Böyük Britaniyanın Baş naziri Boris Conson, arxiv şəkli

"Mini-Tramp"ı da impiçmentlə hədələyirlər

40
(Yenilənib 18:28 29.09.2019)
Əgər İcmalar Palatası bu prosedurun başlanmasının lehinə səs verərsə, o zaman Baş naziri məhkəmə çəkişməsi gözləyir

BAKI, 29 sentyabr — Sputnik. Böyük Britaniyanın müxalifət partiyaları ölkənin Baş naziri Boris Consona qarşı impiçment proseduruna başlanması imkanını müzakirə edirlər.

Sputnik Azərbaycan bildirir ki, bu barədə Sunday Times yazır.

Sentyabrın 24-də Böyük Britaniyanın Ali Məhkəməsi Consonun parlamentin işini dayandırması cəhdini qeyri-qanuni elan edib. Bu səbəbdən də ölkə tarixi üçün nadir olan hadisə müxalifətçilərin müzakirə mövzusuna çevrilib.

Nəşr yazır ki, impiçment təklifi partiyaların cümə axşamı baş tutan görüşündə Uels Partiyası tərəfindən irəli sürülüb və artıq gələn həftə müzakirəyə çıxarıla bilər. Əgər İcmalar Palatası bu prosedurun başlanmasının lehinə səs verərsə, o zaman Baş naziri məhkəmə çəkişməsi gözləyir. İmpiçmentdən savayı, müxalifət Consona qarşı parlamentdə işləməyə qadağa, intizam cəzaları, maaşın azaldılması kimi tədbirləri də nəzərdən keçirir.

Böyük Britaniyada impiçmentə sonuncu cəhd 1848-ci ildə olub. Həmin vaxt ölkənin Xarici işlər naziri Henri Palmerstonu Rusiya ilə gizli müqavilə bağlamaqda ittiham etmişdilər. İndiyədək Böyük Britaniyada hələ heç bir baş nazir impiçment yolu ilə vəzifəsindən kənarlaşdırılmayıb. Amma vaxtilə Boris Conson özü ovaxtkı Baş nazir Toni Blerə qarşı eyni prosedurun keçirilməsini təklif etmişdi.

Xatırladaq ki, Boris Consonun xasiyyəti və xarici görünüşünə görə bənzədildiyi ABŞ Prezidenti Donald Trampa qarşı ABŞ Konqresinin Nümayəndələr Palatası artıq impiçment proseduruna başlayıb.

40
Teqlər:
müxalifət, parlament, Boris Conson, impiçment, Baş nazir, Böyük Britaniya
Əlaqədar
Tramp yeni baş naziri təbrik etdi: "Möhtəşəm olacaq! "
Dünyanı idarə edəcək iki dəlisov sarışın
Politoloq Britaniyanın yeni Baş naziri haqda: "Brexit" davam edəcək
Britaniya parlamenti işini dayandırır
Netanyahu ölmüş prezidenti "diriltdi"
BMT Təhlükəsizlik Şurasının iclası, arxiv şəkli

BMT Təhlükəsizlik Şurası Dağlıq Qarabağı qapalı şəkildə müzakirə edib - Nəticə...

218
Rusiyalı diplomat müşahidə missiyası ilə ATƏT-nin məşğul ola biləcəyini istisna etməyib, çünki məhz bu təşkilat nizamlanma prosesi ilə məşğuldur.

BAKI, 20 oktyabr - Sputnik. BMT Təhlükəsizlik Şurası Dağlıq Qarabağda atəşkəsə nəzarətin təmin edilməsinin vacibliyini müzakirə edib. Rusiya mətbuatı xəbər verir ki, vu barədə jurnalistlərə Dağlıq Qarabağa dair qapalı iclasın yekunlarından danışan Təhlükəsizlik Şurasında bu ay sədrlik edən RF-nın BMT yanında daimi nümayəndəsi Vladimir Nebenzya məlumat verib.

"İndi atəşkəsə əməl olunmasını təmin etmək vacibdir, bu ən vacib məsələdir, çünki müvafiq razılaşma əldə olunub, lakin ona əməl olunmayıb. Əsas ona əməl olunmasını necə təmin etməkdir" - o bildirib.

"Bu məsələ əlbəttə ki, müzakirə  olunub və Şura yanaşmada kifayət qədər yekdillik nümayış etdirib", - Nebenzya sözünə davam edib. Eyni zamanda o deyib ki, bölgəyə BMT-nin müşahidəçi missiyasının göndərilməsi üçün Təhlükəsizlik Şurasının xüsusi mandatına ehtiyac var.

"Bu tez həyata keçən proses deyil" - diplomat vurğulayıb. "Belə bir məlumatlar var idi ki, Rusiya Müdafiə naziri Azərbaycan və Ermənistandan olan həmkarları ilə bu nəzarətin necə həyata keçirilə bulməsini müzakirə edib" - Nebenzya əlavə edib.

Diplomat müşahidə missiyası ilə ATƏT-nin məşğul ola biləcəyini istisna etməyib, çünki məhz bu təşkilat nizamlanma prosesi ilə məşğuldur. "Orada kim olacaq və hansı statusda hələ müzakirə mərhələsində olan sualdır", - o deyib.

218
Mövzu:
Azərbaycan və Ermənistan arasında müharibə
ABŞ Prezidenti Donald Tramp, arxiv şəkli

Tramp FTB-ni Baydenlə bağlı araşdırma aparmağa çağırıb

9
Tramp Demokratlar partiyasından prezidentliyə namizəd Co Baydenin və onun oğlu Hanterin fəaliyyətinin araşdırılmalı olub-olmamasına dair suala belə cavab verib, ancaq onlardan hansını nəzərdə tutduğunu dəqiqləşdirməyib.

BAKI, 20 oktyabr — Sputnik. ABŞ prezidenti Donald Tramp Federal Təhqiqat Bürosunu prezidentliyə namizəd Cozef Baydenin fəaliyyətini araşdırmağa çağırıb.

APA xəbər verir ki, bu barədə Ağ Evin mətbuat xidmətinə yaxın jurnalistlər bildirib.

“FTB onu araşdırmalıdır. FTB direktoru Kristofer Reyə zəng edib, ondan soruşmalısınız. İlk baxışdan bu qədər çox günahkar olmaq mümkün deyil”, - deyə Amerika lideri deyib.

Qeyd edilir ki, Tramp Demokratlar partiyasından ABŞ prezidentliyinə namizəd Cozef Baydenin və onun oğlu Hanterin fəaliyyətinin araşdırılmalı olub-olmamasına dair suala belə cavab verib, ancaq prezidentin onlardan hansını nəzərdə tutduğu dəqiqləşdirilməyib.

9
Tüfəng, arxiv şəkli

Ağcabədi sakini qardaşı oğlunu güllələdi

0
Faktla bağlı Ağcabədi rayon Prokurorluğunda Cinayət Məcəlləsinin 29, 120.1-ci (qəsdən adam öldürməyə cəhd) maddəsi ilə cinayət işi başlanmış, müvafiq ekspertizalar təyin edilib

BAKI, 20 oktyabr — Sputnik. Oktyabrın 19-da saat 20 radələrində Ağcabədi rayonu, Şənlik kəndi ərazisində kənd sakini Məmmədov Rəfail Həsən oğlunun odlu silahdan açılan atəş nəticəsində çoxsaylı xəsarətlər alması barədə rayon prokurorluğuna məlumat daxil olub.

Bu barədə Sputnik Azərbaycan-a Ağcabədi Prokurorluğundan məlumat verilib.

Bildirilib ki, dərhal prokurorluq əməkdaşları tərəfindən hadisə yerinə baxış keçirilib və digər zəruri prosessual hərəkətlər yerinə yetirilib.

Aparılmış araşdırmalarla zərərçəkmişin əmisi Mamedov Ərəstun Mütəllim oğlunun şəxsi münasibətlər zəminində aralarında yaranan mübahisə zamanı Rəfail Məmmədovu öldürmək məqsədilə kustar üsulla hazırlanan tüfəngdən atəş açaraq qəsdən öldürməyə cəhd etməsinə əsaslı şübhələr müəyyən edilib.

Faktla bağlı Ağcabədi rayon Prokurorluğunda Cinayət Məcəlləsinin 29, 120.1-ci (qəsdən adam öldürməyə cəhd) maddəsi ilə cinayət işi başlanmış, müvafiq ekspertizalar təyin edilib.

Ərəstun Mamedov şübhəli şəxs qismində tutularaq istintaqa cəlb olunub.

Hazırda iş üzrə zəruri istintaq tədbirləri davam etdirilir.

0