv şəkli

Tramp seçkilərin nəticəsini dəyişmək üçün naziri işdən qovmaq istəyirmiş

7
Mənbənin bildirdiyinə görə, Ədliyyə nazirliyinin işçilərinin Rozenin kənarlaşdırılacağı təqdirdə kütləvi surətdə istefa vermək istəyi Trampı niyyətindən daşındırıb.

BAKI, 23 yanvar - Sputnik. ABŞ-ın keçmiş prezidenti Donald Tramp vəzifədə olduğu son həftələr ərzində Corciya ştatında prezident seçkilərinin nəticələrini dəyişmək üçün ədliyyə naziri vəzifəsini icra edən şəxsi daha loyal biri ilə əvəz etmək istəyirmiş. Bu barədə New York Times öz mənbələrinə istinadən xəbər verir.

Qəzetin məlumatna əsasən, Ədliyyə nazirliyinin işçilərindən biri olan Ceffri Klark Trampla birlikdə Ceffri Rozenin ədliyyə naziri vəzifəsini icra edən postundan kənarlaşdırılması barədə plan hazırlayıb. Planın səbəbi Rozenin Corciya ştatındakı seçki nəticələrini dəyişmək üçün Trampın xahişlərinə rədd cavabı verməsi imiş.

Mənbənin bildirdiyinə görə, Ədliyyə nazirliyinin işçilərinin Rozenin kənarlaşdırılacağı təqdirdə kütləvi surətdə istefa vermək istəyi Trampı niyyətindən daşındırıb. Öz növbəsində Ceffri Klark belə bir planda iştirakını təkzib edib. Tramp isə şərh verməkdən imtina edib.

Ötən ilin noyabr ayında keçirilmiş seçkilərdən sonra Tramp qalib gəldiyini bildirərək, seçkilərinin nəticəsini məhkəmə yolu ilə dəyişmək istəyib. Lakin seçənlər Co Baydeni prezident elan ediblər. Co Baydenin andiçməsi yanvarın 20-də keçirilib.

7