Elektrik maşın

Məqsədi insana xidmət etmək olsa da, onu "öldürənlərin" adları açıqlandı

1609
(Yenilənib 22:04 13.09.2019)
Greenpeace ekoloji təşkilatı qlobal istiləşmə prosesinə təsir göstərən iri avtomobil istehsalçıları ilə bağlı hesabatını açıqlayıb

BAKI, 13 sentyabr — Sputnik. Greenpeace ekoloji təşkilatı qlobal istiləşmə prosesinə təsir göstərən iri avtomobil istehsalçıları ilə bağlı hesabatını açıqlayıb. 2018-ci ilin göstəricilərinə görə, təkcə Volkswagen atmosferə bütün Avstraliya sənayesindən çox parnik qazı buraxır. Ümumilikdə isə planetin çirklənməsində avtomobillərin payı 10 faiz təşkil edir.

Sputnik Azərbaycan xarici mediaya istinadla xəbər verir ki, Greenpeace təşkilatının hesabatı 2017-2018-ci illərdə 12 ən böyük avtomobil istehsalçısının ətraf mühitə təsirini və zərərli tullantıların miqdarını nəzərdən keçirir. Burada həmçinin sənayenin "ciddi ekoloji fəlakətin təsiri altında tranformasiya"nı da arzu etmədiyi göstərilir.

Ekoloqlar hibridlərə keçidi işin yarısı hesab edirlər. Bildirirlər ki, yaranmış problemlərin adekvat həlli mümkün deyil. Onlar 2028-ci ilədək qalıq yanacaqlarla (hidrokarbon ehtiva edən kömür, neft və təbii qaz kimi təbii enerji qaynaqları) işləyən maşınlardan tamamilə imtinana təklif edirlər. Qeyd edirlər ki, eyni zamanda tıxac problemi də həllini tapmalıdır.

Greenpeace şirkətlərə avtomobillərin sadə istehsalından tıxacı azaltmağa kömək edəcək mobil həllərin yaradılmasına keçməyi, eyni zamanda karşerinq (carsharing - avtomobil kirayəsinin bir növü) operatoru kimi fəaliyyət göstərməyi təklif edir.

Greenpeace-in sözlərinə görə, iri avtokonsernlər sərt ekoloji standartları kəskin tənqid edir və "avtomobil sahibi olmaq" ideyasını təbliğ etməyə davam edirlər. Belə bir biznes modeli köklü şəkildə yenidən nəzərdən keçirilməlidir: brendlər fərdi istifadə imkanlarını minimuma endirəcək şəkildə hazırlanacaq yüngül, yığcam və enerjiyə qənaət edən nəqliyyat vasitələrinin istehsalına diqqət yetirməlidirlər.

Eyni zamanda, hesabatda göstərilir ki, avtomobil sənayesi bütün dünya üzrə istixana qazlarının ümumi həcminin doqquz faizini (2018-ci ilin məlumatı) atmosferə atır.

Antireytinqin lideri Volkswagendir (582 milyon ton CO₂ ekvivalenti). Onu Renault-Nissan (577 milyon), Toyota (562 milyon), General Motors (530 milyon), Hyundai-Kia (401 milyon) izləyir. Siyahını 132, 161 və 164 miyon ton CO₂ ekvivalenti ilə BMW, Daimler və Suzuki tamamlayır.

1609

Manas Ata Dədə Qorqudun ruhu sizə kömək olsun - Qırğız ziyalılar İlham Əliyevə dua etdi

16
(Yenilənib 01:31 27.10.2020)
Qırğız ziyalılardan İlham Əliyevə dəstək: "Azərbaycan bizə türk xalqlarının totem quşunu - havaya qalxarkən qanadından yaralanan azadlıqsevər qızıl qartalı xatırladır".

BAKI, 27 oktyabr — Sputnik. "Biz, Aytmatov Əskər Çingizoviç, Osmanaliyev Kayrat Mederbekoviç, əsas vəzifəsi qırğız və türk yazıçısı Çingiz Aytmatovun yaradıcılıq və mənəvi irsinin qorunub saxlanılması və təbliği, onun humanist ideallarının təşviqi olan “Ç.Aytmatov adına Beynəlxalq İssık-Kul Forumu” İctimai Birliyinin üzvləriyik".

Sputnik Azərbaycan-ın məlumatına görə, "Çingiz Aytmatov adına Beynəlxalq İssık-Kul Forumu" İctimai Birliyinin üzvlərinin Azərbaycan Prezidenti İlham Əliyevə ünvanladığı məktub bu sətirlə başlayır.

Məktubda daha sonra deyilir:

"Biz qürur duyuruq ki, Çingiz Aytmatovun kitabları qardaş Azərbaycanda çox oxunur və sevilir, Azərbaycan xalqı onu öz yazıçısı kimi qəbul edir.

Biz ölkənizin inkişaf edən bir dövlət qurmaq istiqamətində qazandığı uğurlara, dünya miqyasında malik olduğu nüfuza sevinirik.

Bununla yanaşı, hər zaman azərbaycanlı qardaşlarımızın uzun müddətdir sağalmayan yarası - işğal olunmuş Dağlıq Qarabağ problemi ilə bağlı ağrı-acısını bölüşmüşük.

Azərbaycan bizə türk xalqlarının totem quşunu - havaya qalxarkən qanadından yaralanan azadlıqsevər qızıl qartalı xatırladır. Qızıl qartal havada qürurla yeni üfüqlərə doğru uçur, lakin yaralı qanad ona daha yüksəklərə qalxmağa və uçmağa imkan vermir.

İndi Qarabağda müharibə gedir və bütün dünya hərbi əməliyyatların gedişini narahatlıqla izləyir.

Azərbaycan Ordusu yüksək döyüş ruhu, döyüş qabiliyyəti və qalib gəlmək əzmi nümayiş etdirir.

Böyük Lev Tolstoyun və Çingiz Aytmatovun ardınca müharibənin insan zəkasına və mahiyyətinə zidd fenomen olduğuna əminik. Ancaq bəzən xalq belə bir addım atmağa məcbur olur. Vətəninə, torpağına məhəbbət - bu müqəddəs hiss hər bir xalqa instinktiv səviyyədə xasdır.

Azərbaycanlılar üçün Qarabağ onları birləşdirən milli meqafikrə, müstəqil dövlət olaraq yetkinlik və məsuliyyət imtahanına, ölkəsinin suverenliyini və ərazi bütövlüyünü qorumaq əzminə çevrildi.

Uca Allahdan döyüş əməliyyatlarının ən qısa müddətdə bitməsini, danışıqlar prosesinin bərpa edilməsini və Qarabağın Azərbaycanın ayrılmaz hissəsi olduğu dərk edilərək problemin sülh yolu ilə həll olunmasını diləyirik.

Hər hansı müharibə, xüsusilə mülki əhaliyə qarşı bəşəriyyətin əsrlər boyu yaşadığı acı təcrübə əsasında aparılan müharibə qaydalara məhəl qoyulmadığı zaman qəddarlıq və insanlıqdan kənar nəticələrə gətirib çıxarır.

Müharibə cinayətlərinin bilərəkdən və soyuqqanlılıqla törədilməsi, Ermənistan ordusunun cəbhə xəttindən çox uzaqda yerləşən sülhsevər Azərbaycan şəhərlərini qəsdən bombalaması faciəvidir və dərindən pislənilməlidir. Uşaqlar da daxil olmaqla mülki şəxslərin qurban olması çox təəssüf doğurur.

Cənab Prezident, Sizə və bu hücumlar nəticəsində həlak olanların yaxınlarına dərin hüznlə başsağlığı veririk. Yerləri cənnət olsun. Bütün yaralıların tezliklə sağalmalarını arzu edirik.

Əminik ki, bu cür çirkin hərəkətlər Azərbaycan Ordusunun döyüş ruhunu qıra bilməyəcək, Azərbaycan xalqını qorxutmayacaq, müharibənin gedişini öz xeyrinə dəyişə bilməyəcək, əgər bu qeyri-insani hərəkətlərin məqsədi belə idisə.

Cənab Prezident, Siz dahi atanız və bütün Azərbaycan xalqının atası - Heydər Əliyevin işlərinin layiqli davamçısısınız.

İndi Azərbaycan xalqının qarşınıza qoyduğu tarixi vəzifənin - ölkənin ərazi bütövlüyünün bərpası üçün həlledici andır. Əminik ki, müdrik və uzaqgörən lider olaraq, bu missiyanı qardaş Azərbaycan xalqı naminə, bölgədə və dünyada sülhün və sabitliyin qorunması naminə, beynəlxalq hüquq və sivil vasitələr çərçivəsində danışıqlar yolu ilə layiqincə yerinə yetirməkdə uğur qazanacaqsınız. Ulu əcdadlarımız Manas Ata və Dədə Qorqudun ruhu bu nəcib işdə sizə kömək olsun".

16
Türkiyənin Hatay vilayətində İsgenderun rayon mərkəzində terror aktı

Türkiyədə terror aktı törədilib - partlayış anının dəhşət saçan görüntüləri

63
(Yenilənib 23:45 26.10.2020)
Türkiyənin Hatay vilayətinin İsgəndərun rayonunun mərkəzində yerləşən Fənər prospektində güclü partlayış baş verib.

BAKI, 26 oktyabr — Sputnik. Türkiyənin Hatay vilayətinin İsgəndərun rayonunun mərkəzində yerləşən Fənər prospektində güclü partlayış baş verib.

Sputnik Türkiyə xəbər verir ki, bu barədə Hatay valisi Rahmi Doğan məlumat yayıb.

Vali deyib ki, İsgəndərunun mərkəzində Fənər küçəsində yerli vaxtla 20.30-da iki terrorçudan biri öz üzərinə bağladığı partlayıcı ilə birgə partlayış törədib və o, zərərsizləşdirilib. Digər terrorçunun isə axtarışı davam edir.

Hadisə yerinə çox sayda təhlükəsizlik, səhiyyə, fövqəladə hallar və hüquq-mühafizə işçiləri cəlb edilib.

Vali partlayışda ölənlərin olmadığını deyib. Hadisə zamanı biri polis olmaqla 3 nəfərin yaralandığı bildirilir.

63